IAAP "Abdyl Ramaj"

Sot, përfaqësues nga IAAP “Abdyl Ramaj”, të përbërë nga mësimdhënës dhe nxënës të klasave të 11-ta dhe 12-ta, u bënë pjesë e lansimit zyrtar të Udhërrëfyesit për Zhvillimin e Aftësive në sektorin e Mikpritjes, ngjarje e mbajtur në Hotel Emerald.

Ky dokument strategjik, i hartuar nga Këshilli Sektorial i Aftësive, synon zhvillimin e një fuqie punëtore të kualifikuar, promovimin e inovacionit dhe shërbimeve me vlerë të shtuar, si dhe fuqizimin e sektorit HoReCa në Kosovë.

Pjesëmarrja e mësimdhënësve dhe nxënësve tanë në këtë ceremoni ishte një përvojë e vlefshme dhe frymëzuese, që dëshmon angazhimin e vazhdueshëm të shkollës sonë për përgatitjen profesionale të të rinjve dhe përfshirjen aktive në iniciativa me rëndësi për zhvillimin e arsimit dhe tregut të punës.

Siguria në trafik fillon me edukimin!
Policia Rajonale e Trafikut në Prizren zhvilloi aktivitet vetëdijësues me nxënësit e IAAP “Abdyl Ramaj”, ku përmes ligjëratës u promovua rëndësia e respektimit të rregullave të trafikut dhe lëvizjes së sigurt në rrugë.
Drejtoria e shkollës shpreh falënderim dhe mirënjohje për Policinë e Kosovës për angazhimin dhe kontributin në edukimin dhe sigurinë e nxënësve.

Nxënësit e drejtimit të Hotelerisë dhe Turizmit, profili Asistent i Mikpritjes hoteliere, patën kënaqësinë të marrin pjesë në Masterclass-in ekskluziv në kuadër të fushatës “Serve Your Future”, me chef-in ndërkombëtar nga Italia, Ivan Marzo. 🇮🇹👨‍🍳
Gjatë aktivitetit, nxënësit demonstruan së bashku me ekspertë përgatitjen e picës napolitane, mësuan teknika profesionale të gastronomisë dhe bashkëbiseduan me profesionistë të sektorit për mundësitë dhe zhvillimin në karrierë. 🍽️👏
Një përvojë inspiruese dhe motivuese për të rinjtë tanë, drejt suksesit në botën e gastronomisë dhe mikpritjes! 🌟