National Community Liberation-NACOL

24/10/2026

KEYNOTE ADDRESS BY NACOL'S DEPUTY PRESIDENT HON N NCUBE, AT THE MTUBATUBA MINI RALLY HELD AT VELEMPINI HALL, WARD 07 UNDER INKOSI MTUBATUBA LOCAL MUNICIPALITY.

23/10/2026

BUKA:
Nanka amazwibela omkhankaso we Community Liberation (NACOL) obuqhutshwa umengameli we qembu umhlonishwa uMuzi Hlophe kanye no mholi wentsha Cde Siyabonga Ndlanzi kanye nomgcinimafa kazwe lonke uCde Sibusiso Khumalo emanguzi namhlanje .

Khumbulake ngosuku lokhetho sivotela ushintsho, intuthuko, inkululeko yempela kanye nempilo encono. Votela iNACOL

23/10/2026

FUNDA:

Umengameli weNational Community Liberation(NACOL) umhlonishwa uMuzi Hlophe kanye nomholi wophiko lwentsha umhlonishwa uSiyabonga Ndlanzi basendaweni yase Manguzi namuhla ukuqhuba umkhankaso weqembu.

Khumbulake ngosuku lokhetho sivotela ushintsho lwempela, intuthuko, inkululeko yempela kanye nempilo encono. Votela iNACOL ubone umehluko kuleminyaka emihlanu ezayo.

22/10/2026

21/10/2026

FUNDA:

Kwethulwe iqembu ebukhosini bakwaGumede eJozini.

Namuhla usihlalo kazwelonke weqembu le National Community Liberation (NACOL) umhlonishwa uMandla Nxumalo ube yinxenye yokwethulwa kweqembu ebukhosini besizwe sakwaGumede esigodini saso Biva, endaweni yaseJozini.

U-Zwide ubehambisana nobuholi beqembu eJozini kanye no Cde Nathi(Mkhovu) Gumede okuyena iqembu elifolose ngaye ku ward 6 ngaphansi komasipala wase Jozini.

Lokhu kusayinxenye yokuzibophezela kweqembu ukuhlonipha kanye nokusebenzisana nezinhlaka zomphakathi okubalwa kuzo nobuholi bomdabu.

Kulolukhetho lohulumeni basekhaya, themba iNACOL ngevoti lakho ukuze ubone umehluko. Khumbulake ngosuku lokhetho sivotela ushintsho, intuthuko, inkululeko yempela kanye nempilo encono.

21/10/2026

FUNDA:

Votela iNACOL ubone ushintsho nentuthuko emphakathini ohlala kuwo.

Njengoba kusele izinsuku eziyishumi nane (14) kufike ukhetho, iNACOL isamile ezithembisweni zayo. I-NACOL izibophezele ekufezekiseni amaphuzu akusomqulu wezethembiso zayo.

-Ukuthuthukiswa komnotho.

-Ukwakha amathuba emsebenzi.

-Ukuqeqeshwa nokukhuliswa kwezamakhono namabhizinisi.

-Ukuhlinzekwa ngamanzi ahlanzekile.

-Ukusebenzisana nezinhlaka ezahlukene zomphakathi.

-Ukulwa nobugebengu.

-Ukuthuthukiswa kwezemfundo.

-Ukuthuthukiswa kwezolimo nezokuvakasha.

Ilokhu kanye nokunye okuningi iNACOL ethembisa ukukwenza, uma nje ungayinika ivoti lakho mhlaka 04 November. Khumbulake ngosuku lokhetho sivotela ushintsho, intuthuko, inkululeko yempela kanye nempilo encono. Votela iNACOL!!

20/10/2026

FUNDA:

Zisemajikeni impela manje.

Kusele izinsuku eziyishumi nanhlanu nje kuphela(15) ukuba kufike usuku olubhekwe ngamehlo abomvu, okuwusuku lokhetho lohulumeni basekhaya. Lolukhetho luzobanjwa mhlaka 04 November, kanti ngomhlaka 02 no 03 kuyobe kwenziwa amavoti ayisipesheli(special votes).

Khumbulake ngosuku lokhetho sivotela ushintsho, intuthuko, inkululeko yempela kanye nempilo encono. Votela iNACOL ukuze ubone intuthuko endaweni yangakini kuleminyaka emihlanu ezayo.

Side kakhulu lesi sikhathi uxakekile, iqembu lakho olithandayo likuthembisa imfudumalo yamanga. Manje sekuyisikhathi soshintsho isikhathi sokucabangela ikusasa lakho kanye nendawo yangakini. Voetala iNACOL!!

18/10/2026

VOTE NACOL!!

Kusele izinsuku eziyishumi nesikhombisa(17) ukuthi kufike usuku lokhetho. Njengoba kuvotelwa uhulumeni wasekhaya, ayobe emathathu amaphepha. Kumele wenze isiqiniseko sokuthu uphawu lakho lokuvota(X) lungaphakathi ebhokisini, futhi lugqame ngokwanele.

Ukudweba/ukubhala uphawu lwakho ngaphandle kwebhokisi noma phezu komugqa kungahle kuholele ekutheni ivoti lakho lingabalwa, iphepha ovote kulo lithathwe njengelonakele. Ngakho qikelela ukuthi konke ukwenze ngendlela efanele.

Khumbulake ngosuku lokhetho sivotela ushintsho, intuthuko, inkululeko yempela kanye nempilo encono. Lokho sizokwenza ngokuvotela iNACOL. Ungavumi ukuphinda wenze iphutha owalenza eminyakeni emihlanu eyedlule lokuvotela abantu abangenawo umbono nomuzwa wokuthuthukisa izimpilo zabanye abantu.

17/10/2026

BUKA:

NACOL ayisungulwanga abantu ababedube elinye iqembu.

Nasi isiqeshana sokugcina senkulumo kamengameli weNational Community Liberation (NACOL) ngenkathi uxoxa neziko lezindaba elibizwa nge Julas Podcast. Umengameli ukubeke kwacaca ukuthi iNACOL ayiyona inhlangano yamahlubuka aphume eqenjini elithize ngenxa yokungalawuleki, kodwa isungulwe ngenxa yokubona isidingo sokukhulula abantu kulamaqembu abahubhisa utalagu.

U-Thumbeza uthi iNACOL iyona ezoba isisombululo ezinkingeni eziningi ezikhungethe umphakathi wasesifundeni UMkhanyakude, ikakhulukazi ngoba kuyiso iNACOL engenele kuso ukhetho. Yize iNACOL ingekho emandleni, ikwazile ukusiza inqwaba yabantu ngokuthuthukisa amakhono nokubafundisa ngamabhizinisi, futhi abanye babo bakwazile ukuqala okuthize ngemuva kwalokho kuqeqeshwa.

Uqhube ngokuthi iNACOL inamasu aphusile okufukula lesi sifunda. Kantike inethemba lokwenza konke lokho, ngoba inabaholi abanalo ulwazi kwezemfundo, abathembeiile, abakhathalela umphakathi futhi abaningi babo abakuso lesi sifunda.

Khumbulake, kusele izinsuku ezingaphansi kwamashumi amabili ukuba kufike usuku lokhetho qala manje uzilungiselele. Ungakhohliswa ngobala, okwenza mhlaka 04 November yilokho ozophila nakho kuleminyaka emihlanu ezayo. Ngakho votela ushintsho, intuthuko, inkululeko yempela kanye nempilo encono. Votela iNACOL!!

16/10/2026

BUKA:

Kusele izinsuku ezimbalwa ngaphambi kokuba kufike usuku lokhetho.

Njengoba kusele izinsuku ezingaphansi kwamashumi amabili ukuba kufike ukhetho lohulumeni basekhaya, umengameli weNational Community Liberation ( NACOL) umhlonishwa uMuzi Hlophe unxuse abavoti base Mkhanyakude ukuba bethembe iNACOL ngevoti labo.

U-Thumbeza ubekhuluma neziko lezindaba elibizwa nge Julas Podcast, okwilapho ekade eyocacisa khona ngomlando wokusungulwa kweqembu kanye neselike lakwenzela abantu kusukela ekusungulweni kwalo. Umengameli uthe kuyiqiniso elingephikwe ukuthi lamaqembu akade esemandleni phambilini ahlulekile ukufeza izethembiso zawo, kwaze kwaba ukuthi abantu balahlekelwa yithemba. Uthi iNACOL iyazi ukuthi abantu banamaqembu abo abawathandayo, kodwa manje sekuyisikhathi sokumukela iqiniso lokuthi ahlulekile ukusebenzela umphakathi.

Umengameli ucele ukuba kulolukhetho oluzayo abantu bengavoti ngemizwa yokuthanda iqembu, kodwa bevotele ukubona izimpilo zabo nendawo yangakubo ishintsha ithuthuka. Uthike iNACOL izoza nomehluko omkhulu futhi inezinhlelo eziningi ezizosiza ukufukula nokuthuthukisa isifunda UMkhanyakude, kuphela nje idinga ukuba abantu bayethembe ngevoti labo ukuthi ingawenza umehluko kuleminyaka emihlanu ezayo.

Khumbulake kusele izinsuku ezimbalwa ngaphambi kokuba kufike usuku lokhetho qala manje uzilungiselele. Sivotela ushintsho, intuthuko, inkululeko yempela kanye nempilo encono. Votela iNACOL!