Lëvizja Vetëvendosje - Drenas

Nesër nga ora 15:30 mirëpresim në Drenas, kryeministrin e Republikës, Albin Kurti, në 88 Lounge Bar.

Ju ftojmë të na bashkoheni!

Krejt për shtet
Shtet për krejt
Qitja pikën.

Lëvizja VETËVENDOSJE! 116✅️
Albin Kurti 1✅️
Osman Musliu 89✅️
Enver Dugolli 95 ✅️
Filloreta Bujupi 101✅️

Kryetarja e GVV-së në Qendrën tonë mban numrin 101 në listën fituese të Lëvizjes VETËVENDOSJE!

Filloreta ka lindur më 16.06.1982 në Zabel të Lartë të Drenasit. Shkollën fillore e kreu në vendlindje, ndërsa shkollën e mesme në Drenas. Studimet universitare i përfundoi në Prishtinë, ku mori titullin Master i Drejtësisë.

Është e martuar në Arllat të Drenasit dhe nënë e tre fëmijëve.
Që nga viti 2002 udhëheq biznesin individual për aftësimin e kandidatëve për drejtimin e automjeteve motorike, biznes i cili është dëshmuar shumë i suksesshëm ndër vite.

Jetën politike e filloi në vitin 2021, kur u zgjodh asambleistja më e votuar në Drenas për Lëvizjen VETËVENDOSJE! Po në të njëjtin vit u zgjodh kryetare e GVV-së për rajonin e Drenasit, duke udhëhequr me përkushtim dhe sukses drejt arritjes së objektivave të subjektit.

Si kandidate për deputete, synon të kontribuojë në avancimin e shoqërisë, me fokus të veçantë në arsim, shëndetësi, mirëqenie sociale, si dhe në fuqizimin dhe avancimin e pozitës së gruas në shoqëri.

Kryeministri Albin Kurti

Enver Dugolli nga Drenasi mban numrin 95 në listën fituese të Lëvizjes VETËVENDOSJE!

Enver Dugolli ka lindur më 27 janar 1963 në Nekoc të Drenicës. Studimet universitare dhe master i ka përfunduar në Sociologji në Universitetin e
Prishtinës.Si rezultat i veprimtarisë dhe bindjeve të tij politike, Enver Dugolli ka qenë i burgosur politik dy herë, në vitin 1981 dhe 1997, duke kaluar mbi 10 vite në burgje të ndryshme.
Ai është një nga të mbijetuarit e Masakrës së Burgut të Dubravës dhe është liruar nga burgosja e tij e dytë në vitin 2001.

Pas luftës, Dugolli ka shërbyer në Trupat Mbrojtëse të Kosovës dhe më pas në Forcën e Sigurisë së Kosovës, ku ka kryer detyra të rëndësishme ushtarake. Më pas ka qenë atashe i mbrojtjes në Tiranë dhe është nderuar me gradën gjeneral brigade në pension.
Angazhimin e rregullt politik e ka filluar në mars të vitit 2018 si anëtar i Lëvizjes VETËVENDOSJE! dhe i Këshillit të Përgjithshëm.

Dugolli ka shërbyer si zëvendësministër i Mbrojtjes në Qeverinë Kurti I dhe për një periudhë në Qeverinë Kurti II. Ai ka qenë deputet në Legjislaturën VIII dhe X të Kuvendit të
Kosovës, ku në një mandat ka shërbyer si nënkryetar dhe në tjetrin si anëtar i
Komisionit për Çështje të Sigurisë dhe Mbrojtjes.
Njohës i thellë i fushës së sigurisë, Enver Dugolli është autor i librit “Qark i (Pa) Mbyllur Burgjesh”, botuar në vitin 2019.
Në legjislaturën e ardhshme parlamentare, Dugolli synon të angazhohet për mundësi të barabarta, forcimin e shtetit të së drejtës, zhvillimin ekonomik dhe punësimin, si dhe për siguri dhe drejtësi.
Ai është i martuar dhe ka tre fëmijë.

Osman Musliu nga Drenasi mban numrin 89 në listën fituese të Lëvizjes VETËVENDOSJE!

Osman Musliu u lind më 30 mars 1962 në Likoc të Drenicës, në një familje me tradita të hershme patriotike.
Rrugëtimi i tij jetësor u formësua nën frymën e rezistencës; babai i tij, Selmani, ishte pjesë e
luftëtarëve të udhëhequr nga Shaban Polluzha. Shkollimin fetar e përfundoi në Prishtinë, ku u edukua nga figura emblematike si Sherif
Ahmeti dhe Hasan Nahi.

Nga viti 1984 deri në vitin 1997 ka shërbyer si imam në Peqan të Suharekës. Përgjatë kësaj periudhe, veprimtaria e tij tejkaloi suazat e
një shërbyesi fetar: ai ishte pjesëmarrës aktiv në demonstratat e kohës, në proceset e pajtimit të
gjaqeve dhe mbështetës i palëkundur i rezistencës paqësore dhe të armatosur gjatë viteve ’90.
Kontributi i tij ka vazhduar edhe gjatë luftës, duke qenë i radhitur bashkë me luftëtarët e lirisë dhe duke kryer obligimin e fundit ndaj civilëve të vrarë në shumë masakra si ajo e Qirezit e Likoshanit, si dhe e Epopesë së Prekazit.

Në periudhën e pasluftës, ai është shndërruar në një prej zërave më të fuqishëm dhe konsistentë në mbrojtje të vlerave fetare dhe kombëtare.
Ka qenë një nga zërat e fuqishëm dhe të paktë kundër radikalizmit dhe ekstremizmit fetar në Kosovë. Qëndrimet e tij parimore, shpesh edhe kritike brenda institucioneve fetare, e kanë
profilizuar si një personalitet me integritet të lartë në diskutimin publik shqiptar.

Osman Musliu jeton në Drenicë, është i martuar dhe prind i tre fëmijëve.

Bashkë me kryeministrin Albin Kurti,kandidatët për deputetë Enver Dugolli, Filloreta Bujupi, Shqipe Selimi, Hysni Mehani dhe Naim Bardiqin, aktivistë e familjarë në Marinë të Skenderajt sot përkujtuam dëshmorët Rasim Kiçina e Ragip Halilaj, që ranë heroikisht më 30 maj 1999. Ata u vranë në fshatin Arllat, rrugës për të mbrojtur dhe strehuar civilët e rrethuar nga forcat armike serbe, të cilat po kryenin spastrim etnik e gjenocid ndaj shqiptarëve të Kosovës.

Dy luftëtarë nga familje patriotike, Rasimi i Ragipi u bënë dëshmorë të lirisë që e fituam dy javë pas rënies së tyre dhe gjaku i tyre ndodhet në themelin e shtetit që kemi ndërtuar, e zhvillimin dhe forcimin e të cilit e obligim.

Lavdi dhe nderime të përjetshme dëshmorëve të kombit dhe Ushtrisë Çlirimtare të Kosovës!

Lajm i mirë për Drenasin nga Ministria e Infrastrukturës dhe Transportit.

NJOFTIM

Një lajm i mirë për qytetarët e Drenasit.

Pas pranimit të kërkesës nga Komuna e Drenasit për ndërtimin e Urës në rrugën “Agron Mehmeti” - Shtrubullovë, si dhe pas shqetësimeve të shumta të banorëve të fshatrave përreth, Ministria e Infrastrukturës dhe Transportit ka analizuar rastin, ka shqyrtuar kërkesën e Komunës dhe ka marrë përgjegjësinë për mbulimin e shpenzimeve për ndërtimin e urës së re.

Ministria ka qenë në kontakt të vazhdueshëm me Komunën e Drenasit, e cila ka deklaruar se nuk ka mjete të mjaftueshme për mbulimin e projektit dhe nuk posedon kod të veçantë për sanime emergjente. Prandaj, duke marrë parasysh gjendjen emergjente dhe rëndësinë e këtij projekti për banorët e zonës, Ministria do të procedojë me mbështetjen e Komunës për realizimin e këtij projekti.

Detajet teknike do të diskutohen në vijim me Komunën e Drenasit.

Tre kandidatët nga Qendra jonë:

Osman S Musliu 89✅️
Enver Dugolli 95✅️
Filloreta Bujupi 101✅️

Qitjani pikën:
Krejt për shtet,
shtet për krejt!

V116

Mirënjohje dhe falënderim!

Faleminderit qytetarëve të Drenasit dhe mërgatës sonë për mbështetjen e jashtëzakonshme dhe besimin e madh të treguar në zgjedhjet e 28 dhjetorit.

Fitorja plebish*tare me 51.11% e Lëvizjes VETËVENDOSJE! u mbështet nga Drenasi me 5,947 vota duke shënuar një rekord të ri për Lëvizjen tonë.
Ky rezultat është dëshmi e qartë e vullnetit qytetar dhe e besimit në rrugën që kemi zgjedhur së bashku.

Ky besim i madh na nderon, por mbi të gjitha na obligon. Na obligon për punë të ndershme, përgjegjësi të lartë institucionale dhe përkushtim të pandërprerë ndaj interesit publik.

Falënderim i veçantë shkon për secilin aktivist, anëtar dhe simpatizant të Lëvizjes në Drenas, të cilët me zemër, përkushtim dhe punë të palodhshme e bënë të mundur këtë sukses të madh për Lëvizjen tonë.

Besimi juaj është forca jonë dhe përgjegjësia jonë më e madhe.