Ntethe's novels and drama

malumekazi kaNomcebo😩🙌

Ngaphenduka intandane umama ephila

By Sizakele Xulu

Chapter 10

Wavala isango umama wazilungusa kahle waphindela endlini ngezwa inhliziyo yami igaya izibozi izinyembezi zishisa emehlweni ngingafuni ukuyikholwa yonke lento ebikade yenzeka ngike ngama isikhathi eside esangweni nginethemba lokuthi umama usazobuya athi ubedlala. UZakhele ungibambe ngesandla wayongifaka emotweni ubona nje ukuthi sekumuncu ngithole ebengakulindele “maGumede bengicela wehlise umoya sihambe solala kuyacaca asamukelekile lana umama wakho kanti unjani ngampela" angikwazanga ukumphendula uZakhele ngenxa yokucabanga kakhulu.

Ngizibuza ngiziphendula ukuthi Kanti umama akasabuyi nje ekhaya yena uphila kamnandi lana egoli udla elikampondo mina ngyahlupheka ngilala ngisho ngingadlile noma sengiphambi kwakhe akanendaba nje akubi buhlungu noma esebona ukuthi bangenzeni omalumekazi akanginikanga nesikhathi sokuchaza kunalokho ungitshela ngobaba kaLinda lapho mina owami ubaba angimazi. Ngathuka esemisa imoto uZakhele esho ukuthi sesifikile emva kohambo olude sangena ewotela ngingakhulumi lutho ngafika ngaziphosa embedeni ngazama ukulala kungalaleki kwangena noZakheke wafike wahlala eduze kwami wangibamba ehlombe

“Themba lami kusasa ekuseni ngizovuka ngilibangise eSoweto kumawakho ngifuna angichazele kahle ukuthi uyenziswa yini into ebuhlungu kangaka kwingane yakhe yentombazane ngizoya kozifuna zonke izimpendulo ngizovuka kusempondozankomo ukuze ngzokwazi ukubona loyababa uma eseya emsebenzini ngizokwazi ukuthola umawakho eseyedwa” ngadonsa umoya ngavuka ngahlala “kulungile zakhele uqaphele ungenzi into ewubulima nami ngyazidinga izimpedulo ukuthi ngamenzani kanti umama engizonda kangaka”wangihlikihla ehlombe uZakhele wathi useyolala nami angizame ukulala.

Ngaphenduka intandane umama ephila

By Sizakele Xulu

Chapter 9

Lobaba wamisa imoto wama wabisuka esisusa ezinyaweni enyuka nathi “kungabe ningobani nina futhi nibekwa yini esangweni lami” kubuza lobaba ngokuxwaya, ngabona noZakhele engibuka ngamehlo athi chaza wena “ eeh sawubona baba sihamba sifunana nomuntu ekuthiwa uBongiwe Gumede kuthiwe uhlala lapha” ngabona lobaba engibukisisa engathi ufuna ukusho okuthile “ay ngyoke ngizwe ke namhlanje ningangena ngaphakathi” wadumisa imoto wangena ngaphakathi nathi sayilandela.

Lobaba wapaka imoto yakhe wabe esehla emotweni ephethe amaphepha amaningi okukhombisayo ukuthi uphuma emusebenzini futhi usebenza kahle uyamubona nje ukuthi unehhovisi elikhulu elihle ungumacaphuna kusale uhamba aze aphushe isifuba sakhe engathi uyakhukhumala.Uthe asimlandele sangena endlini wasihlalisa kosofa wathi usayosibizela lomuntu esimfunayo washo wabe eyosithela ngephaseji elingenela emakameleni sahlala salinda silokhu siqalaza lobubukhazikhazi obugcwele kulendlu ibiyinhle kakhulu engathi isezulwini elincane. Sithe sisalindile ngambona umama eqhamuka ephuma kwelinye lamakamelo ufake izingubo zokulala zikanokusho okusho khona ubeselungele ukulala ubengeve emuhle umbona naye ukuthi akaswele lutho impilo yakhe isishintshile.

Angikhonanga ukuzibamba ngagijimela kuye ngamanga ngenkulu injabulo kodwa okwangiphatha kabi akazange angamukele wavele wangibamba wangiqinisa wangidonsela emnyango noZakhele wasilandela “ufunani lana wena Nomcebo ungithole kanjani lana” ukhuluma nje uyahlebeza engathi akafuni ukuthi omunye umuntu oseceleni ezwe “hawu mama bengithi uzokujabulela ukungibona” ngamubona ulokhu eqalaza ukuthi akekho yini ombonayo “Nomcebo akulungile ukuthi ubelana ubaba kaLinda uzocasuka hambani buyelani emuva” Ngezwa kushisa amehlo izinyembezi zifuna ukuphuma “mama angikwazi ukubuyela laphana umalumekazi noSipho bayangihlukumeza buka nginjani” ngaphenduka ngaphakamusa isikibha engisgqokile ngimbonisa imivimbo “Nomcebo asikho iskhathi sayoyonke lento kuhlwile cela uhambe ngzofika ngizokbona ukhonze kubhuti” ukhuluma nje usesikhiphele ngaphandle kwesango.

Shiya phela uLike wakho necomment bese uyashare kwamanye amagroups mzala🤝🙏

Ngaphenduka intandane umama ephila

By Sizakele Xulu

Chapter 8

UZakhele ubeshayela ngokukhulu ukucophelela elandela inkombandlela ezosifikisa kulelikheli esilitholile lapho mina ngilokhu ngibuke njalo efasiteleni ngikude nemicabango ngyazibuza ukuthi uzoba njani umama mengibona ngicabanga injabulo ezobe isebusweni bakhe angisakhoni nokulinda ngizofike ngimange isikhathi eside ngizwe nephunga lakhe ekade ngaligcina phela umama uzithanda kabi kanti futhi unenhliziyo emnene uzothini nje esengibona ngikhule kangaka emvakweminyaka eminingi ngamugcina.

Ngathuka sengibona sigudla imizi ukuthi shuthi sesisondele ngibona nenqwaba yabantu bayaphithizela nezingane ziyadlala emgwaqeni. Ngisabheke lokho ngezwa ngoZakhele esemisa imoto esho ukuthi sesifikile Nomcebo ngaqala ngaba novalo oluncane olungishayayo “Zakhele mina sengiyasaba ucabanga ukuthi uzokujabulela ukungibona umama?” “maGumede ehlisa umoya themba lami akekho umzali ongeke akujabulele ukubona indodakazi yakhe futhi enhle njengawe, yabona manje uzozithola zonke izimpendulo ozifunayo” Ngavula isicabha ngaphuma emotweni ngathi ukuma isikhashana ngibuka lesisithabathaba somuzi esizongena kuwona ngadonsa umoya okokugcina ngabukisisa nekheli lakhona ngase nginikela khona.

S**e sangqongqoza isikhathi eside impela kungavuli muntu kuthulekile kulelijalidi “ maGumede kubukeka engathi akukhomuntu kulelikhaya” ngazizwa ngifikelwa zinyembezi “Zakhele ngyakucela cela singalilahli ithemba manje cela noma sithi ukubalinda kancane” “ngyakuzwa Nomcebo kodwa kuhlwile manje siyofika nini ewotela uyasibona kodwa isikhathi”sengiyakhala ke manje phela bengingafuni nhlobo ukuyolala ngingambonanga umama “Musa phela ukukhala sthandwa sizobuya ekuseni sizobheka futhi” sithe sisamile kanjalo esangweni kwaqhamuka unyanyavu lwemoto lizongena kulelisango esime kulona sayibona saqhela sayidedela ukuze izongena, ithe isizongena nesango selivulekile yabe isima kwehla iwindi ngabona ngobaba omnyama osekhulile impela ufake nezibuko zamehlo ubukeka esabisa futhi eyisidlakela.

Ngaphenduka intandane umama ephila

By Sizakele Xulu

Chapter 7

Ngavuswa ukukhanya kwelanga okuqhamuka efasiteleni legumbi engangilele kulo ngavuka ngacikica amehlo ngahlala ngesinqe embedeni ontofontofo ebikwiyinto engingayazi empilweni yami,Ngithe ngisahleli ngabona ngoZakhele engena nethileyi elinezibiliboco “maGumede kwakuhle ngakufica usuvukile ngikulethele indlakuseni nkosazane"wakubeka eduzane nombede egcwele ukumamatheka ebusweni bakhe. Ngakuthatha ukudla ngakubeka emathangeni ami “Ngyabonga Zakhele ave unomusa” wahleka kancane uZakhele “ay kanti izinto ezincane lezi,idlake cthandwa sami isayinde indlela ekumele siyithathe”washo waphuma.

Balungisa konke baqeda bangena indlela balubangise kwandongazyaduma endleleni bahamba badlala umculo opholile nendlela abayizwa ngapha bayancokola ,kuthe ngesikade bafika egoli nelanga lase liyozilahla kunina bafikele ewotela lapho abazohlala khona besathungatha umama kaNomcebo.”Zakhele mucabanga sizomthola umama”? UZakhele wadonsa umoya wasondela kunomcebo wamubamba isandla “Khululeka maGumede kusasa sophikelela eParktown sibone awukho yin umkhondo esingawthola khona angithi wathi umawakho yilapho ahamba ethi eyosebenzela khona” ngavuma ngekhanda “ayke angihambe ke mina ngyolala nawe dlana bese uyalala okunye nokunye sokubona kusa” waphuma uZakhele waya kwelinye igumbi kwazise ubekhokhele amagumbi amabili.

Ukusa kwaziwa ibona belibangise eParktown behamba befunisa igama likamakaNomcebo okungu Bongiwe Gumede bathola lapho ayesebenzela khona omunye umama, wabayalela ukuthi usehlalaphi akasahlali la eParktown use hlala eSoweto wabanikeza nekheli lakhe. Khona kuthe ukuqhela kunaseParktown kuzobathatha isikhathi esingangehora ukufika esoweto kanti nokuhlwa kwase kusondele” Zakhele ngyazi sekuyahlwa kodwa ngicela noma ukulala ngibone ubuso bakhe vele kusakhanya usangakwazi ukushayela ihora elilodwa iskhathi esincane” uZakhele akabanga nayo inkinga inqobo nje mabezothola umama kaNomcebo.

Next chapter coming please comment like and share my novels🙏

Ngaphenduka intandane umama ephila

By Sizakele Xulu

Chapter 6

Saphendukela kuSipho ngashawa olukhulu uvalo mangimbona ngasukuma ngacasha emuva kwaZakhele lapho uSipho amehlo akhe ayesebomvu intukuthelo “wena Ceboh uthunywe amanzi Kade uhambile kanti ulibele abafana la hhhe” usho uyasondela uza ngqo kuZakhele lapho uZakhele wakhona akanyakazi ngathi ulindele okuthile “awusho ke ndoda yamadoda bathi konje ungwaphi njengoba u*busy* uwotawotana nomzala la kumnandi silinde amanzi thina” usho uyamnyokoloza esifubeni uZakhele avele aphendukele ngakumina angibuke kancane “maGumede uyena Sipho kansondo lo?” nganqekuzisa ikhanda ngivuma uZakhele akapholisanga amaseko wabe esemusho ngesibhakela uSipho wamshaya waze wacela uxolo uthe esuka wambamba ngeskibha abasigqokile wambuka ngqo ezinhlamvini zamehlo “ugcine ngci ukuhlukumeza abantu besifazane” wabe esemdedela wamshiya elele khona lapho uSipho engakwazi ngisho ukunyakaza.

“maGumede ngeke usakwazi ukubuyela kulesiya sihogo uzohamba nami ksasa ekuseni sinohambo olubheke kwandongazyaduma kmele sthole umama wakho” angibange ngisakhuluma lutho wangidonsa ngengalo sahamba silibhekise kubo.Sihambe ibanga elite ukuba lide impela sisuka emthonjeni silibhekise kwaMtshali ngithe ngingazelele ngezwazngo Zakhele esethi nakhu ekhaya sesifikile, asikho isimanga umyzi nje owakhiwe kahle omukhulu obonayo nawe ukuthi abasweli kulomuzi bayaziphilela nje.Sangena ngaphakathi endlini sakhanfwa iphunga elimnandi lokudla liqhamuka ngasekhishini “Zakes uwena loyo mfana wami usubuyile”kumemeza umawakhe esekhishini shuthi uyabezwa abantu abangenayo ngoba usithele “yebo mamah sengikhona cela uvele ngapha khona umuntu engicela uzomubona” kuphendula yena uZakhele engidonsela isihlalo ukuze ngizohlala.

Sisahleli kuqhamuke emhlophe intokazi le isho ngodedangendlale wesitho ifake *Apron* uhamba usula izandla ngendwangu ugcwele ukumamatheka ebusweni “hawu bengingazi sizoba nesivakashi” usho ubuka mina wabe esephendukela ngakuZakhele samuntu olindele incazelo “hhhe mama iyona mbali yami ke lena ebengikutshela ngayo igama lakhe uNomcebo Gumede ngale egunjaneni” kuphendula uZakhele ngokukhulu ukuziqhenya lapho mina sengibheke phansi ngiyafa amahloni “waze wamuhle makoti wakwami uthobekile kuyasho ukuthi cha umama wakho ukukhulise kahle” kwavele kwathuleka endlini engathi khona umoya odlulayo ngabona ukuthi angisho okuthile noma lokhu okushiwo umakaZakhele kungahlalanga kahle “ngyabonga ma” ngabe sengibheka phansi lokhu ngimtshontsha ngeso uZakhele waphinde waqhubeka umakaZakhele “manje maGumende sisi wabukeka ungekho kahle ngabe konke kukahle? Zakhele kwenzakalani?

“Mama isimo samaGumede asisihle neze akahleli kahle kubo uhlukunyezwa umalumekazi wakhe uSipho umzala wakhe yena uke wazama ukumnyukubeza ingakho nginqume ukumthatha ngibe sengibona kukuhle nokuthi sithungathe umawakhe owalahleka eGoli” ngabona umakaZakhele ecweba izinyembezi wangibamba ngesandla “konke kuzolunga ntombazane yami ungakhululeka uzizwe usekhaya uphephile uma ulana ngyaxolisa ngakho konke osudlule kukho”ngabona lapho ukuthi kukhona abantu abanobubele la ngaphandle abangafani nomfazi kamalume “Ngyabonga kakhulu mama angazi nginganibonga ngani” sengicweba nezinyembezi.

malume kaNomcebo🥺

I'm on the weekly engagement list for Zulu Novels by Mabutho Kunene.

Ngaphenduka intandane umama ephila

By Sizakele Xulu

Chapter 5

Emthonjeni kucwebile kunomlolozelo omnandi wezinyoni ezahlukahlukene lapho umqondo wami ukhungathekile ngifisa ngisho ukuthatha impilo yami ngoba vele ekugcineni ngizobulawa umalumekazi.Ngithe ngisuka ngaya phezulu eweni eliwela ematsheni ngafike ngama khona “ ayisekho vele into engiyiphilelayo kulomhlaba ngaphandle kokuhlukumezeka nomama kusho khona ukuthi uyazisola ngokuba khona kwami emhlabeni ngoba nakhu wahamba wajubalala wangabheka emuva akazi nokuthi ngilala ngidleni, ngigqokeni,nkulunkulu makukuba ukhona ngampela kanti mina ngakona ngani ungangithetheleli cala lini engalenza? Akekho mina umuntu ongithandayo”ngadedela umzimba ngilindele ukuphoseka ngiphahlazeke ematsheni abukeka ekude phansi, ngezwa ngesandla singibamba kabuhlungu singidonsela emuva “maGumede ungayenzi leyonto ngzoba yini mina” mangiphenduka ngabona uZakhele

“Hlabangane”wangidonsa ngasondela kuye wangibeka esifubeni sakhe esizwakala sinothando nemfudalo wangesula izinyembezi ezabe seziyimpophoma emehlweni ami “maGumede kungani ungiphilisa kabuhlungu uyenze lani lento oyenzayo? Angithi ngakutshela ukuthi makukhona okudingayo wongishayela ucingo” uZakhele ukhuluma nje useyaqhaqhazela wethukile nami angyekile ukukhala “Zakhele yazi indlela impilo yami engakhona sengize ngakhohlwa nawukuthi khona umuntu onendaba nami ongikhathalelayo, kuningi Hlabangane angisakwazi ukumelana nakho ngabona kungcono ngiwufulathele lomhlaba ohlabayo” uZakhele wangibamba isilevu wangiphakamisa ubuso ngoba bengibhele phansi wangibuka ngqo ezinhlamvini zamehlo ngamehlo akhe egcwele uthando nokukhathazeka “maGumede tshela min kwenzakalana kungabe umalumekazi?”

Ngadonsa umoya iskhathi eside ngaphinde ngawehlisa ngesula izinyembezi “Zakhele angiphathekile neze kahle ekhaya umalumekazi ungishayisa okwezinkomo eziyisa ediphini umalume yena akasho lutho ngalokho uvele athule abukele nje,ezinsukwini kufike uSipho ingane kamalumekazi usezame kaningi ukunginukubeza ngokocansi ngiphunyuka bekungakhona okokuqala izolo ngithe mangikubika udaba lukaSipho umalumekazi wavele wangivuthela ngemvubu.”uZakhele uselokhu ebambe ongezansi njengoba ngimubalisela “yazi maGumede ngyaqala ukuzwa into enje manje kukhona konke lokhu okwenzeka kuwe baphi abazali bakho?” umbuzo kaZakhele wangibuyisela ngosizi ngazithola sengikhala futhi “umama wahamba ngineminyaka eliShumi eya kwandongazyaduma ethi uthole umsebenzi akaphindanga wabuya kanti ubaba wami yena angikaze ngamazi umama akaze wangitshela ngaye”

“Ngyaxolisa ukuzwa lokho mama yazi umalumekazi wakho akayena umuntu futhi uyena ongafanelanga ukuba ngabe uyaphila. Manje ngoba usamncane nje kufuneka engabe uyafunda” uZakhele ubuza lokhu uyambona ukuthi uyamucika yonke lento “ umalumekazi wangyekisa esikoleni sengenza ibanga lesishiyagalombili wathi kmele nginakekele uAmahle ingane yakhe. Ngangenza kahle kakhulu esikoleni ngiphasa ngamalengiso wangiphuca konke lokho” sithe sisakhuluma sezwa ngomuntu eseshaya ihlombe emvakwethu engakhulumi.

Ngaphenduka intandane umama ephila

By Sizakele Xulu

Chapter 4

UKusa kwaziwa yimi ngivuswa ukukhala kwesisu phela izolo ngilale ngingadlile.Ngavuka ngaqonda ehlathini ngiyocoshacosha okuyimifino okudlekayo nanoma ngingazi ukuthi ngizoyidla nani kodwa lokho akusenendaba,ngayithola yona emningana engabanela bonke ngase ngisuka ngiqonda ekhaya. Ngathi mangifika ekhaya ngabafica baphelele endlini enkulu kudekwe itafula kudliwa inyama yeKFC efike noSfiso izolo kanye nokunye okumnandi “malumekazi sengibuyile bengithi ngyocoshacosha imifino” wavele wangibuka kabi umalumekazi kangangokuba ngyamunyanyisa “Wentombazane awunamahloni ngampela uyasbona syadla uzosimela awusuke la uyongcolela le exhibeni usizwe sithi silambile yini thina uze uyosifunela iyhlahla nje” ngathi mangizibheka nami ey ngigcwele udaka kodwa lokhu kudla abakudlayo nami ngyakuhalela “nami bengicela ukudla malumekazi” lapho sengicwebise namehlo “hamba uyokufuna kuNyoko le kogoli uyazelaphi inyama wena” lapho ukhuluma nje akayekile ukudla.

Ngaphuma sengisokole ngabheka exhibeni ngafike ngapheka lemifino ngizoyidla yodwa ukuze kube khona okuseswini “engabe umama ukuphi nezwe ngihlupheka kanjena ngyothi webani asabelephi angisenakho nokokugqoka lokhu ngiphinde into eyodwa sengaba inhlekisa nasendaweni ,noma ngabe ngifuna ukubaleka ngzobaleka ngibhekephi yaze yanzima impilo yami” ngisazicabangela nje ngithuswe uSipho esengena engivala umlomo kulokhu ubeyisidlamlilo eyisilwane uqobo lwaso engabhekeki esabisa “shhhhhh Ceboh umeke nje wamemeza ngzokubulala” indlela abeyiyo uSipho wayezongibulala ngampela sengyaqhwisha ngyakhala ngizama ukusuka ezandleni zaSipho ezingibambe ngqi “Ngyakcela sipho ngicela ungyeka bandla uyangilimaza” kwabebgathi akangizwa uzama ukungikhumula nami ngyalwa ngapha wathi uma ezama ukungehlisa iskhindi sangaphansi ngasheshe ngabona imfologo phezu kwetafula ngadonsa yona wathi uyavuka ngamgwaza ngayo esfubeni ngaphuma ngabaleka .

Ngithe ngyophuma ngesango ngahlangana nomalume wangimisa “yini mshana ujwahwa ubani?” ngakhomba exhibeni sengikhala “uSipho malume ubezama ukunginukubeza ngokocansi ngaphunyuka” uthe esathi uyangiphendula umalume kwaqhamuka umalumekazi kanti ungizwile “yey wena skhohlakali sentombazane uthi iSipho sami senzeni? Vele awumfuni uSipho wena usho lokhu ngoba nakhu engazalwa umalume wakho usubona ukuthi muqambele amanga eeeh woza la wena ngzokukhombisa namhlanje” washo wasondela angisakwazi nokubaleka umalume umile phambi kwami “uyaybona ingane yami uyenzeni wena nondindwa” kusaqhuba yena umalumekazi ebona inxeba likaSipho wangidonsela endlini wangibulala ngemvubu wangishaya waze wadela “lalela ke thatha nanka amabhakede ushone emthonjeni lingashoni ungabuyile” ngawathatha nginjalo ngashona khona.