Xorazm viloyati davlat xizmatlari yangiliklari

Xiva tumanida xorijiy korxonalar soni yana bittaga ko'paydi.

Xiva tuman Davlat xizmatlari markazida rossiyalik investor ishtirokida “KHIVA GK TEXTILE” Masʻuliyati cheklangan jamiyat Xorijiy Korxona davlat roʻyxatidan oʻtdi.

Xorijiy Korxona tomonidan to‘qimachilik mahsulotlari ishlab chiqarish zavodini tashkil qilish uchun dastlab 10 milliard so'm miqdorida investitsiya kiritilishi ko'zda tutilgan.

🔹Xorazm viloyatida Urganch davlat pedagogika instituti ochildi.

O‘zbekiston Respublikasi Prezidentining “Pedagogik ta’lim sifatini oshirish va pedagog kadrlar tayyorlovchi oliy
ta’lim muassasalari faoliyatini yanada rivojlantirish chora-tadbirlari to'g'risida"gi PQ-289-sonli Qaroriga asosan, Urganch davlat pedagogika instituti Urganch shahar Davlat xizmatlari markazi tomonidan davlat ro‘yxatidan o‘tkazildi.

Qo'shko'pir tumanida hindistonlik investor ishtirokida qoʻshma korxona davlat ro'yxatidan o'tdi.

Qo'shko'pir tuman Davlat xizmatlari markazida davlat roʻyxatidan oʻtgan “LUMINA BLOOM” Masʻuliyati cheklangan jamiyat Qoʻshma korxonasi tomonidan sabzavotlar yetishtirish yo'nalishi boʻyicha xizmat koʻrsatish uchun dastlab 1 milliard so'm miqdorida investitsiya kiritilishi ko'zda tutilgan.

Xorazm viloyat adliya boshqarmasida O`zbekiston Respublikasi Adliya vazirligining xodimlaridan iborat ishchi guruh ishtirokida davlat xizmatlari ko`rsatilishida yuzaga kelayotgan masalalar va ularni hal qilishga qaratilgan davra suhbati bo'lib otdi.

Tadbir davlat xizmatlari ko`rsatilish sifati, onlayn navbatlar, Yagona interaktiv davlat xizmatlari portalidan foydalanish va boshqa masalalar muhokamasiga bag'ishlandi.