09/10/2026
বেলটতো পদুম, ই ভি এমতো পদুম!
মাননীয় প্ৰধানমন্ত্ৰী শ্ৰীনৰেন্দ্ৰ মোদী ডাঙৰীয়াৰ নেতৃত্বত নগাঁও লোকসভা সমষ্টিৰ উপ-নিৰ্বাচনত বিজেপিয়ে এক নিৰ্ণায়ক বিজয় সাব্যস্ত কৰিছে। পূৰ্বে কংগ্ৰেছৰ দখলত থকা এই সমষ্টিত বিজেপিৰ প্ৰাৰ্থী মাননীয় শ্ৰী দেৱাশীষ শৰ্মা ডাঙৰীয়াৰ জয়লাভে এক বিশেষ তাৎপর্য বহন কৰিছে। এইবেলি কংগ্ৰেছ তৃতীয় স্থানলৈ অৱনমিত হৈছে।
এই ঐতিহাসিক বিজয়ে প্ৰতিফলিত কৰিছে মাননীয় প্ৰধানমন্ত্ৰী শ্ৰীনৰেন্দ্ৰ মোদী ডাঙৰীয়াৰ প্ৰতি অসমৰ প্ৰতিটো সমষ্টি আৰু সমাজৰ প্ৰতিটো স্তৰৰ জনসাধাৰণৰ আস্থা তথা এখন বিকশিত ভাৰত গঢ়াৰ তেখেতৰ দূৰদৰ্শী সংকল্পৰ প্ৰতি অসমৰ ৰাইজৰ অবিচল বিশ্বাস। নগাঁও সমষ্টিবাসীয়ে প্ৰদান কৰা এই বিপুল জনাদেশৰ বাবে প্ৰতিগৰাকী সন্মানীয় ভোটাৰক ধন্যবাদ আৰু কৃতজ্ঞতা জ্ঞাপন কৰিছে মাননীয় মুখ্যমন্ত্ৰী হিমন্ত বিশ্ব শৰ্মা ডাঙৰীয়াই।
মাননীয় ৰাষ্ট্ৰীয় সভাপতি শ্ৰীনীতিন নবীন ডাঙৰীয়াৰ মাৰ্গদৰ্শনত উৎসাহ, নিষ্ঠা আৰু অদম্য উদ্যমেৰে নিৰ্বাচনী প্ৰচাৰত অক্লান্ত পৰিশ্রম কৰা আমাৰ প্ৰতিগৰাকী কাৰ্যকৰ্তালৈও আন্তৰিক কৃতজ্ঞতা। ৰাইজৰ এই আস্থা আৰু আশীৰ্বাদক সাৰথি কৰি আমি অধিক উদ্যমেৰে অসমৰ বিকাশৰ যাত্ৰা আগুৱাই নিয়াৰ সংকল্প গ্ৰহণ কৰা হৈছে।
Himanta Biswa Sarma
Dilip Saikia
Nilima Devi
Bharatiya Janata Party (BJP)
BJP Assam Pradesh
