ស្នងការដ្ឋាននគរបាលខេត្តត្បូងឃ្មុំ Commissariat of Tboung Khmum Police

ត្បូងឃ្មុំ ៖ ព្រឹក ថ្ងៃទី២៧ ខែមេសា ឆ្នាំ២០២៦ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ អញ្ជើញចូលរួម ពិធីសម្ពោធឆ្លងឧបដ្ឋានសាលា កុដិ សាបបេតុង របងខ្លោងទ្វារ និងសមិទ្ធ ផលនានាក្នុងវត្តសិរីគង្គា (បឹងព្រួល) ក្រោមអធិបតីភាព ឯកឧត្តម ប៉ែន កុសល្យ អភិបាល នៃគណៈអភិបាលខេត្ត។
ស្ថិតនៅភូមិទួលកំពតទី១ ឃុំបឹងព្រួល ស្រុកត្បូងឃ្មុំ ខេត្តត្បូងឃ្មុំ ។

#លោកឧត្តមសេនីយ៍ស្នងការ សូមថ្លែងអំណរអរគុណដល់ កម្លាំងនគរបាលជាតិ ក្នុងការការពារសន្តិសុខ សុវត្ថិភាព សណ្តាប់ធ្នាប់សាធារណៈ ពិធី "ជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តត្បូងឃ្មុំ ក្រោមអធិបតីដ៏ខ្ពង់ខ្ពស់បំផុត សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ" ទទួលបានសុខសុវត្ថិភាព១០០%
#ខេត្តត្បូងឃ្មុំ៖ នៅថ្ងៃអាទិត្យ ទី២៦ ខែមេសា ឆ្នាំ២០២៦
លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ សូមថ្លែងអំណរអរគុណយ៉ាងជ្រាលជ្រៅដល់ កម្លាំងនគរបាលជាតិ នៃស្នងការដ្ឋាននគរបាលខេត្តត្បូងឃ្មុំ ក្នុងការថែរក្សាការពារ សន្តិសុខ សុវត្ថិភាព រៀបចំសណ្តាប់ធ្នាប់សាធារណៈ ក្នុងពិធី ជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តត្បូងឃ្មុំ ក្រោមអធិបតីដ៏ខ្ពង់ខ្ពស់បំផុត សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ និង ប្រមុខថ្នាក់ដឹកនាំ បងប្អូនប្រជាពលរដ្ឋ នៅតាម ទីប្រជុំជន ផ្លូវប្រសព្វ ពាក់ព័ន្ធ នៅក្នុងភូមិសាស្ត្រខេត្តត្បូងឃ្មុំ ទទួលបានសន្តិសុខ សុខសវត្ថិភាព១០០% ។
លោកឧត្តមសេនីយ៍ស្នងការ សូមជូនពរដល់កងកម្លាំងនគរបាលជាតិ និង កម្លាំងពាក់ព័ន្ធ ទទួលបាន នូវពុទ្ធពរទាំងឡាយ បួនប្រការ គឺ អាយុ វណ្ណៈ សុខៈ ពលៈ កុំឃ្លៀងឃ្លាតឡើង ។ 😍🌹🙏🙏🙏
អត្ថបទ និងរូបភាពដោយ ការិយាល័យផ្សព្វផ្សាយអប់រំ ខេត្តត្បូងឃ្មុំ ស្នងការដ្ឋាននគរបាលខេត្តត្បូងឃ្មុំ Commissariat of Tboung Khmum Police

លោកឧត្តមសេនីយ៍ទោ ចិន នី ចាត់តំណាង ចូលរួមពិធីគោរពវិញ្ញណក្ខន្ធ និងបាននាំយកថវិកាសមាគមមិត្តនគរបាលជាតិកម្ពុជា !

ខេត្តត្បូងឃ្មុំ ៖ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្ដម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលដឹកនាំផ្ទាល់ពីលោកឧត្តមសេនីយ៍ទោ ចិន នី ស្នងការនគរបាលខេត្ត នៅថ្ងៃទី២៦ ខែមេសា ឆ្នាំ២០២៦
លោកវរសេនីយ៍ឯក បួន សេងសុពិសិដ្ឋ នាយការិយាល័យបុគ្គលិក និងជាលេខាធិការ ស.ម.ន ខេត្តត្បូងឃ្មុំ និងកម្លាំងអធិការដ្ឋាននគរបាលស្រុកក្រូចឆ្មារ ព្រមទាំងសហការី ចូលរួមពិធីគោរពវិញ្ញណក័្ខន្ធ និងបំពាក់ឋានន្តរសក្តិ ថ្នាក់អនុសេនីយ៍ឯក ជាកិច្ចបច្ឆាមរណៈ ជូនសពលោកអនុសេនីយ៍ទោ ស៊ុន វីរ៉ូត និងបាននាំយកថវិកាសមាគមមិត្តនគរបាលជាតិកម្ពុជា ចំនួន ៦,០០០,០០០ រៀល និងបច្ច័យចូលរួមបុណ្យសព ចំនួន ២,៥០០,០០០ រៀល ដែលបានមកពីការគៀងគររបស់លោកឧត្តមសេនីយ៍ស្នងការ ប្រគល់ជូនលោក ឈ កុសល ត្រូវជាឪពុកបង្កើតសពលោកអនុសេនីយ៍ទោ ស៊ុន វីរ៉ូត នាយរងផ្នែកនគរបាលយុត្តិធម៌ នៃអធិការដ្ឋាននគរបាលស្រុកក្រូចឆ្មារ ដែលបានទទួលមរណភាព កាលពីថ្ងៃទី២៥ ខែមេសា ឆ្នាំ២០២៦ ដោយជំងឺទឹកដក់ក្នុងខួរក្បាល នៅភូមិទី២ ឃុំរកាខ្នុរ ស្រុកក្រូចឆ្មារ ខេត្តត្បូងឃ្មុំ ។

នគរបាលប្រឆាំងបទល្មើសបច្ចេកវិទ្យា ខេត្តត្បូងឃ្មុំ បង្រ្កាបករណីឆបោកក្រោមរូបភាពក្លែងបន្លំជាអ្នកបោះដុំបន្លែផ្លែឈើ និងឆបោកឱ្យផ្ទេរប្រាក់តាមគណនីធនាគារ!

ខេត្តត្បូងឃ្មុំ ៖ ដោយអនុវត្តតាមបញ្ជាដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលដឹកនាំរបស់លោកឧត្តមសេនីយ៍ទោ ចិន នី ស្នងការ នៃស្នងការដ្ឋាននគរបាលខេត្តត្បូងឃ្មុំ និងមានការសម្របសម្រួលដឹកនាំនីតិវិធីពី ឯកឧត្តម​ ព្រះរាជអាជ្ញាអមសាលាដំបូងខេត្តត្បូងឃ្មុំ ការិយាល័យប្រឆាំងបទល្មើសបច្ចេកវិទ្យា បានបើកការស្រាវជ្រាវ និងបង្រ្កាបលើករណីឆបោកក្រោមរូបភាពបន្លំជាអ្នកបោះដុំបន្លែផ្លែឈើ តាមគណនីតេឡេក្រាម និងឆបោកជនរងគ្រោះឱ្យផ្ទេរប្រាក់តាមគណនីធនាគារ ឃាត់ខ្លួនជនសង្ស័យបានចំនួន​ ០១នាក់ ឈ្មោះ ម.ដ.ន ភេទប្រុស ជនជាតិខ្មែរ។ តាមរយៈការស្រាវជ្រាវ សមត្ថកិច្ចកំណត់បានថា ជនសង្ស័យរូបនេះ បានយកគណនីធនាគាររបស់ខ្លួនធ្វើសកម្មភាព ឆបោកជនរងគ្រោះ ដើម្បីទទួលផលពីអំពើទុច្ចរិតខាងលើនេះ។

បច្ចុប្បន្នជនសង្ស័យខាងលើ ត្រូវបានការិយាល័យកសាងសំណុំរឿងបញ្ជូនទៅកាន់អយ្យការអមសាលាដំបូងខេត្តត្បូងឃ្មុំ ដើម្បីបន្តនីតិវិធីតាមផ្លូវច្បាប់។

ស្នងការដ្ឋាននគរបាលខេត្តត្បូងឃ្មុំ សូមក្រើនរំលឹកដល់សាធារណជន សូមមានការប្រុងប្រយ័ត្នពេលធ្វើការទូទាត់ប្រាក់តាមគណនីធនាគារ សូមបញ្ជាក់ និងពិនិត្យអោយបានច្បាស់លាស់ ជៀសវាងមានជនខិលខូចក្លែងបន្លំ ដើម្បីឆបោក ឲ្យផ្ទេរប្រាក់តាមគណនីធនាគារមិនស្គាល់ប្រភពច្បាស់លាស់ ដែលបណ្ដាលឲ្យបាត់បង់ទ្រព្យសម្បត្តិជាយថាហេតុ។

[English Below] សេចក្ដីប្រកាសព័ត៌មាន ស្ដីពីស្ថានភាពពលរដ្ឋភៀសសឹក និងផលប៉ះពាល់លើតំបន់ស៊ីវិល គិតត្រឹមព្រឹកថ្ងៃទី២២ ខែមេសា​​ ឆ្នាំ២០២៦។

Press Release on the Situation of Displaced Persons and Impact on Civilian Areas as of the Morning of 22 April 2026.

🌐H.E. Abhisantibindit Sar Sokha, Deputy Prime Minister, Minister of Interior
🌐Sar Sokha
🌐Join Telegram
🌐YouTube
🌐TikTok
#សសុខា #កម្ពុជា

លោកឧត្តមសេនីយ៍ទោ ចិន នី ដឹកនាំប្រជុំប្រចាំខែមេសា និងលើកទិសដៅបន្ត របស់ស្នងការដ្នាននគរបាលខេត្តត្បូងឃ្មុំ និងប្រគល់ម៉ូតូប្រើប្រាស់ថាមពលអគ្គីសនី ជូនអធិការដ្ឋាននគរបាលក្រុងស្រុក

#ខេត្តត្បូងឃ្មុំ៖ ដោយអនុវត្តតាមបទបញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការននគរបាលជាតិ នៅរសៀលថ្ងៃទី២២ ខែមេសា ឆ្នាំ២០២៦ នៅសាលប្រជុំសេនាធិការដ្ឋាន លោកឧត្តមសេនីយ៍ទោ ចិន នី ស្នងការ នៃស្នងការដ្ឋាននគរបាលខេត្តត្បូងឃ្មុំ បានដឹកនាំកិច្ចប្រជុំបូកសរុបសភាពការណ៍ លទ្ធផលការអនុវត្តការងារនគរបាល និងសហគមន៍ប្រចាំខែមេសា ឆ្នាំ២០២៦ និងលើកទិសដៅបន្ត របស់ស្នងការដ្ឋាននគរបាលខេត្តត្បូងឃ្មុំ ដកបទពិសោធន៍ ផែនការការពារពិធីបុណ្យសង្រ្កានចូលឆ្នាំថ្មី និងផ្សព្វផ្សាយផែនការការពារថ្នាក់ដឹកនាំជាន់ខ្ពស់ កិច្ចប្រជុំមានការចូលរួមពី លោក-លោកស្រី ស្នងការរង នាយការិយាល័យ និងអធិការ នៃអធិការដ្នានគរបាលក្រុង-ស្រុកទាំង៧ មេបញ្ជាការវរសេនាតូចនគរបាលការពារព្រំដែនគោកលេខ៦១៥ និងលេខ៦១៧ និងមន្ត្រីពាក់ព័ន្ធ ។
ក្នុងកិច្ចប្រជុំលោកឧត្តមសេនីយ៍ទោស្នងការ បានមានប្រសាសន៍ណែនាំដល់ កម្លាំងនគរបាលគ្រប់ជំនាញ អធិការដ្ឋាន និងនគរបាលការពារព្រំដែន ត្រូវបន្តបង្កើនការយកចិត្តទុកដាក់ក្នុងការថែរក្សា ការពារសន្តិសុខ សុវត្ថិភាព សណ្ដាប់ធ្នាប់ របស់ប្រជាពលរដ្ឋដែលរស់នៅ ក្នុងខេត្តត្បូងឃ្មុំ ដោយចាត់វិធានការបង្ការ ទប់ស្កាត់ និងបង្ក្រាបបទល្មើសគ្រប់ប្រភេទ ក្មេងទំនើង កាត់បន្ថយគ្រោះថ្នាក់ចរាចរណ៍ គ្រោះថ្នាក់ដោយអគ្គិភ័យ យុទ្ធភណ្ឌមិនទាន់ផ្ទុះ និងជាពិសេសការពារសន្តិសុខ សុវត្ថិភាព ជូនសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ។

ចុងក្រោយលោកឧត្តមសេនីយ៍ស្នងការ បានផ្តាំផ្ញើ ថ្នាក់ដឹកនាំ ប្រធានអង្គភាពទាំងអស់ត្រូវបន្តយកចិត្តទុកដាក់សុខទុក្ខ ជីវភាព សុខភាពរបស់កងកម្លាំងក្រោមឱវាទរួមនឹងគ្រួសារ និងពង្រឹងសាមគ្គីភាពផ្ទៃក្នុងអង្គភាព។

បន្ទាប់ពីកិច្ចប្រជុំត្រូវបានបញ្ចប់ លោកឧត្តមសេនីយ៍ទោស្នងការ បានប្រគល់នូវម៉ូតូដើរដោយថាមពលអគ្គីសនី ដែលជាអំណោយ របស់ ឯកឧត្តម អភិសន្តិបណ្ឌិត ស សុខា ឧបនាយរដ្ឋមន្រ្តី រដ្ឋមន្រ្តីក្រសួងមហាផ្ទៃ ទៅតាមបណ្ដា អធិការដ្ឋាននគរបាល ក្រុង-ស្រុក ០៧។

#ខេត្តត្បូងឃ្មុំ៖ ថ្ងៃពុធ ទី២២ ខែមេសា ឆ្នាំ២០២៦ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ លោកស្នងការរង និងសហការីពាក់ព័ន្ធ បានចូលរួមកិច្ចប្រជុំ ក្រោមអធិបតីភាព ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ នៅសាលប្រជុំ Video Conference ជាន់ទី១ សាលាខេត្តត្បូងឃ្មុំ “ស្ដីពីកិច្ចប្រជុំប្រចាំសប្ដាហ៍ ដើម្បីតាមដានវឌ្ឍនភាពការងារបង្រ្កាបបទល្មើសឆបោកតាមប្រព័ន្ធបច្ចេកវិទ្យា online scam ក្រោមអធិបតីភាពឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ តាមប្រព័ន្ធអនឡាញZoom “ ។

ខេត្តត្បូងឃ្មុំ ៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ប៉ែន កុសល្យ អភិបាលខេត្ត និងជាប្រធានគណៈ​បញ្ជាការឯកភាពរដ្ឋបាលខេត្តត្បូងឃ្មុំ និងការបញ្ជាដឹកនាំផ្ទាល់របស់លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ នគរបាលខេត្ត នៅថ្ងៃទី១៩ ខែមេសា ឆ្នាំ២០២៦ វេលាម៉ោង១៥ និង០០នាទី កម្លាំងប៉ុស្តិ៍នគរបាលរដ្ឋបាលក្រែក នៃអធិការដ្ឋាននគរបាលស្រុកពញាក្រែក សហការជាមួយកម្លាំងប្រជាការពារ និងប្រជាពលរដ្ឋល្អ បានបង្ក្រាបក្មេងទំនើងមួយក្រុម ដែលបានបង្ហោះម៉ូតូតាមផ្លូវសាធារណៈ ស្ថិតក្នុងភូមិជីមាន់កណ្តាល ឃុំក្រែក ស្រុកពញាក្រែក ខេត្តត្បូងឃ្មុំ ដោយបានឃាត់ខ្លួនក្មេងទំនើងចំនួន៤នាក់ (ជនជាតិវៀតណាម ២នាក់) ដើម្បីធ្វើការសាកសួរ និងបានដកហូតម៉ូតូចំនួន២គ្រឿង។
១. ម៉ូតូម៉ាកសង ស៊េរីឆ្នាំ១៩៨៩ ពណ៌ព្រីងទុំ គ្មានផ្លាកលេខ (ជ្រុះបាត់ក្រោយបង្ហោះ)
២. ម៉ូតូម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៧ គ្មានផ្លាកលេខ
ដោយបានការអនុញ្ញាតិកម្លាំងសមត្ថកិច្ចបានធ្វើការអប់រំណែនាំ និងធ្វើកិច្ចសន្យា និងបានដកហូតម៉ូតូទាំង២គ្រឿង ខាងលើរក្សាទុករយៈពេល៣ខែ ហើយអាណាព្យាបាលក្មេងទំនើងទាំង៤នាក់ បានសំណូមពរ និងធានាយកទៅអប់រំណែនាំ នៅមូលដ្ឋានបន្ថែមទៀត ក្នុងនោះក្មេងទំនើងជាជនជាតិវៀតណាម សមត្ថកិច្ចយើងបានជូនដំណឹងទៅ សមត្ថកិច្ចវៀតណាម ដើម្បីបន្តការតាមដាន និងគ្រប់គ្រងបន្ត។

កម្លាំងនគរបាលជាតិ នៃស្នងការដ្ឋាននគរបាលខេត្តត្បូងឃ្មុំ បានប្រជុំជួរគោរពទង់ជាតិ នៃព្រះរាជាណាចក្រកម្ពុជា

ខេត្តត្បូឃ្មុំ៖ នៅព្រឹកថ្ងៃចន្ទ ទី២០ ខែមេសា ឆ្នាំ២០២៦
លោកឧត្តមសេនីយ៍ត្រី ធាម ពិសិដ្ឋ ស្នងការរង ទទួលផែនការងារធនធានមនុស្ស តំណាងដ៏ខ្ពង់ខ្ពស់ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បានដឹកនាំកងកម្លាំងនគរបាលជាតិ នៃ ស្នងការដ្ឋាននគរបាលខេត្តត្បូងឃ្មុំ ប្រជុំជួរគោរពទង់ជាតិ នៃព្រះរាជាណាចក្រកម្ពុជា ដោយមានការចូលរួមពី លោក-លោកស្រី ស្នងការរង លោកនាយ-នាយរងការិយាល័យ នាយ-នាយរងផ្នែក និងមន្រ្តីគ្រប់ផែនជំនាញ៕

ទូលព្រះបង្គំឧត្តមសេនីយ៍ទោ ចិន នី និងភរិយា រួមនឹងមន្ត្រីនគរបាលជាតិ នៃស្នងការដ្ឋាននគរបាលខេត្តត្បូងឃ្មុំ សូមក្រាបបង្គំទូលថ្វាយព្រះពរ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមឆាប់បានជាសះស្បើយពីព្រះរោគ ដើម្បីឆាប់យាងនិវត្តន៍មកព្រះរាជាណាចក្រកម្ពុជាគង់ប្រថាប់ជាម្លប់ដល់កូនចៅ 🙏❤️ 🇰🇭

សូមប្អូនប្រុសដែលបានបាត់ទូរស័ព្ទដូចក្នុងរូបភាពនេះ អាចទាក់ទងទៅទទួលយក ពីលោកវរសេនីយ៍ទោ យន់ គឹមស៊ន អធិការរង ទទួលការងារសណ្តាប់ធ្នាប់ នៃអធិការដ្ឋាននគរបាលស្រុកមេមត់ លេខទូរស័ព្ទ 088 455 5557
សូមអរគុណ

លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ ផ្ញើសារជូនពរ និង​អរគុណកងកម្លាំងនគរបាល នៃស្នងការដ្ឋាននគរបាលខេត្តត្បូងឃ្មុំ ដែលបានលះបង់ពេលវេលា កម្លាំងកាយ កម្លាំងចិត្ត ការពារពិធីបុណ្យចូលឆ្នាថ្មីប្រពៃណីជាតិខ្មែរ និងសង្ក្រាន្តនៅតាមបណ្តាមូលដ្ឋាននានាក្នុងខេត្តត្បូងឃ្មុំ