What are the opening hours?

Monday 07:30 - 16:00 Tuesday 07:30 - 16:00 Wednesday 07:30 - 16:00 Thursday 07:30 - 16:00 Friday 07:30 - 16:00

Umhlabuyalingana Municipality

Home
South Africa
Manguzi
Umhlabuyalingana Municipality

Directions Website

Vision
To be a people-centered municipality that provides socio-economic development and environment

02/11/2026

BAXWAYISWE NGOKUGEMBULA OKUNGEKHO EMTHETHWENI EMHLABUYALINGANA
30 October 2026

Delayed Post !!!

Umphakathi wase Manguzi, ngaphansi kukamasipala uMhlabuyalingana uthole ithuba eliyingqayizivele ngenkathi ithimba lakwa National Credit Regulator lihambele kulendawo eManguzi Multi-Purpose Centre zingu 30 October 2026.

IHhovisi lomnyango wakwa-Local Economic Development and Tourism eMhlabuyalingana elingaphansi kuka Mrs Bukhosini lihlele umkhankaso wokuqwashisa umphakathi wakulendawo mayelana nokugxila ekusebenziseni imali budedengu ngokuthunywa ngu-Mayor waseMhlabuyalingana umhlonishwa u-Cllr T.S. Khumalo. Ngenkathi kuqhubeka le Consumer Rights and Awareness Outreach Program ziningi izinto umphakathi ofundiswe ngazo ezifana nokuqikelela ekusebenziseni imali budlabha uze ungene ezikweletini ezingenaso isidingo uzithole usuncwile komashonisa. Kuthiwa izwekazi lase-Africa lihamba phambili ngabantu abanezikweletu ezidalwa ukugembula nemali mboleko .

"Umphakathi uyacelwa ukuthi usebenzise imali ngobunono lokho kuzokwenza sikwazi ukuzithuthukisa siyisizwe esimnyama" ngokusho kovela kwa-NCR uthi akumele uze ungene kuma-Debt Review ngenxa yokudala izikweletu.

Ziningi izihloko kade zibhekwa ezithinta abantu abangena ezikweletini, ukugembula okungekho emthethweni, amalungelo abathengi. Lezizinkulumo bezithanyelwe abavela eminyangweni eminingi okubalwa kuyo u-SAPS, Department of Health, Department of Education, nabanye abaningi.

Izikhulumi bezivela kulezinhlaka ezilandelayo: National Credit Regulator,
Financial Sector Conduct Authority,
National Gambling Board,
National Financial Ombud kanye
KwaZulu-Natal Department of Economic Development, Tourism and Environmental Affairs.

31/10/2026

UMeya kaMasipala uMhlabuyalingana, u-Cllr T.S. Khumalo, uzokwethula ngokusemthethweni osonkontileka abazolungisa imigwaqo emibili eWard 3, okuyiMbazwane Education Centre Tarred Road kanye neMbazwane Rehabilitation of DLTC Testing Route Asphalt Road.
Lo mcimbi uzoba mhla ka-03 kuLwezi 2026, eKwa-Mbila Traditional Council, ngo-10h00 ekuseni. Lolu hlelo luhlose ukuthuthukisa ingqalasizinda nokwenza kube lula ukuhamba komphakathi.

31/10/2026

`MHLABUYALINGANA KUVALWE INYANGA YEZOKUTHUTHA NGESIVIMBAMGWAQO.

Izinhlaka ezahlukene zezokuphepha ngaphansi kukamasipala UMhlabuyangana zigeqe inyanga yezokuthutha ngesivimbamgwaqo (Multi-Disciplinary Road Block) ebisibanjelwe emgwaqeni R22 eMbazwane.

Iminyango eyahlukene kahulumeni ibambe iqhaza kulomkhankaso, okubalwa: SAPS, UMhlabuyangana Traffic Department, KZN-RTI, KZN Department of Transport (Road Safety) SANRAL, BMA, Home Affairs (Immigration), Ezemvelo, Department of Community Safety and Liaison.

Izinhlaka zezokuphepha ziqhubekile nokubopha izephulamthetho njengoba kujwayelekile uma kunemijhankaso yaloluhlobo.

31/10/2026

UCHAZWE NGOKUZINIKELA KWAKHE OBENGUMPHATHI WAKWA TRAFFIC EMBAZWANE .

Uchazwe njengomuntu obewuhlonipha umsebenzi wakhe futhi ezinikele ekwenzeni imisebenzi yakhe ngendlela efanele uMnuz S.LMayahe, obengumphathi waseMbazwane Traffic, ngesikhathi ozakwabo kanye nezinhlaka ezahlukene bemvalelisa emsebenzini.
uMayahe, osesebenze iminyaka engaphezulu kweyishumi kuMasipala wase-Umhlabuyalingana, unconywe ngazwi linye ngabamele izinhlaka zezokuphepha nezomthetho ezisebenza ngaphansi kwezindawo zaseMhlabuyalingana naseMkhanyakude, beveza ukuthi ubeyisisebenzi esiziphethe kahle, esihlonipha umsebenzi waso futhi esisebenzisana kahle nezinye izinhlaka.

Phakathi kwezinhlaka ebezikhona bekukhona iBorder Management Authority (BMA), uMbutho wamaPhoyisa aSAPS), uMnyango wezaseKhaya (Home Affairs) Community Safety and Liaison kanye noDisaster Management.
UMphathi kaMasipala, uMnuz N.P.E. Myeni, naye ubonge uMnuz Mayahe ngeqhaza lakhe elibalulekile alibambile ngesikhathi esebenzela umasipala, wamfisela okuhle kodwa empilweni yakhe.
Lo mcimbi ube yithuba lokubungaza nokuhlonipha igalelo likaMnuz Mayahe, kanye nokumfisela impumelelo kulolu hambo olusha aluqalayo.

31/10/2026

UBE YUMPUMELELO UMKHANKASO WOKUQOQWA KWEMFUCUZA EDOLOBHENI LASEMBAZWANE (WARD 3)
Usuku: 30 October 2026
Iskhathi: 09:00
Indawo: Mbazwane Town

Ube yimpumelelo umkhankaso wokuqoqa imfucuza edolobheni laseMbazwane. Lomkhankaso ubuhlelwe umaspala uMhlabuyalingana ngokubambisana nomnyango wakwa-EDTEA kanye no-CWP. Inhloso yalomkhankaso ukukhuthaza umphakathi owakhele idolobha laseMbazwane ukuba ugcine idolobha lihlanzekile.

Umasipala ubuholwa ngu-Mr W.S. Nhlenyama ongumqondisi emnyangweni wakwa-Community kanye umnyango wakwa-EDTEA ubuholwa ngu-Mr Bheki Ntshalintshali.

`MHLABUYALINGANA KUVALWE INYANGA YEZOKUTHUTHA NGESIVIMBAMGWAQO.Izinhlaka ezahlukene zezokuphepha ngaphansi kukamasipala ...

31/10/2026

30/10/2026

USOMLOMO KAMASIPALA UMHLABUYALINGANA NAMHLANJE UQHUBEKA NOHLELO LOKUNIKEZELA ABAFUNDI IZICATHULO ZESIKOLE EMBAZWANE.

Usuku: 30 October 2026
Indawo: Mbazwane

USomlomo kaMasipala uMhlabuyalingana, uCllr D.M. Mathenjwa, namuhla uqhubeke nohlelo lokuhlinzeka abafundi ngezicathulo zesikole, lapho enikezele ngezicathulo ezingu-203 kubafundi baseMbazwane Primary School kanye naseSiphahleni Primary School.
Ekhuluma ngesikhathi kunikezelwa lezi zicathulo, uSomlomo uveze ukuthi uMasipala uhlose ukuqhubeka nokwelula isandla kubafundi, ikakhulukazi labo abasemabangeni aphansi, ukuze bakwazi ukufunda ngokuzethemba nangokukhululeka ngaphandle kokukhathazeka ngokungabi nazo izicathulo zesikole.
Abazali kanye nothisha abebe yingxenye yalolu hlelo babonge kakhulu uSomlomo noMasipala ngokungenelela nokweseka abafundi, baveza ukuthi lolu sizo luzoba nomthelela omuhle empilweni yabantwana nasemfundweni yabo.
Lolu hlelo luyingxenye yemizamo kaMasipala yokweseka imfundo nokuthuthukisa izimo zokufunda kubafundi baseMhlabuyalingana.

29/10/2026

UMEYA UDLULISELE IZICATHULO ZESIKOLE EZINGU-239 KUBAFUNDI BASEMHLABUYALINGANA.

29/10/2026

UMEYA UDLULISELE IZICATHULO ZESIKOLE EZINGU-239 KUBAFUNDI BASEMHLABUYALINGANA.

UMeya kaMasipala uMhlabuyalingana, uCllr T.S. Khumalo, unikezele ngezicathulo zesikole ezingu-239 kubafundi baseMaguqeni Primary School, Manqakulana Primary School kanye naseNtokozweni Primary School.
UMeya uthe uthathe isinyathelo ngemuva kokuthola izicelo ezivela kulezi zikole wabuye wagcizelele ukuthi imfundo iyinto eza kuqala kuMasipala futhi akekho umfundi okufanele aphuthelwe ukufunda ngenxa yokungabi nazo izicathulo zesikole.
UCllr B.E. Biyela, ikhansela laseWard 18, obehamba noMeya, ulushayele ihlombe lolu hlelo, waveza ukubaluleka kokweseka abafundi ukuze bakwazi ukuqhubeka nemfundo yabo.
Abazali nothisha ababe yingxenye yalolu hlelo babonge kakhulu uMeya ngokwelula isandla nokusiza abafundi.

Kanti kusasa uMeya uzoqhubeka nohambo lwakhe ezikoleni zaseMbazwane ukudlulisela ezinye izicathulo kubafundi.

Address

Umhlabuyalingana Local Municipality, Private BagX901, Kwa-Ngwanase
Manguzi
3973

Opening Hours

Monday	07:30 - 16:00
Tuesday	07:30 - 16:00
Wednesday	07:30 - 16:00
Thursday	07:30 - 16:00
Friday	07:30 - 16:00

Website

http://umhlabuyalingana.gov.za/

Alerts

Be the first to know and let us send you an email when Umhlabuyalingana Municipality posts news and promotions. Your email address will not be used for any other purpose, and you can unsubscribe at any time.