Mizoram Pradesh Congress Committee

AMC WARD XIX CORPORATOR DR. LALMALSAWMA NGHAKA'N PWD HOTUTE DAWR

(WARD XIX HUAMCHHUNG KAWNGPUI SIAM THAT TULTE A THLEN)

_
Dated Aizawl, 1st June, 2026 (Thawhtanni):
Aizawl Municipal Corporation Ward XIX na Corporator leh MPCC Treasurer ni bawk Dr. Lalmalsawma Nghaka chuan a bial chhung inkalpawhna kawng leh kawngpui siam that turah, chak taka thawh a nih theih nan leh hmalakna tur awm thei ang ang te thawh thuai a nih theih nan, PWD hotute vawiin khan a sawipui a. Ward XIX-na huam chhung bakah Aizawl South-II huam chhunga kawng thenkhat resurfacing leh grade siam that ngai te PWD hotute hnenah a thlen nghal a ni.

Aizawl chhim lam area-a kawngpui la chei that loh, PWD kawngte chu siam thatna tur sum awm ang anga siam vat a nih theih nan hmalak ni se tiin a ngen a. Engineer-in-Chief David Sapzova pawhin chak taka, kawng siam that ngai laite siam nghal an tum thu a lo hrilh a. Kawng chei thatna tura hmalaknaah hian, Junction Improvement tih ngai leh re-surface, black-topping hmabak chhunzawm leh kawngpui bal retaining wall siam te a tel dawn a. Vengchhung inkalpawhna, PWD khawih theih chin pawh a rang lama khawih a nih theih nan hmalakna kalpui thuai turin a ngen nghal bawk.

Dr. Mala chuan heng hmalakna tur hi uluk taka vil a, hna tha leh hun rei zawk daih tur a nih theih nan bialtu Engineer-te pawhin uluk taka vil se a duh thu a thlen bawk a ni.

Kawng resurfacing tura ngaih pawimawh zualte PWD hotute hnena thlen te chu:

1.Kulikawn (Ngaizel) to Melthum, Melthum to Hlimen kawng resurfacing that.

2.Kulikawn (Kulikawn Kohhran Biakin pan chhohna) via Thakthing Veng to Mission Veng kawng resurfacing that.

3.Tlangnuam Hridaikawn to Power Sub Station(Block veng)

4.Salem Mualpui Zero Point via Venghnuai to Dam Veng kawng grade improvement leh resurfacing that.

5.SR Vala Road, Mission Veng resurfacing that.

"Mizo mipuite hian Healthcare ah hian ZPM sorkar hi MNF nen tehkhin lovin, k*m 2014-2018 Congress sorkar nen khan min khaikhin rawh u"

- R.Vanlalvena, Ex-MLA
Gen.Secy. MPCC

Nimin May 29, 2026 Zirtawpni khan Mizoram Pradesh Congress Committee chuan Bhavan-ah Political Session kan nei a, he hunah hian R. Vanlalvena, Ex. MLA leh General Secretary, MPCC ni bawk chuan thu sawiin "Mizo mipuite hian Healthcare ah hian ZPM sorkar hi MNF nen tehkhin lovin, k*m 2014-2018 Congress sorkar nen khan min khaikhin rawh u" a ti.

R. Vanlalvena chuan, "Congress sorkar laiin Healthcare a inziahluh man Rs 500, Rs 750 leh Rs 1000 a nih laiin, Damdawi In zawng zawngah Bill let leh theih vek a ni. Sawrkar hnathawkten MR Bill theihna an neih avangin Healthcare ah inziah luh ve a ngai lova, Kohhran ten inziak lut tura vengtinah an buaipui pawh ngai lovin mi nuai chuang an inziak lut thin. Health care a mahni inziak lut duh si lova, midang inziaklut tur a tih reng a, a thatna fak reng ai chuan kan Miniter leh MLA te hi in ziak lut rawh se." a ti.

Pathian leh mipui zarah k*m 2028 ah kan sawrkar chuan Aizawl khawpuiah 80% in mahni pual chenna tur In an neih ṭheuh theihna tur in hma kan la dawn a, chhungkaw pakhat LSC neih theih zat pawh bithliah kan tum ang.

Thil man to lutuk tihhniam nan Sorkar in tuialhthei a chhiah a lak hi tih tawp rawh se. Mipui retheih em em laia an party office tur cheng nuai sang chuanga an lei ni a sawi hi mipui zahlohna a ni. K*m hnih vel sawrkar chauh hian engtin nge khawl pawh an khawl hman.

Chief Minister in an sawrkar hmaa a sawi pakhat chu Restricted Tender te hi kan ti ve lovang a ti k*k k*k thin a nih kha. Assembly Session ah zawhna 3000 chuang awm kha ka han bih a, Restricted Tender an tih nasat zia ka hmu. Restricted Tender hi Department sawm pakhat (11) ah an lo ti a, a theih zawng zawngah hian Restricted Tender hi an ti emaw tih mai tur a ni. Restricted tender hmanga contract hna in pek hi 'Minister in a duhsak zawngte a ruka remchang in siamtawnna' an ti thin. Kan Minister te hian an Department chanah hian an ti deuh vek a, an hausa hlawm ngawt ang. Thenkhat report kan dawnah phei chuan tun bak sawrkar a tum lo aniang tih tur khawpa khawsa te an awm a ni awm e. Mipui tana thahnemngai taka thawk anga an in lantir lai hian Restricted Tender hmangin hna an inpe duh tho a, sawi duh leh sawi duh lo lam an nei thin hi a pawi.

Sorkar in school 51 a dah ngheh (provincialised) te thinlung tak in Congress party in kan lawmpui a, sorkar school awm sa 1578 nen 1630 kan nei ta a, College 30, University leh Medical College nen. Tun k*ma Doctor passed thar 96 te Congress party in thinlung tak in kan lawmpui. An kal leh zelna turah duhsakna kan hlan a ni.

India ram hmun hrang hrangah kan Missionary ten tih duhna an tawk nasa em em a, Kristian te tih duhna hluar hle in an Krismas hman ve na tur an chei te tih chhiat sak anih bakah, kan Pastor bawng ek te an ei tir a nih kha. Kristian mangang authawm avang in India ramah Congress party a tho leh dawn, Mizoram hi a bul inṭanna tur a ni ang, a ti bawk.
----------------------------
MPCC/Media/PR-2026/30
Dated: Aizawl, May 29, 2026

Congress Party-in Cess lak titawp rih turin Sorkar kan ngen...

- Dr.Lalmalsawma Nghaka
Treasurer, MPCC

28th May, 2026, Aizawl : Congress Party-in tuialhthei man a san zel avangin Mizoram Sorkar chu mipuite hmakhaw ngaia Petrol leh Diesel aṭanga Cess lak titawp rih turin an ngen.

Vawiin, May 28, 2026 a Aizawl Press Club-a thuthar lakhawmtute an kawmnaah MPCC Treasurer, Dr. Lalmalsawma Nghaka chuan, Asia khaw thlang lam buaina avangin khawvel pumah tuialhthei man a sang a, India-ah pawh tunhnai rei lote chhungin tuialhthei chu ṭum engemaw zat tih pun a ni tawh a. Tuialhthei man ni lo, LPG thlenga a man a pun avangin State hrang hrang chuan an dodal mek a, tuialhthei man sang hian Mizoram pawh nasa takin nghawng a nei a, lirtheia eizawngte an mangang hle tih a sawi.

Dr. Lalmalsawma Nghaka chuan, Sorkar-in tuialhthei atanga Cess a lak sum tlingkhawm chu k*min April thla thleng khan cheng vbch. 143 chuang a tling tawh tih a sawi a. Sorkar kal tawh zawng zawngin Cess hi an la ngai lo a, hetiang anga cess lak tam hi Mizoram history-ah a la awm ngai lo niin a sawi a, hetianga cess sang tak lak a nih vang hian Mizoram chu hmar chhak state-a tuialhthei man sanna ber a ni mek tih sawiin, khawvel puma tuialhthei man sang chhoh zel karah hian Sorkar chu Mizoram mipuite a hmangaih a nih chuan Cess an lak mek chu titawp lailawk turin an phut tih a sawi.

"Tuialhthei man to zel avanga kan ramin harsatna lian kan tawh loh nan Mizoram Sorkarin Cess atan cheng li (₹ 4 per Litres) a lak hi ti tawp rawh se."

- Pu Eric R. Zomuanpuia
Treasurer, LDCC.

Lunglei.25th.May.2026: Vawiin chawhma dar 11:00 khan Lunglei District Congress Committee chhung inkhawm leh Political Session neih a ni a inkhawm hi Pu P.C. Lalbuanga Sr.Wing President in a kaihruaia, Pu T.Lalrosanga Secretary, LDCC in hunserh a hmang.

Political Session hun a thusawitu Lunglei District Congress Committee Treasurer Pu Eric. R. Zomuanpuia chuan kan ram ṭhalaite tan hna tam tak siam bakah ṭhalaite hnathawk thei tura buatsaih hi sorkar mawhphurhna a ni, a ti. Tunhnaiah MBSE hnuaiah HSLC leh HSSLC result tihchhuah a ni a hlawhtlinna chang zawng zawngte a lawmpui takzet thu leh hlawhtlinna chang zo chiah hrih lo te pawh beidawng mai lova ṭanlak tharna atan hmang sauh sauh turin a ngen bawk a ni. Pu Eric-a chuan k*mtinin HSLC Passed hi mi 13,000 vel bawr an ni ta a, HSSLC hi mi 10,000 vel bawr in an Passed bawk a. K*mtinin Mizoram University hnuaiah Graduate hi 7,000 velin an Passed chhuak a, Master Degree nei thar hi 800 vel kan nei thar ṭhin bawk a, National Institute nena chhut phei chuan an tam tura ngaih a ni. LESDE hnuaia employment registered hi mi nuai chuang an awm mek a, k*mtinin mi 7,000 vel an in registered thar bawk heng zinga mi 50 - 300 velin hna an hmu a, 1% pawh a tling lo. Tun aṭanga k*m 10-ah chuan hna thawh tur awm loh avangin harsatna namen lo kan ṭhalai ten an tawk dawn a, chhungkaw tam tak hi buai tur kan ni, tunah pawh kan buai ṭan mek, a ti. Thalaite hi kan ram hmakhua tur an ni a, anni kan tihchak a; dinhmun ṭha a kan siam chuan kan ram hi a ngaihtuahawm ngai lovang, Pu Eric-a chuan a ti.

Congress sorkar laiin ṭhalaite tan sorkar hna nasa tak a siamsak a. Tuna sorkar hna thawklai tam zawk pawh hi Congress hunlai a lak an ni, a ti a. Thalaite eizawnna siamsak hi Congress Policy a la ni reng a, ṭhalaiten harsatna an tawh mek sukiang turin Congress Party bak an awm loh tih i hre thar ang u, a ti.

Pu Eric-a chuan Mizoram Youth Commission chu ZPM sorkarah agency pakhat ve ang maiin an chhuah ta hi a pawi takzet a, ti a. MYC hi ṭhalai hna zawng mek te beidawnna thlentu a ni, a ti. MYC hi statutory body a ni a, thuneihna sang tak leh thiltithei a ni a, ṭhalaite hmakhua ngaihtuahtu pawimawh tak a ni. Congress sorkar lai khan MYC Coaching Centre te dinin Satellite Coaching, ALS Delhi nen ṭangkawpin hmalak a ni a, ṭhalaite zingah hlawhtlinna rah duhawm tak chang an awm nual a ni. Skills training te pawh chak taka kalpui a ni a, chung zingah chuan hna hmu engemawzat an awm tawh bawk, a ti.

Congress party a sorkar lai khan infiammi te tan khelmual ṭha a pe a, chumi rah chhuah kan hmu zel a. Cricket-ah leh Combat Games ah te pawh ground ṭha a pek bakah hma nasa takin a lo lak tawhna chuan infiammi ten ramchhungah leh rampawnah eizawnna an nei mek, a ti.

Pu Eric-a chuan Congress party in ṭhalaite nena Zoram hmasawnna siam turin Policy a duang mek a. Tunlaia kan ṭhalaiten eizawnna thar awm loh avanga harsatna lian tak an tawh mek chu Congress a sorkar leh chuan ṭhalaite tan eizawnna nasa tak an siamthar leh dawn, a ti.

Tuialhthei man to zel avanga kan ramin harsatna lian kan tawh loh nan Mizoram Sorkarin Cess atan cheng li (rs 4 per litres) a lak hi titawp rawh se LDCC Treasurer chuan ti bawkin chutiang anih loh chuan lirthei a eizawngtute a nghawng mek a, Cess lak a tihtawp loh chuan a nghawng a nasa lehzual dawn a. Chumi chu mipui in kan tuar leh tur tho a ni dawn a ti a, Sawrkarin Cess atangin Cheng Vbc 90 chuang a hmuh tawh laiin Lunglei chuan kan la chhawr velo a kan khawpui kawng pawh min siam zawh sak theilo a nih hi a ti a ni.

CONGRESS IN ZIRLAI TI ṬHA CHAWIMAWI

Lunglei aṭanga HSLC leh HSSLC a Top ten a langte Lunglei District Congress Committee chuan an chawimawi.

"Tun hma chuan Mizoram mipui ngaihdan tlanglawn leh sawi dan chu Chhim lamah thluak a awm an ti ṭhin. Kohhran huangah te, Zirna kawnga mithiam hmasa leh Politician ropui tak tak te pawh chhim lam chhuak an ni zel a ni. Kan dinhmun ngaia kir leh turin kan zavaia ṭan kan lak thar a ngai a. Kan tlahniam ta duai tihna ni lovin, kawng engkimah Chhim lam mipuite hian ngaihtuahna thar kan seng anga, thliarkar rilru pu si lovin chhim a en zel theihna tura ṭanrual theihna kawng hrang hranga ṭanrualpuiah Lunglei mipuite kan insawm a ni."

"Political Party kan nih avanga kan awm lohna Party te sawisel ringawt hi kan tum a ni ve lo. An thil tih ṭhat kan ṭawmpui zel dawn a, an tih dik loh a awm erawh chuan kan do zel thung dawn a ni."

"Engvangin nge Political Party-in Zirlai ti ṭha te chawimawina hun kan hman kan tih chuan, Lunglei ti hming ṭhaa Zirna kawnga midang cho chhuak theitu turte hi chawimawi phu kan ti a. Hun dangah pawh eizawnna kawnga hlawhtling te, mi bik leh entawn tlak te chawimawina hun kan lo hmang tawh a, kan tih chhoh zel pawh kan inbeisei a ni."

R. Lalnunthara
President
Lunglei DCC

THORANG BIALAH VOTER 63 CONGRESS PARTY-AH LAWM LÛT

14th May, 2026: Vawiin khan LDCC President Pu R.Lalnunthara chuan Thorang Block- IV Congress Committee hawngin Pu Zodintluanga MPCC Adviser in Congres Party zawm thar mi 63 a lawm lut

Vawiin chawhnu dar 1:00 khan Thorang Block - IV Congress Committee hawnna inkhawm Putlungasih Community Hall ah hman a ni.

Thorang Block -IV Congress Committee hawnna inkhawm hi Pu Eric R. Zomuanpuia LDCC Treasurer in a kaihruai a, Block thar hawngtu leh khuallian ni bawk Pu R.Lalnunthara LDCC President chuan thu sawiin, Thorang biala Block thar Block - IV hawn a nih theihna tura hmalatu leh MPCC lam hotuten rem an tihpui avanga lawmawm a tih thu a sawi. Pu Mathara chuan Congress Party hi a sawrkar leh dawn tih hi kan thinlungah cham se ka duh tiin, a sawrkar lehna chhan tur chu 'kan ti ang kan tih chu kan tih thin vang a ni' a, Zoram hian Congress Party lo chu innghahna tak tak a neilo a ti. Mizoram hmun hrang hranga hmasawnna rotling zaa sawmriat te chu Congress kutchhuak a ni ti bawkin zoram mipuite hian Congress Party lam bawk an hawi leh dawn a ni a ti. K*m sawm kan sawrkar chhungin thil tha tam tak ti mahila mipuite lakah innin ve hrim hrim boruak a awm avangin MNF hmangin min thlaka chu pawh a chhan ber chu MNF te khan Cheng nuai 3 kan sem ang an tih vang a ni a, nimhasela an sawi angin an awm leh silo a mipui an ti beidawng a term khatah mipui in kan paih tawp a ni LDCC President chuan a ti. Thorang bial chu Congress MLA Pu Zodin tluanga'n rei tak a bial tawh a mirethei ban phak a nih dan hrechiang tute chu bial mipuite an ni a, ZPM ten thil tha tin reng zuari kuthnathawktute hmangaih ber angin an in zuara kan enchhin a k*m hnih leh thla nga an sawrkar chhung hian an sawi anga awm lovin an sawiloh ang zela an awm avangin Zoram mipuite hian kan hnawl leh tan mek a ni a ti. ZPM a sawr hnuah LADC leh CADC ZPM a sawrkar kan hrelo a Local Council leh Village Council inthlanah pawh an beisei angin an chaklo a hei hian a entir chu mipuite hian an hnawl tan mek tih a lan tira k*m hnih chuang an sawrkar chhung hian eng thil tha leh ropui nge an siam a ruahmanna an siam sawi tur a la awm lova Congress sawrkar siam sa tuaihnum bak hmalakna an la neilo a kan lirthei oil leina hmanga kawng tha siam tumte hian kawng tha sawi tham min la siam saklo a Lunglei khawpui chhung kawng pawg chhum b**g rem rumin min hnuchhiah a ni Pu Mathara chuan a ti. K*m 2028 inthlanpui lo awm turah pawh bial mipuite ban phak in tluk luh ngamna thin MLA Thorang bialah leh West Tuipui bialah kan nei leh dawn a ni tiin, Thorang Block - IV Congress Committee chu hawngin LDCC in Executive Body atana a ruatte a puang nghal a ni.

He huna khualzahawm Pu Zodintluanga Ex- MLA leh MPCC Adviser ni bawk pawhin thu sawiin, Thorang bial chhung khaw hrang hrang atangin tunlai hian Congress Party zawm duh an awm mek a, mahse lawmluh kan la hmanhmawh lo, a ti. Thorang bialtu MLA lakah MNF Party hruaitute leh NGO te pawh an beidawng mek a hmasawnna hna lian awm ve ang ang te pawh hmun dang atanga thawh tir zel an nih avangin an bei a dawng hle tawh a ni tiin Mizoram dung leh vang hmun tinah hian Congress Party a nghet an la tam em em a tuna kan sawrkar chu mipui ten an beisei em em laiin an beisei ang lo zelin an awm a, MNF sawrkarah khan Chief Minister kha mipui in an nuihzat em em a, kha aia tuna kan Chief Minister hi mipui hian an nuihzat tawh a kalphung thar an tih chu an sawiloh ang zela awm hi a ni a hetiang a nih avang hian Sawrkar hnathawk tam tak te hian Congress sawrkar leh hi tul an tih thu an sawi tawh a ti. Pu Zodintluanga hian Central sawrkar hian Mizoram sawrkar hi an ring ngam lo a, sum pawh an beisei ang an hmu theilo a chuvangin mipui hnenah sum khawn theih ang ang an khawn a chuti chung chuan hmalakna thar sawi tlak a la awm lo a sawrkar lo awm tawh te kutchhuak cheimawi bakah an tih sawi tur a awm lo a, NREGS ah pawh Material Component chu an Party mite an thawh tir a ni a ti. Congress kan sawrkar lai khan sawrkar hnathawk zawng zawngte hi an damloh nikhuaa an in enkawlna kan pe vek a k*mtin vaibelchhe 80 te kan senga tam mahse sawrkar hnathawkte tan chuan kan uilo a, tunah chuan Sawrkar hnathawk chu sawiloh Pensioner thlengin man tam tak chawia damlo in enkalwlna a hmuh theih chauh a Health Care Scheme kan hman mekah hian Sawrkar hnathawkte an lungawilo em em a nak*m lamah chuan an la au chhuak ngeiin a rinawm Pu Zodintluanga chuan a ti. Congress hian nak*mah chuan ram leh hnam kan siam dan tur kan hmalak dan tur kan puanzar hunah chuan Congress Party ah hian luh an inchuh dawn a, Congress Party in miharsa te dinchhuahna tur kan ruahman leh ram in relbawlna tur kan ruahman te hi kan ram dinchhuahna tur awm chhun a ni a ti bawkin Thorang Block- IV hawn thar huam chhung khaw hrang hrang atanga Congress Party zawm thar mi 63 a lawm lut nghal a ni.

Vawiina Thorang Block- IV Congress Committee hawnna inkhawmah hian
Pu C.Lalhmingmuana G.S, LDCC i/c Thorang A/C chuan Block thar lo pian dan leh hmalakna te report Block thar hawn takah hian Putlungasih leh a chhehvel khaw pariat an awm a, Block thar hawnnaah hian LDCC hruaitu thahnem tak leh MPCC atangin hruaitu thenkhatte telin Block thar lawmna ruai an kilho nghal a ni.

OFFICE OF THE MEDIA DEPARTMENT, LUNGLEI DIST CONGRESS COMMITTTEE: PRESS RELEASE NO 17 OF 14.O5.2026.

Ni 14.5.2026(Ningani) Thorang bial-a Congress Party Block thar(Block IV) hawnna leh mithar 63 lawmluh na.

- Zodintluanga Ralte, Ex-Minister
Adviser,MPCC

Congress sorkar khan, sorkar hnathawkte an damloh nikhuaa an in enkawlna kan pe vek.

K*mtin cheng vbc 80 chuang te kan senga thin a. Sorkar hnathawkte tan chuan kan ui lo.

Tunah chuan sorkar hnathawk chu sawiloh Pensioner thlengin man tam tak chawia damlo in enkawlna a hmuh theih chauh.

Health Care Scheme kan hman mekah hian sorkar hnathawkte an lungawilo em em tawh a ni.

DR. MALA'N COLLEGE ZIRLAI HARSA MI 10 TAN ADMISSION FEE A TUMSAK
----
Dt. 13th May, 2026 (Nilaini) : AMC Ward 19-na Corporator Dr. Lalmalsawma Nghaka, Treasurer MPCC ni bawk chuan zirlai harsa mi 10 te tan Gov't. Aizawl College-ah an admission fee tur pawisa a tumsak a, GAC Principal Pu Lalbiakzuala hnenah vawiin khan a hlan a ni.

Dr. Mala chuan thalai fel tak tak, mahni inhlawhfa chawpa College kal engemaw zat an awm tih sawiin, chungho zinga mi 10 ten thlamuang taka lehkha an zir chhunzawm theih nan leh anmahni chhawk zangkhai nan College Admission fee hi tumsak duh ka ni a. "Tute nge tanpuina dawngtu tur tih pawh ka hriat kher a ngai lova, zirlai tanpui ngaite chu College hotuten an lo buaipui mai anga, an zahawmna hum him nan tlangzarh loh nise ka duh bawk a ni," a ti.

Govt. Aizawl College hotute chuan hetianga zirlai harsate tana Corporator Dr. Lalmalsawma Nghaka a rawn luangchhuak chu lawmawm an tih thu an lo sawi a ni.

Zoram mipui innghah ngamna atan Congress Party inpuahchah mêk

-Pu Ngurdingpuia Pachuau
Sr.Vice President, MPYCC

Mizoram Pradesh Congress Committee (MPCC) chuan nimin khan Congress Bhavan, Aizawl-ah Political Session an hmang a. He hunah hian MPYCC Sr. Vice President Ngurdingpuia Pachuau chuan thu sawiin tun sorkar kalphung thlirin mipuiin sorkar tha leh dik, innghah ngamna tak tak an beisei chu pe thei turin Congress Party chu theihtawp chhuahin an inbuatsaih mek tih a sawi.

Ngurdingpuia chuan mipuiin Congress chu thutiama ding nghet leh ram tana hmasawnna hnuchhiah hnem ber, hruaitu tha tak tak nei a ni tih an hriat reng lai pawha, tun hnaia inthlan hrang hrangah mipuiten an la thlang tawk lo chu an enfiah a ngai tih a sawi.
Aizawl Municipal Corporation (AMC) inthlan chungchangah manifesto tha tak tak nei mah se, party pumpui anga mipuite’n an chunga rinna leh beiseina an la nghah ngam loh chhan chu an enfiah a ngai tih sawiin Ngurdingpuia chuan, “Mipuiin MNF an la chhangkham rih bawk nen, ZPM thlakna tura mipui ‘choice no. 1’ ni turin Congress chu an inbuatsaih a pawimawh hle,” a ti.

Congress party chuan ram hmasawnna atana theihtawp chhuah reng an nih thu sawiin, ZPM Healthcare (MUHCS) aia tha zawk siam leh, sorkar sikul-a mahni fate dah ngamna khawpa zirna (Education System) siam that an tum thu te, lehkhathiam hna nei lo leh thalai hnathawh tur mumal nei lo te tana ruahmanna felfai tak an riam mek thu te, hmeichhia, k*m upa (senior citizen), hmeithai, rualbanlo, leh eizawnna bulfuk nei lote tana hamthatna ruahmanna an siam mek thu leh thingtlang kuthnathawktute leh infiammite tana chhawmdawlna leh hmasawnna tur an duan mek thute sawiin, “Mipui nawlpuiin sorkar tha leh dik, innghah ngamna tak tak an beisei pe tur hian theihtawp kan chhuah mek a ni,” tiin MPYCC Sr. Vice President chuan a ti a ni.//

Courtesy: Chhimthli 2. 5. 2026