Trashëgimia Kulturore e Kosovës

Edhe një kryevepër e trashëgimisë kulturore ruhet për brezat e ardhshëm.

Shtëpia Dobruna Polloshka në Gjakovë, e shpëtuar nga shkatërrimi i plotë, tashmë është e restauruar dhe gati për funksionalizim.

✅ Shpëtohet nga rrënimi kulla e Ymer Pogës në Rogovë, Gjakovë.

Kanë përfunduar ndërhyrjet e fazës së parë në këtë aset që i përket shekullit XVI dhe konsiderohet si një ndër kullat më të vjetra në Kosovë.

Faza përfundimtare e punimeve do të vijojë me qëllim funksionalizimin e plotë të saj.

🏘️ Çarshia e Vjetër e Pejës bëhet me Plan të Menaxhimit 2025–2035

Në mandatin tonë, në trashëgiminë kulturore të Pejës është investuar si asnjëherë më parë.

Kemi restauruar asete të shumta, ndër to: kullën e Fazli Buqollit në Raushiq, kullën e Sheremetit, shkollën e parë shqipe, dyqanin e Musa Goranit në Çarshinë e Pejës, mullirin e Cal Malush*t në Kotradiq, konakun e Mahmut Begollëve, kullën e Goskajve, ndërsa shumë të tjera janë në proces restaurimi.

Tash kemi miratuar edhe Planin e Menaxhimit për Çarshinë e Vjetër, një dokument strategjik që vendos kornizën për ruajtjen, promovimin dhe menaxhimin e Çarshisë së Vjetër të Pejës.

Dokumenti është hartuar nga profesionistë të institucioneve vartëse të Ministrisë së Kulturës - QRTK Pejë, në bashkëpunim me Komunën e Pejës dhe organizatat joqeveritare në Pejë, me mbështetjen e ekspertëve ndërkombëtarë dhe OSBE.

Plani orienton zhvillimin urban në përputhje me trashëgiminë kulturore dhe synon përmirësimin e hapësirave publike, për të rritur cilësinë e jetës dhe përvojën e vizitorëve, duke nxitur njëkohësisht turizmin kulturor, ekonominë lokale dhe krijimin e vendeve të reja të punës.

Gjatë vitit 2026 do të vazhdojmë me investime në tërësinë urbanistike të Çarshisë së Pejës.

Bashkëngjitur gjeni Planin e Menaxhimit të Çarshisë së Vjetër të Pejës: https://url-shortener.me/64CM

Edhe një tjetër dëshmi e punës dhe ruajtjes së trashëgimisë kulturore shqiptare.

Kulla e familjes së Shaban Azem Lokajt, në Voksh të Deçanit.

VVazhdojmë.