17/08/2026
𝗡𝘂𝘁𝗿𝗶𝘀𝘆𝗼𝗻 𝗮𝘁 𝗞𝗮𝗹𝗶𝗸𝗮𝘀𝗮𝗻, 𝗣𝗶𝗻𝗮𝗹𝗮𝗹𝗮𝗸𝗮𝘀 𝘀𝗮 𝗙𝗗𝗦 𝗻𝗴 𝗺𝗴𝗮 𝗞𝗮𝘁𝘂𝘁𝘂𝗯𝗼𝗻𝗴 𝗣𝗮𝗺𝗶𝗹𝘆𝗮 𝘀𝗮 𝗗𝗮𝘁𝘂 𝗔𝗯𝗱𝘂𝗹𝗹𝗮𝗵 𝗦𝗮𝗻𝗴𝗸𝗶, 𝗠𝗗𝗦
Maguindanao del Sur, BARMM — Pinagtitibay ng 4Ps-BARMM ang pagsusulong ng wastong nutrisyon, malusog na pamumuhay, at pangangalaga sa kapaligiran sa pamamagitan ng isinagawang Nutrition Month Activity na isinama sa Family Development Session (FDS) noong Agosto 10, 2026, sa Sitio Beate, Barangay Talisawa, Datu Abdullah Sangki, Maguindanao del Sur.
Sumailalim ang nasa 52 pamilyang benepisyaryo ng 4Ps na kabilang sa Indigenous Peoples (IPs), kasama ang mga magulang at kanilang mga anak. Isinagawa ang aktibidad alinsunod sa temang “Nutrisyon at Kalikasan, Ating Pangalagaan,” na naglalayong palawakin ang kaalaman ng mga pamilya hinggil sa kahalagahan ng wastong nutrisyon at responsableng pangangalaga sa kapaligiran.
Tampok sa aktibidad ang talakayan tungkol sa wastong nutrisyon, malusog na gawain sa loob ng pamilya, at mga paraan ng pangangalaga sa kalinisan at kapaligiran ng komunidad. Sa pamamagitan ng FDS, nabigyan ang mga kalahok ng pagkakataong matuto at magbahagi ng kanilang mga karanasan hinggil sa pagpapanatili ng malusog na pamilya at ligtas na kapaligiran.
Bilang susunod na hakbang, ipagpapatuloy ng MSSD–4Ps ang regular na pagsasagawa ng FDS at iba pang community-based activities na nakatuon sa wastong nutrisyon, malusog na gawi sa pamilya, pangangalaga sa kapaligiran, at pangkalahatang kapakanan ng mga pamilya. Paiigtingin din ang koordinasyon sa mga barangay, health workers, at iba pang community partners upang matiyak ang tuloy-tuloy, inklusibo, at angkop na mga serbisyo, lalo na para sa mga komunidad ng Indigenous Peoples.
📍Follow 4Ps-BARMM for more updates!
FB: https://web.facebook.com/pantawidbarmm/
IG: https://www.instagram.com/4psbarmm2026/
X: https://x.com/4PsBARMM
Tiktok: https://www.tiktok.com/
