Kuvendi Komunal i Junikut, Objekti i Komunës, kati I, Qendër, Junik (2026)

Q: What is the address?

Objekti I Komunës, Kati I, Qendër

26/03/2026

FTESË PËR MBLEDHJEN E III-TË TË RREGULLT TË KUVENDIT KOMUNAL TË JUNIKUT

📍 Vendi: Salla e Kuvendit të Komunës së Junikut
📅 Data: 31.03.2026
🕙 Ora: 10:00

📑 Rendi i propozuar i punës:

1️⃣ Shqyrtimi dhe miratimi i procesverbalit nga mbledhja e kaluar;
2️⃣ Shqyrtimi dhe miratimi i kërkesës për bartjen e të hyrave vetanake nga viti 2025 në vitin 2026;
3️⃣ Shqyrtimi dhe miratimi i plotësim-ndryshimeve në Rregulloren komunale për menaxhimin e mbeturinave;
4️⃣ Shqyrtimi dhe miratimi i raportit të punës së Kuvendit të Komunës së Junikut për vitin 2025;
5️⃣ Shqyrtimi dhe miratimi i inicimit të procedurave për hartimin e Planit trevjeçar për strehim social;
6️⃣ Themelimi i Këshillit Komunal për Siguri në Bashkësi (KKSB);
7️⃣ Shqyrtimi dhe miratimi i inicimit të procedurave për hartimin e “Planit për Menaxhimin e Tokave Rurale 2026–2030”;
8️⃣ Pyetje nga anëtarët e Kuvendit;
9️⃣ Të ndryshme.

📌 Ftohen qytetarët, përfaqësuesit e shoqërisë civile dhe mediat të ndjekin punimet e seancës.

Transparenca dhe llogaridhënia mbeten parime themelore në funksionimin e Kuvendit Komunal të Junikut, në shërbim të interesit publik dhe zhvillimit të qëndrueshëm të komunës sonë.

20/03/2026

Urime Fitër Bajrami të gjithë besimtarëve muslimanë!

Kuvendi Komunal i Junikut
20.03.2026

27/02/2026

📍 U mbajt sot mbledhja e dytë e rregullt e Kuvendit Komunal të Junikut për vitin 2026

Sot, në sallën e Kuvendit Komunal të Junikut, u zhvillua mbledhja e dytë e rregullt për këtë vit, nën udhëheqjen e Kryesuesit Leonard Llolluni.

✅ Seanca nisi me miratimin e procesverbalit nga mbledhja e kaluar dhe vazhdoi me një rend dite me shumë pika, të fokusuar në zhvillimin afatgjatë të komunës sonë.

🔹 U miratua inicimi i procedurave për:

• Hartimin e Planit Lokal për Veprim në Mjedis
• Hartimin e Strategjisë për Zhvillim Ekonomik Lokal 2026–2033

🔹 Po ashtu, Kuvendi dha dritën jeshile për inicimin e planeve strategjike në kuadër të Drejtorisë për Shërbime Publike, Inspeksion, Mbrojtje dhe Shpëtim, që përfshijnë:

• Vlerësimin e rrezikut dhe reagimin emergjent
• Transportin publik dhe mobilitetin
• Mirëmbajtjen e rrugëve, hapësirave publike, ujësjellësit dhe kanalizimit

📚 Në fushën e arsimit dhe jetës kulturore:

• U inicua procedura e hartimit të Planit Zhvillimor të Arsimit 2026–2030
• U themelua Komiteti për Arsim, Kulturë, Shkencë, Rini dhe Sport

Poashtu, u themelua Komisioni për zgjedhjen e këshillave lokale dhe komisioni për ankesa.

📝 Sipas udhëzimeve të MAPL-së, u bë plotësim-ndryshimi i listës së pronave publike për dhënie në shfrytëzim, e miratuar në mbledhjen e kaluar.

🔎 Mbledhja u përmbyll me pyetjet e anëtarëve të Kuvendit dhe diskutimet nën pikën “Të ndryshme”, ku u trajtuan çështje me interes të përgjithshëm për qytetarët e Junikut.

19/02/2026

📢 U mbajt mbledhja e parë e rregullt e Komitetit për Politikë dhe Financa (KPF)

Është mbajtur dje, datë 18/02/2026, mbledhja e parë e rregullt e Komitetit për Politikë dhe Financa në Komunën e Junikut, ku u trajtuan dhe u shqyrtuan çështje me rëndësi për planifikimin strategjik dhe zhvillimin afatgjatë të komunës sonë.

Pikat kryesore të rendit të ditës:
• Inicimi i procedurave për hartimin e Planit Lokal për Veprim në Mjedis.
• Fillimi i procedurave për hartimin e Strategjisë për Zhvillim Ekonomik Lokal 2026–2033.
• Shqyrtimi i inicimit të planeve strategjike në fushën e shërbimeve publike, inspeksionit dhe mbrojtjes e shpëtimit.

➕ Propozime shtesë të paraqitura gjatë mbledhjes:
• Inicimi i procedurave për themelimin e këshillave lokale;
• Inicimi i procedurave për hartimin e Strategjisë së Arsimit 2026–2030;
• Inicimi i plotësim-ndryshimit të rregullores për taksa, ngarkesa dhe gjoba komunale.
(Pikat e mësipërme u propozuan nga ekzekutivi komunal përmes drejtorive respektive)

Gjithashtu, u propozua themelimi i Komitetit për Arsim, Shkencë, Kulturë, Rini dhe Sport, me qëllim të rritjes së fokusit institucional në këto fusha me rëndësi të veçantë për komunitetin.

✅ Në përfundim, të gjitha pikat e rendit të ditës dhe propozimet e paraqitura u miratuan me shumicë votash.

Kuvendi Komunal i Junikut mbetet i përkushtuar për transparencë, planifikim strategjik dhe vendimmarrje në interes të qytetarëve.

18/02/2026

FTESË PËR MBLEDHJEN E II-TË TË RREGULLT TË KUVENDIT KOMUNAL TË JUNIKUT

📍 Vendi: Salla e Kuvendit të Komunës së Junikut
📅 Data: 27.02.2026
🕙 Ora: 10:00

📑 Rendi i ditës:

1️⃣ Shqyrtimi dhe miratimi i procesverbalit nga mbledhja e kaluar;
2️⃣ Shqyrtimi dhe miratimi i inicimit të procedurave për hartimin e Planit Lokal për Veprim në Mjedis;
3️⃣ Shqyrtimi dhe miratimi i inicimit të procedurave për hartimin e “Strategjisë për Zhvillim Ekonomik Lokal 2026–2033”;
4️⃣ Shqyrtimi dhe miratimi i inicimit të procedurave për hartimin e planeve strategjike në kompetencë të Drejtorisë për Shërbime Publike, Inspeksion, Mbrojtje dhe Shpëtim;
5️⃣ Themelimi i Komisionit të Kuvendit për zgjedhjen e këshillave lokale dhe Komisionit të ankesave lidhur me procesin e zgjedhjeve të këshillave lokale;
6️⃣ Shqyrtimi dhe miratimi i inicimit të procedurave për hartimin e Planit Zhvillimor të Arsimit në Komunën e Junikut 2026–2030;
7️⃣ Themelimi i Komitetit për Arsim, Kulturë, Shkencë dhe Sport;
8️⃣ Shqyrtimi dhe miratimi i inicimit të procedurës për ndryshim të rregullores për taksa, ngarkesa dhe gjoba komunale;
9️⃣ Pyetje nga anëtarët e Kuvendit;
🔟 Të ndryshme.

📌 Ftohen qytetarët, përfaqësuesit e shoqërisë civile dhe mediat të ndjekin punimet e seancës.

Transparenca dhe llogaridhënia mbeten parime themelore në funksionimin e Kuvendit Komunal të Junikut, në shërbim të interesit publik dhe zhvillimit të qëndrueshëm të komunës sonë.

17/02/2026

Gëzuar 17 Shkurti, Dita e Pavarësisë së Kosovës!

Kuvendi Komunal i Junikut
Junik, 17.02.2026

13/02/2026

📢 Njoftim: Mbledhja e parë e rregullt e Komitetit për Politikë dhe Financa (KPF)

Të nderuar qytetarë të Junikut,

Në kuadër të parimit të transparencës dhe llogaridhënies, ju njoftojmë se Kryesuesi i Komitetit për Politikë dhe Financa, z. Leonard Llolluni, ka thirrur mbledhjen e parë të rregullt të KPF-së.

🗓 Data: 18 shkurt 2026
🕙 Ora: 10:00
📍 Vendi: Salla e takimeve (Kati II), Objekti i Komunës

Rendi i ditës përfshin pika me rëndësi strategjike për zhvillimin e komunës sonë:

⛰️ Mjedisi: Shqyrtim i inicimit të procedurave për Hartimin e Planit Lokal për veprim në Mjedis.

📈 Ekonomia: Shqyrtim i inicimit të procedurave për "Strategjinë për Zhvillim Ekonomik Lokal 2026-2033".

🛡️ Siguria dhe Shërbimet: Shqyrtim i fillimit të procedurave për hartimin e planeve strategjike të Komunës së Junikut, të cilat janë në kompetencë të Drejtorisë për Shërbime Publike, Inspeksion dhe Mbrojtje e Shpëtim.

❓ Të ndryshme.

Kuvendi Komunal i Junikut mbetet i përkushtuar për vendimmarrje profesionale dhe në interes të plotë të komunitetit.

Më poshtë gjeni ftesën zyrtare me detajet e plota. 👇

13/02/2026

✅ Konfirmohet ligjshmëria e zgjedhjes së Kryesuesit të Kuvendit Komunal të Junikut, z. Leonard LLOLLUNI

Të nderuar qytetarë të Junikut,

Dëshirojmë t'ju informojmë se Ministria e Administrimit të Pushtetit Lokal (MAPL), si autoriteti kompetent për mbikëqyrjen e akteve komunale, ka përfunduar vlerësimin e ligjshmërisë për zgjedhjen e Kryesuesit të Kuvendit tonë.

Në vendimin e pranuar, MAPL konfirmon zyrtarisht se:

"Akti i komunës në aspektin procedural është në pajtim me dispozitat e legjislacionit në fuqi."

Ky vlerësim vërteton se seanca e datës 12 janar 2026 është zhvilluar në përputhje të plotë me ligjin, duke i dhënë fund pasigurive të ngritura dhe publikimeve të mediave për mundësinë e shkuarjes në zgjedhje që u bënë këto kohë. Kuvendi Komunal i Junikut vazhdon punën me legjitimitet të plotë në shërbim të të gjithë qytetarëve.

Më poshtë gjeni dokumentin zyrtar të lëshuar nga Departamenti Ligjor i MAPL-së. 👇

11/02/2026

SHEFAT E GRUPEVE dhe KOMITETET E PËRHERSHME

Kuvendi Komunal i Junikut ka mbajtur seancën e radhës më 02.02.2026, me fillim nga ora 14:00. Punimet e seancës u udhëhoqën nga Kryesuesi i Kuvendit Komunal, z. Leonard Llolluni, ndërsa pikat kryesore të rendit të ditës ishin themelimi i komiteteve të përhershme dhe deklarimi i subjekteve politike për emërimin e shefave të grupeve të asambleistëve.

Grupi i AAK-së deklaroi z. Burim Kuçi si shef të grupit të asambleistëve të këtij subjekti, ndërsa Lëvizja VETËVENDOSJE! do të përfaqësohet nga z. Jetmir Tofaj në cilësinë e shefit të grupit. Grupi i subjektit politik që udhëheq me ekzekutivin, LDK-së, nuk ishin të gatshëm të deklarojnë në këtë seancë emrin e shefit të grupit, duke njoftuar se propozimin do ta dorëzojnë me shkrim.

Në përputhje me UDHËZIMIN ADMINISTRATIV (MPL) NR. 05/2020 PËR PROCEDURËN E THEMELIMIT, PËRBËRJEN DHE KOMPETENCAT E KOMITETEVE TË PËRHERSHME DHE KOMITETEVE TJERA NË KOMUNË, si akt nënligjor i LIGJIT NR. 03/L-040 PËR VETËQEVERISJEN LOKALE, u themeluan dy komitetet e përhershme:

Komiteti për Politikë dhe Financa
Komiteti për Komunitete

Subjektet politike (LDK, AAK, LVV) paraqitën propozimet e tyre, të cilat u votuan në paketë dhe u miratuan si vijon:

Komiteti për Politikë dhe Financa:

• Leonard Llolluni (AAK) – Kryesues
• Bedrush Hoxha (LDK) – Anëtar
• Litafete Goqi Isufaj (LDK) – Anëtare
• Ajshe Gacaferi (AAK) – Anëtare
• Jetmir Tofaj (LVV) – Anëtar

Komiteti për Komunitete:

• Floris Miroci (LDK) – Anëtar
• Alfred Gaxherri (AAK) – Anëtar
• Elsa Hima (LVV) – Anëtare

Në kuadër të rendit të ditës u diskutua dhe u miratua raporti i vlerësimit të dëmeve nga vërshimet, publikimi i listës së pronave publike për dhënie në shfrytëzim për shfaqje të interesit nga qytetarët, si dhe u shqyrtua raporti vjetor financiar i prezantuar nga ekzekutivi komunal.

Urojmë punë të mbarë Komiteteve të përhershme të Kuvendit dhe suksese në angazhimin e tyre për vendimmarrje të drejta dhe në shërbim të qytetarëve të Junikut.

Kuvendi Komunal i Junikut

26/03/2026

20/03/2026

27/02/2026

19/02/2026

18/02/2026

17/02/2026

13/02/2026

13/02/2026

11/02/2026

Address

Website

Alerts

Shortcuts

Share

Category

Listing takedown request