29/01/2026
PADRE mipahigayon unang seminar sa tuig 2026
Malapusong napahigayon ang unang seminar nga "COMMUNITY-BASED GROWTH MINDSET SEMINAR STRATEGIC PLANNING WORKSHOP" alang ngadto sa mga opisyales 20 ka malambuong asosasyon niadtong Enero 24, 2026.
Ang maong Aktibidad usa ka adlaw nga gipahigayon sa multipurpose hall, Municipal Government Center, Poblacion New Corella, Davao del Norte.
Kini nga kalihukan kabahin sa padayong pag supporta sa Poverty Alleviation and Development for Rural Economy (PADRE) ngadto sa mga asosasyon nga benepisyaryo sa maong programa.
Pinaagi sa pakig alayon sa mga personahe sa Society for the Advancent of Professional Social Entrepenuership (SAPSE) nga gikan sa ulohang bahin sa nasod Pilipinas kinsa maoy nahimong speaker si RODMARK RUSCHI S. BARRIGA napahigayon ang maong seminar.
Ang maong aktibidad dako ug katabang ngadto sa mga asosasyon labi na sa ilang panginabuhiang negosyo tungod sa mga pagtulon-an nga ilang nakutlo gikan sa maong seminar.
Padayon ang programang PADRE ug ang Lokal nga panggamhanan sa New Corella nga gipangunahan ni Mayor Jorjan B. Federiso sa pag lantaw ug pag hatag dugang supporta ngadto sa tanang benepisyaro sa maong programa.
