Howard Guintu

  • Home
  • Howard Guintu
Directions Website

Howard Guintu Serbisyong Guintu para sa bagong Primero Distrito sang Capiz.

𝐓𝐎𝐏 𝟏𝟎𝟎 𝐂𝐎𝐌𝐌𝐎𝐍 𝐒𝐔𝐑𝐍𝐀𝐌𝐄𝐒 𝐒𝐀 𝟏𝐒𝐓 𝐃𝐈𝐒𝐓𝐑𝐈𝐂𝐓 𝐒𝐀𝐍𝐆 𝐂𝐀𝐏𝐈𝐙Taga Primero Distrito ka bala sang Capiz? Basi ari di ang apelyido niy...
20/09/2026

𝐓𝐎𝐏 𝟏𝟎𝟎 𝐂𝐎𝐌𝐌𝐎𝐍 𝐒𝐔𝐑𝐍𝐀𝐌𝐄𝐒 𝐒𝐀 𝟏𝐒𝐓 𝐃𝐈𝐒𝐓𝐑𝐈𝐂𝐓 𝐒𝐀𝐍𝐆 𝐂𝐀𝐏𝐈𝐙

Taga Primero Distrito ka bala sang Capiz? Basi ari di ang apelyido niyo!

Admitiron ta - kon makita mo ang amo ni nga listahan, indi mo gid mapunggan nga pangita-on dayon ang apelyido sang pamilya niyo:

"Upod ayhan kami?" 👀

Pangita-a ang apelyido niyo kag lantawa kon upod ini sa Top 100 nga common nga apelyido sa Capiz.
Kon nakita mo, comment down your Surname below kag kon pangpila nga rank.

Kag kon wala man, okay lang - basi rare edition gid lang ya ang apelyido sang pamilya niyo. 😅

Note: Ini para lang sa community reference kag istoryahanay. Ang pagkasunod-sunod sang mga apelyido nakadepende sa ginhalinan sang datos.



Tinutuyo naton nga mataga-an sang nagaka-igo nga estraktura ang aton mga pumuluyo kun sa diin nakatu-on ang nagkalain-la...
19/09/2026

Tinutuyo naton nga mataga-an sang nagaka-igo nga estraktura ang aton mga pumuluyo kun sa diin nakatu-on ang nagkalain-lain nga serbisyo.

Ang Multipurpose Building sang Brgy. Yatingan sa banwa sang Pontevedra paga-umpisahan na para magamit sa pagpa-abot sang mga Serbisyong Guintu sa aton mga kasimanwa.

Ang aton daku nga pagpasalamat sa bug-os nga Barangay Officials sa pag panguna ni Kap Jena Beldia, DPWH Chief of Construction - Renalyn Honorario, Zaldy Oronia, kag mga kapitanes sang nagkalain-lain nga barangay.





18/09/2026

Nakig-angot kita sa Department of Agriculture ka-upod si Sec. Francisco 'Kiko' Tiu Laurel Jr. kag si BFAR Regional Director Remia Aparri para idul-ong kag ipa-abot ang matuod-tuod nga kahimtangan sang aton mga Blue Swimming Crab fishers kag pickers sa aton distrito.

Dako nga kapyerdehan sang mga mangingisda kag pickers tungod sa padayon nga export ban sa aton pinakadaku nga merkado, ang Estados Unidos.

Sa kabug-usan may yara sa 2,600 ka mga mangingisda kag pickers sang Blue Swimming Crab ang nadula-an sang palangitan-an aton pinalangga nga distrito.

Tungod sini, personal naton nga ginpalapit kay Sec. Tiu Laurel ang aton sitwasyon agod makapangayo sang madasig kag nagaka-igo nga bulig kag suporta gikan sa gobyerno. Ginapanindugan naton nga indi naton pagbaya-an ang aton mga kabata-an kag pamilya sang mangingisda sa sini nga ti-on sang pagtilaw.

Padayon kita nga makighinun-anon sa DA partikularmente kay Regional Director Dennis Arpia kag BFAR Regional Director Remia Aparri para sa mga alternatibo nga palangabuhi-an kag intervention program para sa aton komunidad.





Ang aton opisina nangin kabahin na sang adlaw-adlaw nga pagpangabuhi sang aton mga kasimanwa. Mga bagay nga wala naton n...
18/09/2026

Ang aton opisina nangin kabahin na sang adlaw-adlaw nga pagpangabuhi sang aton mga kasimanwa. Mga bagay nga wala naton napangamuyo pero nagakinahanglan sang pagbulig kag atensyon. Sining Semana, Isa sa nagpadulong sa aton opisina amo si Hanna Mae Alcorano, 27 Anyos nga taga Lawaan sining syudad nga para maiban-iban ang ila problema sa Hospital Bill nga galab-ot sa ₱205,000 sang iya nga Nanay nga si Nancy Alcorano, 56 anyos.

Si Nanay Marianne Escleto, 50 anyos nga taga Brgy. Bailan, Pontevedra nagdangop man sa aton talatapan para sa pagpa-chemoterapy sang iya nga paka-isa nga si Noriel Beruya nga gabalor sang ₱154,000.

Nagdangop man sa aton talatapan si Ma. Claire Claro, 26 anyos nga taga Brgy. Dumolog, Roxas City para maiban-ibanan ang Funeral Services sang iya nga nagtaliwan nga amay nga si Edwin Claro nga gabalor sang ₱500,000.

Amo man ang gindangop sang aton abyan nga si Angie Hallegado, 43 anyos nga ga-istar sa Brgy. Lonoy, sining syudad nga para sa Funeral Services man sang iya nagtaliwan man nga tiya nga si Coleta Helllegado nga gabalor ₱70,000.

Tuman man ang pagpasalamat sang aton abyan nga si Aurora Mahillim, 77 anyos nga taga Brgy. Cabugao, Roxas City nga nakabaton sya sang 30,000 nga para ma-ibanan ang iya problema sa Funeral Services sang iya nga asawa nga nagtaliwan na sa pihak nga kinabuhi nga si Benedicto Mahillim.

Padayon kita sa pagpanrabaho para sa ti-on sang pagkinahanglan may ara kita sang opisina nga pwede madangpan.





Sa pagsugod sang plenaryo sa Kongreso, nag-umpisa man ang mga debate para sa ginaproponer nga 2027 national budget sang ...
18/09/2026

Sa pagsugod sang plenaryo sa Kongreso, nag-umpisa man ang mga debate para sa ginaproponer nga 2027 national budget sang nagkalain-lain nga ahensya sang gobyerno.

Bilang Deputy Majority Leader, padayon kita nga nakatutok sa mga deliberasyon para sa mga programa kag proyekto sang gobyerno.

Importante nga mahimay-himay ini para masiguro nga ang mga pondo nga nagakadapat sa kada ahensya magamit sang ma-ayo kag direkta nga makatabang sa pag-asenso sang kabuhi sang aton mga isigka-Pilipino.





Malipayon nga adlaw sang pagkatawo sa aton pinalangga nga Mayor sang banwa sang Pontevedra, Mayor Henry Tumlos!Salamat s...
18/09/2026

Malipayon nga adlaw sang pagkatawo sa aton pinalangga nga Mayor sang banwa sang Pontevedra, Mayor Henry Tumlos!

Salamat sa imo padayon nga suporta sa aton mga programa sa banwa sang Pontevedra.

17/09/2026

Sang una mabudlay para sa aton mga pumuluyo sa ti-on sang kalamidad tungod wala sang safe nga lugar para sa ila.

Sa ti-on nga wala untat ang bubo sang mabaskog nga ulan masami nga ila gina problema diin bala sila pwedi magkadto, subong paga umpisahan na ang pagpatindog sang bag-o nga evacuation center sa Barangay Cubay banwa sang President Roxas.





𝐆𝐈𝐍𝐒𝐔𝐆𝐃𝐀𝐍 𝐍𝐀 𝐊𝐀𝐇𝐀𝐏𝐎𝐍 𝐍𝐆𝐀 𝐀𝐃𝐋𝐀𝐖 𝐀𝐍𝐆 𝐆𝐑𝐎𝐔𝐍𝐃𝐁𝐑𝐄𝐀𝐊𝐈𝐍𝐆 𝐂𝐄𝐑𝐄𝐌𝐎𝐍𝐘 𝐏𝐀𝐑𝐀 𝐒𝐀 𝐄𝐕𝐀𝐂𝐔𝐀𝐓𝐈𝐎𝐍 𝐂𝐄𝐍𝐓𝐄𝐑 𝐒𝐀𝐍𝐆 𝐁𝐀𝐑𝐀𝐍𝐆𝐀𝐘 𝐂𝐔𝐁𝐀𝐘, 𝐏𝐑𝐄𝐒𝐈𝐃𝐄𝐍𝐓 𝐑𝐎𝐗𝐀...
16/09/2026

𝐆𝐈𝐍𝐒𝐔𝐆𝐃𝐀𝐍 𝐍𝐀 𝐊𝐀𝐇𝐀𝐏𝐎𝐍 𝐍𝐆𝐀 𝐀𝐃𝐋𝐀𝐖 𝐀𝐍𝐆 𝐆𝐑𝐎𝐔𝐍𝐃𝐁𝐑𝐄𝐀𝐊𝐈𝐍𝐆 𝐂𝐄𝐑𝐄𝐌𝐎𝐍𝐘 𝐏𝐀𝐑𝐀 𝐒𝐀 𝐄𝐕𝐀𝐂𝐔𝐀𝐓𝐈𝐎𝐍 𝐂𝐄𝐍𝐓𝐄𝐑 𝐒𝐀𝐍𝐆 𝐁𝐀𝐑𝐀𝐍𝐆𝐀𝐘 𝐂𝐔𝐁𝐀𝐘, 𝐏𝐑𝐄𝐒𝐈𝐃𝐄𝐍𝐓 𝐑𝐎𝐗𝐀𝐒

Sa aton padayon nga handom nga makapatindog sang imprastraktura nga makabulig sa aton mga kasimanwa sa ti-on sang bagyo o kon mga kalamidad. Aton ginhiwat ang Groundbreaking ceremony sang bag-o nga evacuation center sa Barangay Cubay, banwa sang President Roxas.

Ang aton dako nga pagpasalamat kay Mayor Tanoy Escolin, sa katapo sang Barangay Officials sa pagpanguna ni Kap. Enrio Centino kag sa ma-init nga pagbaton sang aton mga Pumuluyo.





14/09/2026

Ang ika-ayong lawas isa sa akon gina-duso para mahagan-hagan ang kabudlay sang tagsa ka pamilya nga naga-atubang sang balati-an.

Gindala naton sa DOH budget hearing ang sitwasyon sang sakit nga Dystonia diri sa Capiz. Madamo sa aton mga utod nga naga antos tungod sini nga balati-an gani nagpanindugan kita sa DOH kag PhilHealth nga maghimo sang isa ka espesyal nga package para sa ila pagpabulong ka-angay sang therapy sessions kag bulong. Luyag man naton nga mataga-an sila sang tayuyon nga medical assistance nga accessible para sa ila kag indi na mabudlayan.

Isa ini ka dako nga tikang para sa mas mabaskog, mas ma-ayo, kag nagaka-igo para sa ika-ayong lawas sang tagsa ka Capiznon.





Address


Website

Alerts

Be the first to know and let us send you an email when Howard Guintu posts news and promotions. Your email address will not be used for any other purpose, and you can unsubscribe at any time.

Shortcuts

  • Want your organization to be the top-listed government service?

Share