28/10/2026
E Méinden Owend hu mir eis am Centre Culturel „Beim Nëssert“ zu Biergem getraff fir d'Thema „D'Reegel mat all senge Konsequenzen (Endometriose) däerf keen Tabu méi sinn!“ an de Mëttelpunkt ze stellen.
Et war en Owend voller Emotiounen, wichtege Background-Informatiounen a staarke Momenter 💛.
E ganz besonnesche Merci geet un déi zwou betraffe Fraen, d'Ornella Romito an d'Joyce Dos Santos fir hir Petitiounen am Numm vu ville Fraen 👏🏻.
Merci fir Äre Courage, Är Offenheet an d'Zäit, déi dir Iech geholl hutt fir Är perséinlech Erfarunge mat eis ze deelen 🫶🏻.
Är Wierder hu jiddereen am Sall beréiert a weisen, wéi wichteg et ass, dat Tabu-Thema endlech ze briechen!
E ganz grousse Merci och un déi zwee Ministeren, de Marc Spautz an de Claude Meisch, déi sech d'Zäit geholl hunn fir bei eis ze sinn an dëse wichtege Rendez-vous z'ënnerstëtzen.
Dat weist, dass d'Thema Endometriose d'Opmierksamkeet kritt, déi se verdéngt.
Och e grousse Merci un Caroline Mart fir déi flott Moderatioun an dem Dr. Stieber fir d'Begleedung vum Owend.
E ganz grousse Merci un eis Presidentin Nancy Arendt an un den CSF Komitee.
Zesumme kënne mir eppes beweegen! 💪🏻💛
E ganz emotionalen a gelongenen Owend iwwert e wichtege Sujet!
