Cim VdB - Viana do Bolo

Cómo llegar

Cim VdB - Viana do Bolo Centro de Información á Muller do Concello de Viana do Bolo (Ourense)

10/11/2026

.
🟣🪜 25N | A ESCALEIRA DA VIOLENCIA MACHISTA
🟣🪜 Comezamos coa programación con motivo do 25 de novembro, Día Internacional para a Eliminación da Violencia contra as Mulleres, poñendo o foco na prevención e na sensibilización a través dunha acción moi especial: a Escaleira da Violencia Machista, elaborada nos obradoiros de mulleres do programa municipal Poñémonos Moradas.
🟣🪜 Unha iniciativa que nos invita a reflexionar, identificar e recoñecer os diferentes comportamentos que conforman a violencia machista. Porque esta non aparece de súpeto: moitas veces comeza con actitudes que se normalizan ou se xustifican, como os celos, o control, o illamento, a chantaxe emocional, as humillacións ou a perda progresiva de liberdade e autonomía. Condutas que poden ir aumentando en gravidade e desembocar en situacións de violencia cada vez máis extremas.
📊📊 As cifras amosa que estamos ante unha realidade que non podemos ignorar:
🇪🇸 EN ESPAÑA:

➡️ 44 mulleres foron asasinadas polas súas parellas ou exparellas no que levamos de 2026.

➡️ 35 menores quedaron orfos e orfas como consecuencia destes asasinatos neste ano.

➡️ Dende 2003, ano no que comezaron os rexistros oficiais, son xa 1.385 as mulleres asasinadas por violencia de xénero.

➡️ Dende 2013, 545 menores quedaron orfos e orfas por esta causa.
🌍 A NIVEL MUNDIAL:

➡️ Preto de 840 millóns de mulleres e nenas, aproximadamente unha de cada tres, sufriron violencia física ou sexual ao longo da súa vida.

➡️ Só no último ano, uns 316 millóns de mulleres de 15 ou máis anos sufriron violencia física ou sexual por parte da súa parella.

📊📊 Os datos poñen de manifesto que non estamos ante feitos illados, senón ante un problema estrutural e global que atravesa fronteiras, culturas e xeracións.
🟣🪜 Accións como esta escaleira son necesarias para visibilizar o que moitas veces permanece oculto, romper coa normalización de determinadas condutas, educar na igualdade e contribuír a construír relacións baseadas no respecto, na liberdade e na confianza.
🟣🪜 Porque identificar a violencia é o primeiro paso para combatela.
🟣🪜 Porque ningunha muller debería ter que subir esta escaleira!!


.🟣🟣 25N | DÍA INTERNACIONAL PARA ELIMINACIÓN DA VIOLENCIA CONTRA AS MULLERES👩‍🦰👊❌ O Concello de Viana do Bolo, a través ...
05/11/2026

.
🟣🟣 25N | DÍA INTERNACIONAL PARA ELIMINACIÓN DA VIOLENCIA CONTRA AS MULLERES
👩‍🦰👊❌ O Concello de Viana do Bolo, a través do Centro de Información á Muller (CIM), presenta a programación de actividades con motivo do 25 de novembro, unha data para reivindicar e renovar o compromiso colectivo coa erradicación das violencias machistas.
💜👦🧒 Este ano queremos facer especial fincapé na prevención a través da educación, cunha programación que inclúe obradoiros nos centros de ensino. Consideramos fundamental traballar desde as idades máis temperás valores como o respecto, a diversidade, a convivencia e as relacións saudables, porque educar en igualdade é unha ferramenta esencial para previr a violencia.
📣👥 Por outra banda, o xoves 25 de novembro, ás 12:00 horas, celebraremos na Praza Maior unha concentración coa lectura do manifesto institucional, agardando contar coa participación de toda a veciñanza neste acto de lembranza, condena e compromiso.
💜💪 Dende o Concello de Viana do Bolo e o CIM reafirmamos o noso compromiso coa igualdade, a prevención e a erradicación de todas as formas de violencia machista. Un traballo que debe continuar todos os días e implicar o conxunto da sociedade.

📲📲 Seguide as nosas redes sociais! Iremos compartindo información e novidades sobre cada unha das actividades programadas para que non perdades ningún detalle.
💜🤝 Porque queremos un futuro libre de violencias para todas as mulleres. A loita contra a violencia machista é unha responsabilidade colectiva.
💪💜 Porque, un ano máis, VIANA DI NON Á VIOLENCIA MACHISTA!!!!

.🎭👩‍🎓 REPRESENTACIÓN TEATRAL "AS ALUMNAS"🎭👩‍🎓 Dentro da programación do Día das Mulleres Rurais e coincidindo coa celebr...
23/10/2026

.
🎭👩‍🎓 REPRESENTACIÓN TEATRAL "AS ALUMNAS"
🎭👩‍🎓 Dentro da programación do Día das Mulleres Rurais e coincidindo coa celebración do Día das Bibliotecas, mañá, sábado 24 de outubro, temos unha cita co teatro
🕗 Ás 20:00 horas
📍 Casa da Cultura de Viana do Bolo
🎭👩‍🎓 "As Alumnas", con Anabell Gago e Mónica Camaño, é unha obra que nos invita a reflexionar sobre a educación das mulleres, a memoria e o papel que tiveron na historia.
🎭👩‍🎓 Unha oportunidade para celebrar a cultura, a lectura e a memoria das mulleres a través das artes escénicas.
💜💜 Agardámosvos!

. 💡🚐 XERACIÓN EMPRENDE NO IES CARLOS CASARES 💡🚐 O pasado martes, a furgoneta do programa Xeración Emprende visitou o IES...
22/10/2026

.
💡🚐 XERACIÓN EMPRENDE NO IES CARLOS CASARES
💡🚐 O pasado martes, a furgoneta do programa Xeración Emprende visitou o IES Carlos Casares para achegar á mocidade recursos e ferramentas que favorezan o emprendemento, a empregabilidade e o desenvolvemento profesional no medio rural.
💡🚐 A través de dinámicas participativas e actividades prácticas, o alumnado puido reflexionar sobre as barreiras que limitan as nosas ideas, descubrir novas oportunidades e coñecer recursos para converter os seus proxectos en realidade.
💡🚐 Esta iniciativa da Dirección Xeral de Xuventude da Xunta de Galicia ofrece orientación personalizada, asesoramento, formación e acompañamento para impulsar o talento e as oportunidades profesionais no rural galego.
💜👩 A actividade enmárcase na programación organizada polo Concello de Viana do Bolo con motivo do Día das Mulleres Rurais, co obxectivo de promover a igualdade de oportunidades e visibilizar o papel das mulleres no desenvolvemento do noso rural.
📸📸 Aquí vos deixamos algunhas imaxes da xornada!

.🎭👩‍🎓 REPRESENTACIÓN TEATRAL "AS ALUMNAS" 📚✍️ Hoxe, 19 de outubro, conmemórase o Día das Escritoras, e que mellor maneir...
19/10/2026

.
🎭👩‍🎓 REPRESENTACIÓN TEATRAL "AS ALUMNAS"
📚✍️ Hoxe, 19 de outubro, conmemórase o Día das Escritoras, e que mellor maneira de facelo que anunciando unha obra teatral na que a educación das mulleres é o fío condutor da historia... Unha temática que nos invita a reflexionar sobre o acceso das mulleres ao coñecemento e a importancia dunha educación libre e igualitaria.
🎭👩‍🎓 O vindeiro sábado, 24 de outubro, Día das Bibliotecas, ás 20:00 horas, a Casa da Cultura de Viana do Bolo acollerá a representación de As alumnas, unha obra feita e interpretada por grandes mulleres da escena galega.
🎭👩‍🎓 A obra achéganos á historia de dúas antigas alumnas que se reencontran en 1970, tras o falecemento da pedagoga galega María Barbeito, para recuperar a memoria dunha educación renovadora e reflexionar sobre as consecuencias da represión franquista, especialmente na educación e na vida das mulleres.
🏆 As alumnas foi recoñecida con importantes premios, entre eles o Premio Nacional de Literatura Dramática 2023, concedido á súa autora, Paula Carballeira.
📅 Sábado, 24 de outubro
🕗 20:00 horas
📍 Casa da Cultura de Viana do Bolo
💜💜 Unha oportunidade para celebrar a literatura, o teatro galego e a memoria das mulleres, reivindicando a educación como ferramenta de liberdade, igualdade e transformación social.
💜💜 Agardámosvos!
👩💜 Actividade enmarcada dentro da programación polo Día das Mulleres Rurais

. 💡🚐 PROGRAMA XERACIÓN EMPRENDE💡🚐 O vindeiro martes, 20 de outubro, o IES Carlos Casares acollerá unha actividade dirixi...
19/10/2026

.
💡🚐 PROGRAMA XERACIÓN EMPRENDE
💡🚐 O vindeiro martes, 20 de outubro, o IES Carlos Casares acollerá unha actividade dirixida á mocidade, no marco da campaña itinerante «Xeración Emprende: A Ruta Rural do Emprendemento Xuvenil».
📅 Martes, 20 de outubro
🕚 De 11:00 a 13:00 h
📍 IES Carlos Casares
💡🚐 Unha iniciativa que achega o emprendemento á mocidade e ás mulleres do rural galego, ofrecendo actividades e asesoramento personalizado para impulsar novas ideas e oportunidades.
💜👩 Esta é outra das actividades organizadas dende o CIM do Concello de Viana do Bolo como parte da programación levada a cabo con motivo do Día das Mulleres Rurais, co fin de visibilizar o papel das mulleres no rural, fomentar novas oportunidades e seguir avanzando cara a un rural vivo, dinámico e cheo de futuro.

.💜👩 IMAXES DA INAUGURACIÓN DA EXPOSICIÓN «POÑÉMONOS MORADAS»💜📸 Aquí vos deixamos algunhas imaxes da xornada de onte, na ...
16/10/2026

.
💜👩 IMAXES DA INAUGURACIÓN DA EXPOSICIÓN «POÑÉMONOS MORADAS»
💜📸 Aquí vos deixamos algunhas imaxes da xornada de onte, na que celebramos a apertura da exposición dos traballos realizados no marco do programa «Poñémonos Moradas», unha iniciativa coa que conmemoramos o Día Internacional das Mulleres Rurais.
💜👩 Durante o encontro puidemos descubrir e desfrutar do resultado de todo o traballo creativo realizado ao longo do curso 2025-2026. Nove meses de encontros, aprendizaxe e creatividade, nos que as mulleres de Mourisca, Penouta, Solbeira, San Mamede e Punxeiro deron renda solta á súa vena artística, convertendo as súas ideas e habilidades en creacións que tamén contribúen á promoción da igualdade.
💜🤝 Grazas a todas as persoas que vos achegastes para compartir este momento tan especial e, por suposto, grazas a todas as participantes do programa pola súa creatividade e entusiasmo.
💜✨ Seguimos creando, compartindo e construíndo igualdade.

15/10/2026

.
💜👩 EXPOSICIÓN DE TRABALLOS "POÑÉMONOS MORADAS"
💜👩 Con motivo do Día Internacional das Mulleres Rurais, hoxe inauguramos a exposición Poñémonos Moradas, na que recollemos unha mostra dos traballos realizados ao longo do último curso nas aldeas de Mourisca, Punxeiro, Solbeira, San Mamede e Penouta.
📹 A través deste percorrido virtual, convidámosvos a descubrir o resultado dun ano cheo de creatividade, aprendizaxe e momentos compartidos.
💜👩 O programa desenvólvese mediante encontros quincenais nos que as mulleres teñen a oportunidade de traballar, aprender, conversar e compartir experiencias. Entre novembro de 2025 e xuño de 2026 realizáronse máis de 150 obradoiros, que sumaron máis de 300 horas de actividades. Máis de 300 horas para crear, descubrir, intercambiar saberes, compartir vivencias e, por suposto, merendar xuntas! ☕💜
💜👩 Pero Poñémonos Moradas é moito máis ca un conxunto de obradoiros. Naceu co propósito de fomentar a igualdade, a comunicación, a autoestima, o empoderamento e a creatividade, e foise convertendo nunha auténtica rede de apoio, amizade, confianza e intercambio de experiencias entre mulleres.
💜👩 Porque nestes encontros non só aprendemos a crear coas nosas mans: tamén falamos, lembramos, rimos, escoitamos e acompañámonos. Construímos espazos nos que compartir libremente, sentirnos parte dun grupo e descubrir que todas temos algo que ensinar e moito que aprender das demais.
💜👩 Hoxe celebramos ás mulleres rurais, o seu saber, a súa creatividade e a forza dos lazos que nos unen.

.🎨💜👩  INAUGURACIÓN EXPOSICIÓN "POÑÉMONOS MORADAS" POLO "DÍA DAS MULLERES RURAIS 2️⃣0️⃣2️⃣6️⃣"🎨💜👩 Mañá, 15 de outubro, in...
14/10/2026

.
🎨💜👩 INAUGURACIÓN EXPOSICIÓN "POÑÉMONOS MORADAS" POLO "DÍA DAS MULLERES RURAIS 2️⃣0️⃣2️⃣6️⃣"
🎨💜👩 Mañá, 15 de outubro, inauguramos a exposición de traballos do programa «Poñémonos Moradas», un proxecto de obradoiros de promoción da igualdade que botou a andar en 2023 e que, tres anos despois, chega xa a 5 aldeas do noso concello e a máis de 50 mulleres.
🎨💜👩 Un programa que, a través de encontros quincenais, crea espazos de convivencia nos que compartir experiencias, aprender unhas das outras, intercambiar saberes, crear, rir e fortalecer os lazos entre mulleres.
🎨💜👩 Esta exposición é unha mostra do talento, da ilusión e do traballo de todas as mulleres que forman parte desta iniciativa, que demostran que nunca é tarde para aprender, crear e seguir medrando xuntas.
📅 Mañá, xoves 15 de outubro
🕧 Ás 12:30 horas
📍 Sala de Exposicións do Concello de Viana do Bolo
🎨💜👩 Estades tod@s convidad@s! Agardámosvos para celebrar xuntas o Día das Mulleres Rurais e poñer en valor o papel fundamental das mulleres na vida das nosas aldeas.

.🎭⚽️🇯🇴 IMAXES REPRESENTACIÓN TEATRAL "FOOT"🎭⚽️🇯🇴  Esta mañá, a Casa da Cultura de Viana do Bolo acolleu a representación...
07/10/2026

.
🎭⚽️🇯🇴 IMAXES REPRESENTACIÓN TEATRAL "FOOT"
🎭⚽️🇯🇴 Esta mañá, a Casa da Cultura de Viana do Bolo acolleu a representación teatral “FOOT”, de Pallasos en Rebeldía, nunha actividade que reuniu a máis de 100 persoas, principalmente alumnado e profesorado do IES de Viana do Bolo.
🎭⚽️🇯🇴 A actuación resultou especialmente emotiva e o público mantívose moi atento á historia, narrada desde a voz dun futbolista palestino, que relata o imposible camiño do seu equipo para conseguir clasificarse para a Copa Mundial.
🎭⚽️🇯🇴 Un percorrido marcado polos controis militares, o exilio, a corrupción e a morte, que emprega o fútbol como fío condutor para achegar ao público outras realidades e reflexionar sobre os dereitos, a dignidade, a liberdade e a solidariedade.
💜👩 Esta actuación marca tamén o inicio da programación organizada polo Concello de Viana do Bolo e o CIM con motivo do Día das Mulleres Rurais, que continuará ao longo deste mes con diferentes propostas de sensibilización, participación e reivindicación.
👏 Dende o Concello de Viana do Bolo queremos dar as grazas ao Fondo Galego de Cooperación e Solidariedade, do que formamos parte, por facilitar a realización desta actividade e por achegar ao noso municipio propostas que fomentan a cooperación, a solidariedade e a sensibilización social.
👏 Grazas tamén a todas as persoas que participaron e, especialmente, ao alumnado e profesorado do IES pola súa atención e implicación
💜 Con esta programación, reafirmamos o compromiso municipal coa igualdade, coa realidade das mulleres do rural e coa construción dunha sociedade máis xusta e solidaria.

Dirección

Rúa Constitución, 14
Viana Del Bollo
32550

Horario de apertura

Lunes 08:00 - 14:30
Martes 08:00 - 14:30
Miércoles 08:00 - 14:30
Jueves 08:00 - 14:30
Viernes 08:00 - 14:30

Página web

Notificaciones

Sea el primero en enterarse: le enviaremos un correo electrónico cuando Cim VdB - Viana do Bolo publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Atajos

Compartir

Servicios Gubernamentales cercanos