Tocha Communications

06/11/2026

ኦዲት ግኝት የተገኘባቸው ግለሰቦችና ተቋማት ያለ ምንም ቅድመ ሁኔታ በአጭር ቀናት ውስጥ የመንግስት ሀብት እንዲመልሱ ተገለጸ።
‎
‎የቶጫ ወረዳ ኦዲት ግኝት አስመላሽ ግብረ-ሀይል የ2019 ዓ/ም 1ኛ ሩብ በጀት ዓመት የኦዲት ግኝት ሪፖርት ላይ መክሯል።
‎
‎ለመድረኩ የቶጫ ወረዳ ፋይናንስ ኢኮኖሚ ልማት ጽ/ቤት የኢንስፔክሽንና ኦዲት ክትትል ቡድን መሪ አቶ ታዬ ታረቀኝ በ2019 በጀት ዓመቱ በ1ኛ ሩብ ዓመት የተከናወኑ የኦዲት ስራዎች አጠቃላይ ሁኔታንና ከዚህ በፍት በኦዲት ግኝት የታዩ ክፍተቶችን እና ሕገ-ወጥ የሀብት ንክኪዎች ያሉባቸውን አካላት ዝርዝር ሁኔታዎች ለግብረ-ሀይሉ ማብራሪያ ሰጥተዋል።
‎
‎መድረኩን የመሩት የቶጫ ወረዳ ዋና አስተዳዳሪ አቶ ውበቴ ኡቴ እንደጠቆሙት ፦ ኦዲት ግኝት የተገኘባቸው ግለሰቦችና ተቋማት ያለ ምንም ቅድመ ሁኔታ በአጭር ቀናት ውስጥ የመንግስት ሀብት እንዲመልሱ በጥብቅ አሳስበዋል ።
‎
‎መንግስት ለህዝቡ ልማት ስራና አገልግሎት የመደበዉን ሀብት ያለ አግባብ ያጎደለቱ አካላት ላይ የሚደረገው የማስመለስ ስራና በህግ የማስጠየቅ ሰራ ተጠናክሮ እንደሚቀጥል በማንሳት ውስን የሆነውን የመንግስትና የህዝብ ሀብት ለታለመለት አላማ ብቻ በማዋል የማህበረሰብን የልማትና የመልካም አስተዳደር ጥያቄዎች ለመመለስ ከየትኛዉም ጊዜ በላይ ትኩረት ተሰጥቶ እንደምሰራ አብራርተዋል ።
‎
‎አቶ ዉበቴ አክለውም በየደረጃው የሚገኝ አመራርና ባለሙያ በመቀናጀት የኦዲት አሰራሩን ከወትሮ በልዩነት በማጠናከር ያለ አግባብ የሚባክን የመንግስት ሀብትና ንብረት እንዳይኖር ጥብቅ ክትትልና ድጋፍ ሊያደርግ እንደሚገባም አጽንኦት ሰጥተዋል ።
‎
‎የቶጫ ወረዳ ምክር ቤት አፈ-ጉባኤና የኦዲት ግኝት ግብረ-ሀይል ሰብሳቢ ክብርት ወ/ሮ አብዮት አስፋው በበኩላቸው ፦ የህዝብ ሀብት አላግባብ መባከን ተቀባይነት የሌለው ተግባር መሆኑን በማንሳት የተቋማት ኃላፊዎች እና የሚመለከታቸው አካላት የክትትል ስራቸውን አጠናክረው በመቀጠል የባከነዉን የመንግስት ሀብት በአጭር ቀናት ውስጥ ወደ ካዜና እንዲመለስና ህጋዊና አስተዳደራዊ እርምጃዎች ያለ ምንም ቅድሜ ሁኔታ ሊወሰዱ እንደሚገባ አሳስበዋል።
‎
‎በመድረኩ የተገኙት ባለድርሻ አካላት በበኩላቸው በኦዲት ግኝት አመላለስ ዙሪያ የሚታየው የባለ ድርሻ ተቋማት የቅንጅት ጉድለት ፣ ተቋማቱ የተሰጣቸውን ዝርዝር ተግባራት በሚገባ እያከናወኑ አለመሆናቸው፣ እንደዚሁም የመረጃዎች መጣረስ፣ የወጥነትና የጥራት ጉድለት በኦዲት ግኝት አመላለስ ተግባር ላይ አሉታዊ ተጽዕኖ ማሳደሩን ጠቁመዋል።
‎
‎ግኝቶችን ወደ ውጤት ለመቀየር የቅድመ መከላከል ስትራቴጂ መከተል ይኖርብናል ያሉት የግብረ-ኃይሉ አባላት፤ ከወትሮ በተለዬ ሁኔታ በመቀናጀትና ሀብቱን በማስመለስ የማህበረሰብን ተጠቃሚነት ማረጋገጥ እንደሚጠብቅባቸዉ ገልጸዋል ።
‎
‎በመጨረሻም በመድረኩ በኦዲት ግኝት የተገኘውን ጉድለት ለማስመለስ የተከናወኑ ሰራዎችን በመገምገምና በቀጣይ ስራዎች ዙሪያ ሰፊ ውይይት ተደርጎ ሃሳብና አስተያየት ታክሎበት ግብረ-ሀይሉ ለወረዳዉ ኦዲተሮች እዉቅናና ምስጋና በመስጠት የውይይት መድረኩ ተጠናቋል።
‎
‎ዘገባው ፦ የቶጫ ወረዳ መንግስት ኮሙኒኬሽን ጉዳዮች ጽ/ቤት ነው።
‎

06/11/2026

ከ7ኛው ሀገራዊ ምርጫ ጀምሮ ትላልቅ ሀገራዊ ኩነቶች በስኬት እንዲጠናቀቁ ሚዲያና ኮሚኒኬሽን ዘርፍ የተጫወተው ሚና የላቀ ነው፦ አቶ ነጋ አበራ

የደቡብ ምዕራብ ኢትዮጵያ ህዝቦች ክልል መንግስት ኮሚዩኒኬሽን ጉዳዮች ቢሮ የ100 ቀናት አፈጻጸምና ቀጣይ የስራ አቅጣጫ ዙሪያ ከባለድርሻ አካላት ጋር እየመከረ ይገኛል።

"ጠንካራ ሚዲያና ኮሚዩኒኬሽን ለክልላችን ማንሰራራት" በሚል መሪ ቃል በተካሄደው የውይይት መድረክ ላይ ንግግር ያደረጉት የክልሉ መንግስት ኮሚዩኒኬሽን ጉዳዮች ቢሮ ኃላፊ ወ/ሮ ሀሲያ አሊ ሚዲያና ኮሚዩኒኬሽን በህዝብና መንግስት መካከል ድልድይ በመሆን ሁነኛ ሚና ይጫወታል ብለዋል።

በዚህም መረጃ በማስተላለፍ ብቻ ሳይሆን በህዝብና መንግስት መካከል ጤናማ ግንኙነት እንዲኖር የሚያደርገው ጥረት ቀላል አይደለም ያሉት ወ/ሮ ሀሲያ ይህም በሁለቱ መካከል መተማመንና መቀራረብን እንደሚፈጥርም ገልጸዋል።

በተለይ ሚዲያ የለውጥ፣ የሠላምና የአንድነት ተግባርን በማጠናከር ሁሉአቀፍ ልማትን ከማረጋገጥ አንጻር የማይተካ ሚና እንደሚጫወትም ጠቁመዋል።

በዚህም የህዝብ ልማትና መልካም አስተዳደር ጥያቄ እንዲመለስ አበክሮ ይሰራል ያሉት ኃላፊዋ ህዝብን የማሳወቅና የማስተማር ሚናውን በመወጣት ሚዲያዎች ለክልሉ ብልጽግና ዕውን መሆን ልሠሩ እንደሚገባ አሳስበዋል።

በተለይ ክልሉ የብዝሀ ሀብት ጸጋ ባለቤት በመሆኑ ይህንን ጸጋ ለህዝብ በማስተዋወቅና በማውጣት በኩል ሚዲያ የማይተካ ሚና እንደሚጫወትም ጠቁመዋል።

በመሆኑም በዲጂታል የሚዲያ ዘመን ላይ የሚንገኝ በመሆኑ ፈጣን፣ ፈጠራ የታከለበትና ተደራሽ መረጃ ከማቅረብ አንጻር ተግቶ መስራት እንደሚገባም አስገንዝበዋል።

ለዚህም የሚዲያ ስነምግባርን የተላበሰ እና ተዓማኒ መረጃ ለህዝብ በማቅረብ ህብረ ብሔራዊ አንድነትን የሚያጠናክር እና አሰባሳቢ ትርክቶች ዙሪያ ብዙ መስራት ከሚዲያ ዘርፍ እንደሚጠበቅም ወ/ሮ ሀሲያ አሳስበዋል።

ከዚህ ጎን ለጎን የተዛቡ መረጃዎችንና የተሳሳቱ አመለካከቶችን በጋራ መታገል እንደሚገባም ነው የገለጹት።

የዕለቱ የክብር እንግዳና የክልሉ መንግስት ረዳት ተጠሪ አቶ ነጋ አበራ በበኩላቸው ሚዲያ ህዝብን ከመንግሥት ጋር የሚያገናኝ ጠንካራ ተቋም ነው ብለዋል።

በዚህም ሚዲያ በህዝብና መንግስት መካከል የሚፈጥረው ተፅዕኖ ቀላል አይደለም ያሉት አቶ ነጋ በተለይ ለልማት መሳካትና ህዝብን ከማነቃቃት አንጻር የላቀ አስተዋጽኦ እንዳለውም ተናግረዋል።

በዚህም ከ7ኛው ሀገራዊ ምርጫ ጀምሮ ትላልቅ ሀገራዊ ኩነቶች በስኬት እንዲጠናቀቁ ሚዲያና ኮሚኒኬሽን ከፍተኛ ሚና መጫወቱንም ገልጸዋል።

በመሆኑም በቀጣይ የመደመር መንግስት ለመስራት ያቀዳቸውን እንደ ባህር በር ያሉ ትላልቅ አጀንዳዎች ላይ በተጠናከረ መልኩ በመስራት ሀገረ መንግስት ግንባታ ህደታችን እንዲሳካና ብልጽግናችን እንዲረጋገጥ የመስራት ኃላፊነትም አለብን ብለዋል።

በተለይ ሀገራችን በበርካታ ዘርፉ ተጨባጭ ለውጥና ብልጽግና እያረጋገጠች ቢሆንም ይህን ወደ ጎን በማድረግ ልማታችንን ጥላሸት የሚቀቡ አካላትን በማጋለጥና እወነትን የማውጣት ስራ ከሚዲያ አካላት እንደሚጠበቅም አቶ ነጋ አበራ አሳስበዋል።

ያለንን መልካም እሴት በማጎልበት የህዝቡን ህብረብሔራዊ አንድነት ማጽናትና ለጋራ ልማትና ብልጽግና በጋራ መትጋት ከሚዲያና ኮሚኒኬሽን የሚጠበቅ ቀጣይ ኃላፊነት መሆኑንም አስገንዝበዋል።

በመድረኩም በክልሉ የሚገኙ የሚዲያ ተቋማት አመራሮች፣ በክልሉ በየደረጃው የሚገኙ የመንግስት ኮሚዩኒኬሽን ጽ/ቤት ተወካዮች፣ የየተቋማቱ የህዝብ ግንኙነት ባለሙያዎችና የሚመለከታቸው አካላት እየተሳተፉ ይገኛል።

መረጃዉ የክልሉ ሚድያ ነዉ።

05/11/2026

05/11/2026

የህዝባችንን የልማት እና የመልካም አስተዳደር ጥያቄዎች ደረጃ በደረጃ ለመመለስ የፖለቲካ አመራሩ ቁርጠኝነትና ቅንጅት ወሳኝ ነዉ አቶ ተስፋዬ ታደሰ የዳዉሮ ዞን የመንግስት ዋና ተጠሪ !!!

በዳዉሮ ዞን ቶጫ ወረዳ "ማንሰራራት ለወረዳችን ከፍታ" በሚል መርህ ቃል የልማትና የመልካም አስተዳደር ጥያቄዎችን ለመመለስ፣የህዝብ ተሳታፊነትን ለማሳደግ እና አጠቃላይ የአገልግሎት አሰጣጥን ለማሻሻል ያለመ የጋራ የውይይት መድረክ ተጠናቋል ።

በቶጫ ወረዳ "ማንሰራራት ለወረዳችን ከፍታ" በሚል መርህ ቃል የልማትና የመልካም አስተዳደር ጥያቄዎችን ለመመለስ፣የህዝብ ተሳታፊነትን ለማሳደግ እና አጠቃላይ የአገልግሎት አሰጣጥን ለማሻሻል ያለመ የጋራ የውይይት መድረክ ከተለያዩ የማህበራዊ መሠረት ከተወጣጡ የማህበረሰብ አካላት ጋር ተካሂዷል።

በመድረኩ የዞኑ እና የወረዳው የወቅቱ የልማት እና መልካም አስተዳደር ጥያቄዎች፣የመንገድ መሰረተ ልማት ጥያቄ፣ የገቢ አሰባሰብ ሂደት፣ የጤና፣ የግብርና፣ የትምህርት ፣ የወጣቶች የሥራ ዕድል ፈጠራ እንዲሁም ሌሎች መሠረታዊ ርዕሰ ጉዳዮች ተነስተው በስፋት ውይይት ተደርጎባቸዋል።

የዉይይት መድረኩን የመሩት የዳዉሮ ዞን ብልጽግና ፓርቲ ቅርንጫፍ ጽ/ቤት ኃላፊ አቶ ተስፋዬ ታደሰ እንደጠቆሙት ፦የህዝባችንን የልማት እና የመልካም አስተዳደር ጥያቄዎች ደረጃ በደረጃ ለመመለስ የፖለቲካ አመራሩ ቁርጠኝነትና ቅንጅት ከየተኛዉም ጊዜ በላይ ወሳኝ መሆኑን አብራርተዋል

በመድረኩ የተነሱት የመንገድ፣ ትምህርት፣ የጤና እና የግብርና ልማት ጥያቄዎች የህዝባችንን የዕለት ተዕለት ህይወት የሚነኩ በመሆናቸው፣ በዞኑም ሆነ በወረዳው ደረጃ የተቀናጀ አሰራርን በመዘርጋት መፍትሔ ለመስጠት እንደምሰሩ በማንሳት ህዝቡ ከመንግሥት ጎን በመሆን ለአካባቢው ሰላምና ልማት የሚያደርገውን አወንታዊ ሚና አጠናክሮ መቀጠል እንዳለበት አቶ ተስፋዬ አጽንኦት ሰጥተዋል ።

የቶጫ ወረዳ ዋና አስተዳዳር አቶ ዉበቴ ኡቴ እንደጠቆሙት ፦በወረዳችን የተጀመሩ የልማት ስራዎችን ዳር ለማድረስ እና የመልካም አስተዳደር ችግሮችን ለመቅረፍ የህዝብ ተሳትፎ ወሳኝ መሆኑን በማንሳት በተለይም የወጣቶችን የሥራ ዕድል ፈጠራ ማፋጠን፣ የህዝብ አገልግሎት መስጫ ተቋማት ትምህርት፣ጤና ግብርና፣የሚሰጡትን አገልግሎት ማሻሻል እና የውስጥ ገቢ አሰባሰብ ሂደቱን በዘመናዊና ግልጽ አሰራር መምራት የትኩረት አቅጣጫችን በማጠናከር ህዝቡ የሚያነሳቸውን ጥያቄዎች መነሻ በማድረግ በተግባር የተደገፈ ምላሽ ለመስጠት ከወትሮ በተለዬ ሁኔታ እንደምሰሩ አብራርተዋል ።

የቶጫ ወረዳ መንግስት ዋና ተጠሪ አቶ አንድነት ቡንጉዶ በበኩላቸዉ እንደጠቆሙት፦የአመራሩ እና የማህበረሰቡ ቅርበት የመልካም አስተዳደር ችግሮችን ለመፍታት ዋነኛ ቁልፍ ስለሆነ በዛሬው መድረክ በግልጽነት የተነሱት ሀሳቦችና አስተያየቶች ቀጣይ የልማት ዕቅዶቻችን ማጠቃለያ እና ማስተካከያ ሆነው የሚያገለግሉ ነጥብ በመሆናቸዉ የመንግሥት አሰራር ግልጽነትና ተጠያቂነት ያለው እንዲሆን፣ የህዝቡን ድምፅ የመስማት እና የጋራ ውሳኔዎችን የመተግበር ስራችን ተጠናክሮ እንደምቀጥል አብራርተዋል ።

በመድረኩ፦የወረዳው አጠቃላይ ማህበራዊ፣ ኢኮኖሚያዊ እና ፖለቲካዊ ነባራዊ ሁኔታዎች የሚያመለክት ጥያቄዎች ከማህበረሰብ ተወካዮች የተነሱ ሰሆን ከመድረኩ ምላሽና ማብራሪያ ተሰጥቶ በተነሱት ሀሳቦች ላይ የጋራ መግባባት እና የቀጣይ አቅጣጫዎችን በማስቀመጥ መድረኩ በስኬት ተጠናቅቋል ።

ዘገባዉ፦የቶጫ ወረዳ መንግስት ኮሙኒኬሽን ጉዳዮች ጽ/ቤት ነዉ።

05/11/2026

የህዝብን ተጠቃሚነትና የሰላም ግንባታ ለማረጋገጥ አመራሩና ህብረተሰቡ በጋራ በመቆም የተጀመሩ የልማት ስራዎችን ማፋጠን እንደሚገባቸዉ ተገለጸ ።

በዳውሮ ዞን ቶጫ ወረዳ "ማንሰራራት ለኢትዮጵያ ከፍታ" በሚል መርህ ቃል ከተለያዩ ማህበራዊ መሰረት ከተወጣጡ የማህበረሰብ አካላት ጋር የጋራ የውይይት መድረክ መካሄድ ጀምሯል ።

በቶጫ ወረዳ "ማንሰራራት ለኢትዮጵያ ከፍታ" በሚል መርህ ቃል ከሁሉም ማህበራዊ መሰረት ከተወጣጡ የማህበረሰብ አካላት ጋር የጋራ የውይይት መድረክ እየተካሄደ ይገኛል።

ወይይት መድረኩን በመክፈቻ ንግግር የከፈቱት የዳውሮ ዞን ብልጽግና ፓርቲ ቅርንጫፍ ጽ/ቤት ሃላፊ አቶ ተስፋዬ ታደሰ እንደጠቆሙት፦ ቶጫ ወረዳ በዞኑ ካለዉ አከባቢዎች ዉስጥ በእንሴትና በቀርካሃ ልማት ግንባር ቀደም መሆኖን ጠቁመዉ ተፈጥሮ ያደሉን ፀጋዎችን አሟጠን መጠቀም እንዳለበት በማንሳት ህብረተሰቡን ያሳተፈ ሁለንተናዊ ከፍታን እውን ለማድረግ የጋራ ርብርብና ንቁ ተሳትፎ ወሳኝ መሆኑን ገልጸዋል።

አቶ ተስፋይ አያይዘውም የህዝብን ተጠቃሚነትና የሰላም ግንባታ ለማረጋገጥ አመራሩና ህብረተሰቡ በጋራ በመቆም የተጀመሩ የልማት ስራዎችን ማፋጠን እንደሚገባቸው አጽንኦት ሰጥተዋል።

በመድረኩ ላይ የእንኳን ደህና መጣችሁ መልዕክት ያስተላለፉት የወረዳው ዋና አስተዳዳሪ አቶ ውበቴ ኡቴ እንደጠቆሙት፦ጥሪ የተደረገላቸው እንግዶች በመድረኩ በመገኘታቸው የተሰማቸውን ደስታ ገልጸዋል።

አቶ ውበቴ አያይዘውም የወረዳውን ነባራዊ ሁኔታ መሰረት አድርጎ የተዘጋጀው ውይይት የጋራ ግንዛቤን በመፍጠር ረገድ ትልቅ ፋይዳ እንዳለው በመጥቀስ ህብረተሰቡ ባለፉት ጊዜያት ያሳየውን የጸና አብሮነትና የልማት ተሳትፎ እንድሁም በ7ኛዉ ሀገራዊ ጠቅላላ ምርጫ ላይ ያሳየዉን አብሮነትን በቀጠዩ ልማትና መልካም አስተዳደር ስራዎች ላይ መድገም እንዳለባቸዉ ጥሪ አቅርበዋል።

በመድረኩ ላይ የወረዳውን ነባራዊ ሁኔታዎች ላይ የተዘጋጀ ሰነድ በወረዳው መንግስት ዋና ተጠሪ በአቶ አንድነት ቡንጉዶ እየቀረበ ይገኛል።

ሰነዱ የወረዳውን አጠቃላይ ማህበራዊ፣ ኢኮኖሚያዊ እና ፖለቲካዊ ነባራዊ ሁኔታዎች በዝርዝር የሚያሳይ ሲሆን፣ በዕለቱ በተገኙ ማህበረሰብ ተወካዮችና አመራሮች ጋር መፍተሄ ሰጨ ሀሳብ አስተያይትና በቀጣይ የጋራ ትኩረት የሚሹ አቅጣጫዎች ላይ ይመከራል ተብሎ ይጠበቃል።

በመድረኩ የዞኑ የመንግስት ዋና ተጠሪ አቶ ተስፋዬ ታደሰ፣የዳዉሮ ዞን ብልጽግና ፓርት ቅርንጫፍ ጽ/ቤት ሚድያና ህዝብ ግኑኝነት ዘርፍ ኃላፍ አቶ ዘካርያስ ሙላዉን ጨምሮ ጥሪ የተደረገላቸዉ ማህበረሰብ አካላት እየተሳተፉ ይገኛሉ።

ዘገባዉ፦የቶጫ ወረዳ መንግስት ኮሙኒኬሽን ጉዳዮች ጽ/ቤት ነዉ።

04/11/2026

ጠቅላይ ሚኒስትር ዐቢይ አሕመድ (ዶ/ር) በባሌ ዞን የተከናወነው የክረምት እርሻ አፈጻጸም ተመለከቱ

ጠቅላይ ሚኒስትር ዐቢይ አሕመድ (ዶ/ር) በባሌ ዞን የክረምት እርሻ አፈጻጸምን መመልከታቸውን ገለጹ።

ጠቅላይ ሚኒስትሩ በማኅበራዊ ትሥሥር ገጽ ባሰፈሩት መልዕክት፣ በዘንድሮው ክረምት ከፍተኛ የዝናብ እጥረት ሥጋት የነበረ ቢሆንም በመንግሥትና በሕዝብ የቅድመ ዝግጅት ሥራ መልካም የሚባል አፈጻጸም ተመዝግቧል ብለዋል።

"ኢኮኖሚያችን አይበገሬ ሆኖ ሰው ሠራሽና ተፈጥሯዊ ፈተናዎችን እንዲቋቋም፣ ቀድሞ መዘጋጀትና አማራጮችን ማስፋት የግድ ነው።" ሲሉም አክለዋል።

04/11/2026

ማንሰራራት ለአካባቢያችን ከፍታ በሚል መሪ ቃል በሎማ ቦሳ ወረዳ እና ገሳ ጫሬ ከተማ አስተዳደር የሕዝብ ውይይት መድረክ ተካሄደ

ማንሰራራት ለአካባቢያችን ከፍታ በሚል መሪ ቃል በሎማ ቦሳ ወረዳ እና በገሳ ጫሬ ከተማ አስተዳደር በጋራ የተዘጋጀ የሕዝብ የውይይት መድረክ ተካሂዷል።

7ኛውን ጠቅላላ ምርጫ ተከትሎ የተደረገውን የመንግስት ምስረታ ማግስት በማስመልከት፣ የዞኑ ከፍተኛ አመራሮች ከወረዳና ከከተማ አስተዳደር የሕዝብ ተወካዮች ጋር በልማትና በመልካም አስተዳደር ጉዳዮች ላይ ሰፊ ውይይት ተካሂዷል።

በመድረኩ ላይ የተገኙ የዳውሮ ዞን ዋና አስተዳዳሪ አቶ ትዕዛዙ ባዩ የመደመር መንግሥት እንደ ሀገር ደረጃ ልዩ ትኩረት ከሰጣቸው አካባቢዎች አንዱ ዳውሮ መሆኑን ገልጸው በዚህም የመንገድ አውታሮች፣ ጤና፣ ንጹህ መጠጥ ውሃ፣ ትምህርት እና የፖለቲካ ተሳትፎን ለማሳደግ በትኩረት እየተሠራ መሆኑን አስገንዝበዋል።

መንግሥት በተለያዩ መዋቅሮች አስፈላጊውን ድጋፍ እያደረገ ቢሆንም ከመልካም አስተዳደርና ከተቋማት የግብዓት እጥረት ጋር ተያይዘው የሚስተዋሉ ችግሮች በታችኛው መዋቅር ድክመት የተፈጠሩ በመሆናቸው፣ ይህንን ለመቅረፍ በትኩረት መሥራት እንደሚገባም ዋና አስተዳደሩ አሳስበዋል።

አክለውም ዋና አስተዳዳሪው ሁሉም ማኅበራዊ መሠረት ያላቸው አካላት ለአካባቢያቸው ዕድገት አስፈላጊውን ትብብርና አንድነት በመፍጠር ሁለቱም መዋቅር ወደ ለውጥ ጎዳና እንዲመሩ ጥሪ አቅርበዋል።

የሎማ ቦሳ ወረዳ አስተዳዳሪ አቶ አስፋው ጮራሞ በበኩላቸው ወረዳው የዓለምን ትኩረት የሳበው የሃላላ ኬላ ሎጅ መገኛ በመሆኑ ይህንን ጸጋ ወደ ሀብት ለመቀየር ትልቅ ሥራ መሥራት እንደሚገባ ገልጸዋል።

ተቋማትን በዕቅድ መሠረት ገምግሞ ከመምራት አንፃር ክፍተቶች ቢኖሩም ምቹ የሥራ ቦታ ሳይኖራቸው ተግባራቸውን በዕቅዱ መሠረት በቁርጠኝነት እየሠሩ ያሉ አካላት መኖራቸውን ጠቅሰዋል።

በትምህርት ዘርፍ በወረዳው ካሉ ትምህርት ቤቶች መካከል በሁለቱ ብቻ ተማሪዎች ወደ ከፍተኛ ትምህርት ተቋማት መግባታቸውን በመጥቀስ እንደ ወረዳ የትምህርት ስብራት መኖሩንም አንስተዋል።

በግብርና ቴክኖሎጂ አጠቃቀም ረገድ የኋላ ቀርነት መኖር እና ገቢን አሟጦ ከመሰብሰብ አንፃር ሰፊ ጉድለቶች በመኖራቸው ባለድርሻ አካላት በልዩ ትኩረት ሊሠሩ እንደሚገባም አሳስበዋል።

የገሳ ጫሬ ከተማ አስተዳደር ከንቲባ ኢንጂነር ባህሩ በቀለ የለውጡ መንግሥት ለዳውሮ ሕዝብ ባለውለታ መሆኑን ገልጸው የኢኮኖሚ ውስንነቶችን ለማሸነፍ የገቢ ኮሪደሮችን አሟጦ መጠቀም እንደሚያስፈልግ አጽንኦት ሰጥተዋል።

የጤና፣ የትምህርት፣ የግብርና ሥራዎችንና የፓርቲውን ኢኒሼቲቮች በአግባቡ በመተግበር ለውጥ ማምጣት እንደሚገባም ከንቲባው ገልጸዋል።

የመድረኩ ተሳታፊዎች ለአካባቢያችን መሥራት ያለብን እኛ ነን ያሉት ተሳታፊዎቹ በተሰማሩበት የሥራ መስክ ሁሉ ላይ ታማኝ በመሆን ሕዝብን ማገልገልና የአካባቢውን የገቢ አቅም ማሳደግ እንደሚገባ ገልጸዋል።

በተጨማሪም አምራች ለሆኑ ወጣት ዜጎች የሥራ ዕድል እንዲፈጠርላቸው መንግሥት በልዩ ትኩረት ሊሠራ እንደሚገባም ተሳታፊዎቹ ጠይቀዋል።

በመድረኩ ላይ የከተማ አስተዳደሩ የሥራ ኃላፊዎች፣ የንግዱ ማኅበረሰብ ተወካዮች፣ የሃይማኖት አባቶች፣ ከተለያዩ ማኅበራዊ መሠረቶች የተወከሉ የኅብረተሰብ ክፍሎችና የከተማዋ ነዋሪዎች ተሳትፈዋል።

02/11/2026

የቶጫ መጀመሪያ ደረጃ ሆስፒታል ማህበረሰቡ የተሟላ የጤና አገልግሎት እንዲያገኝ ለማስቻል ከ2 ሚሊዮን ብር በላይ ወጪ በማድረግ የመድኃኒት ግዥ መፈፀሙ ተገለፀ።

የተሟላና ቀልጣፋ የጤና አገልግሎት ለመስጠት ታካሚዎች አስፈላጊውን ሕክምና እንዲያገኙ ሆስፒታሉ የአገልግሎት ማሻሻያና የመድኃኒት ግዢ እያከናወነ መሆኑ ተገልጿል።

ከ2 ሚሊዮን ብር በላይ ወጪ በማድረግ የመድኃኒት ግዢ መፈጸሙን የሆስፒታሉ ሥራ አስኪያጅ ተወካይ አቶ ታረቀኝ ጀበሮ ተናግረዋል።

ታረቀኝ እንዳሉት ማህበረሰቡ በተደጋጋሚ ሲያነሳ የቆየውን የመድኃኒት እጥረት ችግር ለመቅረፍና የሕክምና አገልግሎቱን ለማሻሻል የሚያግዝ መሆኑን አብራርተው የተገዙ መድኃኒቶችም የሕክምና አገልግሎት መስጠት መጀመሩን ገልጿል።

በቀጣይ የመድኃኒት እጥረት እንዳያጋጥም ከወትሮ የበለጠ ትኩረት በመስጠት ማህበረሰቡን ማገልገል ተጨማሪ አገልግሎቶችንም ለማስጀመር እንደሚሰራ አቶ ታረቀኝ አሳውቀዋል።

ዘገባው:- የቶጫ ወረዳ የመንግሥት ኮሚዩኒኬሽን ጉዳዮች ጽ/ቤት ነው

01/11/2026

‎የትምህርት አመራሩ የትምህርትን ጥራት ማረጋገጥ የሚችለው በቁርጠኝነት እና በቅንጅት ሲሰራ ብቻ ነዉ አቶ ዉቤቴ ኡቴ የቶጫ ወረዳ ዋና አስተዳዳሪ !!!
‎
‎የቶጫ ወረዳ ትምህርት ጽ/ቤት ለርዕስ መምህራን፣ ለሱፐርቫይዘሮች፣ ለምሠረታዊ የመምህራን ማህበር እና ለትምህርት አመራሮች "ተጽዕኖ ፈጣሪ የትምህርት አመራር" በሚል ርዕስ ላይ ያተኮረ ስልጠና ሰጠ ።
‎
‎በስልጠና መድረኩ ላይ የስልጠና ሰነዱን ያቀረቡት የቶጫ ወረዳ ት/ጽ/ቤት መ/ሙ/ፍ/ዕ/አ/ ሥራ ሂደት አስተባባሪ አቶ ዘገዬ ዘነቤ ፦ በሰነዱም ላይ ሰፊ ማብራሪያዎችን የሰጡ ሰሆን የትምህር ዘርፍ በማዘመን በሀገር ደረጃ ተወዳዳሪ ትዉልድን ለማፍራት የትምህርት አመራሮችና ባለድርሻ አካላት ሚና ከፍተኛ መሆኑን አብራርተዋል ።
‎
‎በሌላ በኩል ለመድረኩ የወረዳው ት/ጽ/ቤት ኃላፊ አቶ አፍወርቅ ዮሐንስ የተቋሙን የ90 ቀናት ዕቅድ አፈጻጸም ያቀረቡት ስሆን የታዩ ጠንካራ ጎኖችን እንዲቀጥሉ እና ክፍተቶች በጊዜ የለንም መንፈስ መሻሻል እንዳለባቸውና ቀጣይ ዕቅዶች ተሻሽሎ መታቀድ እንዳለበት በማንሳት ሁሉም ባለድርሻ አካላት የተጣለባቸውን ኃላፊነት በቁርጠኝነት ሊወጡ እንደሚገባም አጽንኦት ሰጥተዋል።
‎
‎በመድረኩ የተገኙት የወረዳው ዋና አስተዳዳሪ አቶ ዉቤቴ ኡቴ እንደጠቆሙት ፦ የትምህርት አመራሩ የትምህርትን ጥራት ማረጋገጥ የሚችለው በቁርጠኝነት እና በቅንጅት ሲሰራ ብቻ መሆኑን ጠቅሰዋል፤ በስልጠናው የተገኙ እውቀቶች ወደ መሬት ወርደው በትምህርት ቤቶች አፈጻጸም ላይ ተጨባጭ ለውጥ ማምጣት እንዳለባቸው አሳስበዋል።
‎
‎አክለዉ አቶ ዉቤቴ ኡቴ በበጀት ዓመቱ የመጀመሪያ ሩብ ዓመት በተከናወኑ ሥራዎች የተመዘገቡ አበረታች ውጤቶችን አድንቀው፤ ይሁን እንጂ የትምህርት ጥራትን ለማረጋገጥ እና የተማሪዎችን ውጤት ለማሻሻል አሁንም ቢሆን የትኩረት አቅጣጫዎችን በማስተካከል በቁርጠኝነት መስራት እንደሚገባ አፅንኦት ሰጥተዋል።
‎
‎የወረዳዉ የመንግስት ዋና ተጠሪ አቶ አንድነት ቡንጉዶ በበኩላቸው ፦የትምህርት ጥራት ጉዳይ የሁሉንም አካል ርብርብ የሚጠይቅ መሆኑን አንስተው፣ የተሰጠው ስልጠና አመራሩ ያለውን አቅም አጠናክሮ ትውልድን በአግባቡ እንዲቀርጽ ትልቅ አቅም እንደሚፈጥር ገልጸዋል።
‎
‎የ90 ቀናት ግምገማው በትምህርት ጽሕፈት ቤቱና በባለድርሻ አካላት መካከል ያለውን ግንኙነት ይበልጥ በሚያጠናክር መልክና፣ በቀጣይ ቀናት የሚከናወኑ ሥራዎችን ውጤታማ ለማድረግ በሚያስችል መልክ መቅረቡን በማንሳት በጉድለት የታዩ ነጥቦች ላይ በሁለተኛዉ ሩብ ዓመት ተካክሶ ዉጤት ማምጣት እንደምገባ አቶ አንድነት አክለዋል።
‎
‎በመድረኩ ፦የቅድመ አንደኛ ደ/ትም/ቤት ማስፋፊያ ፣በተማሪ ዉጤት ማሻሻል ፣የተምህርት ቤቶች ደረጃ ማሻሻል ፣ተግባር ተኮር ጎልማሳ የትምህርት ዙርያ ፣መምህራን በት/ቤቶች ተረጋግቶ ከመስራት አንፃር፣ከመምህራን ጥቅማጥቅም፣የትምህርት ቤቶቾ ዉስጥ ገቢ ማሳደግ አኮያ ስፊ ሀሳብ ተነስቶ ዉይይት ተደርጉ መግባባት ተፈጥሮ መድረኩ በሰከት ተጠናቋል።
‎
‎ዘገባው ፦ የቶጫ ወረዳ የመንግስት ኮሙኒኬሽን ጉዳዮች ጽ/ቤት ነው።
‎
‎

31/10/2026

ለአካባቢው የልማት እንቅስቃሴና ለወጣቶች የሥራ እድል ፈጠራ የሚያስፈልጉ የሰለጠኑ የሰው ኃይሎችን በማፍራት ረገድ የተክንከና ሙያ ኮሌጆች የሚጫወተው ሚና ከፍተኛ መሆኑ ተገለጸ ።
‎
‎የቶጫ ኮንስትራክሽን ኢንዱስትሪያል ኮሌጅ የ2019 ዓ.ም የ1ኛ ሩብ ዓመት የሥራ አፈጻጸም ግምገማ መድረክ አካሄደ ።
‎
‎በግምገማ መድረኩ ላይ የሩብ ዓመቱን አጠቃላይ የሥራ አፈጻጸም ሪፖርት ያቀረቡት የኮሌጁ ዲን አቶ ገድዮን ኤርሚያስ እንደገለጹት፤ በሩብ ዓመቱ በኮለጁ የመማር ማስተማር ተግባሩ በማዘመን ብቁ ዜጋ ለማፍራት በትኩረት ተከናወኑ ተግባራትን ያብራሩት ስሆን በዘርፋ ላይ ያጋጠሙ ማነቆችን አቅርበዉ አስገምግመዋል።
‎
‎የመደበኛሰልጣኞች ቅበላ፣ የቴክኖሎጂ ሽግግር እና የተግባር ስልጠና ሥራዎች ላይ አበረታች ውጤቶች መመዝገቡን በማንሳት ኮለጁ ከመማር ማስተማር ተግባር በተጨማሪ በግብርናዉ ዘርፍ በእርሻና ስራ በበግ እርባታና በዶሮ እርባታ ስራዎች ላይ አበርታች ዉጤቶች መመዝገባቸዉን አቶ ገድዮን አክለዋል።
‎
‎አያይዘውም በሂደቱ ያጋጠሙ ሁኔታዎችን በመለየት በቀጣይ ሩብ ዓመታት በበለጠ ቁርጠኝነት ለመስራት ዝግጅት ማጠናቃቸዉን በማንሳት አዳድስ ሰልጣኞች ምዝገባ ክልሉ ባስቀመጠዉ በት/ት መረሃ-ግብር መሰረት እየቀጠለ እንዳለና አጫጭር ስልጠናዎችን ከመደበኛ ሰራ ሰዓት ዉጭ በመሰረታዊ የኮምፒዩተር አጠቃቀም ላይ ለመስጠት መዘጋጀታቸውን አብራርተዋል
‎
‎የውይይት መድረኩን የመሩት የቶጫ ወረዳ ዋና አስተዳዳሪ እና የኮለጁ ቦርድ ሰብሳቢ አቶ ውቤቴ ኡቴ እንደጠቆሙት ፦ኮሌጁ ለአካባቢው የልማት እንቅስቃሴና ለወጣቶች የሥራ እድል ፈጠራ የሚያስፈልጉ የሰለጠኑ የሰው ኃይሎችን በማፍራት ረገድ የሚጫወተው ሚና ከፍተኛ መሆኑን ጠቁመዋል ።
‎
‎አክለውም የተመዘገቡ አበረታች ስኬቶችን አጠናክሮ ለማስቀጠልና የታዩ ክፍተቶችን በአጭር ጊዜ ውስጥ ለማረም ወረዳ አስተዳደሩ አስፈላጊውን ድጋፍ እንደሚያደርግ አረጋግጠዋል።
‎
‎የወረዳው መንግሥት ዋና ተጠሪ አቶ እንድነት በንጉዶ በበኩላቸው፤ የኮሌጁ ጠንካራ አፈጻጸም ለወረዳው አጠቃላይ የልማት ግቦች ስኬት ትልቅ አስተዋጽኦ እንዳለው ገልጸዋል። የቴክኒክና ሙያ ሥልጠና ዘርፍ የዞኑንና የወረዳውን ኢኮኖሚ የሚያንቀሳቅስ በመሆኑ፣ አመራሩና የመንግሥት አካላት የኮሌጁን ዕቅዶች ከግብ ለማድረስ በቅንጅት መስራት እንዳለባቸው አስገንዝበዋል።
‎
‎በመጨረሻም የመድረኩ ተሳታፊዎች በሪፖርቱ እና በአመራሮቹ አቅጣጫዎች ላይ ሰፊ ውይይት ካደረጉ በኋላ፣ በቀጣይ ሩብ ዓመታት የታቀዱ ግቦችን በስኬት ለማጠናቀቅ የሚያስችሉ የጋራ መግባባቶች ላይ በመድረስ በኮለጁ ወስጥ የተከናወኑ ተግባራትን ዞረዉ ጉብኝት በማድረግ የዕለቱ ዉይይት መድረኩ ተጠናቋል ።
‎
‎ዘገባው ፦ የቶጫ ወረዳ የመንግስት ኮሙኒኬሽን ጉዳዮች ጽ/ቤት ነው።
‎
‎