Hoërskool Bonnievale

02/11/2026

TWEEKAMP:🏃‍♂️🏊‍♀️🥇
Daar het 'n groep van 13 HSB Tweekampers aan die Tweekampbyeenkoms by Ruens Kollege deelgeneem op 31 Oktober. Die Bonnies het hulle staal gewys en mooi gehardloop en vinnig geswem. Verskeie Bonnies het hulle persoonlike beste tye behaal. Ons is trots op elkeen van julle. Hou so aan. Ons sien uit na die volgende byeenkoms.

02/11/2026

SWEM: 💙🏊‍♂️🥇
Daar het 43 Laerskool Bonnies aan Ruens se swemgala deelgeneem op 30 Oktober. Dit was 'n heerlike middag van goeie swem en sportmanskap. Die Bonnies het eers September begin swem na die winterseisoen, maar ten spyte daarvan het die Bonnies nie afgesteek teen die swemmers van die ander skole wat heeljaar swem nie.
Die Bonnies het gewys dat hulle kan swem!
Ons is trots op elke Bonnie wat sy/haar beste gegee het!
Ons sien uit na die HSB Control Union Gala wat Vrydag 6 November plaasvind - hier gaan die Bonnies weer swem dat die water spat!

02/11/2026

Mini-krieket sluit die seisoen af!
🏏🏆🌟

Ons mini-krieketspanne het hul laaste wedstryde van die seisoen by Worcester-Noord gespeel. Dit was ’n lekker dag vol krieket, spanwerk en sportgees!

Baie dankie aan al ons spelers, afrigters en ouers vir julle ondersteuning deur die seisoen.

Ons is trots op elkeen van ons jong krieketspelers!

30/10/2026

💚 BAIE DANKIE, Outdoors Arena ! 💚

Ons personeel spog sommer ekstra trots met hul splinternuwe hempies! 👕🤩

'n BAIE GROOT DANKIE aan Outdoors Arena vir die besonderse borgskap van ons personeel se hempies!

Ons waardeer julle vrygewigheid en ondersteuning opreg. Dit is danksy ondernemings soos julle wat ons skoolgemeenskap soveel sterker staan. 💛

Ons personeel lyk sommer spoggerig en is trots om hul nuwe hempies te dra!

Outdoors Arena, julle maak 'n verskil en ons sê uit ons harte DANKIE! 💛

30/10/2026

KRIEKET: 🌟🏏💚

HSB vs Laerskool Montagu - Monties

Woensdag, die 28ste Oktober het beide die o.11 en die o.13 spanne kragte gemeet op die krieketveld.

Die HSB o.11 span het weg teen Laerskool Montagu gespeel.

Montagu se het eerste gekolf en 59 lopies aangeteken. Daarna het die Bonnies gaan kolf en die wenlopies aangeteken met nog 2 paaltjies staande.

Die o.13 spanne het in Bonnievale gespeel en ook hier het Montagu eerste gekolf en 96 lopies aangeteken. Bonnies het toe ook die wenlopies aangeteken met 2 paaltjies staande.

Baie geluk aan die manne, wat moes kophou in 'n naelbyt stryd.

HSB wil weer vir Laerskool Montagu bedank vir die goeie sportmanskap en manier hoe ons twee as plattelandse skole mekaar ondersteun en gesonde kompetisie teen mekaar het. Dis altyd lekker om teen julle te speel, wen of verloor. Ons waardeer julle.

27/10/2026

26/10/2026

BONNIES SÊ DANKIE:

Baie dankie aan BVSA Chartered Accountants & Financial Services wat Vrydag vir ons splinternuwe Rugby paalbeskermers oorhandig het. Ons kan nie wag dat die nuwe rugbyseisoen moet aanbreek nie.
🏉🌟🏆

26/10/2026

🏆 Laerskool: Top 10 Atletiek 🏆

Van ons atlete het Vrydag in Bredasdorp deelgeneem en uitstekende uitslae gelewer. Ons sê baie geluk aan die volgende leerders :

Junior Smit o.11
6de plek - Verspring

Mixante Beyers o.13
3de plek - 400m
7de plek - 200m

Jaston Conradie o.13
3de plek- Hoogspring

Luan du Toit o.13
1ste plek - 200m
1ste plek - 100m
1ste plek (nuwe rekord ) - verspring

Luan du Toit word ook as beste o.13 seun van die dag aangewys . Geluk Luan !

Ons is baie trots op ons atlete !

25/10/2026

🏃‍♀️🏊‍♂️ Tweekamp @ Hugenote

Op Saterdag, 24 Oktober, het HSB leerders deelgeneem aan die Tweekampbyeenkoms in Wellington. Ons leerders het met groot entoesiasme deelgeneem en gewys wat dit beteken om deur te druk en jou beste te gee. Vir sommige was dit hul heel eerste tweekamp, wat dit sommer ekstra spesiaal gemaak het! Daar was opgewondenheid, nuwe uitdagings en sommer baie rede om trots te wees. Ons is ongelooflik trots op elke leerder wat die uitdaging aangepak het. Julle het gewys dat dit nie net oor wen gaan nie, maar ook oor moed, groei en die lekkerte om saam deel te wees van iets besonders!
Ons sien uit na die volgende byeenkoms by Rûens kollege op Saterdag, 31 Oktober.

23/10/2026

'n Dag bo die wolke! 🌍💙

Ons Graad 4-leerders het vandag die wonderlike geleentheid gehad om Tafelberg te besoek! 🏔️🚡

Dit was 'n dag propvol opwinding, avontuur, pragtige uitsigte en sommer hope pret! Ons leerders kon die natuurskoon van ons pragtige Kaapstad bewonder en sommer terselfdertyd buite die klaskamer leer. 🌿🌍

Groot glimlagte, mooi herinneringe en 'n uitstappie wat ons nie sommer sal vergeet nie! 💚