DSWD Field Office 3 - Central Luzon

  • Home
  • DSWD Field Office 3 - Central Luzon
Directions Website

DSWD Field Office 3 - Central Luzon This is the official page of DSWD Field Office 3 - Central Luzon. Malasakit sa mahihirap. Maagap at mapagkalingang serbisyo sa mamamayan!
(5)

It covers public concerns within the provinces of Aurora, Bataan, Bulacan, Nueva Ecija, Pampanga, Tarlac, and Zambales. The official account of Department of Social Welfare and Development - Field Office III.

Iisa lamang ang nais ng mga mamamayan sa Cabangan, Zambales—ang maging mas matatag sa pagharap sa mga sakuna at panganib...
08/10/2026

Iisa lamang ang nais ng mga mamamayan sa Cabangan, Zambales—ang maging mas matatag sa pagharap sa mga sakuna at panganib.

Sa Municipal Resilience Planning and Prioritization of PPAs for PCRP Funding na isinagawa mula Oktubre 6 hanggang ngayong araw, Oktubre 8, 2026, inilahad ang mga konsolidadong output ng Participatory Risk and Vulnerability Assessment (PRVA) mula sa iba’t ibang barangay ng munisipalidad. Sa pamamagitan ng aktibidad, nagkaroon din ng pagkakataon ang mga komunidad na maunawaan ang mga sakuna at panganib na kinakaharap ng bawat barangay. Mahalaga ang prosesong ito bilang hakbang sa pagbuo ng konkretong 3-year Municipal Resilience Plan. Dito rin nakikilahok at nagbabahagi ng saloobin, katanungan, at opinyon ang mamamayan.

Aktibong nakilahok sa proseso ang 22 na barangay ng Cabangan, sa suporta ng Cabangan Municipal Mayor, Hon. Ronaldo F. Apostol, Municipal Resilience Team, at mga Community Volunteers. Pinangunahan ang aktibidad ng Area Coordinating Team ng Cabangan, Zambales, kasama ang kinatawan ng KALAHI-CIDSS Regional Project Management Office (RPMO).

Bago ang aktibidad, isinagawa ang PRVA upang matukoy ang mga panganib na kinakaharap ng bawat komunidad at ang lawak ng mga ito. Upang matiyak na ang mga magiging proyekto ay akma at kapaki-pakinabang sa komunidad, tinalakay din ang Open Menu at Negative List ng mga maaaring pondohan sa ilalim ng PCRP.

Para kay Elizabeth Trapsi, isang Purok Leader at Community Volunteer mula Brgy. Mabanglit, Cabangan, Zambales, mahalaga ang proseso dahil nabibigyan ng pagkakataon ang mga kalahok na maibahagi ang kanilang pananaw sa mga posibleng proyekto at aktibidad para sa munisipalidad.

“Nakuha ang mga saloobin ng mga nandito, narinig ang mga opinyon namin kung anong mga puwedeng proyekto at aktibidad na maaaring gawin sa munisipalidad,” aniya.

Higit pa sa pagbuo ng plano at pagtukoy ng mga panganib, naging pagkakataon ang aktibidad upang pag-isahin ang komunidad sa pagpapalakas ng kanilang kakayahan at katatagan sa pagharap sa mga sakuna at panganib.

TULOY-TULOY ANG UPLIFT ASSISTANCE PAYOUT SA CENTRAL LUZONTALUGTUG, NUEVA ECIJA — Patuloy ang pamamahagi ng Unified Packa...
08/10/2026

TULOY-TULOY ANG UPLIFT ASSISTANCE PAYOUT SA CENTRAL LUZON

TALUGTUG, NUEVA ECIJA — Patuloy ang pamamahagi ng Unified Package for Livelihood, Industry, Food, and Transport (UPLIFT) Assistance ng Department of Social Welfare and Development (DSWD) Field Office 3 sa mga kwalipikadong benepisyaryo sa Central Luzon.

Ngayong October 8, 2026, isinagawa ang payout para sa Tranche 2, Group 2 sa Umali Gym, Barangay Quezon, Talugtug, Nueva Ecija, kung saan umabot sa 121 clients ang nabigyan ng UPLIFT Assistance.

Ang payout ay bahagi ng tuloy-tuloy na implementasyon ng UPLIFT Assistance ngayong taon, kung saan nakatakdang ipagpatuloy ang pamamahagi ng ayuda sa mga kwalipikadong benepisyaryo sa iba’t ibang lugar sa Central Luzon hanggang December 2026. Sa pamamagitan nito, unti-unting naihahatid ang assistance sa mga benepisyaryong sakop ng programa alinsunod sa itinakdang schedule ng payout.

Abangan ang mga susunod na payout at iba pang mahahalagang anunsyo tungkol sa UPLIFT Assistance sa pamamagitan ng opisyal na page ng DSWD Field Office III - Central Luzon.

Patuloy ang mga Angels in Red Vests ng DSWD Field Office 3, sa pamamahagi ng suporta sa ilalim ng UPLIFT Assistance – Em...
08/10/2026

Patuloy ang mga Angels in Red Vests ng DSWD Field Office 3, sa pamamahagi ng suporta sa ilalim ng UPLIFT Assistance – Emergency Cash Transfer (ECT) for Disaster Victims sa Pilar, Bataan ngayong araw, October 8, 2026.

Nakapaghatid ang mga Angels in Red Vests ng DSWD FO3 ng kabuuang ₱7,246,800 na tulong pampinansyal para sa 1,342 benepisyaryong naapektuhan ng mga nagdaang bagyo at habagat. Ang bawat isa sa kanila ay nakatanggap ng ₱5,400.

Sa pamamagitan nito, nasisiguro ang isang maayos, ligtas, at mabilis na proseso ng pamamahagi para sa lahat at nagpapatunay ng walang sawang malasakit ng mga Angels in Red Vests ng DSWD FO3.


Isang mainit at makabuluhang send-off activity ang isinagawa ng DSWD Field Office 3 para kay Promotive Services OIC-Divi...
08/10/2026

Isang mainit at makabuluhang send-off activity ang isinagawa ng DSWD Field Office 3 para kay Promotive Services OIC-Division Chief Susan S. Hernandez, bilang pagkilala sa kanyang 32 taon ng tapat na paglilingkod bilang Social Worker.

Dumalo sina ARDO Armont C. Pecina, mga Division Chiefs, at iba pang kawani ng DSWD upang magbigay-pugay sa isang lingkod-bayan na naglaan ng malaking bahagi ng kanyang buhay sa paglilingkod sa kapwa.

Nagsimula ang kanyang paglalakbay sa DSWD bilang casual, hanggang sa unti-unting umangat sa iba’t ibang posisyon at maging Social Welfare Officer IV at kalaunan ay mamuno bilang Division Chief.

Sa loob ng 32 taon, marami siyang naging karanasan at naibahagi sa serbisyo—mula sa rescue at pagtugon sa pangangailangan ng mga kabataan hanggang sa supervisory at management responsibilities. Sa bawat tungkulin, dala niya ang malasakit, dedikasyon, at puso para sa serbisyo.

Bitbit ang taos-pusong pasasalamat sa DSWD, iniwan ni DC Susan ang isang makabuluhang pamana ng serbisyong may malasakit at tunay na pagtulong sa kapwa—isang inspirasyong patuloy na mamumuhay sa mga kasamahan niyang kanyang nakatrabaho at naturuan.

Maraming salamat sa 32 taon ng makabuluhang paglilingkod DC Susan!

Happy Retirement! Saludo kami sa iyong serbisyo at sa buhay na inilaan para sa kapwa.


Isang malaking karangalan para sa DSWD Field Office 3 - Central Luzon ang tagumpay ng ating mga benepisyaryo ng Pantawid...
08/10/2026

Isang malaking karangalan para sa DSWD Field Office 3 - Central Luzon ang tagumpay ng ating mga benepisyaryo ng Pantawid Pamilyang Pilipino Program (4Ps) sa October 2026 Fisheries Professional Licensure Examination (FPLE)!

Congratulations, Mariclif L. Gaspar, RFP ng Casiguran, Aurora at John Lexter D. Torres, RFP ng Pantabangan, Nueva Ecija na kapwang itinanghal na Top 7 at si Daniel S. Balan, RFP ng Orani, Bataan na itinanghal na Top 8!

Ang inyong determinasyon, sipag, at sakripisyo ay patunay na ang 4Ps ay hindi lamang simpleng tulong pinansyal kundi isang tunay na pundasyon para sa mas magandang kinabukasan. Kayo ay inspirasyon sa bawat batang Pilipino na patuloy na mangarap kahit gaano kalayo ang marating.

Muli, pagbati sa inyo at sa inyong pamilya! Mabuhay kayo!



Patuloy ang DSWD Field Office 3 – Sustainable Livelihood Program (SLP) SWAD Nueva Ecija sa pagpapatupad ng mga makabuluh...
08/10/2026

Patuloy ang DSWD Field Office 3 – Sustainable Livelihood Program (SLP) SWAD Nueva Ecija sa pagpapatupad ng mga makabuluhang programa na naglalayong palakasin ang kakayahan, produkto, at kabuhayan ng mga program participants sa Central Luzon.

Kabilang dito ang Tinapa Making and Meat Processing Training na isinagawa sa dalawang bayan ng Nueva Ecija.

Noong Oktubre 6, isinagawa ang pagsasanay sa Brgy. Cruz, Bongabon, Nueva Ecija, na dinaluhan ng mga miyembro ng Cruz SLPA–General Merchandise, Vega Old SLPA, Vega New SLPA–Rice Retailing, Lusok SLPA–Sari-sari Store, at Baong, Labi SLPA–Mushroom Production, kasama ang mga Municipal Link na sina ML Marjorie Cabog at ML Lessie Madrid.

Samantala, noong Oktubre 7, isinagawa naman ang pagsasanay sa Brgy. Panacsac, General Mamerto Natividad, na nilahukan ng mga miyembro ng Madiskarteng Nanay SLPA at Rice Grainary SLPA.

Ang aktibidad ay isinagawa sa pamamagitan ng pagtutulungan ng SLP Nueva Ecija at Bongabon Municipal Cooperative Development, sa pangunguna ng resource speaker na si Mr. Amado J. Gervacio.

Para kay Loradel Espartinez, Vice President ng Baong, Labi SLPA–Mushroom Production, malaking tulong ang pagsasanay sa kanilang samahan.

“Malaki po ang naitulong nito sa aming samahan sa SLP. Natutunan po namin dito ang tamang pagtimpla, malinis na paggawa, at kung paano ito gawing negosyo sa murang halaga o puhunan. Pangako po na gagamitin namin ang aming mga natutunan at sana po ay sundan pa ng ganitong training ang aming samahan. Maraming salamat po.”

Sa bawat bagong kaalaman at kasanayang natututuhan, mas nagiging handa ang mga SLP beneficiaries na lumikha ng dagdag-kita, palaguin ang kanilang mga produkto, at gawing mas matatag ang kanilang kabuhayan.



BOTOLAN, ZAMBALES - Matagumpay na idinaos ang Municipal Resilience Planning and PPAs Prioritization for PCRP Funding sa ...
07/10/2026

BOTOLAN, ZAMBALES - Matagumpay na idinaos ang Municipal Resilience Planning and PPAs Prioritization for PCRP Funding sa munisipalidad ng Botolan, Zambales, simula October 5 hanggang ngayong araw, October 7, 2026.

Sa ilalim ng KALAHI-CIDSS Panahon ng Pagkilos: Philippine Community Resilience Project (PCRP), ibinahagi ang mga konsolidadong resulta ng isinagawang Participatory Risk and Vulnerability Assessment (PRVA) sa kani-kanilang mga komunidad. Mula rito, sama-samang sinuri at binigyang-prayoridad ang mga panganib na kinakaharap ng bawat barangay upang matukoy ang mga pangunahing banta na nangangailangan ng agarang pagtugon.

Ang mga resulta ng pagsusuring ito ang magsisilbing mahalagang batayan sa pagbuo ng 3-Year Municipal Resilience Plan—isang plano na nakatuon sa pagpapalakas ng kakayahan ng munisipalidad at mga komunidad na harapin ang iba’t ibang sakuna at panganib, at mabawasan ang mga epekto nito sa buhay at kabuhayan ng mga mamamayan.

Kasabay nito, tinalakay rin ang mga proyekto mula sa Open Menu at Negative List na maaaring pondohan sa ilalim ng Philippine Community Resilience Project (PCRP), upang matiyak na ang mga panukalang proyekto ay tumutugon sa mga natukoy na pangangailangan at panganib ng mga komunidad, at higit sa lahat, ay tunay na mapapakinabangan ng mga mamamayan.

Pinangunahan ang aktibidad ng Area Coordinating Team (ACT) ng Botolan, Zambales, katuwang ang KALAHI-CIDSS Regional Program Management Office (RPMO). Dumalo rin ang mga miyembro ng Municipal Resilience Team (MRest), mga punong barangay mula sa iba’t ibang barangay ng munisipalidad, at higit sa lahat, ang mga Community Volunteers na patuloy na nakikibahagi sa pagpaplano para sa kanilang sariling komunidad.

Sa sama-samang pagsusuri, pagpaplano, at pagdedesisyon, mas napapalakas ang kakayahan ng mga komunidad na tukuyin ang kanilang mga panganib, maghanda para sa mga ito, at bumuo ng mga solusyong angkop sa kanilang tunay na kalagayan. Dahil ang katatagan ay hindi lamang nasusukat sa kung paano nakakabangon ang isang komunidad, kundi sa kung paano ito sama-samang naghahanda bago pa man dumating ang sakuna.


Kaisa ang DSWD Field Office 3 – Central Luzon sa pagdiriwang ng Ika-37 National Statistics Month ngayong Oktubre, na may...
07/10/2026

Kaisa ang DSWD Field Office 3 – Central Luzon sa pagdiriwang ng Ika-37 National Statistics Month ngayong Oktubre, na may temang “Tuklas Pilipinas: Statistics as Beacon Towards Inclusive, Resilient, and Sustainable Tourism.”

Ipinagdiriwang ang National Statistics Month tuwing Oktubre alinsunod sa Presidential Proclamation No. 647, s. 1990, na naglalayong palawakin ang kamalayan at pagpapahalaga sa kahalagahan ng estadistika sa iba’t ibang sektor ng lipunan at isulong ang patuloy na pagpapabuti ng kalidad ng datos sa bansa.

Ngayong taon, binibigyang-diin ang mahalagang papel ng estadistika sa paghubog ng inklusibo, matatag, at napapanatiling turismo. Sa pamamagitan ng maaasahan at napapanahong datos, mas nagiging matibay ang batayan sa pagpaplano, paglalaan ng resources, at paggawa ng mga desisyong tumutugon sa pangangailangan ng mga komunidad habang pinangangalagaan ang likas at kultural na yaman ng bansa.

Bilang ahensya na nakatuaon sa social protection, kinikilala rin ng DSWD Field Office 3 ang kahalagahan ng datos sa pagpaplano, pagsubaybay, pagsusuri, pag-uulat, at paggawa ng mga desisyong nakabatay sa ebidensya upang matiyak na ang mga programa at serbisyo ay angkop, inklusibo, at tumutugon sa tunay na kalagayan ng mga indibidwal, pamilya, at komunidad.

Sa pagdiriwang na ito, ating tandaan: ang estadistika ay hindi lamang mga numero—sa likod ng bawat datos ay mga tao, komunidad, at kuwentong nagsisilbing gabay tungo sa mas magandang kinabukasan.

Bilang pagkilala sa mga naging katuwang ng DSWD Field Office 3 – Sustainable Livelihood Program (SLP) sa pagtugon sa pan...
07/10/2026

Bilang pagkilala sa mga naging katuwang ng DSWD Field Office 3 – Sustainable Livelihood Program (SLP) sa pagtugon sa pangangailangan ng mga pamilyang naapektuhan ng kalamidad, isinagawa ang Partners Appreciation Activity para SM City Pampanga, SM City San Fernando Downtown , JDN Realty at DigiPlus Foundation.

Pinangunahan ni Assistant Regional Director for Operations (ARDO) Armont C. Pecina, kasama ang outgoing OIC Division Chief ng Promotive Services Division na si Susan S. Hernandez, incoming OIC Division Chief Emelita Bolivar, at mga kawani ng SLP, ang paggawad ng mga certificate of appreciation sa mga nabanggit na partner organizations.

Nagkaroon din ng maikling talakayan hinggil sa kanilang naging mahalagang bahagi sa disaster relief operations, kung saan ipinaabot ni ARDO Pecina ang taos-pusong pasasalamat ng DSWD sa kanilang agarang pagtugon at malasakit sa mga pamilyang sinalanta ng kalamidad.

Nagpaabot naman ng kanilang pagpapahalaga ang mga kinatawan ng SM, JDN Realty, at DigiPlus Foundation, at tiniyak ang kanilang patuloy na pakikipag-ugnayan at pakikipagtulungan sa DSWD.

Sapagkat sa panahon ng pangangailangan, mas nagiging makabuluhan ang pagtugon kapag sama-samang kumikilos. Sa bawat kamay na umaabot at bawat pusong handang tumulong, mas napapalakas ang bayanihan tungo sa mas mabilis na pagbangon ng mga pamilyang nangangailangan.


Mas pinatatag ng Sustainable Livelihood Program Associations (SLPAs) ng Barangay Palale at Barangay Pias, General Tinio,...
07/10/2026

Mas pinatatag ng Sustainable Livelihood Program Associations (SLPAs) ng Barangay Palale at Barangay Pias, General Tinio, Nueva Ecija ang kanilang mga produkto matapos sumailalim sa Product Costing, Packaging, and Labelling Training sa Municipal Gymnasium.

Tampok sa pagsasanay ang mga produktong mula sa lokal na ani tulad ng calamansi, bignay, at kamote, na ginagawang juice, extract, w**e, at specialty flour.

Sa tulong ng Department of Trade and Industry (DTI), natutuhan ng mga benepisyaryo ang tamang pagkalkula ng presyo, madiskarteng packaging, at paggawa ng label na parehong kaakit-akit at sumusunod sa mga pamantayan.

Naging resource persons sina Ms. Marilou A. Santos at Mr. Allan A. Cañaveral, na nagsagawa ng hands-on workshop upang higit na mapalakas ang kaalaman ng mga SLPAs sa pagpapaunlad at pagpapalago ng kanilang mga produkto.

Sa patuloy na pagtutulungan ng SLP at DTI, mas napapalakas ang kakayahan ng mga lokal na prodyuser na makasabay sa merkado at gawing mas matatag at sustainable ang kanilang mga kabuhayan.

Mula sa ani ng komunidad, tungo sa produktong handang tangkilikin ng mas maraming mamimili.



Address


Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Website

Alerts

Be the first to know and let us send you an email when DSWD Field Office 3 - Central Luzon posts news and promotions. Your email address will not be used for any other purpose, and you can unsubscribe at any time.

Shortcuts

  • Want your organization to be the top-listed government service?

Share