LDK - Mitrovicë

03/10/2026

Sot, me mall e dhimbje, kujtojmë njeriun që la gjurmë të pashlyeshme në Mitrovicën tonë, kryetarin e parë të Komunës së Mitrovicës, dhe ish kryetarin e degës së LDK-së në Mitrovicë, z. Faruk Spahija.

Faruku nuk ishte veç kryetar, por njeri i urtë, i fjalës e i besës, burrë qytetar që e deshti Mitrovicën me zemër dhe punoi me përkushtim për të. Ishte ndër ata njerëz që nuk e matën jetën me poste, por me veprat dhe gjurmët që lanë pas.

Kanë kalu 21 vjet prej se nuk je ma në mesin tonë, por kujtimi për ty, fjala jote dhe vepra jote mbesin të gjalla në zemrat tona.

Pusho i qetë, Kryetar Faruk! Mitrovica nuk të harron kurrë!

Lavdi jetës dhe veprës sate!

23/09/2026

Me shumë mërzi e morëm lajmin për ndarjen nga jeta të z. Murteza Berisha.

Z. Berisha, ishte një nga ata njerëz që lanë gjurmë në jetën qytetare të Mitrovicës, jo me zhurmë, por me punë, përkushtim dhe dinjitet. Kontributi i tij në arsim, veçanërisht në periudhat më të vështira për arsimin shqip, ishte një angazhim i jashtëzakonshëm që meriton të kujtohet me respekt.

Për shumë vite ai ishte edhe pjesë e përkushtuar e LDK-së në Mitrovicë, duke shërbyer si shef i grupit të asambleistëve në Kuvendin Komunal të Mitrovicës, si Drejtor i Drejtorisë për Arsim dhe i Bibliotekës “Latif Berisha”. Ishte njeri i urtë, qytetar i mirë dhe veprimtar i palodhur, që detyrën e tij e shihte si përgjegjësi ndaj qytetit dhe njerëzve.

Ikja e tij është humbje për familjen, miqtë, bashkëveprimtarët dhe për Mitrovicën.

Në emër të kryesisë dhe anëtarsisë së degës së LDK-së në Mitrovicë, familjes Berisha dhe të gjithë të afërmve u shprehim ngushëllimet më të sinqerta.

Murteza, u prehsh në paqe! Kujtimi për ty do të mbetet gjatë në mesin tonë.

21/09/2026

Sot, me zemër të randë, kujtojmë Adem Beqirin, ish anëtarin e Kryesisë së Degës së LDK-së në Mitrovicë, veprimtarin e çështjes kombëtare dhe njeriun që nuk u tut as atëherë kur koha kërkonte burrni e sakrificë.

Ademi dha gjithçka për vendin e vet. Për 27 vjet, familja e priti, me një derë hapur e me një shpresë që nuk u shua kurrë.

Më në fund, u gjetën mbetjet e tij. Por Ademi nuk u gjet sot. Ademi ka qenë gjithmonë aty, në kujtesën e familjes, të shokëve, të bashkëpunëtorëve dhe të gjithë atyre që e kanë njohur.

Pusho i qetë, Adem.

Sakrifica, mundi e përkushtimi yt nuk shkuan huq.
Ne nuk të harruam.

Lavdi jetës dhe veprës së Adem Beqirit!
I përjetshëm qoftë kujtimi për të.

25/08/2026

Me dhimbje të thellë morëm lajmin për ndarjen nga jeta të profesor Eqrem Kryeziut, një qytetar i shquar, profesor i përkushtuar dhe kryetari më i mirë që ka pasur Prizreni. Kontributi i tij për qytetin dhe njerëzit e tij do të kujtohet gjithmonë me respekt e mirënjohje.

Ngushëllime të sinqerta familjes, miqve, kolegëve dhe gjithë qytetarëve të Prizrenit.

I paharruar qoftë kujtimi për të. 🙏🏼

31/07/2026

Lumir Abdixhiku rikonfirmohet Kryetar i LDK-së

Kuvendi i Jashtëzakonshëm i Lidhjes Demokratike të Kosovës, i mbajtur mbrëmë, rikonfirmoi Lumir Abdixhikun në pozitën e Kryetarit të LDK-së.

Delegatët e Degës së LDK-së në Mitrovicë morën pjesë në këtë proces demokratik me qëndrime dhe bindje të ndryshme, përfshirë edhe anëtarë që mbështetën mocionin për shkarkim. Megjithatë, pas përfundimit të votimit, vullneti i shumicës duhet të respektohet nga të gjithë.

Tani është koha që dallimet t’i lëmë pas, të ruajmë unitetin e LDK-së dhe të punojmë së bashku për forcimin e partisë dhe rikthimin e besimit të qytetarëve.

Urime Kryetarit Lumir Abdixhiku për rikonfirmimin dhe suksese në drejtimin e mëtejmë të Lidhjes Demokratike të Kosovës! 💙

02/07/2026

2 Korriku 1990 nuk ishte thjesht një datë në kalendar, por momenti kur guximi triumfoi mbi shtypjen. Para 36 viteve, delegatët e Kuvendit të Kosovës, nën tytat e armëve të një regjimi pushtues, treguan se vullneti i një populli për liri nuk mund të tjetërsohet.

Ajo Deklaratë Kushtetuese ishte guri i parë i themelit të shtetësisë sonë, akti që ktheu dinjitetin dhe i hapi rrugë Republikës që gëzojmë sot.

Historia shkruhet nga ata që guxojnë atëherë kur të gjithë heshtin.

08/06/2026

Sot, mbi të gjitha, duam të themi një fjalë të madhe: FALEMINDERIT.

Faleminderit çdo votuesi të LDK-së që doli, votoi dhe besoi.

Faleminderit komisionerëve për punën, durimin dhe përgjegjësinë.

Faleminderit vëzhguesve që qëndruan deri në fund, me kujdes e përkushtim.

Faleminderit çdo aktivisti, çdo familjari dhe çdo njeriu që dha nga koha, zemra dhe energjia e vet.

Edhe pse rezultati nuk ishte ai që e prisnim, respekti për ju mbetet i jashtëzakonshëm. Sepse fushatat kalojnë, rezultatet lexohen, por njerëzit që qëndrojnë me besim e dinjitet janë vlera më e madhe.

LDK-ja është shtëpi politike e njerëzve të qetë, të ndershëm dhe të përkushtuar.

Me mirënjohje të thellë për secilin prej jush.
Faleminderit nga zemra!

LDK MITROVICË

06/06/2026

Nesër është dita të flasim me votë.

Mitrovica ka tre emra që meritojnë besim, përkrahje dhe votë të fuqishme:

Brikena Muharremi 32
Naim Hajra 85
Oltion Ahmeti 96

Tre njerëz të dëshmuar, secili me vlerën, karakterin dhe përkushtimin e vet.

LDK 113 është rruga jonë.
Brikena, Naimi dhe Oltioni janë zëri ynë.

Dilni, votoni dhe merrni me vete familjarë, miq e dashamirë.

Për Mitrovicën. Për Kosovën. Për fitoren. ✅

06/06/2026

Ju ftoj të më ndiqni nga ora 17:45 në Klan Kosova, përmes videos më poshtë. 👇
Shpërndajeni, sepse kur ne flasim, propaganda bie! ✌️
LDK113 | NaimHajra85✅

Follow Klan Kosova on...• FB: https://smarturl.it/KlanKosovaFb• I...