Qendra Kinematografike e Kosoves

10/11/2026

Juritë Vlerësuese të Konkursit të vitit 2026

Qendra Kinematografike e Kosovës ka emëruar juritë vlerësuese për projektet që kanë aplikuar në kuadër të thirrjes së hapur për subvencionimin e projekteve filmike të vitit 2026.

Juria e përbërë nga Bogdan Muresanu, Ibër Deari, Carmen Gray, Rowan E. Cassidy dhe Fejmi Daut do të vlerësojë kategoritë:

Film i metrazhit të gjatë - artistik;
Film i metrazhit të gjatë - me buxhet të ulët, avant-gardë/eksperimental;
Bashkëprodhim minor për film të metrazhit të gjatë - artistik dhe dokumentar;
Bashkëprodhim minor për film të metrazhit të shkurtër - artistik, dokumentar dhe të animuar;
Post-produksion për film të metrazhit të gjatë - artistik dhe dokumentar.

Juria e përbërë nga Doruntina Kastrati, Hanis Bagashov, Driant Zeneli, Valmira Hyseni dhe Veton Nurkollari do të vlerësojë kategoritë:

Film i metrazhit të gjatë - dokumentar;
Film i metrazhit të shkurtër - dokumentar;
Mbështetje për shkrimin e skenarit për film të metrazhit të gjatë - artistik;
Film i metrazhit të shkurtër bazuar në materiale arkivore.

Juria e përbërë nga Milot Hoxha, Arta Dobroshi, Yll Çitaku, Alush Gashi dhe Arba Hatashi do të vlerësojë kategoritë:

Mbështetje për shkrim të skenarit për serial televiziv;
Film i metrazhit të shkurtër - artistik;
Zhvillim i projektit për film të metrazhit të gjatë (artistik, dokumentar dhe të animuar);
Film i metrazhit të shkurtër - studentor;
Film i metrazhit të shkurtër - i animuar.

https://qkk-rks.com/sq-al/info-lajme/1188/jurite-vleresuese-te-konkursit-te-vitit-2026/

02/11/2026

Hap i ri drejt bashkëpunimit kinematografik ndërmjet Kosovës dhe Italisë! 🇽🇰🇮🇹
Gjatë qëndrimit në Romë, me rastin e pjesëmarrjes në Festivalin EuroBalkan Film, drejtoresha e Qendrës Kinematografike të Kosovës, Blerta Zeqiri, së bashku me Ambasadoren e Republikës së Kosovës në Itali, Nita Shala, takuan drejtorin e përgjithshëm për Kinemanë dhe Audiovizualin, Giorgio Carlo Brugnoni, në Ministrinë e Kulturës së Italisë.
Takimi, i zhvilluar në një atmosferë shumë konstruktive dhe me frymë të mirë bashkëpunimi, shënoi një hap të rëndësishëm drejt thellimit të marrëdhënieve kulturore dhe kinematografike ndërmjet dy vendeve.
Gjatë takimit u dakordua që të nisin punët për hartimin e një marrëveshjeje bilaterale për bashkëprodhimin e filmave ndërmjet Kosovës dhe Italisë, e cila do të krijojë mundësi të reja për bashkëpunim mes industrive filmike, zhvillim të projekteve të përbashkëta dhe forcim të shkëmbimit profesional e artistik.
Qendra Kinematografike e Kosovës vlerëson këtë takim si një hap të rëndësishëm drejt krijimit të partneriteteve të reja ndërkombëtare dhe zgjerimit të hapësirave për filmin kosovar në arenën evropiane.

15/10/2026

Nga filmat e parë te “Dua” dhe “Shame and Money”: Kosova në Çmimet Evropiane të Filmit

Përzgjedhja e filmit “Dua” të Blerta Bashollit dhe “Shame and Money” të Visar Morinës në listën e ngushtë për Çmimet Evropiane të Filmit 2027 na jep edhe një arsye për t’u gëzuar dhe për të kujtuar filmat nga Kosova që kanë qenë pjesë e kësaj gare, në faza të ndryshme të saj.

Në përzgjedhjen e filmave të gjatë artistikë, në fazën para nominimeve:

“Babai”, me regji të Visar Morinës, 2015
“Tri dritare dhe një varje”, me regji të Isa Qosjes, 2015
“Zgjoi”, me regji të Blerta Bashollit, 2021
“Dua”, me regji të Blerta Bashollit, në listën e ngushtë për 2027
“Shame and Money”, me regji të Visar Morinës, në listën e ngushtë për 2027

Në përzgjedhjen e filmave të shkurtër, si kandidatë për nominim:

“Në mes”, me regji të Samir Karahodës, 2020
“Rrugës”, me regji të Samir Karahodës, 2024
“I Believe the Portrait Saved Me”, me regji të Alban Mujës, 2026

Të nominuar për çmimin e filmit të shkurtër evropian:

“Home”, me regji të Daniel Mulloy, 2016, mes 15 të nominuarve sipas formatit të atij edicioni
“Pa vend”, me regji të Samir Karahodës, 2021, mes pesë të nominuarve në fazën finale

“Kthimi”, me regji të Blerta Zeqirit, u përzgjodh nga Festivali i Sarajevës për garën e filmit të shkurtër evropian në vitin 2012, por më pas u tërhoq nga gara.

Këtë herë, Blerta dhe Visari rikthehen me dy histori të reja nga Kosova. Pas secilit film qëndrojnë vite pune dhe shumë njerëz që, me talent e përkushtim, kanë bërë të mundur tregimin e këtyre historive përmes mediumit të kinemasë.

14/10/2026

“Dua” dhe “Shame and Money” në listën e ngushtë për Çmimet Evropiane të Filmit 2027

Dy filma nga Kosova, “Dua”, me regji të Blerta Bashollit, dhe “Shame and Money”, me regji të Visar Morinës, janë përzgjedhur në listën e ngushtë për Çmimet Evropiane të Filmit 2027, duke shënuar një tjetër arritje të rëndësishme për kinematografinë e vendit.

Përzgjedhja e të dy filmave dëshmon praninë gjithnjë e më të spikatur të kineastëve nga Kosova në kinemanë evropiane. Në këtë fazë, anëtarët e Akademisë Evropiane të Filmit do të votojnë për nominimet, të cilat do të shpallen më 14 nëntor 2026.

Qendra Kinematografike e Kosovës uron regjisorët, producentët, aktorët dhe ekipet e të dy filmave për këtë sukses.

30/09/2026

https://www.gazetaexpress.com/shame-and-money-mes-dinjitetit-dhe-parase-drama-e-visar-morines-per-cmimin-e-mbijeteses/

“Shame and Money” – mes dinjitetit dhe parasë, drama e Visar Morinës për çmimin e mbijetesës

23/09/2026

KONKURS PËR SUBVENCIONIMIN E PROJEKTEVE FILMIKE 2026

Qendra Kinematografike e Kosovës ka kënaqësinë t’ju njoftojë se është hapur Konkursi për subvencionimin e projekteve filmike për vitin 2026.

Në kuadër të thirrjes së këtij viti, Qendra Kinematografike e Kosovës prezanton edhe tre kategori të reja: Bashkëprodhim Minor për Film të Metrazhit të Shkurtër, Mbështetje për Shkrim të Skenarit për Serial Televiziv dhe Film i Metrazhit të Shkurtër Bazuar në Materiale Arkivore.

Përmes këtij Konkursi, projektet filmike do të mbështeten në këto kategori:

1. FILM I METRAZHIT TË GJATË - ARTISTIK
2. FILM I METRAZHIT TË GJATË - DOKUMENTAR
3. FILM I METRAZHIT TË GJATË - ME BUXHET TË ULËT, AVANT-GARDË/EKSPERIMENTAL
4. BASHKËPRODHIM MINOR PËR FILM TË METRAZHIT TË GJATË - ARTISTIK DHE DOKUMENTAR
5. FILM I METRAZHIT TË SHKURTËR - ARTISTIK
6. FILM I METRAZHIT TË SHKURTËR - I ANIMUAR
7. FILM I METRAZHIT TË SHKURTËR - DOKUMENTAR
8. FILM I METRAZHIT TË SHKURTËR - STUDENTOR
9. BASHKËPRODHIM MINOR PËR FILM TË METRAZHIT TË SHKURTËR - ARTISTIK, DOKUMENTAR DHE I ANIMUAR
10. MBËSHTETJE PËR SHKRIM TË SKENARIT PËR FILM TË METRAZHIT TË GJATË - ARTISTIK DHE I ANIMUAR
11. ZHVILLIM I PROJEKTIT PËR FILM TË METRAZHIT TË GJATË - ARTISTIK, DOKUMENTAR DHE I ANIMUAR
12. MBËSHTETJE PËR SHKRIM TË SKENARIT PËR SERIAL TELEVIZIV
13. POST-PRODUKSION PËR FILM TË METRAZHIT TË GJATË - ARTISTIK DHE DOKUMENTAR
14. FILM I METRAZHIT TË SHKURTËR BAZUAR NË MATERIALE ARKIVORE

Konkursi është i hapur nga data 23.09.2026 deri më 25.10.2026, në orën 00:00.

Për më shumë informacione dhe detajet e Konkursit, ju lutemi lexoni shpalljen e plotë në webfaqen zyrtare të Qendrës Kinematografike të Kosovës.

https://qkk-rks.com/sq-al/info-lajme/1184/konkurs-per-subvencionimin-e-projekteve-filmike/

17/09/2026

LOST FRAMES, filmi i parë i metrazhit të gjatë nga Samir Karahoda, me producent Valon Bajgorën, është një nga 3 projektet e përzgjedhura nga 140 aplikime për TorinoFilmLab Co-Production Fund 2026.
Projekti përfiton një grant prej €50,000, së bashku me sesione të përshtatura konsulence me ekspertë ndërkombëtarë, që do ta mbështesin filmin në fazat e ardhshme të produksionit.
LOST FRAMES është projekt i mbështetur nga Qendra Kinematografike e Kosovës.
Prodhuar nga SK Pictures & Ikone Studio (Kosovë), Donkey Film (Gjermani), Donkey Studio (Austri), Kazak Production (Francë) dhe OnFilm Production (Shqipëri).


LOST FRAMES, the debut feature by Samir Karahoda and produced by Valon Bajgora, is one of 3 projects selected from 140 submissions for the TorinoFilmLab Co-Production Fund 2026.
The project receives a €50,000 grant, together with tailored consultancy sessions with international experts supporting the film through the next stages of production.
LOST FRAMES is supported by the Kosovo Cinematography Center.
Produced by SK Pictures & Ikone Studio (Kosovo), Donkey Film (Germany), Donkey Studio (Austria), Kazak Production (France), and OnFilm Production (Albania).

14/09/2026

Best Film Award went to SHAME AND MONEY by Visar Morina, produced by Visar Morina, Pia Hellenthal, Fabian Altenried, Sophie Ahrens, Kristof Gerega, Eshref Durmishi.
Germany / Kosova / Slovenia /
Albania / North Macedonia / Belgium.

14/09/2026

Best director award went to Belkis Bayrak for GÜLIZAR, Türkiye.