What are the opening hours?

Monday 07:30 - 12:00 14:30 - 18:00 Tuesday 07:30 - 12:00 14:30 - 18:00 Wednesday 07:30 - 12:00 14:30 - 18:00 Thursday 07:30 - 12:00 14:30 - 18:00 Friday 07:30 - 12:00 14:30 - 18:00

Commune Urbaine de Mahajanga

Home
Madagascar
Mahajanga
Commune Urbaine de Mahajanga

Call Directions Website Contact the organization

Sehatra hifampizarana vaovao, hifampitaizana, hafahana maneho hevitra mivantana ary handrosoana soso

05/11/2026

SAPEURS-POMPIERS CUM SY AMICALE DES SAPEURS-POMPIERS D'HOCHFELDEN, 25 TAONA FIARAHA-MIASA, 25 TAONA FIRAHALAHIANA

Hisy ny seho manokana atao manoloana ny Lapan'ny Tanàna ny ZOMA 06 novambra 2026 amin'ny 10ora maraina.
👨‍🚒 Fanolorana fitaovana
👩‍🚒 Démonstration de sauvetage en hauteur

☎️ Pompiers: 118 (laharana maintso: AIRTEL, YAS) /034.14.401.21

TONGAVA MARO

05/11/2026

Iray volan'ny hetra - fanenan-ketra faobe

05/11/2026

🛣️ COMMUNE URBAINE DE MAHAJANGA | FITOKANANA LALAN-KELY SY FANOLORANA JIRO TAO TSARARANO AMBANY

Notanterahina tamin’ny fomba ofisialy ny Alarobia 04 Novambra 2026 ny fitokanana ny lalan-kely mirefy 350 metatra ao amin’ny Fokontany Tsararano Ambany.

Ny Filohan’ny Delegasiona Manokana (PDS), Andriamatoa DOLSAIN Guy, sy ny 2ème Vice-PDS, Ramatoa Dr AMINA Soilihi, niaraka tamin’ireo mpiara-miasa aminy, no nanatanteraka izany fanolorana ny fotodrafitrasa izany ho an’ny mponina.

Ankoatra izay, ho valin’ny fangatahan’ny mponina sy ho fanamafisana ny ezaka amin’ny ady amin’ny tsy fandriampahalemana, dia nanolotra jiro Lampe Eider miisa 10 ho an’ny Fokontany Tsararano Ambany ihany koa ny PDS.

Mitohy hatrany ny ezaka ataon’ny Kaominina Ambonivohitr’i Mahajanga amin’ny fanatsarana ny fotodrafitrasa sy ny fanomezana fahafaham-po ny filàn’ny mponina.

🤝 Antso ho an’ny mponina: Andraikitry ny rehetra ny mikajy sy miaro ireo fotodrafitrasa sy fitaovana iombonana mba haharitra sy hahasoa ny taranaka mifandimby.

MAHAJANGA HO VELONA FA TSY HO LEVONA !

03/11/2026

BIENVENUE AU MAIRE ET AUX REPRESENTANTS DE L'AMICALE DES SAPEURS-POMPIERS D'HOCHFELDEN.

Juste après la levée des drapeaux et l'assemblée générale du Personnel de la CUM, les missionnaires de l'amicale des Sapeurs-Pompiers d'Hochfelden dirigée par M. Philippe DETTLING, Maire d'Hochfelden a été reçu par la Délégation Spéciale de la CUM au bureau du PDS. Notons que, le maire d'Hochfelden a été un des membres de l'Amicale des SP d'Hochfelden où il était le Capitaine avant son éléction. Il est un des SP d'Hochfelden qui a effectué la mise en œuvre du partenariat entre les deux services.

Cette visite s'inscrit dans le cadre de l'appui de l'Amicale SP au Service Incendie et Secours de la CUM depuis plusieurs années. Elle a donc pour objectif le partage d'expériences mais également comme à chacun de leur passage, l'octroi d' équipements pour les SP est prévu.

-pompiers

03/11/2026

AKON'NY FANANGANAN-TSAINA 03/11/2026

Nohon'ny fandaminana dia anio no notantarehana ny fananganan-tsaina sady fivoriamben'ny mpiasan'ny CUM, izay fanao isaky ny alatsinainy voalohan'ny volana. Nitarika ny fotoana ny Delegasiona Manokana 3mianadahy mianaka ary nanotrona izany ireo Mpanolontsaina notarihin'ny Filohan'ny Filankevitra Monisipaly. Nisy ihany koa ireo vahiny mpiaramiombon'antoka amin'ny CUM amin'ny fanohanana ny mpamonjy voina dia ny Amicale des Sapeurs-Pompiers d'Hochfelden, ka Atoa Philippe Dettling, Ben'ny Tanànan'ny Hochfelden no mitarika azy ireo.

Teboka maromaro no noresahana:

◾️Manoloana ny resaka miely amin'ny tsy fandraisana karama. Nitondra fanazavana ny Tale misahana ny fitantanam-bola, fa nohon'ny pitsopitsony mahakasika ny "procédures" no anton'izany, ka efa milamina izany ankehitriny ary handray ny karama izay mbola tsy azo hatramin'ny volana oktobra izy ireo.
◾️Hisy ny hetsika "IRAY VOLAN'NY HETRA" karakarain'ny CUM manomboka ny 10 novambra hatramin'ny 10 desambra 2026.

Nohamafisin'Atoa DOLSAIN Guy, PDS CUM, fa mitohy ny fandaminana ny tanàna ary izay tsy maintsy miala ny fanorenana sy fivarotana rehetra anaty lalam-bahoaka. "Olona tsotra sy azo ifampiresahana aho, fa hentitra amin'ny asa ary tsy andeferako ny fanatsarana ny tananan'ny Mahajanga. Tsy voavidim-bola aho amin'izany".

Miezaka mijery ny tamberinandraikitra ho an'ny tananàntsika ny Delegasiona Manokana ary tsy manadino mankasitraka ny ezaka hataon'ny mpiasa amin'ny fanatanterahana ny asa.

02/11/2026

Lanonana fanokafana amin'ny fomba ofisialy ny Kongresy Nasionaly ny SPATU Andiany faha 11 eto Mahajanga

Tontosa androany, 02 Novambra 2026, tamin'ny alalan'ny diabe sy kabary nifandimbiasan'ireo olo-manankaja tao amin’ny « Amphithéâtre de la solidarité ». Dr AMINA Soilihi, Lefitra faha-2 ny Delegasiona Manokana no nisolontenan'ny Kaominina Ambonivohitry Mahajanga nandritra ny lanonana. "Ankasitrahana hatrany ianareo misafidy ny Tanànan'ny Mahajanga ho ambohim-pihaonana ary mirary anareo hahita ny soa mandritra ny fikaonan-doha". Isan'ny fianakaviamben'ny mpampianatra eny amin'ny oniversiten'ny Mahajanga ny tenany ary mahatsapa fa tena ilaina ny fihaonana iraisana tahaka izao, hanamafy ny firaisan-kina hanatsarana ny fitantanan-draharaha eny amin'ny Oniversite indrindra amin'izao fotoana fandrosoan'ny teknolojia izao.

« Sendika mijoro, manavao amin'ny alalan'ny teknolojia mikatsaka ny soa iombonana". Izany no lohahevitry ity kongresy andiany faha-11 ity.

📷 Université de Mahajanga officiel

02/11/2026

💡 FANOLORANA JIRO MIISA 50 HO AN’NY KAOMININA AMBONIVOHITRA MAHAJANGA

Natao androany maraina, tetsy anoloan’ny Lapan’ny Tanàna, ny fanolorana jiro miisa 50 ho an’ny Kaominina Ambonivohitra Mahajanga, avy amin’ny Fitondram-panjakana tamin’ny alalan’ny Ministeran’ny Angovo.

Ireo jiro ireo dia hozaraina eny anivon’ireo fokontany 26 eto Mahajanga I, mba hanatsarana ny fahazavana eny amin’ny toerana samihafa sy handraisana anjara amin’ny ady amin’ny tsy fandriampahalemana.

Naneho ny fankasitrahany ny Fitondram-panjakana ny PDS, Atoa DOLSAIN Guy, noho izao fanomezana izao, izay natao indrindra ho tombontsoan’ny mponina sy ho fanatsarana ny filaminana eto an-tanànan’i Mahajanga.

Antso ho an’ny mponina: Andao hiara-hikajy sy hiaro ireo jiro hapetraka eny amin’ny fokontany tsirairay, mba haharitra sy hitondra fahazavana sy filaminana ho an’ny rehetra.

💡 MAHAJANGA HO VELONA FA TSY HO LEVONA !

30/10/2026

FAMPIASANA NY "PERCEPTION PAR MOBILE" HO AN'NY FANDOAVANA NY HABA-TSENA: MIJANONA HO MODELY HATRANY NY KAOMININA AMBONIVOHITRY MAHAJANGA.

10 taona teo no nampiasan'ny CUM io fomba iray fandoavana ny haba-tsena io ary mbola maharesy lahatra ny Fiadidina ny Tanàna nitondra nifanesy teo izany. Nisy ny atrikasa hiarahan'ireo "Coopération Décentralisée" eto Madagasikara ny 29 sy 30 oktobra 2026 tao an-drenivohitra, nokarakarain'ny masoivohon'ny Frantsa eto Madagasikara izay niompana tamin'ny "Fiscalité Locale" ka anisany ivon'ny famelaberana ny "Perception par mobile".

Nisy ny delegasiona avy amin'ny CUM notarihin'Atoa DOLSAIN Guy, PDS CUM izay voaasa manokana tamin'izany. Fizarana traikefa tamin'ny fomba nametrahana izany teo anivon'ny bazary sy ny fomba fiasany amin'izao fotoana no natao nandritra izany. Marihina hatrany fa tetikasa tanteraka avy amin'ny tantsoroka niaraka tamin'ny mpiaramiombon'antoka ny "perception par mobile banking". Amin'izao fotoana izao, dia nisy hatrany ny fanatsarana nentina toy ny fampiasana ny e-tsena. Fitaovana ara-kajimirindra mampifandray ny fandoavana haba-tsena amin'ny alalan'ny finday sy ireo tomponandraikitra samihafa, ka hahafahana manara-maso bebe kokoa sy "en temps réel" ny fidiram-bola eny bazary.

Hatreto dia nahitan'ny CUM vokatsoa hatrany io fomba io satria nahafahany: ◾️mandoa ara-dalana sy ara-potoana ny karaman'ny mpiasa nanomboka ny taona 2016;
◾️afaka nanao tamberinandraikitra amin'ny alalan'ny fanamboarana fotodrafitrasa: lalana, fikojana ny bazary,sns.

26/10/2026

FANAOVAN-TSONIA NY FIFANARAHAM-PIARAHA-MIASA MIARAKA AMIN'NY ORINASA CLEANIMPACT

Ny orinasa CLEANIMPACT no hisahana ny fanalana ny fotadiky anaty lavam-piringy amin'ny fomba ara-dalana sy manara-penitra. Nanome toky ny tomponandraikitra fa nitondra fanatsarana amin'ny fomba fiasa mba hafahan'ny mponin'Ny Mahajanga hisitraka ny tolotr'izy ireo. Nankinina tamin'izy ireo ihany koa ny fitantanana ny Site de Traitement de Boue de Vidange des Latrines (STBVL) eny Marohogo.

Hentitra ny teninAtoa DOLSAIN Guy: mitaky vokatra mahafa-po ny kaominina ary manantena fa hitondra soa ho an'ny Mahajanga izao fiaraha-miasa izao mba hisorohana ny fiparitahan'ny maloto.

26/10/2026

FIARA MPITATITRA MPIANATRA TAPAKA HISATRA

Tapaka hisatra ilay fiara ka tsy nahita vahaolana ankoatrany naviliny tany amin'ny zaridaina izany. Vokany, nisy ny fahasimban'ny fotodrafitrasa. Efa tonga teo an-toerana avokoa ny tomponandraikitra : Commissariat Central ,ny Police Municipale ary ireo tomponandraikitry ny fotodrafitr'asa avy ao amin'ny voirie nanao ny "constat".

Nanaiky ny hanamboatra ny simba ny mpamily saingy manaitra ny tomponandraikitra amin'ireo fiara fitaterana mpianatra (ny tompon'ny fiara, ny sekoly), ain-jaza no entinareo isanandro, betsaka amin'ireo fiara hita fa ratsy fikarakarana, tsy nahazo taratasy fahazoan-dalana avy amin'ny CUM.

Koa manaitra ireo misehatra anatin'ny fitaterana mpianatra, hampanara-dalana ny fiarany na ara-teknika na ara-taratasy.

Address

Hôtel De Ville
Mahajanga
401

Opening Hours

Monday	07:30 - 12:00
	14:30 - 18:00
Tuesday	07:30 - 12:00
	14:30 - 18:00
Wednesday	07:30 - 12:00
	14:30 - 18:00
Thursday	07:30 - 12:00
	14:30 - 18:00
Friday	07:30 - 12:00
	14:30 - 18:00

Telephone

+261206290003

Website

https://www.mairie-mahajanga.mg/

Alerts

Be the first to know and let us send you an email when Commune Urbaine de Mahajanga posts news and promotions. Your email address will not be used for any other purpose, and you can unsubscribe at any time.