Assistant Commissioner of Food Safety Kozhikode

Home
India
Kozhikode
Assistant Commissioner of Food Safety Kozhikode

Call Directions Website Contact the organization

സുരക്ഷിതാഹാരം ആരോഗ്യത്തിനാധാരം.

30/10/2026

വിദ്യാർത്ഥികളിലൂടെ ഭക്ഷ്യസുരക്ഷാ സന്ദേശങ്ങൾ സമൂഹത്തിലേക്ക്; കോഴിക്കോട് ജില്ലയിൽ ‘Safe and Nutritious Food at School’ പദ്ധതി പുരോഗമിക്കുന്നു. 🌱🏫

വിദ്യാർത്ഥികളിൽ ഭക്ഷ്യസുരക്ഷയെക്കുറിച്ചുള്ള അവബോധം വളർത്തുന്നതിനും പോഷകസമൃദ്ധമായ ഭക്ഷണശീലങ്ങൾ പ്രോത്സാഹിപ്പിക്കുന്നതിനുമായി കോഴിക്കോട് ജില്ലയിൽ ‘Safe and Nutritious Food at School’ പദ്ധതിയുടെ ഭാഗമായി വിവിധ സ്കൂളുകളിൽ ബോധവൽക്കരണ പരിപാടികൾ സംഘടിപ്പിച്ചുവരുന്നു.

കഴിഞ്ഞ ദിവസങ്ങളിൽ താഴെപ്പറയുന്ന സ്കൂളുകളിലാണ് പരിപാടികൾ സംഘടിപ്പിച്ചത്.

🔹 എൻജിഒ ക്വാർട്ടേഴ്സ് ഗവൺമെന്റ് ഹയർ സെക്കൻഡറി സ്കൂൾ
🔹 JDT ഇസ്‌ലാം വൊക്കേഷണൽ ഹയർ സെക്കൻഡറി സ്കൂൾ
🔹 മാനിപുരം എ.യു.പി. സ്കൂൾ
🔹 ആരാമ്പ്രം യു.പി. സ്കൂൾ
🔹 ഗണപത് എ.യു.പി. സ്കൂൾ
🔹 രാമനാട്ടുകര സേവാമന്ദിർ പോസ്റ്റ് ബേസിക് ഹയർ സെക്കൻഡറി സ്കൂൾ

നാളെയുടെ വാഗ്ദാനങ്ങളായ വിദ്യാർത്ഥികൾക്ക് ഭക്ഷ്യസുരക്ഷ, പോഷകാഹാരം, ആരോഗ്യകരമായ ഭക്ഷണശീലങ്ങൾ എന്നിവയെക്കുറിച്ച് ശരിയായ അറിവ് പകർന്നുനൽകുക എന്നതാണ് ഇത്തരം പരിപാടികളുടെ ലക്ഷ്യം. ഭക്ഷ്യസുരക്ഷാ മാനദണ്ഡങ്ങൾ പാലിക്കേണ്ടതിന്റെ പ്രാധാന്യവും സുരക്ഷിതവും പോഷകസമൃദ്ധവുമായ ഭക്ഷണം തിരഞ്ഞെടുക്കേണ്ടതിന്റെ ആവശ്യകതയും വിദ്യാർത്ഥികളിലേക്ക് എത്തിക്കുന്നതിലൂടെ ആരോഗ്യകരമായ ഒരു സമൂഹത്തെ വാർത്തെടുക്കാൻ സാധിക്കും.

വിദ്യാർത്ഥികൾ അറിവ് നേടുക മാത്രമല്ല, ആ അറിവ് കുടുംബങ്ങളിലേക്കും സമൂഹത്തിലെ വിവിധ തുറകളിലുള്ള വ്യക്തികളിലേക്കും പകർന്നുനൽകുന്ന സന്ദേശവാഹകരായി മാറുകയും വേണം. അതുവഴി ഭക്ഷ്യസുരക്ഷ ഓരോരുത്തരുടെയും ഉത്തരവാദിത്വമാണെന്ന ബോധ്യം സമൂഹത്തിൽ കൂടുതൽ ശക്തിപ്പെടുത്താൻ സാധിക്കുമെന്ന് പ്രതീക്ഷിക്കുന്നു.

സുരക്ഷിത ഭക്ഷണം, പോഷകസമൃദ്ധമായ ഭക്ഷണം, ആരോഗ്യകരമായ നാളേയ്ക്കായി…

ഭക്ഷ്യസുരക്ഷ എല്ലാവരുടെയും ഉത്തരവാദിത്വം. 💚

30/10/2026

മാതൃഭൂമി ഇന്നലെ
Food Safety and Standards Authority of India
Food Safety Kerala

29/10/2026

ഭക്ഷ്യസുരക്ഷാ മുന്നറിയിപ്പ്

ഇന്ന് കോഴിക്കോട് ജില്ലയിലെ എലത്തൂർ ഭക്ഷ്യസുരക്ഷാ സർക്കിളിന്റെ പരിധിയിലുള്ള കക്കോടി പഞ്ചായത്തിലെ ചാലിൽ താഴം എന്ന സ്ഥലത്ത്, ക്രിസ്റ്റൽ അക്വാ എന്ന ബ്രാൻഡിന്റെ 20 ലിറ്റർ ക്യാനുകളിലുള്ള പാക്കേജ്ഡ് ഡ്രിങ്കിംഗ് വാട്ടർ നേരിട്ട് സൂര്യപ്രകാശം ഏൽക്കുന്ന വിധത്തിൽ വിതരണം ചെയ്യുന്നതായി ശ്രദ്ധയിൽപ്പെട്ടു. കഴിഞ്ഞ മൂന്ന് ദിവസങ്ങളിലായി ഇത്തരത്തിൽ വെള്ളം വിതരണം ചെയ്തുവരുന്നതായും ടിയാൻ മൊഴി നൽകി.
പാക്കേജ്ഡ് നേരിട്ട് സൂര്യപ്രകാശം ഏൽക്കുന്ന വിധത്തിൽ സൂക്ഷിക്കുന്നതും വിതരണം ചെയ്യുന്നതും ഒഴിവാക്കേണ്ടതാണ്. പാക്കേജ്ഡ് ഡ്രിങ്കിംഗ് വാട്ടർ ഉൾപ്പെടെയുള്ള ഭക്ഷ്യവസ്തുക്കൾ അവയുടെ ഗുണനിലവാരവും സുരക്ഷയും ഉറപ്പാക്കുന്ന വിധത്തിൽ സൂക്ഷിക്കുകയും വിതരണം നടത്തുകയും ചെയ്യണമെന്ന് ഭക്ഷ്യസുരക്ഷാ വകുപ്പ് പൊതുജനങ്ങളെയും ഭക്ഷ്യവ്യാപാരികളെയും ഓർമ്മിപ്പിക്കുന്നു.
കൂടാതെ ഭക്ഷ്യ വസ്തുക്കൾ വിതരണം ചെയ്യുന്ന വാഹനങ്ങൾ ട്രാൻസ്‌പോർട്ടർ കാറ്റഗറിയിൽ fssai രെജിസ്ട്രേഷൻ എടുക്കേണ്ടതുമാണ്.

ഭക്ഷ്യസുരക്ഷയുമായി ബന്ധപ്പെട്ട പരാതികൾ അറിയിക്കുന്നതിന് ടോൾ ഫ്രീ നമ്പർ 1800 425 1125 ൽ ബന്ധപ്പെടാവുന്നതാണ്.
Food Safety and Standards Authority of India
Food Safety Kerala

28/10/2026

ഓപ്പറേഷൻ തെളിമ 2.0
മലയാള മനോരമ
Food Safety and Standards Authority of India
Food Safety Kerala

28/10/2026

ഓപ്പറേഷൻ തെളിമ മാതൃഭൂമി പത്രത്തിൽ.
Food Safety and Standards Authority of India
Food Safety Kerala

28/10/2026

Operation thelima 2.0
Thanks Reporter Live for the exclusive Coverage
Food Safety Kerala
Food Safety and Standards Authority of India

28/10/2026

🛡️ എൻഫോഴ്‌സ്‌മെന്റിനൊപ്പം ബോധവൽക്കരണ പ്രവർത്തനങ്ങളിലും മുന്നേറി കോഴിക്കോട് ഭക്ഷ്യസുരക്ഷാ വകുപ്പ്!

ഭക്ഷ്യസുരക്ഷ ഉറപ്പാക്കാൻ നിയമനടപടികൾക്കൊപ്പം ബോധവൽക്കരണത്തിനും പരിശീലനത്തിനും ഒരുപോലെ പ്രാധാന്യം നൽകി കോഴിക്കോട് ജില്ലയിലെ ഭക്ഷ്യസുരക്ഷാ വകുപ്പിന്റെ പ്രവർത്തനങ്ങൾ മുന്നേറുന്നു.

കഴിഞ്ഞ രണ്ട് ദിവസങ്ങളിലായി തിരുവമ്പാടി, പേരാമ്പ്ര, കുന്നമംഗലം സർക്കിളുകളിലായി മുന്നൂറോളം ഭക്ഷണം കൈകാര്യം ചെയ്യുന്നവർക്കായി FOSTAC (Food Safety Training and Certification) പരിശീലന പരിപാടികൾ സംഘടിപ്പിച്ചു.

ബേക്കറി ജീവനക്കാർ, ഹോട്ടൽ ജീവനക്കാർ, അങ്കണവാടി ജീവനക്കാർ തുടങ്ങി സമൂഹത്തിന്റെ വിവിധ മേഖലകളിൽ പ്രവർത്തിക്കുന്ന ഭക്ഷ്യസംരംഭകരും ഭക്ഷണം കൈകാര്യം ചെയ്യുന്നവരുമാണ് പരിശീലനത്തിൽ പങ്കെടുത്തത്. ഭക്ഷ്യസുരക്ഷാ നിയമങ്ങളെക്കുറിച്ചും ഭക്ഷണം കൈകാര്യം ചെയ്യുമ്പോൾ പാലിക്കേണ്ട ശുചിത്വ-സുരക്ഷാ മാനദണ്ഡങ്ങളെക്കുറിച്ചും ആവശ്യമായ അറിവ് പകർന്നുനൽകുന്നതിനായി പരിശീലനം സൗജന്യമായാണ് സംഘടിപ്പിച്ചത്.

ഭക്ഷ്യോൽപ്പാദകർ, വിതരണക്കാർ, ഭക്ഷ്യസംരംഭകർ തുടങ്ങി ഭക്ഷ്യവിതരണ ശൃംഖലയുടെ വിവിധ മേഖലകളിൽ പ്രവർത്തിക്കുന്നവർക്ക് ഭക്ഷ്യസുരക്ഷാ നിയമങ്ങളെക്കുറിച്ചും പാലിക്കേണ്ട മാനദണ്ഡങ്ങളെക്കുറിച്ചും അവബോധം നൽകുന്നത് സുരക്ഷിതമായ ഭക്ഷണം ജനങ്ങളിലേക്ക് എത്തിക്കുന്നതിൽ നിർണായകമാണ്.

നിയമലംഘനങ്ങൾ കണ്ടെത്തി നടപടികൾ സ്വീകരിക്കുന്നതിനൊപ്പം, നിയമങ്ങൾ മനസ്സിലാക്കി സ്വമേധയാ പാലിക്കാൻ ഭക്ഷണം കൈകാര്യം ചെയ്യുന്നവരെ പ്രാപ്തരാക്കുക എന്നതും ഭക്ഷ്യസുരക്ഷാ വകുപ്പിന്റെ പ്രധാന ലക്ഷ്യമാണ്.

കാരണം, ഭക്ഷ്യസുരക്ഷ എന്നത് പരിശോധനകളിലൂടെയും നിയമനടപടികളിലൂടെയും മാത്രം ഉറപ്പാക്കേണ്ട ഒന്നല്ല; അറിവിലൂടെയും ഉത്തരവാദിത്വത്തിലൂടെയും നല്ല ശീലങ്ങളിലൂടെയും ഓരോരുത്തരും ഏറ്റെടുക്കേണ്ട സാമൂഹിക ഉത്തരവാദിത്വം കൂടിയാണ്.

അറിവിലൂടെ സുരക്ഷിത ഭക്ഷണം… ഉത്തരവാദിത്വത്തിലൂടെ ആരോഗ്യകരമായ സമൂഹം!

27/10/2026

റിപ്പോർട്ടർ ചാനലിൽ ഓപ്പറേഷൻ തെളിമ. 2.0 കോഴിക്കോട് ജില്ല.
Food Safety Kerala
Food Safety and Standards Authority of India

27/10/2026

പത്രക്കുറിപ്പ്
ഓപ്പറേഷൻ തെളിമ രണ്ടാം ഘട്ടം: കോഴിക്കോട്ട് ചെറുകടി യൂണിറ്റുകളിൽ മിന്നൽ പരിശോധന; വൃത്തിഹീന സാഹചര്യം കണ്ടെത്തി, ഭക്ഷണം നശിപ്പിച്ചു
കോഴിക്കോട്: ഭക്ഷ്യസുരക്ഷാ വകുപ്പിന്റെ ഓപ്പറേഷൻ തെളിമ രണ്ടാം ഘട്ടത്തിന്റെ ഭാഗമായി കോഴിക്കോട് കോർപ്പറേഷൻ പരിധിയിലും പറമ്പിൽ ബസാർ മേഖലയിലും സ്നാക്ക്സ്/ചെറുകടി നിർമ്മാണ യൂണിറ്റുകളിൽ പരിശോധന നടത്തി.
ഫുഡ് സേഫ്റ്റി കമ്മീഷണറുടെ ചുമതലയുള്ള ശ്രീ. അജി എസിന്റെ നിർദ്ദേശപ്രകാരം രൂപീകരിച്ച 5 സ്ക്വാഡുകൾ ഒരേസമയം 10 സ്ഥാപനങ്ങളിൽ വീതം പരിശോധിച്ചു. ഡെപ്യൂട്ടി കമ്മീഷണർ ശ്രീ. വിനോദ് കുമാർ ടി.എസ്, അസിസ്റ്റന്റ് കമ്മീഷണർ ഡോ. ജോസഫ് കുര്യാക്കോസ് എന്നിവർ മേൽനോട്ടം വഹിച്ചു. 27/10/2026 പുലർച്ചെ 1 മണിക്ക് ആരംഭിച്ച പരിശോധന രാവിലെ 6 മണിക്ക് അവസാനിച്ചു.
പ്രധാന ന്യൂനതകൾ
ടി.പി.സി. പരിധി കവിഞ്ഞ 180 ലിറ്ററോളം എണ്ണയിൽ പലഹാരങ്ങൾ പൊരിച്ചു; പറമ്പിൽ ബസാറിലെ യൂണിറ്റിൽ 3 സാമ്പിളിലും TPC 28.5% കണ്ടെത്തി (240 ലിറ്റർ പാം ഓയിൽ).
വാലിഡ് FSSAI ലൈസൻസ് ഇല്ലാതെ പ്രവർത്തനം; ജീവനക്കാർക്ക് മെഡിക്കൽ ഫിറ്റ്നസ് സർട്ടിഫിക്കറ്റ് ഇല്ല; വെള്ളത്തിന്റെ പരിശോധനാ റിപ്പോർട്ട് ഹാജരാക്കിയില്ല.
ഹെയർ നെറ്റ്, ആപ്രൺ, ഗ്ലൗസ് ഇല്ലാതെ വെറും കൈകൊണ്ട് ഭക്ഷണം കൈകാര്യം ചെയ്തു.
ചൂടുള്ള മാവ് കുഴയ്ക്കാനും പലഹാരങ്ങൾക്ക് താഴെയും പ്രിന്റഡ് പ്ലാസ്റ്റിക് കവർ, എണ്ണ വലിച്ചെടുക്കാൻ ന്യൂസ്പേപ്പർ എന്നിവ ഉപയോഗിച്ചു.
ഭിത്തികളിൽ മാറാലയും പൊടിയും, മാലിന്യം കെട്ടിക്കിടന്ന് ദുർഗന്ധം, നായ്ക്കളുടെയും പൂച്ചയുടെയും സാന്നിധ്യം.
മാലിന്യത്തിൽ നിന്നുള്ള പൊടി കട്ലറ്റ് നിർമ്മാണത്തിന് ഉപയോഗിക്കുന്നതായി കണ്ടെത്തി; ഭക്ഷ്യവസ്തുക്കളിൽ നിരോധിത സിന്തറ്റിക് ഫുഡ് കളർ സൂക്ഷിച്ചു.
അസംസ്കൃത വസ്തുക്കൾ ക്രോസ് കണ്ടാമിനേഷൻ ഉണ്ടാകുംവിധം സൂക്ഷിച്ചു.
നടപടി
ടി.പി.സി. കവിഞ്ഞ എണ്ണയിൽ തയ്യാറാക്കിയ ഏകദേശം 1300 പലഹാരങ്ങളും പത്തിരി, വട, ഇഡ്ഡലി, 2500 സോസ് എന്നിവയും ഒരു സ്ഥാപനത്തിൽ നശിപ്പിച്ചു; ആ സ്ഥാപനത്തിനെതിരെ അഡ്ജുഡിക്കേഷൻ നടപടി ആരംഭിക്കും. പറമ്പിൽ ബസാറിലെ യൂണിറ്റിൽ 240 ലിറ്റർ പാം ഓയിൽ, 15 കിലോ അരിഞ്ഞ സവാള, 1400 സോസ്, 1000 എണ്ണക്കടികൾ, 50 കിലോ പത്തിരി മാവ് എന്നിവ നശിപ്പിക്കാൻ നിർദ്ദേശിച്ചു. FSSAI ലൈസൻസ് എടുക്കുന്നതുവരെ സ്ഥാപനം പ്രവർത്തിപ്പിക്കരുതെന്നും ന്യൂനതകൾ 7 ദിവസത്തിനകം പരിഹരിക്കണമെന്നും നിർദ്ദേശിച്ചു. ലൈസൻസില്ലാതെ പ്രവർത്തിക്കുന്നത് 10 ലക്ഷം രൂപ വരെയും, നിർദ്ദേശം പാലിക്കാത്തത് 2 ലക്ഷം രൂപ വരെയും പിഴ ലഭിക്കാവുന്ന കുറ്റമാണ്.
ഓപ്പറേഷൻ തെളിമയുടെ ഭാഗമായുള്ള പരിശോധനകൾ തുടരുമെന്ന് ഭക്ഷ്യസുരക്ഷാ വകുപ്പ് അറിയിച്ചു.
Food Safety and Standards Authority of India
Food Safety Kerala

25/10/2026

📚🍎 കുന്നമംഗലം വിശേഷങ്ങൾ | സുരക്ഷിത ഭക്ഷണം, ആരോഗ്യകരമായ നാളെ!

🎯 Safe and Nutritious Food at School

വിദ്യാർത്ഥികളിൽ ഭക്ഷ്യസുരക്ഷയെക്കുറിച്ചും പോഷകാഹാരത്തിന്റെ പ്രാധാന്യത്തെക്കുറിച്ചും അവബോധം വളർത്തുന്നതിനായി കോഴിക്കോട് ജില്ലയിലെ കുന്നമംഗലം ഫുഡ് സേഫ്റ്റി സർക്കിളിന്റെ നേതൃത്വത്തിൽ Safe and Nutritious Food at School ബോധവൽക്കരണ പരിപാടി സംഘടിപ്പിച്ചു.

🏫 ഗവൺമെന്റ് ഹയർ സെക്കൻഡറി സ്കൂൾ കുട്ടിക്കാട്ട്, കുന്നമംഗലം ഹയർ സെക്കൻഡറി സ്കൂൾ എന്നിവിടങ്ങളിൽ സംഘടിപ്പിച്ച പരിപാടികളിൽ സ്റ്റുഡന്റ് പോലീസ് കേഡറ്റുകൾ ഉൾപ്പെടെ നിരവധി വിദ്യാർത്ഥികൾ പങ്കെടുത്തു.

🥗 സുരക്ഷിതമായ ഭക്ഷണശീലങ്ങൾ, പോഷകസമൃദ്ധമായ ആഹാരത്തിന്റെ പ്രാധാന്യം, ആരോഗ്യകരമായ ജീവിതശൈലി എന്നിവയെക്കുറിച്ച് വിദ്യാർത്ഥികൾക്ക് അറിവ് പകരുന്നതിനൊപ്പം പരിപാടിയുടെ ഭാഗമായി വിദ്യാർത്ഥികൾക്ക് സ്നേഹസമ്മാനങ്ങളും നൽകി.

🌱 ഇന്നത്തെ വിദ്യാർത്ഥികളാണ് നാളെയുടെ ആരോഗ്യകരമായ സമൂഹത്തെ രൂപപ്പെടുത്തേണ്ടവർ. ഭക്ഷണത്തിന്റെ ഗുണനിലവാരത്തെക്കുറിച്ചും സുരക്ഷയെക്കുറിച്ചും ശരിയായ അവബോധം കുട്ടിക്കാലം മുതൽ വളർത്തിയെടുക്കേണ്ടത് അനിവാര്യമാണ്.

🎯 ഇത്തരം ബോധവൽക്കരണ പരിപാടികളിലൂടെ കോഴിക്കോട് ജില്ലയിലെ ഏകദേശം 1,500 വിദ്യാർത്ഥികളിലേക്ക് ഭക്ഷ്യസുരക്ഷാ സന്ദേശം എത്തിക്കുക എന്നതാണ് ലക്ഷ്യമിടുന്നത്.

💚 അറിവിലൂടെ സുരക്ഷിത ഭക്ഷണശീലങ്ങളിലേക്ക്...
💚 സുരക്ഷിത ഭക്ഷണത്തിലൂടെ ആരോഗ്യകരമായ തലമുറയിലേക്ക്...

ഭക്ഷ്യസുരക്ഷ ഓരോരുത്തരുടെയും ഉത്തരവാദിത്വമാണ്!

Address

Office Of The Assistant Commissioner Of Food Safety
Kozhikode
673001

Telephone

+914952720744

Website

http://foodsafety.kerala.gov.in/index.php?option=com_content&view=article&id=62&Itemid=70

Alerts

Be the first to know and let us send you an email when Assistant Commissioner of Food Safety Kozhikode posts news and promotions. Your email address will not be used for any other purpose, and you can unsubscribe at any time.