25/09/2026
કામદારોની રોજગારીનો પ્રશ્ન ઉકેલાયો, ચર્ચા બાદ સુખદ પરિણામ!
ભરૂચ જિલ્લાના વાગરા તાલુકાના અરગામા ગામ નજીક આવેલી ગડડા કેમિકલ કંપનીમાં કોન્ટ્રાક્ટ બદલાવાની પ્રક્રિયા દરમિયાન કેટલાક કામદારોને કામમાંથી છૂટા કરવામાં આવ્યા હતા. જેના કારણે કામદારો અને તેમના પરિવારજનોની રોજગારી તથા જીવનનિર્વાહને લઈને ચિંતા ઊભી થઈ હતી.
આ સમગ્ર બાબતની જાણકારી મળતાં ભરૂચ જિલ્લા INTUC પ્રમુખ શ્રી સકીલભાઈ રાજ અને ભરૂચ જિલ્લા INTUC સોશિયલ મીડિયા પ્રમુખ શ્રી રઘુવીરસિંહ ચૌહાણ દ્વારા કામદારોના પ્રશ્નને ગંભીરતાથી લેવામાં આવ્યો.
બંને આગેવાનો ગડડા કેમિકલ કંપની ખાતે જઈને મેનેજમેન્ટ સાથે રૂબરૂ મુલાકાત કરી અને કામદારોની રોજગારી સંબંધિત સમસ્યા અંગે વિસ્તૃત ચર્ચા કરી. ચર્ચા દરમિયાન કામદારોના હિતો તથા તેમની રોજગારી જળવાઈ રહે તે અંગે રજૂઆત કરવામાં આવી.
આ ચર્ચાના પરિણામે સુખદ સમાધાન આવ્યું છે અને સંબંધિત કામદારોને ફરીથી કોન્ટ્રાક્ટ હેઠળ કામ પર પરત લેવાની પ્રક્રિયા હાથ ધરવામાં આવશે, જેથી તેઓ પોતાની રોજગારી ચાલુ રાખી શકે અને પોતાના પરિવારનું ભરણપોષણ કરી શકે.
આ સમગ્ર મામલે સમય ફાળવીને કામદારોની સમસ્યા સાંભળવા તથા સકારાત્મક પ્રતિસાદ આપવા બદલ ગડડા કેમિકલ કંપનીના મેનેજમેન્ટનો હૃદયપૂર્વક આભાર વ્યક્ત કરીએ છીએ.
કામદારોના પ્રશ્નોને સમજવા, યોગ્ય મંચ પર રજૂ કરવા અને સંવાદ દ્વારા ઉકેલ લાવવાના પ્રયાસ બદલ તમામ સંબંધિત કામદારોનો પણ આભાર.
✊ INTUCનો સંકલ્પ
કામદારોના હક, રોજગારી અને સન્માન માટે INTUC હંમેશાં સંવાદ, સહકાર અને સંગઠિત પ્રયાસો દ્વારા કામ કરતું રહેશે.
-સમસ્ત ભરૂચ જિલ્લા INTUC
