Komuna e Pejës

Directions Website Contact the organization

Komuna e Pejës Komuna e Pejës
Zyra e Informimit Publik Pejë / Offical
https://peja.rks-gov.net

Mbledhja e VIII-të e rregullt për vitin 2026 e Kuvendit të Komunës së PejësMbledhja e VIII-të e rregullt e Kuvendit të K...
27/10/2026

Mbledhja e VIII-të e rregullt për vitin 2026 e Kuvendit të Komunës së Pejës

Mbledhja e VIII-të e rregullt e Kuvendit të Komunës së Pejës për vitin 2026 ka filluar me një minutë heshtje, në nderim të Arlinda Zekajt, e cila u vra tragjikisht më 25 tetor 2026 në Vitomiricë të Pejës.

Mbledhja u udhëhoq nga Kryesuesi i Kuvendit,
z.Rexhep Kurtbogaj, në prani të Kryetarit të Komunës së Pejës, z.Gazmend Muhaxheri dhe anëtarëve të Kuvendit, ku u shqyrtuan çështjet e përcaktuara në rendin e ditës.

Në këtë mbledhje u shqyrtuan pikat e mëposhtme:

1.Aprovimi i rendit të ditës.

2.Shqyrtimi dhe miratimi i procesverbalit të Kuvendit të Komunës së Pejës, të datës 24.09.2026.

3.Shqyrtimi dhe miratimi i propozimit të Kryetarit të Komunës për këmbimin e pronës së paluajtshme komunale me pronën e paluajtshme në pronësi të pronarit privat Beqir Muqa, në ZK Zahaq, për interes publik: krijimi i rrugës.

4.Shqyrtimi dhe miratimi i propozimit të Kryetarit të Komunës për këmbimin e pronës së paluajtshme komunale me pronën e paluajtshme në pronësi të pronarit privat Shaban (Arif) Kastrati, në ZK Zahaq, për formimin e rrugës, si interes publik sipas PZHK-së.

5.Informatë – miratimi i Marrëveshjes së Bashkëpunimit Ndërkomunal për Rajonin Zhvillimor Perëndim.

6.Shqyrtimi i progresit në adresimin e rekomandimeve të Auditorit të Përgjithshëm, sipas planit të veprimit.

7.Shqyrtimi i informatës së Kryetarit të Komunës për gjendjen ekonomiko-financiare në Komunën e Pejës.

8.Shqyrtimi i raportit të të hyrave dhe shpenzimeve për periudhën korrik–shtator 2026.

9.Pyetjet dhe propozimet lidhur me punën e Komunës, të ngritura nga anëtarët e Kuvendit, sipas renditjes së pranimit.

10.Çështje të ngritura gjatë mbledhjes nga udhëheqësi apo anëtarët e Kuvendit.

27/10/2026

TRANSMETIMI I DREJTPËRDREJT I SEANCËS SE RREGULLT TE KUVENDIT TË KOMUNËS SË PEJËS – 27.10.2026

U mbajt mbledhja e radhës e Komitetit për Arsim të Kuvendit Komunal të PejësSot u mbajt mbledhja e radhës e Komitetit pë...
23/10/2026

U mbajt mbledhja e radhës e Komitetit për Arsim të Kuvendit Komunal të Pejës

Sot u mbajt mbledhja e radhës e Komitetit për Arsim, ku u diskutuan çështje të rëndësishme që lidhen me gjendjen aktuale në institucionet arsimore të Komunës së Pejës, sfidat me të cilat përballen shkollat dhe mundësitë për përmirësimin e kushteve dhe cilësisë së arsimit.
Gjatë diskutimeve u trajtuan tema si dhuna në shkolla dhe rëndësia e parandalimit të saj, organizimi praktikave profesionale për nxënësit e shkollave profesionale, ndikimi i teknologjisë në procesin mësimor, si dhe çështja e vlerësimit të nxënësve. Po ashtu, u diskutuan edhe çështje të tjera që lidhen me mbarëvajtjen e procesit arsimor dhe nevojën për bashkëpunim të vazhdueshëm ndërmjet institucioneve përkatëse.
Komiteti për Arsim do të vazhdojë angazhimin në trajtimin e çështjeve që ndikojnë drejtpërdrejt në cilësinë e arsimit.

Mbledhja e VIII-të e Komitetit për Komunitete për vitin 2026Sot u mbajt mbledhja e tetë e Komitetit për Komunitete për v...
23/10/2026

Mbledhja e VIII-të e Komitetit për Komunitete për vitin 2026

Sot u mbajt mbledhja e tetë e Komitetit për Komunitete për vitin 2026, e cila u udhëhoq nga Kryesuesi i Komitetit për Komunitete, z.Muamel Dupljak.

Në këtë mbledhje u diskutuan dhe u trajtuan pikat e parapara sipas rendit të ditës:

1.Aprovimi i rendit të ditës;

2.Shqyrtimi dhe miratimi i procesverbalit të mbledhjes së Komitetit për Komunitete, të mbajtur më 23.09.2026;

3.Raporti i Zyrës për Kthim dhe Komunitete;

4.Raporti i Drejtorisë për Shërbime Publike

Një mbrëmje ndryshe në Pejë! Bashkohemi për gratë, jetën dhe shpresën! Në kuadër të Muajit Rozë, Peja u bë pjesë e një m...
23/10/2026

Një mbrëmje ndryshe në Pejë!

Bashkohemi për gratë, jetën dhe shpresën!

Në kuadër të Muajit Rozë, Peja u bë pjesë e një mbrëmjeje të veçantë, të mbushur me solidaritet, energji pozitive dhe mesazhe të fuqishme për jetën, shpresën dhe gjithëpërfshirjen.

Një kauzë, që na bashkon, gjithëpërfshirje, që na fuqizon, shpresë, që na frymëzon dhe guxim, që na motivon për të qëndruar së bashku në mbështetje të grave dhe në ndërgjegjësimin për rëndësinë e parandalimit dhe diagnostikimit të hershëm të kancerit të gjirit.

Përmes aktiviteteve të tilla, përcjellim mesazhin se solidariteti, kujdesi dhe mbështetja e ndërsjellë janë thelbësore për një shoqëri më të ndërgjegjshme dhe më gjithëpërfshirëse.

Aktiviteti u organizua nga Drejtoria për Kulturë, Rini dhe Sport e Komunës së Pejës, në bashkëpunim me Peja Trail Run.

Mbledhja e tretë e Mekanizmit Koordinues Lokal për Mbrojtjen nga Dhuna në Familje, Dhuna ndaj Grave dhe Dhuna në Bazë Gj...
22/10/2026

Mbledhja e tretë e Mekanizmit Koordinues Lokal për Mbrojtjen nga Dhuna në Familje, Dhuna ndaj Grave dhe Dhuna në Bazë Gjinore

U mbajt mbledhja e tretë e Mekanizmit Koordinues Lokal për Mbrojtjen nga Dhuna në Familje, Dhuna ndaj Grave dhe Dhuna në Bazë Gjinore (MKDHF), e udhëhequr nga znj.Samka Drançolli, Koordinatore e Mekanizmit Koordinues Lokal dhe Zyrtare për Barazi Gjinore në Komunën e Pejës.

Gjatë mbledhjes u diskutua për aktivitetet dhe angazhimet e realizuara ndërmjet takimeve, situatën aktuale dhe sfidat në trajtimin e rasteve të dhunës në familje, dhunës ndaj grave dhe dhunës në bazë gjinore.

Gjithashtu, u trajtua planifikimi dhe koordinimi i aktiviteteve në kuadër të 16 Ditëve të Aktivizmit kundër Dhunës me Bazë Gjinore, me synim forcimin e veprimeve të përbashkëta dhe ndërgjegjësimit publik.

Në kuadër të agjendës, u prezantuan të gjeturat kryesore të fokus-grupit me gra nga komuniteti boshnjak dhe komuniteti serb në Pejë, të realizuar në kuadër të projektit “Women and Access to Justice: From Lived Experiences to Institutional Change”, nga përfaqësueset e organizatës Žensko Pravo.

Prezantimi u përqendrua në përvojat e grave nga komunitetet joshumicë dhe sfidat e tyre në qasjen në drejtësi.

Në shenjë solidariteti dhe ndërgjegjësimi, anëtarët e MKDHF-së realizuan një fotografi të përbashkët në kuadër të Tetorit Rozë, duke përcjellë mesazhin për rëndësinë e kujdesit për shëndetin e grave, kontrolleve të rregullta dhe zbulimit të hershëm të kancerit të gjirit.

Mekanizmi Koordinues Lokal vazhdon të shërbejë, si hapësirë e rëndësishme e bashkëpunimit ndërinstitucional, me synim koordinimin e veprimeve, adresimin e sfidave dhe forcimin e mbrojtjes së grave dhe vajzave nga dhuna.

Komuna e Pejës, përmes Zyrës për Barazi Gjinore dhe bashkëpunimit me institucionet përkatëse, mbetet e përkushtuar në avancimin e barazisë gjinore, parandalimin e dhunës dhe promovimin e qasjes së barabartë në mbrojtje dhe drejtësi.

Nënshkruhet Memorandum Mirëkuptimi për punësimin dhe fuqizimin ekonomik të viktimave të dhunës në familjeDrejtoresha për...
21/10/2026

Nënshkruhet Memorandum Mirëkuptimi për punësimin dhe fuqizimin ekonomik të viktimave të dhunës në familje

Drejtoresha për Mirëqenie Sociale, znj.Albulena Mujaj Bajraktaraj, Udhëheqësi i Agjensionit të Punësimit, z.Blerim Hasani dhe U.D. udhëheqësja e Zyrës së Punësimit në Pejë, znj.Besiana Lluka kanë nënshkruar Memorandum Mirëkuptimi me qëllim të forcimit të bashkëpunimit në fushën e punësimit, aftësimit profesional dhe fuqizimit ekonomik të viktimave/të mbijetuarave të dhunës në familje.

Ky memorandum synon të krijojë një kornizë të përbashkët bashkëpunimi për lehtësimin e qasjes në tregun e punës, ofrimin e këshillimit dhe orientimit profesional, si dhe informimin për mundësitë e punësimit dhe programet e aftësimit profesional.

Përmes këtij bashkëpunimi, palët angazhohen të kontribuojnë në rritjen e pavarësisë ekonomike, riintegrimin dhe fuqizimin e viktimave/të mbijetuarave të dhunës në familje, duke i kushtuar rëndësi të veçantë sigurisë, dinjitetit, privatësisë dhe mbrojtjes së të dhënave personale të tyre.

Një element i rëndësishëm i memorandumit është krijimi i një mekanizmi të veçantë të referimit për punësim, i cili do të mundësojë koordinim më të mirë ndërmjet institucioneve dhe ofrim të shërbimeve sipas nevojave individuale të secilës përfituese.

Bashkohuni për gratë, jetën dhe shpresën! Në kuadër të Muajit Rozë, Komuna e Pejës, përkatësisht Drejtoria për Kulturë, ...
20/10/2026

Bashkohuni për gratë, jetën dhe shpresën!

Në kuadër të Muajit Rozë, Komuna e Pejës, përkatësisht Drejtoria për Kulturë, Rini dhe Sport, në bashkëpunim me Peja Trail Run, ju fton të merrni pjesë në vrapimin solidarizues “Gratë e Forta”, i cili do të mbahet të enjten, më 22 tetor 2026, në orën 18:00.

Nisja nga Sheshi “Skënderbeu”, Pejë.

Ejani të bashkohemi dhe të përcjellim së bashku mesazhin e mbështetjes, solidaritetit dhe ndërgjegjësimit.

Çdo hap ka rëndësi!

MUAJI ROZË – NJË DITË KUSHTUAR FORCËS, SHPRESËS DHE SOLIDARITETITNë kuadër të Muajit Rozë, Zyra për Barazi Gjinore e Kom...
20/10/2026

MUAJI ROZË – NJË DITË KUSHTUAR FORCËS, SHPRESËS DHE SOLIDARITETIT

Në kuadër të Muajit Rozë, Zyra për Barazi Gjinore e Komunës së Pejës, e udhëhequr nga znj.Samka Drançolli organizoi një aktivitet të veçantë me gratë, të cilat përballen me kancerin e gjirit, me qëllim të ofrimit të mbështetjes, promovimit të mirëqenies dhe forcimit të solidaritetit.

Pjesë e këtij takimi ishte doktoresha znj.Adnora Nurboja, e cila ndau këshilla profesionale dhe theksoi rëndësinë e kujdesit për shëndetin, kontrolleve të rregullta dhe zbulimit të hershëm të kancerit të gjirit.

Muaji Rozë është një thirrje për ndërgjegjësim, kujdes dhe solidaritet. Përmes aktiviteteve të tilla, synohet të forcohet mesazhi se gratë meritojnë mbështetje, mirëkuptim dhe dinjitet në çdo etapë të rrugëtimit të tyre.

Shëndeti nuk pret. Zbulimi i hershëm shpëton jetë!

KFOR-i i dhuron një autoveturë zjarrfikësve të Komunës së Pejës Komuna e Pejës ka pranuar një donacion nga Kontingjenti ...
20/10/2026

KFOR-i i dhuron një autoveturë zjarrfikësve të Komunës së Pejës

Komuna e Pejës ka pranuar një donacion nga Kontingjenti Italian i KFOR-it, përkatësisht nga Komanda Rajonale – Perëndim (RC-W), në mbështetje të Shërbimit të Zjarrfikësve të Komunës së Pejës.

Në ceremoninë e pranim-dorëzimit të donacionit ishin të pranishëm Komandanti i Kontingjentit Italian të KFOR-it, Kolonel Giuseppe De Blasi, Nënkryetari i Komunës së Pejës për Komunitete, z.Mirzet Dzogovic, Drejtori i Drejtorisë për Emergjenca, Mbrojtje dhe Shpëtim, z.Luan Voci, Drejtori Ekzekutiv i Agjencisë së Menaxhimit Emergjent (AME), z.Shefki Abdullahu dhe Komandanti i Zjarrfikësve të Komunës së Pejës, z.Butrint Lajçi.

Donacioni përfshin një autoveturë Ford Ranger, të pajisur me modul të integruar për shuarjen e zjarreve, vinç elektrik, drita sinjalizuese, pajisje ndriçuese dhe pajisje të tjera përcjellëse, të cilat do të kontribuojnë në rritjen e kapaciteteve operative dhe në përmirësimin e reagimit të zjarrfikësve në situata emergjente.

Ky donacion përbën një kontribut të rëndësishëm në fuqizimin e Shërbimit të Zjarrfikësve dhe në rritjen e kapaciteteve për mbrojtjen e qytetarëve dhe pronës nga zjarret dhe fatkeqësitë e tjera.

Komuna e Pejës shpreh mirënjohjen e saj për Kontingjentin Italian të KFOR-it për këtë donacion dhe për bashkëpunimin e vazhdueshëm në shërbim të sigurisë së qytetarëve.

Address

Pejë
30000

Website

Alerts

Be the first to know and let us send you an email when Komuna e Pejës posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Komuna e Pejës:

Shortcuts

Share

Category