Nëndega Ovl-Uqk Pjetërshticë

Fjalimi i Komandant Luanit në Dibër, në nder të ditëlindjes së heroit tonë kombëtar Gjergj Kastrioti – Skënderbeu, ishte një mesazh krenarie, respekti dhe përkushtimi ndaj historisë sonë kombëtare. Me fjalët e tij u nderua figura e Skënderbeut dhe u përcoll mesazhi i unitetit, atdhedashurisë dhe respektit për vlerat kombëtare. 🇦🇱🫡

Komandant Luani, së bashku me disa ushtarë të Batalionit të 2-të “Ruzhdi Salihu”, realizuan një vizitë në Shqipëri për të marrë pjesë në festimin e ditëlindjes së heroit tonë kombëtar, Gjergj Kastrioti – Skënderbeu, në Dibër. Një vizitë me vlerë të veçantë, në nderim të historisë, kombit dhe figurës së lavdishme të Skënderbeut. 🇦🇱🫡

REPORTAZH: SËNDERBEGASIT PËRKUJTOJNË PRIJËSIN GJERGJ KASTRIOTIN NË DIBËR Transmetohet me dt 13.06.2026 në emisionin "Pusho Shqiptarçe" të Tv1 Channel - Shkodër

5 Maji – Dita e kazermës ushtarake të UÇK-së në Pjetërshticë
Batalioni i Dytë “Ruzhdi Salihu”

Me rastin e 5 Majit, nesër (e martë) në ora 11:00, do të bëhet vizitë në shtëpinë-muze.

Ftohen të gjithë bashkëluftarët e fshatit dhe të Batalionit të Dytë “Ruzhdi Salihu” që të bashkohemi, për të nderuar vlerat e UÇK-së!

Momente të veçanta nga vizita e delegacionit të Shoqatës së Shkollës Ushtarake “Skënderbej” nga Shqipëria 🇦🇱 në fshatin Pjetërshticë

Një takim i mbushur me respekt, krenari dhe vlera të përbashkëta kombëtare. Kjo vizitë na rikujton sakrificën, përkushtimin dhe rrugëtimin e përbashkët për liri e atdhe.

Mirënjohje për këtë vizitë domethënëse dhe për frymën e bashkëpunimit që na bashkon gjithmonë. 🇦🇱

NJOFTIM – NATA E ZJARRIT
Nëndega e OVL-UÇK – Pjetërshticë

Njoftohen qytetarët dhe bashkëluftëtarët e fshatit Pjetërshticë, së bashku me veteranët e Batalionit II “Ruzhdi Salihu”, si dhe të gjithë dashamirët e lirisë, se më 7 mars, në ora 18:15, në fshatin Pjetërshticë, do të organizohet aktiviteti tradicional “Nata e Zjarrit”, ku do të bëhet ndezja e flakadanëve te tri shkronjat e lavdishme të UÇK-së.

Ky aktivitet organizohet në kuadër të shënimit të Epopesë së UÇK-së, në nderim dhe përkujtim të sakrificës heroike të Komandantit Legjendar Adem Jashari, familjes Jashari, si dhe të gjithë dëshmorëve që dhanë jetën për lirinë e Kosovës.

Ftohen të gjithë qytetarët që të marrin pjesë në këtë aktivitet përkujtimor, që së bashku të nderojmë veprën dhe sakrificën e heronjve tanë.

Luten veteranët e Batalionit II “Ruzhdi Salihu” që të veshin uniformat e batalionit.

Pas përfundimit të aktivitetit, do të mblidhemi në Odën e Kazermës – Muze të Batalionit II “Ruzhdi Salihu”.

28 vjet nga Epopeja e UÇK-së!

28 vjet nga lufta, qëndresa dhe sakrifica heroike e Adem, Hamëz e Shaban Jasharit dhe e familjes së madhe Jashari në Prekaz.

Ajo betejë me 5,6 dhe 7 mars u bë themel i lirisë dhe i shtetit tonë, frymëzim për Ushtrinë Çlirimtare të Kosovës dhe betim për liri deri në vetëflijim.

Sakrifica e tyre është kujtesë e përhershme se liria duhet ruajtur, mbrojtur dhe çmuar çdo ditë.

Lavdi e përjetshme familjes Jashari dhe Ushtrisë Çlirimtare të Kosovës.

📢 NJOFTIM

Njoftohen të gjithë veteranët e UÇK-së dhe bashkëvendësit e fshatit Pjetërshticë se më 01.03.2026 (e diel), në ora 11:00, të paraqiten te Parku i UÇK-së për të bërë përgatitjet në prag të Epopesë së UÇK-së.

Prania dhe angazhimi i secilit është i rëndësishëm për ta organizuar këtë ngjarje me dinjitet, ashtu siç e meriton sakrifica e dëshmorëve dhe historia jonë.

Ju mirëpresim me respekt! 🇦🇱

📢 NJOFTIM PËR NGUSHËLLIME

Njoftohen të gjithë bashkëluftëtarët dhe veteranët, se më datën 26.02.2026 (e enjte), në ora 16:00, do të mbahen ngushëllime me rastin e ndarjes nga jeta të babait të veteranëve të UÇK-së, Fatmir Zymeri dhe Ahemet Zymeri.

Në këtë ceremoni do të na bashkëngjitet edhe Batalioni i II “Ruzhdi Salihu”, si dhe Organizata e Veteranëve të UÇK-së – Dega Shtime, për të shprehur respektin, dhimbjen dhe solidaritetin tonë në këto momente të vështira për familjen Zymeri.

Ngushëllime të sinqerta familjes Zymeri.