11/10/2026
NJOFTIM MORTOR 🕊️
Me pikëllim të thellë morëm lajmin për ndarjen nga kjo botë të Haxhi Aqif Fazliut.
(Varrimi të Hanen me 12 Tetor 2026, pas namazit të drekës)
Haxhi Aqifi ishte një njeri i urtë, i kulturuar dhe me vlera të larta njerëzore e fetare. Një besimtar i përkushtuar, i cili e fali namazin rregullisht në xhami dhe shërbeu me devotshmëri si muezin dhe në shumë raste si Imam, duke e zbukuruar me zërin dhe përkushtimin e tij thirrjen për namaz.
Ai do të kujtohet gjithmonë për urtësinë, sjelljen e tij të matur, respektin ndaj çdo njeriu dhe kulturën e lartë që e karakterizonte. Ishte një punëtor i madh, njeri i ndershëm dhe shembull i përulësisë, i përkushtimit dhe i mirësisë.
Haxhi Aqifi nuk ishte vetëm një besimtar i devotshëm, por edhe një njeri që me sjelljen dhe veprat e tij la gjurmë të çmuara në mesin e bashkëfshatarëve dhe të gjithë atyre që patën rastin ta njohin.
Njerëz të tillë nuk harrohen lehtë, sepse pas vetes lënë kujtime të mira, respekt dhe një emër që përmendet me nderim.
Në këto çaste të vështira, familjes Fazliu, të afërmve, miqve dhe gjithë bashkëfshatarëve të Karaçevës u shprehim ngushëllimet më të sinqerta.
Allahu e mëshiroftë Haxhi Aqifin, ia faltë gabimet, ia ndriçoftë varrin dhe e shpërbleftë me Xhenet për të mirat dhe shërbimin e tij ndaj fesë.
Allahu i dhëntë familjes dhe të gjithë të pikëlluarve sabër e forcë për ta përballuar këtë humbje!
Inna lil-lahi ue inna ilejhi raxhiun.
Të Allahut jemi dhe tek Ai do të kthehemi.
