13/05/2026
𝐏𝐚𝐠𝐥𝐚𝐛𝐚𝐲 𝐨𝐠 𝐛𝐚𝐭𝐨 𝐬𝐚 𝐬𝐭𝐫𝐞𝐞𝐭𝐥𝐢𝐠𝐡𝐭𝐬, 𝐬𝐚𝐤𝐲𝐚𝐧𝐚𝐧 𝐬𝐚 𝐒𝐚𝐧𝐭𝐢𝐚𝐠𝐨 𝐬𝐢𝐥𝐨𝐭𝐚𝐧 𝐧𝐚
Silot ang ipahamtang niadtong mapamatod-ang nagalabay og bato o botilya sa mga streetlights ug nagalabay nga mga sakyanan sa lungsod sa Santiago ning lalawigan.
Ang Municipal Ordinance no. 207-2025 nga gipangamahanan ni Santiago SB Member Alan M. Luz nga nag unod niini, gipasiugdahan human sa nagkadaghang report kabahin sa mga insidente sa pagpanglabay og bato ug uban pang butang nga nag resulta sa kadaot sa mga streetlights, sakyanan, ug lain-laing kabtangan sa lungsod diin kini nagdala og seryosong hulga sa kaluwasan sa mga drayber, pasahero, pedestrian, ug dakong peligro sa pampubliko ug pribadong kabtangan.
Base sa record, nasuta nga daghan sa mga giingong nakalapas mao ang mga menor de edad maong nakita sa lokal nga panggamhanan ang panginahanglan sa pagpatuman sa ordinansa aron mahunong ang maong mga binuhatan, mapalig-on ang accountability, ug mapadayon ang kalinaw ug kahapsay sa komunidad.
Lakip sa mga gidili ang paglabay og kahoy, talinis nga butang o unsa pamang butang nga dilikado ngadto sa mga tao, sakyanan, road signs, traffic lights, ug uban pang pampubliko o pribadong kabtangan sa lungsod sa Santiago.
Ubos sa Section 7 sa ordinansa, magbutang og CCTV cameras sa mga importanteng lugar aron mapadali ang pag-ila ug pagdakop sa mga violators. Magpatuman usab og mobile patrolling, curfew hours alang sa mga menor de edad, ug pagtaod og vandal-resistant streetlights.
Si kinsa mang molapas sa maong baload pagahamtangan og silot nga multa ug pagka priso.
Gipahinumdoman usab sa ordinansa nga ang usa ka bata nga nag-edad og 15 pataas apan ubos sa 18 anyos mahimong manubag sa kriminal nga kalihokan kon mapamatud-an nga siya adunay discernment o kahibalo sa iyang gihimo sa panahon sa paglapas sa balaod.
Ang pag-aproba sa maong ordinansa pinaagi sa Sanggunian Resolution No. 206-2026 sa pagpangamahan nila Provincial Board Member James T. Reserva ug Alan Asio.
ctto AgNor Bulletin