31/08/2026
🇦🇪❤️🇵🇸 في يوم «الإمارات تحب فلسطين»… فلسطين ما كانت ذكرى، كانت حاضرة بيننا.
من أول ما دخلنا، كان في شعور صعب ينحكى… كأن المسافة بيننا وبين فلسطين اختفت. الكوفية، الثوب، التطريز، ريحة الزعتر والقهوة، الأغاني وضحكة الناس… كل زاوية كان إلها ريحة بلد.
قالوا 57 ألف شخص… وأنا بقول الرقم أكبر من هيك بمعناه.
57 ألف مش عدد حضور؛ 57 ألف عيلة وقلب وحكاية اجتمعوا بمكان واحد.
فيهم محبة فلسطين، أصالة أهلها، وريحة الطيب والعنبر. 🇵🇸❤️
وحلاوة اليوم كانت بالناس اللي صنعوا تفاصيله…
عماد فراجين Imad Farajin حضوره لحاله بجيب معه ضحكة فلسطينية من القلب، الضحكة اللي مهما ثقلت الأيام بتضل موجودة.
شادي البوريني شادي البوريني ومعه تخيل Takhayaal و قاسم النجار لما حضروا، حضر معهم العرس الفلسطيني والدبكة والفرحة اللي بتخلي الواحد ينسى حاله ويصير يدور على أول صف 😄🇵🇸.
ومحمد عساف… في أصوات بتغني، وفي صوت لما تسمعه بتتذكر بيتك وشارعك وبلدك. ❤️
ومحمد الطيطي… خفة دم فلسطينية على أصولها؛ حضور قريب من القلب وكأنك قاعد بين أصحابك مش بفعالية.
وعمر Omar Hamdan | عمر حمدان حضور جميل وروح حلوة كانت جزءًا من تفاصيل اليوم.
ومن الناس إلى تفاصيل فلسطين نفسها…
آيات أبو صفية Jood Cakes Cakes خلت حتى الكيك يحكي فلسطيني 🎂🇵🇸، و الشرش للمواد الغذائية - الفرع الرئيسي : الشارقة -صناعية 12 Kalha Restaurant | مطعم الKalha Restaurant | مطعم الكلحةشها وخزفها، و**Fyrouzi Ceramics** وZayzafFyrouzi Ceramicsمشاريع والحرف والفن والتطريز… كل واحد جاب معه قطعة من فلسطين، ولما اجتمعت القطع حسّينا إن البلد كلها اجتمعت معنا.
والكلمة الأخيرة والأكبر للإمارات 🇦🇪…
شكرًا للبلد اللي احتضن الفلسطيني بمحبة، وفتح له مساحة يفرح ببلده وتراثه وهويته، ويخلي أولاده يشوفوا فلسطين ويسمعوها ويعيشوا تفاصيلها.
ذلك اليوم ما حسّينا إننا فلسطينيين عايشين بالغربة…
حسّينا إن فلسطين هي اللي إجت تزورنا بالإمارات. 🇦🇪❤️🇵🇸
وهذا أجمل شيء ممكن تقوله فعالية اسمها:
«الإمارات تحب فلسطين»… فعلًا، الحب كان مبين بكل التفاصيل.
#فلسطين #الإمارات #دبي Palestine UAE Dubai
