Home > Kosovo > Pristina > Ministria e Industrisë, Ndërmarrësisë, Tregtisë dhe Inovacionit

Ministria e Industrisë, Ndërmarrësisë, Tregtisë dhe Inovacionit

Ministria e Industrisë, Ndërmarrësisë, Tregtisë dhe Inovacionit

Share

Ministria e Industrisë, Ndërmarrësisë, Tregtisë dhe Inovacionit

05/06/2026

Ministrja Kusari-Lila: Dy masa për mbrojtjen e prodhimit vendor nga praktikat e padrejta tregtare

Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, ka mbajtur sot konferencë për media ku ka bërë të ditura dy vendime të rëndësishme që lidhen me mbrojtjen e bizneseve vendore nga praktikat e padrejta tregtare ndaj Republikës së Kosovës.

Ministrja theksoi se të dy vendimet bazohen në analiza statistikore dhe janë në përputhje të plotë me legjislacionin në fuqi, duke pasur për qëllim mbrojtjen e prodhimit vendor dhe garantimin e kushteve të barabarta të konkurrencës në treg.

Vendimi i parë ka të bëjë me fillimin e hetimit zyrtar për importin e farës së grurit me origjinë nga Serbia, pas një ankese të një kompanie vendore prodhuese.

Sipas ministrisë, ekzistojnë indikacione se fara e grurit po importohet dhe sh*tet me çmime dumping, duke shkaktuar dëme materiale në industrinë vendore të prodhimit të farës së grurit në Kosovë.

Hetimi është iniciuar në bazë të Ligjit për Masat Antidamping dhe Masat Kundërbalancuese, pas analizave të Departamentit të Tregtisë dhe konsultimeve me Komisionin për Vlerësimin e Detyrimeve të Veçanta në Importe.

Analiza preliminare është mbështetur në të dhëna nga prodhuesit vendorë, Dogana e Kosovës, MBPZHR dhe tregu rajonal, ndërsa në rast të konstatimit të dumpingut dhe dëmit ndaj industrisë vendore, ministria ka paralajmëruar vendosjen e masave të përkohshme antidumping.

Vendimi i dytë që ministrja e ka përcjellë për miratim në Qeveri ka të bëjë me vendosjen e një kuote sasiore ndaj Serbisë për importin e aluminit dhe artikujve prej alumini.

Sipas ministrisë, ky vendim vjen si reagim ndaj kufizimeve të vendosura nga Serbia për eksportet e Kosovës, veçanërisht në sektorin e çelikut dhe materialeve ndërtimore, të cilat kanë ndikuar drejtpërdrejt në tregtinë e Kosovës në kuadër të CEFTA-s.

Kosova ka theksuar se këto masa të Serbisë kanë krijuar disbalancë tregtare dhe kanë ndikuar negativisht në eksportet vendore, ndërsa institucionet kosovare kanë adresuar çështjen në disa raste në kuadër të mekanizmave të CEFTA-s, pa rezultate konkrete.

Kuota e propozuar parasheh kufizimin e importit në nivelin 30% të vëllimit të vitit 2025 për produktet e Kapitullit 76, ndërsa çdo tejkalim i saj do t’i nënshtrohet tarifës doganore prej 50%.

Ministrja Kusari-Lila theksoi se këto masa synojnë mbrojtjen e prodhuesve vendorë, rivendosjen e konkurrencës së drejtë dhe trajtim reciprok në marrëdhëniet tregtare.

Ajo shtoi se Kosova mbetet e përkushtuar ndaj tregtisë së lirë dhe bashkëpunimit rajonal, por nuk do të lejojë praktika që dëmtojnë prodhimin vendor dhe ekonominë e vendit.

05/06/2026

Live nga konferenca për media për vendosjen e masave anti-dumping dhe vendimi për kufizimin sasior për importe

Photos from Ministria e Industrisë, Ndërmarrësisë, Tregtisë dhe Inovacionit's post 05/06/2026

MINTI dhe Universiteti i Prishtinës nënshkruajnë Memorandum Bashkëpunimi 5-vjeçar për inovacion dhe zhvillim ekonomik

Ministria e Industrisë, Ndërmarrësisë, Tregtisë dhe Inovacionit (MINTI) dhe Universiteti i Prishtinës “Hasan Prishtina” kanë nënshkruar sot Memorandumin e Bashkëpunimit, i cili parasheh një partneritet pesëvjeçar në fushat e inovacionit, arsimit dhe zhvillimit ekonomik.

Memorandumi u nënshkrua nga ministrja Mimoza Kusari-Lila dhe Rektori i UP-së, Prof. Arben Hajrullahu, duke synuar forcimin e lidhjes ndërmjet akademisë dhe industrisë dhe vendosjen e dijes dhe hulumtimit shkencor në funksion të zhvillimit ekonomik të vendit.

Përmes këtij bashkëpunimi parashihet avancimi i inovacionit, transformimit digjital dhe industrisë së gjelbër, mbështetja e start-up-eve dhe ndërmarrjeve të vogla e të mesme, si dhe krijimi i mundësive për praktika profesionale për studentët.

Po ashtu, do të angazhohet ekspertiza akademike në hartimin e politikave publike në fushën e investimeve, tregtisë dhe mbrojtjes së konsumatorit.

Në këtë kontekst, u theksua se kapitali njerëzor mbetet burimi kryesor i zhvillimit ekonomik, ndërsa investimi në arsim, kërkim shkencor dhe inovacion është thelbësor për ndërtimin e një ekonomie moderne dhe konkurruese.

Ky partneritet synon të kontribuojë në forcimin e lidhjes mes arsimit dhe tregut të punës, duke mbështetur zhvillimin e qëndrueshëm dhe integrimin ekonomik të Kosovës në tregjet evropiane.

05/06/2026

KONFERENCË PËR MEDIA

Ministrja e MINTI-t, Mimoza Kusari-Lila, sot, do të mbajë konferencë për media, ku do t’i prezantojë dy vendime të fundit të rëndësishme:

• Vendimi për vendosjen e masave anti-dumping për Serbinë,
• Vendimi për kufizimin sasior për importe.

Konferenca do të mbahet:
Datë: 05.06.2026
Ora: 12:00
Vendi: MINTI

Photos from Ministria e Industrisë, Ndërmarrësisë, Tregtisë dhe Inovacionit's post 03/06/2026

Prezantohen gjetjet e studimit për shfrytëzimin e burimeve natyrore dhe zhvillimin industrial në Kosovë

Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, mori pjesë në hapjen e punëtorisë ku u prezantuan gjetjet e studimit “Shfrytëzimi i burimeve natyrore dhe mallrave minimalisht të përpunuara në Kosovë”, të realizuar nga organizatat Rex Consulting Group dhe Civitta, me mbështetjen e LuxDev.

Gjatë adresimit të saj, ministrja Kusari-Lila theksoi rëndësinë e këtij hulumtimi për orientimin e politikave dhe hapave të ardhshëm në zhvillimin industrial të vendit. Sipas gjetjeve të studimit, potenciali ekonomik i Kosovës nuk qëndron vetëm te burimet natyrore që posedon, por edhe te aftësia për t’i përpunuar ato brenda vendit, duke krijuar vlerë të shtuar, vende të reja pune dhe produkte më konkurruese për tregun.

Ajo vuri në pah se MINTI po mbështet zhvillimin e sektorit prodhues përmes skemave të granteve për prodhim të mençur, digjitalizim dhe modernizim të proceseve prodhuese, me synim rritjen e produktivitetit dhe konkurrueshmërisë së bizneseve vendore.

Ministrja Kusari-Lila theksoi gjithashtu se ministria po punon në zhvillimin e parqeve industriale të gjelbra në komuna të ndryshme të Kosovës dhe në promovimin e ekonomisë qarkore, me qëllim që pasuritë natyrore të vendit të përpunohen në Kosovë dhe të shndërrohen në produkte me vlerë të shtuar, duke kontribuar në zhvillimin e qëndrueshëm ekonomik të vendit.

Studimi i plotë është i publikuar në faqen zyrtare të MINTI:
https://mint.rks-gov.net/desk/inc/media/F3357FE8-A074-423E-B1BB-BFCFD2311AE2.pdf.

Claim ownership or report listing
Want your business to be the top-listed Government Service in Pristina?

Click here to claim your Sponsored Listing.

Location

Pristina

Category

Government Organization

Website

Address


Pristina
10000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00