Vanuatu Police Force

Ma*****na hemi wan illegal Drugs weh yu save ko lo kalabus from sapos Polis I sejem yu mo fainem i stap long posesen blong yu, long poket blong traosis, klos, basket o yu holem long han blong yu.

Yumi wok tugeta oltaem blong kipim ol kommuniti blong yumi i sef oltaem.

Long 25 June 2026 hemi "Intanasonal Dei blong Draks Abius mo illegal trafiking blong Draks" bai Vanuatu Polis Fos i tekem lid long hem blong mekem day ia I happen.

Prokram blong day ia bai i g*t fulap aktiviti bai happen. Vanuatu Polis Fos hemi stap askem evriwan long ol community blong kam long day ia.

Bai hemi olsem wan wokbaot tugeta blong yumi evriwan blong talem no long ol illegal mo abius blong draks.

Hemia hemi wan sot prokram blong ol aktiviti we bai happen long Thursday 25th June 2026.

Polis I invitem everi wan blong kam joinem Parade wei bai start long Moorings kasem Saralana Park.

Ma*****na hemi wan illegal Drugs. Sapos wan man o woman istap planem long haos o long karen, hemi stap kommittim wan ofens anta long loa.

Misappropriation hem i min se yu tekem o yusum samting blong narafala man o kampani blong yu yet, be i no g*t raet o pemisen blong mekem olsem .

Samfala eksampol

Man I wok long ofis, nao i tekem mani blong kampani blong yusum long ol personal nid blong hem _ hemia Misappropriation

Man I tekem idea blong narafala mo talem se hem nao I mekem _ hemia Misappropriation.

Wetem toksave blong Misappropriation ia , fasin nogud ia i stap happen long plante ples mo tudei Polis long sola I mekem doa to doa awareness mo toktok plante long fasin nogud ia nao from I stap kam antap plante long ol area blong yumi long remote mo long urban too.

Fasin blong mekem doa to doa awareness ia hemi helpem plante ol man we i stap long haos ia blong sharem tinktink mo save toktok gud wetem polis long ol fasin we oli stap facem mo save storian gud wetem wan polis man .

TOKSAVE BLONG HELPEM YUMI

FASIN BLONG STOPEM WOK BLONG POLIS.

Penal code CAP 135 , section 73A

Taem wan Polis emi stap mekem wok blo hem, em againsem law blong any man o woman I
_ Blockem o disturbem hem lo wok ia
_ Assault o fightem hem from wok we hemi stap mekem

Penalty blong hem hemi
_300,000 vatu maximum fine o
_ 6 yias long kalabus ,maximum period o
_save fine mo ko long prison semtaem .

Toksave weh bai save helpem evriwan blong g*t save long olgeta illegal Drugs weh loa i toktok akensem.

Wan mo program for awareness today starting from neregon area kasem Sola sport complex end.

Polis long Sola i continue blong engage wetem community blong mekem se pipol oli aware long wanem we oli mas save .

Door to door awareness i stap ko hed gud mo tudei polis I stap long Neregon area kasem long Sola sport complex.

Vanuatu Mobile Fos Detachment long Luganville, Santo, hemi stap mekem plante gudfala wok insaed long ol communities blong engage mo buildim trust blong ol communities wetem ol pipol .

Long last wik i g*t plante long ol VMF ofisas oli kasem promotion blong olgeta, mo tudei long morning, ACP North i officiatem 2 narafala promotion blong two ofisa blong VMF Detachment.

Duty blong Assistim POLIS.

Yu ever kam across wan situation we yu luk wan Polis taem hemi stap traem blong karemaot wan arrest o mekem eni narafala wok blong hem be afta wan man emi no wantem cooperate o even I wantem fightem Polis?

Wanem nao reaction blong yu?

Yu ko help aot o yu stanap nomo mo watsem?

Fulap kind situation olsem I happen mo umi mas antastanem se wok blo Polis emi blong createm wan safe environment we yumi evriwan I save live long hem mo enjoyem .

So sapos wok ia emi blo mekem se umi mo ol families blong yumi i stap safe , hemi minim se yumi too I g*t wan impotent Duty blong helpem polis blong I karemaot gud wok ia blong hem .

Long Polis Act Cap 107, section 77 I talem Duty blong assistim polis.
Section blong law ia emi givim power long any member blo fos blong kolem any man blong helpem hem sapos lo wan taem we emi stap karemaot ol duties blong hem mo wan o sam man oli resistim o fightem hem.

OST coordinator long North, Private Silas Boe i stap continue blong ranem OST training truaot long Northern Command.

Long last wik , hemi stap long Malekula blong ranem training long ol Polis ofisas long Lakatoro.

Follem wok we hemi stap mekem hemi no save stap long taem blong bigfala promotion we Commissioner blong Polis i mekem last wik .

Tudei morning, ACP North i officiatem promotion blong hem blong kam wan Corporal.

Congratulations Corporal Silas Boe