23/10/2026
བོད་ནག་ཆུ་སྦྲ་ཆེན་རྫོང་ཁུལ་དུ་ས་ཡོམ་ཚབས་ཆེན་བྱུང་བའི་སྐོར།
༄༅། །ཕྱི་ལོ་ ༢༠༢༦ ཟླ་བ་ ༡༠ ཚེས་ ༢༢ ཉིན་གྱི་དགོང་མོ་ཆུ་ཚོད་ ༡༠།༣༣ ཙམ་ལ་བོད་ནག་ཆུ་ས་ཁུལ་གྱི་སྦྲ་ཆེན་རྫོང་དང་ཉེ་འཁོར་ས་ཁུལ་ཁག་ཏུ་ས་ཡོམ་གྱི་ཚད་རིམ་ ༧ བརྒྱབ་ཏེ་མི་རྒྱུ་གཉིས་ལ་གནོད་སྐྱོན་ཚབས་ཆེ་ཕོག་པར་བོད་མིའི་སྒྲིག་འཛུགས་ཀྱིས་ཐུགས་ཕམ་དང་སྦྲགས། གོད་ཆག་ཁྲོད་ཚེ་སྲོག་ཤོར་མཁན་རྣམས་ལ་མྱ་ངན་དང་བཤུལ་ལུས་ནང་མི་ཉེ་འབྲེལ་ཡོངས་ལ་གདུང་སེམས་མཉམ་སྐྱེད་ཞུ་རྒྱུ་ཡིན། བོད་མིའི་སྒྲིག་འཛུགས་དང་བཙན་བྱོལ་བོད་མི་རྣམས་ནས་ས་ཡོམ་གྱི་གོད་ཆག་ཁྲོད་རྐྱེན་ལམ་དུ་སོང་བ་རྣམས་དང་། རྨས་སྐྱོན་ཕོག་པ་རྣམས་མྱུར་དུ་དྲག་སྐྱེད་ཡོང་མཆོད་འབུལ་སྨོན་ལམ་ཞིག་ཚོགས་རྒྱུ་ཡིན།
རྒྱ་ནག་གཞུང་ནས་གནས་ཚུལ་ཕྱིར་བསྒྲགས་བྱས་པའི་གྲངས་ཐོ་ལྟར་ན། ས་ཡོམ་གྱི་གོད་ཆག་ཁྲོད་ད་བར་མི་གྲངས་ཉུང་མཐར་ ༡༦ ཚེ་སྲོག་ཤོར་བ་དང་། མི་གྲངས་ ༧༦ ལ་རྨས་སྐྱོན་ཕོག་པ། དེ་བཞིན་སྡོད་ཁང་དང་འཛུགས་སྐྲུན་དངོས་པོ་སོགས་ལ་གཏོར་སྐྱོན་ཚབས་ཆེན་བྱུང་ཡོད་སྐོར་གསལ་ཡོད་ཀྱང་། གནས་ཚུལ་ཤེས་རྟོགས་བྱུང་བ་ལྟར་ན་ཚེ་སྲོག་ཤོར་བ་དང་གནོད་སྐྱོན་ཕོག་པའི་གྲངས་འབོར་དེ་ལས་མང་བ་བྱུང་ཡོད་ཚོད་འདུག
ཕྱི་ཟླ་ ༡༠ ཚེས་ ༢༢ ཉིན་གྱི་མཚན་མོར་འབྲེལ་ཡོད་ནས་ཁུངས་ལྡན་གནས་ཚུལ་འབྱོར་གསལ་ལྟར་ན། སྦྲ་ཆེན་རྫོང་ཁོངས་ཀྱི་རྫ་སྲིབ་དང་། དམར་རུ། གངས་ཅན་བཅས་ས་ཁུལ་དུ་གནོད་སྐྱོན་ཚབས་ཆེན་བྱུང་ཡོད་པ་དང་། མི་གྲངས་ཉུང་མཐར་ ༢༠ ཚེ་སྲོག་ཤོར་ཡོད་པའི་གནས་ཚུལ་འབྱོར་ཡོད། དེ་བཞིན་རྒྱ་ནག་གཞུང་གི་འབྲེལ་ཡོད་དབང་འཛིན་པས་བོད་མི་དང་བླངས་རོགས་སྐྱོར་བ་རྣམས་གནོད་སྐྱོན་ཕོག་པའི་ས་ཁུལ་ཁག་ཏུ་འགྲོ་སྐྱོད་ལ་དམ་དྲག་བྱེད་བཞིན་པའི་གནས་ཚུལ་ཡང་འབྱོར་ཡོད། ཐོག་མར་ས་ཡོམ་དེའི་རྐྱེན་པས་ཉེ་འཁོར་ལ་ཆུ་རགས་ཤིག་ཡོད་པ་དེར་ཉེན་ཁ་ཡོང་སྲིད་པ་བཤད་འདུག་ཀྱང་། རྗེས་སུ་ཉེན་ཁ་ཅུང་ཆུང་དུ་ཕྱིན་པའི་གནས་ཚུལ་བྱུང་འདུག ཞིབ་ཕྲའི་གནས་ཚུལ་ལ་བརྟག་ཞིབ་གཏིང་ཟབ་བྱེད་དགོས་གལ་དང་། ས་ཡོམ་གོད་ཆག་གི་ཁྱབ་ཚད་དང་གནོད་སྐྱོན་གྱི་གནས་ཚུལ་ཆ་ཚང་ད་དུང་གསལ་པོ་ཤེས་རྟོགས་ཐུབ་མེད།
ས་ཡོམ་འདི་ཉིད་མཚན་མོ་དང་དགུན་དུས་སུ་བྱུང་བ་མ་ཟད། དེ་བཞིན་ས་ཁུལ་དེ་ཉིད་ས་ཡོམ་གྱི་ཉེན་ཁ་ཆེ་བའི་གྲས་ཤིག་ཡིན་སྟབས། མི་ཤི་རྐྱེན་ཆག་དང་གཏོར་སྐྱོན་གྱི་ཚད་གཞིའི་ཐད་སེམས་འཚབ་ཇེ་ཆེ་བྱུང་ཡོད། དགུན་དུས་སུ་འབྲོག་པ་རྣམས་ཁྱིམ་ཚང་དུ་ཕྱིར་ལོག་བྱེད་པའི་དུས་སྐབས་འདིར། རྒྱ་ནག་གཞུང་གིས་ཕྱི་ལོ་ ༢༠༡༢ ནས་ ༢༠༡༦ བར་གཞི་རྒྱ་ཆེ་བའི་གནས་སྤོའི་ལས་གཞིའི་འོག་འཛུགས་སྐྲུན་བྱེད་པའི་སྡོད་ཁང་རྣམས་ལ་ས་ཡོམ་གྱི་ཉེན་ཁ་འགོག་པའི་ནུས་པ་ཇི་ཙམ་ཡོད་མེད་ཐད་དྲི་བ་ཞིག་རང་བཞིན་ཡོང་གི་ཡོད།
བོད་མིའི་སྒྲིག་འཛུགས་ཀྱིས་རྒྱ་ནག་གཞུང་ལ་གཤམ་གསལ་ཛ་དྲག་གི་ཐབས་ལམ་དྲུག་ལག་བསྟར་བྱེད་དགོས་པའི་འབོད་སྐུལ་ཞུ་རྒྱུ་ཡིན།
༡། མྱུར་སྐྱོབ་དང་ངལ་སེལ་ལས་དོན་གལ་གནད་ཆེ་བར་འཛིན་དགོས། མྱུར་སྐྱོབ་འཚོལ་ཞིབ་ཀྱི་ལས་དོན་དང་། སྨན་བཅོས། ཛ་དྲག་གི་སྡོད་གནས། ཟས་གོས་གནས་མལ། དེ་བཞིན་ཉེར་མཁོའི་མཁོ་ཆས་ཁག་མྱུར་དུ་མཁོ་སྤྲོད་བྱེད་དགོས་པ་དང་། ལྷག་པར་འཁོས་ཞན་ཚོར་དམིགས་བསལ་དོ་སྣང་བྱེད་དགོས།
༢། གནས་ཚུལ་ཇི་བྱུང་ཕྱི་གསལ་ནང་གསལ་མཁོ་སྤྲོད་དགོས། ས་ཡོམ་གོད་ཆག་དང་འབྲེལ་བའི་གནས་ཚུལ་རྣམས་ཕྱི་གསལ་ནང་གསལ་གྱིས་དུས་ཐོག་འགྲེམས་སྤེལ་དགོས་རྒྱུ་དང་། གོད་ཆག་ཁྲོད་གནོད་སྐྱོན་ཕོག་མཁན་ཚོའི་ནང་མི་གཉེན་ཉེ་རྣམས་དང་གནས་ཚུལ་བརྗེ་ལེན་བྱེད་ཆོག་པའི་རང་དབང་སྤྲོད་དགོས་པ།
༣། བོད་ཀྱི་ཆོས་ཕྱོགས་བྱེད་སྒོ་ཁག་ལ་བརྩི་སྲུང་བྱ་རྒྱུ།
འདས་གྲོངས་སུ་གྱུར་བ་རྣམས་ལ་མཆོད་འབུལ་སྨོན་ལམ་སོགས་ཆོས་ཕྱོགས་ཀྱི་བྱེད་སྒོ་ཁག་ལ་དམ་དྲག་མེད་པའི་རང་དབང་སྤྲོད་དགོས་པ།
༤། ས་གནས་མི་མང་གིས་སྣེ་ཁྲིད་པའི་རོགས་སྐྱོར་ལ་རྒྱབ་སྐྱོར། བོད་ནང་གི་བོད་མི་སྒེར་དང་། དགོན་སྡེ། སྤྱི་དམངས་ཚོགས་སྡེ། དགེ་རྩ་ཚོགས་པ་སོགས་ཀྱི་དངུལ་དངོས་རོགས་སྐྱོར་ལ་བཀག་འགོག་མི་བྱེད་པ།
༥། རྒྱལ་སྤྱིའི་རོགས་སྐྱོར་ཁག་ལ་ས་གནས་སུ་འགྲོ་ཆོག་པའི་རང་དབང་སྤྲོད་དགོས། རྒྱལ་སྤྱིའི་མི་ཆོས་རོགས་སྐྱོར་ཚོགས་པ་དང་རང་དབང་ཅན་གྱི་རྟོག་ཞིབ་པ་རྣམས་གོད་ཆག་ཕོག་ཡུལ་ས་ཁུལ་ཁག་ལ་རང་དབང་ལྡན་པའི་ཐོག་འགྲོ་འོང་བྱེད་དེ། གོད་ཆག་གི་གནས་ཚུལ་དངོས་ལ་རྒྱུས་ལོན་དང་རྟོག་ཞིབ། ངལ་སེལ་རོགས་སྐྱོར་ཁག་ཆ་སྙོམས་ཡོང་ཐབས་བྱེད་དགོས་པ།
༦། བཙན་བྱོལ་བོད་མིའི་རོགས་སྐྱོར་ཁག་ལ་དང་ལེན། བོད་མིའི་སྒྲིག་འཛུགས་དང་། བཙན་བྱོལ་བོད་མི། ཆོས་ཕྱོགས་ཀྱི་ཚོགས་པ་ཁག དགེ་རྩ་ཚོགས་པ་བཅས་ཀྱིས་གོད་ཆག་ཕོག་པའི་མི་མང་ལ་རོགས་སྐྱོར་བྱེད་ཐུབ་པའི་བརྒྱུད་ལམ་ཁ་གསལ་བཟོ་དགོས།
ད་ལྟའི་དཀའ་སྡུག་ཆེ་བའི་དུས་སྐབས་སུ། གོད་ཆག་ཕོག་མཁན་ཚོའི་དཀལ་ངལ་སེལ་ཐབས་སུ་རོགས་སྐྱོར་ལས་དོན་ཁག་འགོག་རྐྱེན་མེད་པར་གྲུབ་སླད་ཚང་མས་ཕྱར་གྲུ་མཉམ་འདེགས་གནང་དགོས་གཙོ་ཆེ་ཡིན་སྟབས། བོད་མིའི་སྒྲིག་འཛུགས་ཀྱིས་སྲིད་གཞུང་ཁག་དང་རྒྱལ་སྤྱིའི་སྤྱི་ཚོགས་བཅས་ནས་རྒྱ་ནག་གཞུང་ལ་ས་ཡོམ་གྱི་གོད་ཆག་བྱུང་བའི་ས་ཁུལ་གྱི་གནས་ཚུལ་རྣམས་ཕྱི་གསལ་ནང་གསལ་ཕྱིར་བསྒྲགས་དང་། ཛ་དྲག་ངལ་སེལ་རོགས་སྐྱོར་ཁག་འགོག་རྐྱེན་མེད་པར་གནང་ཐུབ་པའི་ནན་སྐུལ་བྱེད་རོགས་ཞུ་རྒྱུ་ཡིན།
བཀའ་ཤག
ཕྱི་ལོ་ ༢༠༢༦ ཟླ་ ༡༠ ཚེས་ ༢༣ ཉིན། དྷ་རམ་ས་ལ།
Devastating Earthquake in Drachen County, Nagchu, Tibet
The Central Tibetan Administration (CTA) expresses its deep sorrow and grave concern over the devastating 7.0-magnitude earthquake that struck Drachen County (སྦྲ་ཆེན།) and surrounding areas of Nagchu, Tibet, at approximately 10:33 p.m. on 22 October 2026. The CTA extends its heartfelt condolences to bereaved brothers and sisters and stands in solidarity with all those affected. The CTA and Tibetans in exile will offer prayers for the peaceful rebirth of the deceased, quick recovery of the injured.
According to figures released by the Chinese authorities, at least 16 people have died and 76 have been injured. The earthquake has caused extensive damage to homes and infrastructure, but reports from local sources suggest that the actual toll may be considerably higher.
Preliminary reports from credible sources received late on the night of 22 October indicate severe destruction in Zasip (རྫ་སྲིབ།), Marru (དམར་རུ།), and Gangchen (གངས་ཅན།) in Drachen County. The reports indicate that at least 20 people have lost their lives and the authorities are restricting Tibetan volunteers’ access to provide humanitarian assistance. Although initial concerns about the structural safety of a nearby dam have reportedly eased, a thorough assessment is still needed. The full extent of the disaster remains unknown.
The earthquake’s late-night occurrence, the onset of winter, and the region’s seismic vulnerability heighten concerns about casualties and destruction. As nomadic families return to their winter residences, questions arise about the earthquake resistance of homes built under Chinese government-led resettlement programmes between 2012 and 2016.
The CTA calls on the Chinese government to take six urgent measures:
Prioritise rescue and relief: Intensify search-and-rescue operations and provide medical care, emergency shelter, food, warm clothing, and essential supplies, prioritising vulnerable residents.
Ensure transparency and free communication: Publish timely, accurate information on casualties, damage, and relief operations, and allow affected people to communicate freely with their families and the outside world.
Respect Tibetan religious traditions: Allow bereaved families to conduct funerals, prayers, and other religious rites in accordance with Tibetan Buddhist customs, without interference.
Enable community-led assistance: Allow Tibetan individuals, monasteries, civil society organisations, and charitable groups across Tibet to provide financial, material, and emotional support without undue restrictions.
Guarantee independent humanitarian access: Permit international humanitarian organisations and independent observers to assess damage and urgent needs, ensuring fair, needs-based relief distribution.
Facilitate assistance from Tibetans in exile: Establish transparent channels through which the CTA, exile Tibetans, religious institutions, and charitable organisations can support affected communities.
At this time of profound suffering, compassion, solidarity, and unhindered humanitarian cooperation must remain at the heart of all relief and recovery efforts. The CTA requests governments and international community to urge Chinese government to ensure transparency and unrestricted humanitarian access to the affected region.
KASHAG
23 October 2026 | Dharamsala
