Drejtoria për Kulturë, Rini dhe Sport - Gjakovë

Dita Ndërkombëtare e Muzeve – 18 Maj

Muzeu i Gjakovës organizon Kuizin e Trashëgimisë Kulturore me temën:
“Muzetë që bashkojnë një botë të ndarë”

Përmes këtij aktiviteti synojmë të bashkojmë nxënësit e shkollave të ndryshme, përmes njohjes së trashëgimisë sonë kulturore, historisë dhe identitetit të përbashkët.

Kuizi promovon:
- njohjen e trashëgimisë lokale dhe kombëtare
- respektin për kulturën dhe historinë
- bashkëpunimin dhe dialogun ndërmjet të rinjve

Muzetë janë ura që lidhin brezat, komunitetet dhe kulturat.

Muzeu Etnografik i Gjakovës
18-19 Maj 2026

Beteja e Çabratit – kujtesë e krenari!

Ju ftojmë të merrni pjesë në aktivitetin kulturor kushtuar shënimit të Dites së Betejës së Çabratit, një ngjarje që mbetet simbol i qëndresës dhe sakrificës.

📅 07 Maj 2026
🕛 Ora 12:00
📍 Pallati i Kulturës “Asim Vokshi”

Le të mblidhemi së bashku për të nderuar të kaluarën tonë heroike, për të kujtuar me respekt dhe për të përcjellë mesazhin e krenarisë te brezat e rinj.
Nderojmë bashkë, këndojmë bashkë!

Hapja e ekspozitës “Dita e Re” në kuadër të bashkëpunimit në mes të Komunës së Gjakovës përkatësisht Drejtorisë për Kulturë, Rini dhe Sport dhe Fondin për të Drejtën Humanitare në Kosovë nga autoria: Barbara Prenka në Galerinë e Arteve.

Artistja përmes veprave tregon se ishte veprim i natyrshëm artistik, një përpjekje për të mbrojtur kujtimet e vendlindjes nga shkatërrimi i luftës dhe për të marrë me vete një fragment nga një kohë për të cilën nuk dihej nëse do të vinte më mundësia për ta gjetur përsëri.

Galeria e Arteve
Pallati i Kulturës “Asim Vokshi”