Mizoram Pradesh Congress Committee

06/10/2026

*INDIA Bloc March EC Office lamah kawngzawh, MP te kim tha hle*

*New Delhi, Oct 6, 2026 (Tuesday):* Vawiin chawhma khan Opposition INDIA bloc te'n Parliament atanga Election Commission of India (ECI) Headquarters pan a an march chu Delhi Police ten NITI Aayog Office hma ah an dang chat.

He march hi Chief Election Commissioner (CEC) Gyanesh K*mar ban a nih an phut vang leh Special Intensive Revision (SIR) of electoral rolls an duh loh vang a huaihawt a ni.

11:00 AM vel khan Lok Sabha-a Leader of Opposition Rahul Gandhi, Priyanka Gandhi Vadra, Congress President Mallikarjun Kharge, SP Chief Akhilesh Yadav, TMC MP Mahua Moitra, Abhishek Banerjee leh INDIA bloc MP 300 chuang ten Parliament Makar Dwar atangin kawngzawh an tan.

11:18 AM velah Security personnel ten NITI Aayog office hma ah barricade an siam a, kal zel an phal lo. EC office hi Parliament atanga hla vak lo a ni.

Samajwadi Party MP te leh Akhilesh Yadav, Rahul Gandhi te chu police barricade chungah an lawn a,kal luih an tum. Video ah Rahul Gandhi-an national flag a vai lai hmuh a ni.

Kal tlang phal a nih loh hnu ah, Rahul Gandhi, Priyanka Gandhi leh MP dang te chu kawng laiah an thu a, kawnglaiah thuin lungawilona lantirna (dharna) an nei nghal. "CEC is a puppet of the government" tiin an au rual bawk.

He protest ah hian MP te chuan CEC Gyanesh K*mar chu RSS uniform a hak lai lem an keng a, "SIR + Vote Theft = Murder of Democracy" tih banner an zawn bawk.

Rahul Gandhi chuan X (Twitter) ah CEC hnenah "Gyanesh, it's done bro. Time to resign." tiin a post nghal.

Delhi Police chuan he march hian phalna (permission) a nei lo tiin Rahul leh Priyanka Gandhi te barricade an lawn lai chu an man (detain) rih thu an chhuah.

AAP party erawh he INDIA bloc protest ah hian an tel ve lo.
[email protected]_

06/10/2026

*ZPM Thalai hian AMC Fund leh Scheme dang hre turin lehkha zir nawn leh rawh se. - MPYCC*


Vawiin Octrober 6, 2026 (Thawhlehni) khan MPYCC chuan thuchhuah siamin, ZPM Thalai chu hmeichhiat mipatna kawnga pu ber a him loh thu a thawhpuite ngeiin an sawi sawimam puia hmanhlel lovin, AMC Fund leh Scheme dang hre turin lehkha zir nawn leh rawh se, an ti.

MPYCC thuchhuah chuan, Ni 30.9.2026 (Nilaini)-a ZPM Thalaiin UD&PA in AMC kuta SASCI Rs. 5 Crore a pek chungchangah Dr. Lalmalsawma Nghaka, XIX Corporator leh B. Lalawmpuii, Ward IX Corporator ten UD&PA Minister K. Sapdanga hnena thil awmdan an thlen chungchanga an thuchhuah hi Congress Thalai chuan atthlak a tiin, hetiang thuchhuah siam tur chuan thil nihphung hrethiam tura lehkha zir nawn leh turin an ngen tih an sawi a ni.

MPYCC chuan, Ni 29.9.2026 (Thawhlehni)-a Dr. Lalmalsawma Nghaka, XIX Corporator leh B. Lalawmpuii, Ward IX Corporator ten UD&PA Minister K. Sapdanga hnena thil awmdan an thlen hi Ward Fund ni lovin, UD&PA in AMC kuta SASCI Rs. 5 Crore a pek chungchang a ni zawk thu an sawi a. UD&PA Department in SASCI sum atangin Cheng Vaibelchhe nga Aizawl Municipal Corporation ah a pe a. Hei hi Aizawl khawpui chhunga Tui-Luankawr siamna tur (Composite Work Drain) a ni, an ti.

AMC hian Aizawl khawpui chhung Ward hrang hrangah a sem darh a. Amaherawh chu Ward No. XIX leh Ward IX ah he sum hi dah (allocate) a ni ve loh avang leh K. Sapdanga Department chan UD&PA hnuai atanga, sum awm thei ang ang rualkhai taka pe ve ngei turin an ngen mai a ni, an ti a. Hemi hrethiam lo khawpa Politics tuinu bual-at leh an p**e thil pawi tih sawimam ringawta hun khawhral lo turin Congress Thalai chuan ZPM Thalai chu an chah thu an sawi bawk.

MPYCC chuan, SASCI sum hi ZPM pawisa a ni lo a, Mipui sum, rulh leh ngai Loan a ni a, hemi rulh lehna tur atan pawh hian Ward-XIX leh Ward IX mipui-te pawh Sorkar-a Tax chhung lut turte tho an ni. Hetianga mipui sorkar zuar si a, sorkar hnua thliarkar rilru a pu leh si hi Mizoram tana sorkar tha anni lova, ZPM Thalaite pawh hian fund awmzia hre turin an pu ber hmeichhiat miptatna kawnga a fihlim lo nia a thawhpuite ngeiin an sawi, sawi mama hun khawhral lova lehkha zir nawn leh turin Congress Thalai chuan a hriattir a ni, an ti bawk.

06/10/2026

06/10/2026

03/10/2026

"RAISE YOUR VOICE"

Leader of Opposition ka nihna angin, dikna tun din a nih a hnehchhiahna a thlenna hmun apianga mipuite authawm a rik rin theihna tura puih hi ka hna pawimawh tak a ni.

Rahu Gandhi

In hriat theuh angin, India ram chhung hmun hrang hrangah thudik chu hnehchhiah leh thup bo a mek a ni a. Ram chhung hmun tam takah lungawi lohna lantirna (protest) hmuh tur a awm reng a ni. Ram chungchang buainate, hmeichhiate dikna chanvo rahbehsakna (women's rights) te, mihnuaihnung zawkte dikna chanvo rahbehsakna te, OBC chanvo te, zirna (education) chungchang leh exam chungchanga lungawi lohna lantirna te a thleng mek reng a ni.

Hemi chungchanga in lungawi lohna lantirna hrang hrangte hi khawn khawm mek niin, map pakhata dah chhuah leh in thil sual mek (fight) in hlawhtlin theihna tura thawhpuina kawngah che u puih che u kan duh a ni. Satyagraha website-ah hian luh a, form saw rawn ziak khat la, in thil beih (movement) te rawn ziak lut turin kan sawm che u a, tichuan eng tiangin nge kan puih theih che u kan lo ngaihtuah dawn a ni. Kan la rawn be pawh leh dawn che u ni. Leader of Opposition ka nihna angin, dikna tun din a nih a hnehchhiahna a thlenna hmun apianga mipuite authawm a rik rin theihna tura puih hi ka hna pawimawh tak a ni.

Thudik hi a pawimawh a. Hmun sang ber thleng pawha a pawimawh rualin, ram chhung kilkhawr ber thleng pawha thudik tan kan beih hi a ngai a ni.

02/10/2026

Siami leh Tluangi te thiandun kan lawmpui a che u.

02/10/2026

MPCC/Communication/PR-2025/12
Dated : Aizawl the 1st October, 2026

PRESS RELEASE

Dr. Lalmalsawma Nghaka'n kawngpui chhia a hmunah a tlawh.

MPCC Treasurer Dr. Lalmalsawma Nghaka chuan vawiin October ni 1, 2026 hian Mizoram chak lakluhna pui ber Kawnpui leh Bilkhawthlir inkar kawngpui a enfiah.

MPCC Treasurer Dr. Lalmalsawma Nghaka chuan, Mizoram kawngpui siamna turin petrol leh diesel aṭangin mipuiin chhiah kan pe a. He kawngpui siamna atana mipuiin chhiah kan pek tlingkhawm zat chu Nuai 17,000 chuang a ni tawh a. Heti chunga kan châk lahluhna kawngpui ber heti em em a chhia hi chu Mizoram Sorkar inthlahdah vang liau liau a nih thu a sawi.

Dr. Mala chuan, hmun hrang hranga Mizoram kawngpuite tunah hian a chhe hle a. Hei aia chhia kawngpui hi kan la nei ngailo tih sawiin damlo serious tak inphurhna atan kan kawngpui hi a hlauhawm a. Damlote pawhin harsatna an tawh phah nasa hle a. Kawngpui chhiat avanga damlo damdawi in thleng hman lova nunna chan tate an awm hi a vanduaithlak hle a ni. AMC inthlan dawna mipui vote zawnna atana hmanhmawh taka kawngpui an siam pawh tunah hian a chhe nasa leh hle tawh a. K*m 15 daih kawng kan siam ang, tia min tiamtute hian fur khat daih pawh an siam thei lo a ni, a ti.

Dr. Lalmalsawma Nghaka chuan, tuialhthei aṭanga kawngpui siamna mipuiten chhiah kan pek hnuah pawh kan kawngpuiin a ṭhat phah lo chu mipuiten an tuar hle a ni tih sawiin lirthei neituten an motor thawmṭhatna atan sum tam tak an sen bakah nidang aiin tuialhthei an hman tam zawk avangin lirthei neitute tan phurrit nasa tak a tling a. Mizoram sorkar hian kawngpui a siam ṭha thei ngang lo a nih chuan mipuia tuialhthei hmanga chhiah a lak hi ti tawp turin Mizoram Sorkar a ngen nghal bawk a ni, a ti bawk.

Sd/-
(LIANHLEIA)
Vice Chairman
Communication Dept.

02/10/2026

The India Express journalist huaisen Ritika Chopra investigation. India ram politics a sawi nghing mek a ni!