¿Cuál es el horario de apertura?

Lunes 08:00 - 16:00 Martes 08:00 - 16:00 Miércoles 08:00 - 16:00 Jueves 08:00 - 16:00 Viernes 08:00 - 16:00

CGIFP Eduardo Barreiros

Inicio
España
Ourense, Galicia
CGIFP Eduardo Barreiros

Cómo llegar Página web

Centro Galego da Innovación da Formación Profesional Eduardo Barreiros.

27/10/2026

🔐 Xa podedes inscribirvos no Desafío CiberFP 2026!

Este ano celébrase a primeira edición desta competición autonómica de ciberseguridade dirixida ao alumnado de Formación Profesional, convocada pola Dirección Xeral de Formación Profesional e organizada polo CGIFP Eduardo Barreiros.

A idea é formar equipos de tres estudantes de centros públicos de FP e enfrontarse a retos de ciberseguridade, onde contará tanto o que sabedes como a vosa capacidade para traballar xuntos. Hai tres desafíos segundo o voso nivel (Explorador, Aventureiro e Experto), así que non fai falta ser un experto para animarse a participar.

A competición terá tres fases. En novembro celebrarase unha xornada de presentación na que se explicará o funcionamento da mesma, haberá formación para os tres desafíos e entregarase material de apoio aos equipos. En xaneiro de 2027 chegará a fase clasificatoria, que se fará en liña desde os propios centros e terá unha duración máxima dunha hora. Os equipos coas mellores puntuacións pasarán á final presencial, en febreiro de 2027 no Centro Eduardo Barreiros (Ourense), onde se enfrontarán a retos máis avanzados e terá lugar o acto de recoñecemento aos equipos participantes e gañadores.

📅 Tedes ata o 13 de novembro para inscribirvos. As bases e toda a información están na nosa web.

Contamos con vós!

22/10/2026

Hoxe o CGIFP Eduardo Barreiros acolle unha xornada de formación sobre o proxecto VETINEN 🎓, dirixida ao profesorado de inglés das familias profesionais de Sanidade, Química, Comercio e Márketing e Actividades Físicas e Deportivas.

VETINEN combina unha metodoloxía de aprendizaxe activa (gamificación, aula invertida, resolución de problemas e traballo por proxectos) cunha plataforma de recursos en eXeLearning, creados por docentes especialistas en cada familia, co vocabulario, as situacións comunicativas e a normativa específica de cada sector.

A día de hoxe está desenvolvido en 14 das 26 familias profesionais da FP galega, e segue crecendo. Desde o CGIFP estamos a formar ao profesorado no seu uso para que cada vez máis familias poidan incorporalo á aula.

Isto é innovación aplicada: levar o proxecto á aula para que o alumnado aprenda inglés como ferramenta de traballo. Nun mundo globalizado, dominar o idioma abre as portas a empregar o seu talento en calquera país, sen deixar de achegar valor ao tecido produtivo galego 🚀

15/10/2026

Hoxe estamos en Lisboa, na feira Carreiras Azuis, cun stand conxunto do proxecto europeo SHOREWINNER.

Neste espazo coincidimos coa Universidade da Coruña, a Universidade do Porto, Emazores e a APREN. O CGIFP Eduardo Barreiros participa en representación da Consellería de Educación, Ciencia, Universidades e Formación Profesional.

Un dos obxectivos de SHOREWINNER é achegar a formación profesional á realidade das empresas, cunha mirada que vai máis aló do ámbito nacional. O sector das enerxías renovables mariñas traballa cada vez máis en proxectos e cadeas de valor internacionais, e a formación ten que estar á altura.

Por iso é tan importante estar en espazos como este: para difundir o traballo do proxecto e tecer alianzas que nos permitan avanzar cara a un alumnado de FP mellor preparado, con competencias axustadas ás demandas reais da eólica mariña (offshore).

Cada paso no ámbito internacional reforza o papel do CGIFP Eduardo Barreiros como motor de innovación da FP galega, ao conectala con empresas, redes e institucións de toda Europa.

07/10/2026

🧀 Tecnoloxía, especialización e innovación aplicadas á industria queixeira.

A finais de setembro, o Centro Eduardo Barreiros organizou a formación Especialización en xestión industrial da queixaría, unha actividade orientada a afondar nos procesos e tecnoloxías que interveñen na elaboración do queixo.

Ao longo da formación, o profesorado percorreu toda a cadea de produción: desde a recepción e a preparación do leite ata a elaboración, o salgado e a maduración, coñecendo os principais equipamentos e sistemas de control, as tecnoloxías de separación e os procedementos de limpeza e hixienización das instalacións, sempre con criterios de seguridade, eficiencia e deseño hixiénico.

Unha experiencia formativa máis coa que o CGIFP reafirma a Formación de Alta Especialización como unha das súas apostas estratéxicas para levar a innovación aplicada ás aulas e fortalecer a conexión da FP galega coa evolución constante do tecido produtivo.

▶️ Votade unha ollada ao resumo da formación.

30/09/2026

🚀 Desde o Centro Eduardo Barreiros seguimos poñendo en marcha formacións de alta especialización para que o profesorado da FP galega estea á última nas tecnoloxías e ferramentas que xa se usan nas empresas.

Este setembro desenvolvemos accións formativas moi diferentes:

- Especialista en cervexa (MEGA - A Coruña)
- Xestión industrial da queixaría (Politécnico de Lugo - Lugo)
- Estratexia empresarial, finanzas e IA aplicada (CGIFP - Ourense)
- Técnicas avanzadas de recuperación de datos e reparación de hardware (CGIFP - Ourense)

Da cervexa á IA, pasando pola queixaría e o hardware, chegamos a familias profesionais tan distintas como Industrias Alimentarias, Administración e Xestión ou Informática e Comunicacións. O obxectivo sempre é o mesmo: que a FP galega chegue antes ca ninguén ás necesidades do tecido produtivo. Porque formar o profesorado nas tecnoloxías e metodoloxías que están transformando as profesións é tamén preparar o alumnado para o que vén.

Seguimos traballando para que a innovación e a alta especialización cheguen a todas as familias da FP galega. 🎯

25/09/2026

♨️ Seguimos en Termatalia!

Achégate ao noso stand en Expourense para probar Vetinen, a nosa ferramenta de intelixencia artificial e realidade virtual para a práctica de inglés profesional, ae visitar as actividades do CIFP A Farixa e do IES 12 de Outubro.

📍 Expourense - Ata as 18:00 h.

07/09/2026

📚 O CGIFP Eduardo Barreiros estivo presente no encontro "O ensino galego ante o impacto da LOMLOE (2021-2026)", celebrado en Santiago de Compostela.

Durante a xornada, o conselleiro de Educación, Ciencia, Universidades e FP, Román Rodríguez, analizou o impacto desta normativa estatal tras cinco anos da súa entrada en vigor, reivindicando a aposta de Galicia pola mellora educativa continua e polo reforzo dos aprendizaxes básicos.

Un espazo de reflexión e balance sobre o sistema educativo galego no que seguimos comprometidos coa innovación e a mellora continua da formación. 🎓

28/08/2026

🎥 Un último vistazo a Innovatech FP 2026... antes de volver empezar.

Durante estas semanas compartimos algúns dos momentos que nos deixou esta edición e as propostas coas que o alumnado deu resposta aos retos das empresas participantes.

Hoxe poñemos o punto final a este repaso... e comezamos a mirar cara ao que vén.

🔜 A próxima edición de Innovatech FP está a piques de comezar. Novos retos, novos equipos e moito por descubrir.

Preparados para Innovatech FP 2027?

18/08/2026

🎬 Seguimos poñéndolle imaxes a Innovatech FP 2026.

Nesta ocasión, o protagonismo é para as propostas que deron resposta aos retos de Fundación San Rosendo, EBA, Portomuiños e Grupo Cuevas.

Grazas por propoñer desafíos, escoitar as solucións dos equipos e formar parte desta experiencia.

▶️ Dálle ao play e descubre o que deu de si esta xornada!

03/08/2026

📽️ Segundo capítulo desta viaxe de volta a Innovatech FP 2026.

Hoxe recuperamos os Elevator Pitch dos retos propostos por Gestán, , .services e Grupo Intaf. Grazas por poñer sobre a mesa desafíos reais e compartir esta experiencia coa FP galega!

🤔 Estás no vídeo? Dale ao play e comprobao

Dirección

Rúa Ermida 185
Orense
32005

Horario de apertura

Lunes	08:00 - 16:00
Martes	08:00 - 16:00
Miércoles	08:00 - 16:00
Jueves	08:00 - 16:00
Viernes	08:00 - 16:00

Página web

http://www.cgifp.gal/

Notificaciones

Sea el primero en enterarse: le enviaremos un correo electrónico cuando CGIFP Eduardo Barreiros publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.