20/04/2026
April 16, 2026 | CRUSADA Step 7: Walang Lusot, Walang Lihim!
Sa kabila ng magkakaibang lokasyon at sabay-sabay na operasyon, nagkaisa ang tatlong komunidad (Cajiles Compound HOA, Mendoza Compound HOA, at 32 Lakeside HOA) mula sa iba’t ibang lugarin ng Barangay Alabang para sa iisang layunin—isang mas ligtas, maayos, at tunay na drug-free na pamayanan.
Isinagawa ang Step 7 ng CRUSADA Program, ang Mapping & Identification, sa mga nabanggit na komunidad sa Alabang sa pangunguna ng Pamahalaang Lungsod ng Muntinlupa sa pamamagitan ng DAPCO, katuwang ang BADAC Alabang, Muntinlupa City Police, at mga opisyal at residente ng kani-kanilang pamayanan.
📣 Kasabay nito: Pakikipag-ugnayan sa mga Residente
Habang isinasagawa ang mapping, personal ding kinakamusta ang mga residente sa bawat komunidad. Kasabay nito, ibinabahagi ang mahahalagang impormasyon patungkol sa ilegal na droga at sa programang sinalihan ng kanilang komunidad sa ilalim ng CRUSADA. Layunin nitong palakasin ang tiwala, bukas na komunikasyon, at aktibong partisipasyon ng bawat mamamayan sa laban kontra ilegal na droga.
Sa ganitong paraan, hindi lamang pagbabantay ang pinapalakas—kundi pati ang ugnayan, kaalaman, at malasakit ng komunidad.
💡 Bakit mahalaga ito?
Ang Step 7 ay hindi lamang simpleng pagtukoy ng pangalan o lugar. Ito ay isang responsableng proseso upang maiwasan ang maling impormasyon, mapangalagaan ang karapatan ng bawat indibidwal, at matiyak na ang interbensyon ay naibibigay sa tamang tao, sa tamang panahon, at sa tamang paraan.
🤝 Bahagi ito ng BIDA Program ng DILG, nakaangkla sa 7K Agenda ni Mayor Ruffy Biazon, at patuloy na isinusulong sa pakikipagtulungan ng mga lokal na ahensya at komunidad.
Sa CRUSADA, malinaw ang mensahe:
Hindi sapat ang katahimikan—kailangan ang aktibong pakikilahok, tamang kaalaman, at malasakit sa kapwa. 💪✨
City Government of Muntinlupa - OFFICIAL
Pulis Ng Muntinlupa
PDEA Top Stories
DILG National Capital Region DILG Muntinlupa
Dangerous Drugs Board