05/11/2026
📍 Domìniga s'8 de santandria de su 2026 nos torramus a bìdere in Iscanu pro sa de tres editziones de sa festa natzionale de Repùblica.
At a èssere una die intrea dedicada a sos temas fundamentales de s'atualidade e a su benidore de sa natzione sarda: un'atzione pretziosa pro istare paris, pro nos cunfrontare e pro afortigare sa comunidade nostra polìtica.
🗓 A sas 10:00 — Aberta in contu de atualidade.
- Caterina Roselli – S'esperièntzia de sa Consulta de lu Gadduresu comente esempiu de polì linguìstica.
- Pablo Sole – Sardigna iscumbatada: sa cunditzione de su giornalismu sardu.
- Irene Testa – Sa situatzione de sas presones in Sardigna. Dae su printzìpiu de territorialidade de sa pena a s'umbra de su 41 bis.
- Chicco Frongia – Sa chistione Flumendosa: gestione, crititzidades e resursas pro sa Sardigna.
- Presentat e coordìnat: Antoni Flore, sìndigu de Iscanu.
🍽 A sas 13:00 — Pràndiu de prenotare www.bit.ly/3WPUXrX
Su pràndiu at a èssere meda prus de unu pasu de recreu: est a beru un'atu de comunidade. Su pràndiu sotziale rapresentat unu valore fundamentale de sa cultura e de sa visione nostras, unu ispàtziu orizontale ue reduire sas distàntzias, afortire sos ligàmenes umanos, istèrrere cunfrontos e fàghere nàschere s'iscurtu retzìprocu, fintzas in foras de sos dibàtitos ufitziales.
💬 A sas 16:00 — Repùblica - Sa Sardigna de Cras. Interventos de sos esponentes de Repùblica.
🎶 A sas 18:30 — Simone Azzu - Il Pubblico Bene
Il Pubblico Bene est una performance ìbrida intre teatru, mùsica eletrònica, poesia e rituale àudio-visivu. In mesu b'est sa Sardigna, sìmbulu de un'isfrutamentu sistemàticu chi ponet in cuntrastu sa comunidade locale cun sas lògicas de su capitale.
Su passàgiu dae s'antropotzene a su capitalotzene, segundu Jason W. Moore, ponet in evidèntzia chi no est s'umanidade intrea a pesare in su pianeta, ma su capitalismu comente fortza dominante.
Sa partetzipatzione e su contributu de cada unu de bois sunt fundamentales. S'eventu est abertu a totu cantos e a totu cantas
natzionesarda
