Oda Ekonomike e Kosovës

24/10/2026

☕ Mirëmëngjesi nga Trieste, Itali!

Bizneset kosovare në panairin ndërkombëtar të kafesë

Nga 21 deri më 23 tetor, në Trieste të Italisë, u mbajt panairi ndërkombëtar i kafesë Trieste Espresso Expo 2026, ku Kosova u përfaqësua nga katër kompani anëtare të Odës Ekonomike të Kosovës: Prince Caffe, Galla Coffee, Nori Group dhe VEDA Company.

Pjesëmarrja e këtyre kompanive u mundësua nga Oda Ekonomike e Kosovës, përmes WB6 Chamber Investment Forum, duke u krijuar mundësi për prezantimin e produkteve vendore dhe për krijimin e kontakteve të reja në tregjet ndërkombëtare.

OEK i fton bizneset e Kosovës t’i bashkohen Odës dhe të përfitojnë nga shërbimet dhe mundësitë që ofron për zhvillimin e tyre. Përveç shërbimeve të subvencionuara, OEK synon që, brenda mundësive, t’i mbështesë anëtarët edhe për pjesëmarrje në panaire të ndryshme ndërkombëtare.

Së bashku ndërtojmë një Odë Ekonomike shtetërore moderne, të fuqishme dhe pranë bizneseve, që i përfaqëson, mbështet dhe krijon mundësi të reja për zhvillim e rritje ekonomike, sipas standardeve të shteteve demokratike.

23/10/2026

Oda Ekonomike e Kosovës mori pjesë në Takimin e 5-të Vjetor Rajonal për luftimin e kontrabandimit të migrantëve dhe trafikimit me qenie njerëzore, të mbajtur në Budva.

Gjatë takimit, OEK paraqiti nevojat e bizneseve dhe punëdhënësve, duke theksuar rëndësinë e rekrutimit të ligjshëm dhe etik, thjeshtimit të procedurave dhe mbrojtjes së punëtorëve migrantë nga shfrytëzimi.

Po ashtu, u theksua nevoja për bashkëpunim më të ngushtë ndërmjet institucioneve dhe sektorit privat, në nivel vendor dhe rajonal.

23/10/2026

Artaria dhe argjendaria në fokus të takimit në OEK

Në Odën Ekonomike të Kosovës, u mbajt mbledhja e Këshillit Drejtues të Shoqatës së Artarëve dhe Argjendarëve të Kosovës.

Në takim u diskutuan çështjet me rëndësi për këtë sektor, sfidat me të cilat përballen bizneset dhe mundësitë për bashkëpunim e zhvillim të mëtejshëm.

OEK do të vazhdojë bashkëpunimin me Shoqatën e Artarëve dhe Argjendarëve, në mbështetje të bizneseve dhe përfaqësimit të interesave të tyre.

23/10/2026

Mirëmëngjesi me këtë intervistë për albinfo.ch, kushtuar diasporës sonë dhe rolit të saj në zhvillimin ekonomik të Kosovës.

Lulzim Rafuna, kryetar i Odës Ekonomike të Kosovës, flet për kalimin nga remitanca te investimi: pse patundshmëria mbetet zgjedhja e parë, çfarë e ndal prodhimin — dhe pse kursimet e diasporës nuk duhet trajtuar si para të garantuara

22/10/2026

OEK viziton kompaninë Skenda Engineering në Ferizaj

Kryetari i Odës Ekonomike të Kosovës, Lulzim Rafuna, vizitoi kompaninë Skenda Engineering SH.P.K. në Ferizaj, ku u prit nga pronari, Skender Veseli.

Gjatë vizitës, Rafuna u njoh nga afër me veprimtarinë e kompanisë, kapacitetet prodhuese dhe punën e saj në fushën e konstruksioneve metalike.

Vizita të tilla janë një mundësi e rëndësishme për të forcuar bashkëpunimin ndërmjet Odës Ekonomike të Kosovës dhe bizneseve, për të diskutuar sfidat e sektorit privat dhe për të identifikuar mundësi të reja për zhvillim dhe rritje ekonomike.

22/10/2026

Vizitë në ProMetal SH.P.K. – potenciali i industrisë vendore në fokus

Kryetari i Odës Ekonomike të Kosovës, Lulzim Rafuna, vizitoi kompaninë ProMetal SH.P.K., ku u prit nga pronari i saj, Ali Krasniqi.

Gjatë vizitës, Rafuna u njoh nga afër me proceset e prodhimit dhe shërbimet që ofron kompania në fushën e përpunimit të llamarinës dhe metaleve, përfshirë prerjen me laser, lakimin CNC, saldimin, formësimin, montimin dhe lyerjen me pluhur.

Përmes teknologjisë moderne dhe zgjidhjeve të përshtatura sipas kërkesave të klientëve, ProMetal SH.P.K. kontribuon në zhvillimin e kapaciteteve prodhuese dhe në rritjen e konkurrueshmërisë së industrisë vendore.

Bashkëpunimi i ngushtë me bizneset vendore është thelbësor për identifikimin e nevojave të tyre, promovimin e prodhimit vendor dhe krijimin e mundësive të reja për zhvillim ekonomik.

22/10/2026

OEK viziton kompaninë Kaseta SH.K. në Ferizaj

Kryetari i Odës Ekonomike të Kosovës, Lulzim Rafuna, vizitoi kompaninë Kaseta SH.K. në Ferizaj, në pronësi të Astrit Graincës, ku u prit nga menaxheri i kompanisë, Ardiani.

Gjatë vizitës, Rafuna u njoh nga afër me veprimtarinë e kompanisë dhe diskutoi për zhvillimet dhe sfidat me të cilat përballen bizneset.

Oda Ekonomike e Kosovës do të vazhdojë të mbështesë bizneset vendore, të përfaqësojë interesat e tyre dhe të punojë për krijimin e kushteve më të mira për zhvillimin e sektorit privat.

22/10/2026

📢 TRAJNIM PROFESIONAL: Harmonizimi i fitimit kontabël me fitimin e tatueshëm

Oda Ekonomike e Kosovës organizon trajnim praktik për harmonizimin e fitimit kontabël me fitimin e tatueshëm, me fokus në trajtimin e shpenzimeve për qëllime tatimore dhe llogaritjen e detyrimit tatimor.

👩‍🏫 Ligjëruese:

Xhyldane Kicmari, auditore

Minire Luta, zyrtare në ATK

📅 Data: 12 nëntor 2026
🕘 Ora: 09:00–15:30
📍 Vendi: Oda Ekonomike e Kosovës
💶 Çmimi: 70 € për pjesëmarrës, me 10% zbritje për pjesëmarrësit nga kompanitë anëtare të OEK-ut.

🎓 Pjesëmarrësit pajisen me certifikatë pjesëmarrjeje dhe materialet e trajnimit në format elektronik.

📩 Regjistrohuni këtu:
https://forms.cloud.microsoft/e/wgfYjYgtcn

21/10/2026

OEK shënon Muajin Rozë me ligjëratë për kancerin e gjirit

Në kuadër të aktiviteteve të Muajit Rozë, Oda Ekonomike e Kosovës organizoi një takim informues me Dr. Egzona Bytyqi, e cila foli për rëndësinë e parandalimit dhe zbulimit të hershëm të kancerit të gjirit.

Takimi kishte për qëllim informimin dhe ndërgjegjësimin për rëndësinë e kontrolleve të rregullta dhe kujdesit shëndetësor.

OEK-u e organizon këtë aktivitet çdo vit, në muajin tetor, për të kontribuar në rritjen e ndërgjegjësimit dhe për të përcjellë mesazhin se kontrollet me kohë mund të shpëtojnë jetë.

21/10/2026

OEK uron Teuta Zaiti-Hotin për pozitën e re në Sigma

Kryetari i Odës Ekonomike të Kosovës, Lulzim Rafuna, takoi Teuta Zaiti-Hotin, CEO të kompanisë Sigma, anëtare e OEK-ut, të cilën e uroi për pozitën e re.

Gjatë takimit u diskutua për sfidat dhe progresin e sektorit të sigurimeve në Kosovë, si dhe për mundësitë e zhvillimit të mëtejshëm të tij.

OEK-u do të vazhdojë të ofrojë mbështetje përmes avokimit dhe përfaqësimit të interesave të bizneseve, me synim krijimin e kushteve më të mira për zhvillimin e sektorit të sigurimeve në vend.