LDK BOS

“Tonë jemi bashkë. Bashkë jemi!
E para parti u kanë. U kanë lëvizje, u kanë LDK-ja.

7000 vetë kanë votu në Mynih. Une e kom rujtë sanakun. Janë gjinja gjallë. As s’jam shku me hongër bukë, veç një ujë. Në emër të Zotit, revolen se kom hjekë prej shoke, mos po ma vjedhë kush naj votë!”

Rifat Jashari, 5 mars 2026
Prekaz.

LDK BOS, 060326*

QENKAN PRISHUR ZOTËRINJTË MES VETE, LUMIR AGA DHE ISA BEGU.

Përplasja në LDK: Abdixhiku ia kthen Mustafës, debat për “rugovizmin” dhe për Vjosa Osmanin.

Një botë shqiptare e di se as njëri, as tjetri nuk jeni dhe nuk keni qenë thelbësisht në frymën e LDK-së.

Në LDK keni ardhur të dytët, me “parashutë” e me tupana të shikut . Për ju, LDK-ja ishte si një vegë shahu për ta marrë kalanë nga brenda dhe për ta shkatërruar, dhe ashtu ndodhi.

Mesazh për LDK-në:
Vjosës duhet ti mundësohet formimi dhe t’i vazhdohet edhe një mandat si trashëguesja e vetme e rugovizmit. Ajo do të ishte zgjedhja e vetme për stabilitet dhe zhvillim.

Halil Geci

LDK BOS - 120126*

Reagimi i kryetarit të LDK-së, Lumir Abdixhikut

👇

Në vend të injorimit dhe reagimit.

Siç edhe e shihni, ka një mosdurim të thellë ndaj vendimit të lirë të anëtarësisë. Një mllef dhe një zell për të më sulmuar mua, LDK-në, familjen Rugova, veprimtarët e shumicës, punën e profesionistëve, të rinjve e të vjetërve pa dallim; secilin! Zi e terr për gjithçka në LDK, lëvdata për secilin kundërshtar të saj.

Kjo ndodh gjithmonë kur prapaskena mbetet pa rol, kur skemat e errëta nuk gjejnë më derë, dhe kur anëtarësia, me një qetësi që nuk shet shpirtin, e mbyll kapitullin.

Vendimi i lirë dhe i drejtë i anëtarësisë është gjithmonë i rëndë për ata që janë mësuar ta injorojnë e mbysin atë. Që, në vend të maturisë, ndihmesës dhe këshillëdhënies në kohë të vështira zgjedhin të përbaltin dhe të hapin kriza me çdo kusht. Papjekuri! Shpesh e pyes veten se si do të dukej kjo shtëpi politike sot, sikur e gjithë kjo përvojë do të ishte pranë nesh, e jo përballë.

Do ta kuptojmë një ditë, nëse veç se kemi kuptuar, se Kuvendi i ynë nuk ishte thjesht një ngjarje demokratike. Ishte një shkëputje e qartë mes një kohe që kërkonte kontroll pa parim dhe një kohe që kërkon rimëkëmbje dhe përgjegjësi. Prej asaj dite, kjo shtëpi e madhe e jona ecën përpara me njerëzit e saj, me besimin e vet dhe me dinjitetin e zgjedhjes së lirë - dhe, ju pëlqeu a s’ju pëlqeu disave, s’ka më asgjë që e ndal këtë mbarësi.

Rrugët që kthehen mbrapa nuk janë më tonat. Të gjithë do të pensionohemi një ditë; por jo nga dinjiteti, dhe jo nga njerëzorja. Ato duhet t’i ruajmë. Sepse fundi i rolit nuk është fundi i botës; është thjesht pranim i kohës që ka ecur përpara.

LDK-në do ta bashkojmë. Fort madje.
Por jo kështu. Jo me këtë logjikë. Jo me ata që nuk e pranojnë se çdo kohë ka një fund. Jo me ata që besojnë se vullneti i anëtarësisë mund të riformësohet e tjetërsohet në prapaskenat e darkave përplot intriga. E aq më pak me ata që kanë refuzuar, vazhdimisht, ta dëgjojnë këtë anëtarësi.

Kaq, për sot e përherë.
Kemi punë më të mençura.

Paneli Zgjedhor për Ankesa dhe Parashtresa ka pranuar shtatë ankesa lidhur me publikimin e rezultatit përfundimtar nga Komisioni Qendror i Zgjedhjeve.

Për të gjitha ankesat e pranuara, PZAP do të vendosë brenda afatit ligjor prej nëntëdhjetë e gjashtë orësh nga data e parashtrimit të secilës ankesë.

LDK BOS

Shtatë ankesa në PZAP lidhur me rezultatin përfundimtar të zgjedhjeve Paneli Zgjedhor për Ankesa dhe Parashtresa ka pranuar shtatë ankesa lidhur me publikimin e rezultatit përfundimtar nga Komisioni Qendror i Zgjedhjeve.

Ambasadorja e Izraelit, Tammy Ziv, ka uruar Kosovën dhe Izraelin me rastin e pesëvjetorit të vendosjes së marrëdhënieve diplomatike mes dy vendeve...

LDK BOS

Pesë vjet marrëdhënie diplomatike Izrael-Kosovë, uron ambasadorja Ziv Ambasadorja e Izraelit, Tammy Ziv, ka uruar Kosovën dhe Izraelin me rastin e pesëvjetorit të vendosjes së marrëdhënieve diplomatike mes dy vendeve.

Karikatura e ditës

- LDK-ja vazhdon me Abdixhikun kryetar

LDK BOS*

*Karikaturë e huazuar!

Isa Mustafa thyen heshtjen: LDK-së nuk i nevojiten ndarjet të vjetrit dhe të rinjtë

Ish-kreu i Lidhjes Demokratike të Kosovës, Isa Mustafa, ka publikuar një deklaratë në Facebook lidhur me gjendjen aktuale në LDK, duke iu përgjigjur kërkesave të shumta nga media për koment mbi zhvillimet e fundit.

Ai nënvizon se LDK nuk meriton epitafe dhe se ata që e duan duhet ta bëjnë këtë me besim të plotë, duke njohur potencialin e partisë për t’u rikthyer si subjekt i fortë politik që siguron balancë në ndërtimin demokratik të shtetit të Kosovës. Mustafa thekson se LDK qëndron përpara çdo emri të veçantë; përveç kryetarit historik, Ibrahim Rugova, partia nuk identifikohet me asnjë individ.

Sipas tij, në LDK nuk ka nevojë për ndarje gjeneratash.

“LDK-së nuk i nevojiten ndarjet në ne dhe ata; të vjetrit dhe të rinjtë; të mitë dhe të atyre para meje”, ka shkruar ai, mes tjerash.

LDK BOS

Reagimi i plotë:

https://www.facebook.com/IsaMustafaKS/posts/1476699973819771?ref=embed_post

Sukseset e Kosovës janë arritje kombëtare para së cilave e me të cilat mburremi të gjithë!*

Përfshirja e Kosovës në një iniciativë ndërkombëtare për paqen, të udhëhequr nga Presidenti i Shteteve të Bashkuara të Amerikës, Donald Trump, është një moment që tejkalon secilin lajm ditor.

Për një shtet që ka kaluar nga lufta në liri, falë edhe ndërhyrjes ndërkombëtare, prania në tryezat ku diskutohet paqja globale është edhe dëshmi, edhe përgjegjësi. Dëshmi e suksesit tonë, përgjegjësi për rolin tonë prej shtetit të ri. Është shenjë se Kosova nuk shihet vetëm si përfituese e paqes, por edhe si pjesë e saj.

Në një botë gjithnjë e më të fragjile, çdo hap i përbashkët me SHBA-të është hap që forcon sigurinë tonë kombëtare, thellon aleancat tona strategjike dhe e vendos Kosovën aty ku i takon; në anën e paqes dhe aleancave të drejta.

Lidhja Demokratike e Kosovës e mbështet këtë hap të madh drejt një kapitulli të ri dhe i gëzohet këtij fakti historik. Sepse sukseset e Kosovës janë arritje kombëtare para së cilave e me të cilat mburremi të gjithë.

Lumir Abdixhiku

*Zgjodhi dhe mbititulli: LDK BOS

**Burimi:

**https://www.facebook.com/share/p/1HPni8wi1u/

Photo: Kosova Becomes Member of BOARD of PEACE!

DEKLARATË POLITIKE
E KUVENDIT TË LIDHJES DEMOKRATIKE TË KOSOVËS

Kuvendi i Lidhjes Demokratike të Kosovës, pas shqyrtimit të gjendjes politike dhe organizative të partisë, miraton këtë Deklaratë politike, e cila përcakton orientimet kryesore reformuese, organizative dhe programore të LDK-së.

1. Riorganizimi i plotë organizativ i LDK-së

1.1. Kuvendi i LDK-së kërkon riorganizim tërësor të strukturës organizative të partisë, në të gjitha nivelet, duke u bazuar në parimet e meritokracisë, angazhimit të dëshmuar politik dhe funksionalitetit të degëve dhe nëndegëve.

1.2. Kuvendi kërkon që brenda afatit prej 100 (njëqind) ditësh të hartohet dhe të finalizohet Platforma Politike dhe Organizative mbi Modelin e Ri të Organizimit të LDK-së.

1.3. Kjo platformë duhet të parashohë ristrukturimin e degëve sipas modeleve funksionale, me nëndegë aktive dhe operative, me përgjegjësi të qarta dhe mekanizma matës të performancës politike dhe organizative.

1.4. Kuvendi autorizon Kryesinë e LDK-së për formimin e Komisionit për plotësim ndryshimin e Statutit të LDK-së.

1.5. Kuvendi riafirmon parimin se asnjë anëtar i LDK-së nuk duhet të mbajë më shumë se një funksion partiak, me përjashtim të funksioneve që burojnë nga zgjedhja ose emërimi në shërbim institucional të Republikës së Kosovës, me qëllim ndarjen e qartë të përgjegjësive dhe shmangien e përqendrimit të pushtetit partiak.

2. Respektimi i vendimmarrjes kolegjiale dhe disiplinës statutare

2.1. Kuvendi kërkon respektim të plotë, të pakushtëzuar dhe të vazhdueshëm të vendimeve të Kryesisë së LDK-së nga të gjitha strukturat partiake, pasi këto vendime të kenë kaluar procesin e rregullt të debatit, konsultimit dhe vendimmarrjes kolegjiale.

2.2. Kuvendi thekson se demokracia e brendshme nënkupton debat të lirë para vendimit dhe respekt të vendimit të shumicës pas marrjes së tij.

2.3. Çdo formë e individualizmit politik që cenon vendimmarrjen kolektive, unitetin organizativ dhe funksionimin e partisë, do të trajtohet përmes mekanizmave statutare, në përputhje me Statutin e LDK-së dhe parimet e përgjegjësisë politike.

3. Riorganizimi i organeve qendrore dhe forcimi i degëve

3.1. Kuvendi i Lidhjes Demokratike të Kosovës i kërkon Kryetarit të LDK-së formimin e një Kryesie të re statutare, e cila do të shërbejë si organi kryesor për marrjen e vendimeve politike dhe për drejtimin strategjik të partisë. Kuvendi e autorizon Kryetarin, që në konsultim me Nënkryetarët e LDK-së, të caktojë përbërjen e Kryesisë së re, brenda një afati sa më të shkurtër të mundshëm.

3.2. Kuvendi kërkon forcimin e rolit dhe kompetencave të Kolegjiumit të Degëve, duke e konsoliduar atë si mekanizëm funksional vendimmarrës në çështjet organizative, me qëllim rritjen e përfaqësimit të degëve, sigurimin e kohezionit të brendshëm dhe lidhjen e drejtpërdrejtë funksionale ndërmjet strukturave qendrore dhe bazës partiake.

3.3. Kuvendi kërkon formimin e një trupi të ri koordinues, të quajtur Trupi Qeverisës i Përfaqësimit Lokal, i cili do të përbëhet nga Kryetarët e Komunave të udhëhequra nga LDK-ja, si dhe përfaqësues të koalicioneve qeverisëse lokale, me qëllim harmonizimin e politikave partiake me praktikat qeverisëse në nivel lokal.

3.4. Kuvendi kërkon që Kryesia e LDK-së, Kolegjiumi i Degëve dhe Trupi Qeverisës i Përfaqësimit Lokal të funksionojnë në koordinim të plotë organizativ dhe politik, përmes mekanizmave të rregullt të komunikimit, konsultimit dhe vendimmarrjes, duke garantuar unitet veprimi, qartësi kompetencash dhe efikasitet institucional të partisë në të gjitha nivelet.

3.5. Kuvendi kërkon formimin e një Trupi Këshilldhënës të Lidhjes Demokratike të Kosovës, i përbërë nga figura me përvojë historike në LDK dhe nga personalitete që kanë mbajtur funksione udhëheqëse partiake dhe institucionale. Ky trup do të ketë rol këshillues, pa kompetenca vendimmarrëse, dhe do të shërbejë për ruajtjen e vazhdimësisë politike, kujtesës institucionale dhe orientimit strategjik afatgjatë të partisë.


4. Programi kombëtar dhe roli institucional i LDK-së
4.1. Kuvendi kërkon që Lidhja Demokratike e Kosovës të hartojë dhe të paraqesë Programin Kombëtar Politik, i cili e pozicionon qartë LDK-në si forcë qeverisëse, faktor stabiliteti institucional dhe bartëse të përgjegjësisë shtetërore.

4.2. Ky program dhe çdo veprim para këtij programi duhet të pasqyrojë rolin historik dhe aktual të LDK-së në ndërtimin e shtetit, forcimin e institucioneve demokratike dhe garantimin e stabilitetit politik dhe institucional të Republikës së Kosovës.

4.3. Në këtë drejtim, Kuvendi i Lidhjes Demokratike të Kosovës i jep mbështetje dhe autorizim të plotë Kryetarit të partisë për të udhëhequr dhe përfaqësuar Lidhjen Demokratike të Kosovës në të gjitha proceset shtetërore dhe politike në fazën e ardhshme institucionale, në përputhje me parimet programore, interesin publik dhe përgjegjësinë shtetërore të LDK-së. Kryetari i LDK-së do të ndërtojë pozicionet politike të partisë në konsultim me organet legjitime partiake, ndërsa vendimet përfundimtare do të zbatohen në tërësi nga të gjitha strukturat e LDK-së.

5. Dispozitë përmbyllëse

5.1. Kuvendi i Lidhjes Demokratike të Kosovës e konsideron këtë Deklaratë Politike si orientim obligues për veprimin politik dhe organizativ të partisë në periudhën në vijim.
5.2. Votëbesimi i dhënë shënon fillimin e një faze të re reformuese dhe konsoliduese për LDK-në, në shërbim të anëtarësisë, votuesve dhe Republikës së Kosovës.

Prishtinë, 31 janar 2026

******

LDK BOS, 31.01.26*
-Fans