Laerskool Wierdapark

KLEURVOLLE LANDLOOPDAG

Ons Wieries het vandag se kleurvolle Landloopdag behoorlik geniet! Nadat hulle hul beste op die baan gelewer het, was dit tyd vir nog pret toe hulle mekaar met helder kleure kon gooi en die dag saam vier.

Dit was wonderlik om die entoesiasme, spangees en vreugde van ons leerders te sien. Julle het die dag besonders gemaak!

Baie dankie vir julle fantastiese gees, energie en deelname, Wieries. Julle maak ons trots!

HET JY GEWEET ONS WIERIES RY PERD?

Ons blinkoogruiters neem aan ‘n verskeidenheid kompetisies en SANESA kwalifiserende rondtes deel en presteer pragtig.

Stephany Fouché en haar perde Champion Hercules, Champion Shadow Dancer en Champion Master Vision het aan die SANESA Western Mounted Games, asook die Tshwane Qualifiers 3 en 4 deelgeneem. Sy is as Champion aangewys by die Western Mounted Games en het 1 x 1e, 2 x 2e en 2 x 3e plekke by die SANESA kwalifiserende rondtes verower.

Julianna Zaily Zaayman en haar perd Champion Amigo het aan die SANESA Western Mounted Games, Gauteng Interprovinsiale Kampioenskappe asook die Tshwane Qualifiers 3 en 4 deelgeneem. Sy is as Reserve Champion aangewys by die Western Mounted Games en die Gauteng Interprovinsiale Kampioenskappe. By die SANESA kwalifiserende rondtes het sy 1 x 1e en 2 x 4e plekke verower.

Lealané Botha en haar ponie het aan die Tshwane Qualifiers 3 en 4 deelgeneem. Sy ontvang 3 x 1e, 1 x 3e, 4 x 7e en 1 x 10e plekke by die SANESA kwalifiserende rondtes.

Kayleigh Schmidt het aan SANESA Tshwane kwalifiserende rondte 3 deelgeneem en 1 x 6e, 1 x 10e, 1 x 17e en 1 x 18e plek verower.

Lexi Fisher en haar perd Freebie het aan SANESA Tshwane kwalifiserende rondte 4 deelgeneem en ‘n eerste plek verower.

ALGEMENE KENNIS

Ons Wieries het hul staal behoorlik gewys deur uitdagende vrae met selfvertroue, deursettingsvermoë en skerp denke aan te pak. Onder groot druk het hulle hul kennis en vaardighede uitstekend ten toon gestel!

Dit was ’n ongelooflike aangename aand vol leer, pret en gesonde kompetisie. Ons is baie trots op elke deelnemer en sien reeds uit na die volgende geleentheid.

Kennis is mag!

Baie geluk aan al ons deelnemers. Hier volg die uitslae van die kompetisieaand:

Graad 6-afdeling
1. Logan Brits
2. Daniël Hugo
3. Olerato Lekgetho

Graad 7-afdeling
1. Ewan Roos
2. Hayley Murrish
3. Marli Kritzinger

Baie geluk aan elke leerder met julle uitstekende prestasies. Julle maak ons trots!

HOOFLEIERS

Wat is ’n fotosessie sonder ’n bietjie pret?

Ons hoofleiers het alles gegee om ’n spesifieke foto nét reg te kry. Ná 30 minute se probeerslae en met die hulp van twee "ingehuurde" spanmaats, het hulle uiteindelik die perfekte foto bemeester!

Dit is die lekker oomblikke agter die kamera wat die mooiste herinneringe skep.

𝗪𝗜𝗘𝗥𝗜𝗘𝗗𝗔𝗡𝗦 𝟮𝟬𝟮𝟲

Die hartklop agter die Wieriedans was eenvoudig: 𝗢𝗠 𝗔𝗟𝗠𝗔𝗟 𝗦𝗔𝗔𝗠 𝗧𝗘 𝗕𝗥𝗜𝗡𝗚! Om vir een aand die besige lewe te verruil vir lag, gesels, dans en kosbare herinneringe.

Baie dankie aan elke gesin wat hierdie spesiale geleentheid ondersteun het. Julle het die koue aand gevul met warmte, vreugde en gemeenskap. Die temperatuur was ysig, maar die dansvloer, die kuier en die Wierie-gees het elkeen se harte warm gehou.

Wieries, julle weet hoe om 'n koue wintersaand in iets besonders te verander!