Komuna e Rahovecit

MBAHET TAKIMI I DYTË PERIODIK PËR VITIN 2026 ME PUNËTORËT SHËNDETËSORË

U mbajt takimi i dytë periodik për vitin 2026 me personelin shëndetësor të QKMF-së “Dr. Fahredin Hoti” në Rahovec.

Gjatë takimit u diskutua për gjendjen e shëndetësisë në komunë, përmirësimin e vazhdueshëm të shërbimeve shëndetësore, si dhe investimet që po realizohen dhe planifikohen në këtë sektor.

Me këtë rast, u shpreh mirënjohje për përkushtimin dhe punën e palodhshme të punëtorëve shëndetësorë në shërbim të qytetarëve.

NDEROHET KUJTIMI I HEROIT SKËNDER REXHEPI – KOMANDANT HEKURI

Në ditëlindjen e 61-të të Heroit të Kombit, Skënder Rexhepi – Komandant Hekuri, u vizitua shtëpia-muze e tij në fshatin Mrasor, në shenjë nderimi dhe respekti për jetën, veprën dhe sakrificën e tij për lirinë e vendit.

Me trimërinë, përkushtimin dhe qëndresën e tij deri në frymën e fundit, Komandant Hekuri mbetet simbol i luftës çlirimtare dhe frymëzim për brezat e ardhshëm.

Lavdi e përjetshme Heroit të Kombit, Skënder Rexhepi – Komandant Hekuri!

KRYETARI MBAJTI TAKIMIN E DYTË PERIODIK PËR VITIN 2026 ME PUNONJËSIT E ADMINISTRATËS KOMUNALE

Kryetari i Komunës së Rahovecit mbajti takimin e dytë periodik për vitin 2026 me punonjësit e administratës komunale, ku diskutoi për ecurinë e punës dhe detyrat që i presin institucionet komunale në periudhën në vijim.

Me këtë rast, ai i falënderoi punonjësit për angazhimin dhe punën e përditshme, duke theksuar rëndësinë e përkushtimit, përgjegjësisë dhe respektimit të orarit të punës në ofrimin e shërbimeve për qytetarët.

Kryetari rikujtoi se së shpejti fillon Muaji i Mërgimtarëve, periudhë gjatë së cilës pritet rritje e kërkesave për shërbime administrative. Ai kërkoi nga administrata komunale që të rrisë angazhimin dhe gatishmërinë për t’u ofruar qytetarëve dhe bashkatdhetarëve shërbime sa më të shpejta, cilësore dhe efikase.

NJOFTIM PËR RISHPALLJE TË ANKANDIT PUBLIK

PROGRAMI I AKTIVITETEVE MË 3 DHE 4 QERSHOR 2026:

▪️3 qershor 2026 - Vizitë dhe nderime në Shtëpinë-muze të heroit “Skënder Rexhepi” në Mrasor, në orën 11:00.

▪️4 qershor 2026 - Nderime për he**in Naser Krasniqi, te varrezat e dëshmorëve në Ratkoc, në orën 11:00.

𝘼𝙠𝙩𝙞𝙫𝙞𝙩𝙚𝙩𝙚𝙩 𝙢𝙗𝙖𝙝𝙚𝙣 𝙣ë 𝙥ë𝙧𝙠𝙪𝙟𝙙𝙚𝙨𝙟𝙚𝙣 𝙚 𝙠𝙧𝙮𝙚𝙩𝙖𝙧𝙞𝙩 𝙩ë 𝙆𝙤𝙢𝙪𝙣ë𝙨, 𝙎𝙢𝙖𝙟𝙡 𝙇𝙖𝙩𝙞𝙛𝙞.

🗣️THIRRJE PËR PJESËMARRJE NË MBLEDHJEN E DYTË TË KËSHILLIT KOMUNAL PËR SIGURI NË BASHKËSI (KKSB).

🔶Ftohen anëtarët e Këshillit Komunal për Siguri në Bashkësi (KKSB) që të marrin pjesë në mbledhjen e dytë, e cila do të mbahet më datë: 10 qershor 2026 (e mërkurë), me fillim në orën 15:00, në sallën e kuvendit komunal - Rahovec.

🔶Për këtë mbledhje propozohet ky
REND DITE 👇🏼

1. Shqyrtimi dhe aprovimi i procesverbalit nga mbledhja e kaluar;
2. Vlerësimi i përgjithshëm i gjendjes së sigurisë në territorin e komunës së Rahovecit,
- Siguria në trafik;
- Identifikimi i çështjeve problematike që ndikojnë në sigurinë publike ndëretnike,
- Prishja e rendit dhe e qetësisë publike nga lokalet e natës dhe personat e papërgjegjshëm.
- Plani operativ për sezonin e pushimeve të mërgimtarëve dhe të dasmave.
- Vendosja dhe funksionalizimi i kamerave shtesë të sigurisë në hapësirat publike në rrugët kryesore;
3. Diskutim për aktivitetet e organizuara nga Drejtoria për Arsim për maturantet.
4. Parapërgatitja dhe vetëdijesimi i qytetarëve për mbrojtje nga zjarri gjatë sezonit veror.
5. Trajtimi i objekteve të braktisura dhe objekteve të vjetra, jo të sigurta;
6. Mbrojtja e ambientit në komunën e Rahovecit.
7. Siguria dhe kontrolli i produkteve ushqimore.
8. Të ndryshme.

Send a message to learn more

VOTIMI ME KUSHT

Procesi zgjedhor do të zhvillohet në 38 komunat e Republikës së Kosovës përmes 949 Qendrave të Votimit.

📍 Në zgjedhjet për Kuvendin e Republikës së Kosovës, votuesit mund të votojnë me kusht në cilëndo komunë.

ℹ️ Në secilën nga 38 komunat ka vetëm një Qendër të Votimit me Kusht.

U MBAJT MBLEDHJA ME DREJTORË TË DREJTORIVE

Kryetari Latifi, sot, mbajti takimin e rregullt me drejtorët e drejtorive komunale.✍🏻

Gjatë diskutimeve, u raportua për punët e javës që shkoi dhe planet që priten të realizohen gjatë kësaj jave.

KUVENDI I KOMUNËS SË RAHOVECIT, MBAJTI MBLEDHJEN E PESTË TË RREGULLT PËR VITIN 2026.

🔷Nën udhëheqjen e Kryesuesit të Kuvendit,
z. Fatmir Iska, u zhvillua mbledhja e muajit maj, seanca e pestë e rregullt për këtë vit kalendarik. Sot, e premte, 29 maj 2026.

🔷RENDI I DITËS ishte me 10 pika të rregullta dhe 2 shtesë:👇🏼

1. Shqyrtimi dhe miratimi i procesverbalit nga mbledhja e kaluar;
2. Shqyrtimi dhe miratimi i vendimit për miratimin e Strategjisë për Menaxhimin e Ujërave të Zeza, 2025 - 2031;
3. Shqyrtimi dhe miratimi i vendimit për miratimin e Planit të Punës së Komitetit për Komunitete për vitin 2026;
4. Shqyrtimi dhe miratimi i vendimit për emërimin e komisionit për udhëheqjen dhe koordinimin e punës në terren për zgjedhjen e këshillave lokale;
5. Shqyrtimi dhe miratimi i vendimit për emërimin e komisionit të ankesave për procesin e zgjedhjes së këshillave lokale;
6. Shqyrtimi dhe miratimi i vendimit për formimin e komisionit për emërtimin dhe riemërtimin e rrugëve dhe të rrugicave në komunën e Rahovecit;
7. Shqyrtimi dhe miratimi i ndryshim-plotësimit të draft-rregullores për Shërbime Publike 01 nr.2917, i datës 26.10.2018;
8. Shqyrtimi dhe miratimi i vendimit për caktimin e komisionit të ankesave kundër vendimit të komisionit ad hoc për miratimin e listës së anëtarëve të zgjedhur të Këshillit të Fshatit Hoçë e Madhe;
9. Shqyrtimi i informatës nga Drejtoria për Bujqësi, Pylltari dhe Zhvillim Rural rreth rregullimit të rrugëve në komunën e Rahovecit për vitin 2025;
10. Pyetjet, përgjigjet dhe diskutimet e kuvendarëve.

🔷Shtesë:👇🏼

1. Vendimi për lirim nga pagesat e taksave për aplikim për leje ndërtimore dhe legalizim të objektit me banim social në Rahovec;
2. Vendim për hapjen e shqyrtimit publik të draft dokumentit të planifikimit hapësinor “Harta Zonale e Komunës së Rahovecit, 2026-2034”.

🔷Të gjitha pikat e tjera të rendit të ditës, u votuan nga anëtarët e kuvendit, disa me shumicë votash dhe disa unanimisht.

🖥️✍🏻 Si zakonisht, Sekretaria e Kuvendit do ta përgatisë procesverbalin e seancës, i cili do të publikohet në këtë vegëz në ueb-faqen zyrtare të komunës.//kk.rks-gov.net/rahovec/category/procesverbalet/ekstraktet-e-procesverbaleve-te-kuvendit/

💿Video-incizimin e mbjedhjes së kuvendit mund ta gjeni në këtë vegëz👇🏼: //kk.rks-gov.net/rahovec/video-incizimet-e-mbledhjeve/

ORARI I BARNATOREVE KUJDESTARE PËR MUAJIN QERSHOR