Dretfp Atsinanana

12/11/2026

𝗙𝗔𝗡𝗔𝗠𝗔𝗙𝗜𝗦𝗔𝗡𝗔 𝗡𝗬 𝗙𝗔𝗛𝗔𝗜𝗭𝗔-𝗠𝗔𝗡𝗔𝗢 𝗘𝗢 𝗔𝗠𝗜𝗡’𝗡𝗬 𝗦𝗘𝗛𝗔𝗧𝗥𝗬 𝗡𝗬 𝗙𝗔𝗡𝗗𝗥𝗔𝗛𝗔𝗥𝗔𝗛𝗔𝗡𝗔 𝗧𝗘𝗧𝗢 𝗔𝗠𝗜𝗡’𝗡𝗬 𝗟𝗧𝗣 𝗧𝗢𝗔𝗠𝗔𝗦𝗜𝗡𝗔

Mpiofana miisa 10 no nisitraka fiofanana momba ny fandraharahana teto amin’ny LTP Toamasina, izay nanomboka ny 09 Novambra 2026 ary naharitra herinandro.

Ity hetsika ity dia nokarakarain’ny "Direction de l’Incubation Professionnelle" eo anivon’ny Minisitera foibe, tao anatin’ny fiaraha-miasa tamin’ny DRETFP Atsinanana.

Tanjona amin’izany ny hanamafisana ny fahaiza-manaon’ireo mpiofana miisa 10, mba hahafahan’izy ireo mampita izany fahalalana izany amin’ny alalan’ny fampiofanana sy fanohanana ireo tanora eto Toamasina. Tafiditra ao anatin’izany ny fampivelarana ny fahaiza-manao eo amin’ny sehatry ny fandraharahana, mba hahafahan’ireo tanora manorina ny hoaviny sy mandray anjara amin’ny fampandrosoana ny Faritra Atsinanana.

Tonga nanokatra tamin’ny fomba ofisialy izany, niaraka tamin’ny Talem-paritry ny Fampianarana Teknika sy ny Fanofanana Arak’Asa Atsinanana, Ramatoa RANDRIAMIFIDY Sahondra Arlette, Tale misahana ny « Incubation Professionnelle » avy amin’ny Minisitera foibe.

12/11/2026

🎯𝔽𝔸ℕ𝔸𝔻𝕀ℕ𝔸ℕ𝔸 𝔽𝔸𝕄𝔸ℝ𝔸ℕ𝔸ℕ𝔸 𝔽𝕀𝕆𝔽𝔸ℕ𝔸ℕ𝔸 𝕄𝕆𝕄𝔹𝔸 ℕ𝕐 𝕋𝔸𝕆𝕍𝕆𝕃𝕆

Notanterahina nanomboka ny 11 Novambra 2026 ary nifarana androany 12 Novambra 2026 tamin’ny alalan’ny fampiharana ny fanadianana famaranana fiofanana momban’ny taovolo na « coiffure » teto amin’ny faritra Atsinanana.

‎Mpiofana miisa 77 no nandray anjara tamin’izany ary nizarazara tamin’ny ivon-toeram-panofanana miisa 5 eto Toamasina :
‎✅𝗖𝗙𝗣 𝗠𝗜𝗞𝗢𝗟𝗢 𝗙𝗔𝗦𝗛𝗜𝗢𝗡
‎✅𝗖𝗙𝗣 𝗥𝗨𝗕𝗜𝗦
‎✅𝗖𝗙𝗣 𝗡𝗜
‎✅𝗦𝗨𝗕𝗟𝗜𝗠𝗘
✅‎𝗖𝗖𝗦 𝗙𝗜𝗟𝗟𝗘‎

‎Ny fitaleavam-paritra ny fampianarana teknika sy ny fanofanana arak’asa Atsinanana dia mirary fahombiazana an’ireo mpiadina rehetra.
‎
‎

12/11/2026

11/11/2026

🎯𝗟𝗧𝗣 𝗧𝗢𝗔𝗠𝗔𝗦𝗜𝗡𝗔 & 𝗔𝗠𝗕𝗔𝗧𝗢𝗩𝗬 : 𝗠𝗔𝗡𝗢𝗛𝗔𝗡𝗔 𝗡𝗬 𝗛𝗢𝗔𝗩𝗜𝗡'𝗜𝗥𝗘𝗢 𝗧𝗔𝗡𝗢𝗥𝗔

🤝Noho ny fiaraha-miasa eo amin’ny orinasa Ambatovy sy LTP Toamasina dia nisy ny fanomezana vatsim-pianarana maharitra 3 taona ho an'ireo mpianatra mendrika indrindra tao amin'ny Lycée Technique et professionnel Toamasina avy amin’ny orinasa Ambatovy.
‎
‎⚙️Izao hetsika izao dia natao hanohanana manokana ireo mpianatra nahazo ny naoty ambony indrindra tamin'ny BAC Technique 2026, nefa miatrika fahasahiranana ara-bola amin'ny fanohizana ny fianarany eny amin'ny anjerimanontolo.
‎
‎👉Hentitra ny fifantenana, satria nisy ny fidinana ifotony teny amin’ny tokantranon’ny tsirairay mba hamantarana ny tena zava-misy. Taorian'izany rehetra izany dia tanora miisa 8 no voafantina tamin’ny 26 Oktobra 2026 lasa teo avy amin’ny LTP Toamasina.
‎
💪‎Noho ity vatsim-pianarana avy amin'ny Ambatovy ity dia afaka hiditra amin'izay anjerimanontolo safidiny eto Madagasikara izy ireo mba hanorina ny hoaviny mandritra ny 3 taona ho avy.
‎
‎👍Marihina fa efa miisa 23 ireo mpianatra avy amin’ny LTP nisitraka vatsim-pianarana avy amin’ny orinasa Ambatovy nanomboka ny taona 2023.
‎
‎𝙉𝙮 𝘿𝙍𝙀𝙏𝙁𝙋 𝘼𝙩𝙨𝙞𝙣𝙖𝙣𝙖𝙣𝙖 𝙙𝙞𝙖 𝙢𝙞𝙧𝙖𝙧𝙮 𝙛𝙖𝙝𝙤𝙢𝙗𝙞𝙖𝙯𝙖𝙣𝙖 𝙛𝙚𝙣𝙤 𝙝𝙤 𝙖𝙯𝙮 𝙞𝙧𝙚𝙤 𝙖𝙢𝙞𝙣'𝙞𝙯𝙖𝙤 𝙙𝙞𝙣𝙜𝙖𝙣𝙖 𝙫𝙖𝙤𝙫𝙖𝙤 𝙖𝙢𝙞𝙣'𝙣𝙮 𝙛𝙞𝙖𝙣𝙖𝙧𝙖𝙣𝙮 𝙖𝙢𝙗𝙤𝙣𝙮 𝙞𝙯𝙖𝙤!
‎
‎ .
‎

03/11/2026

𝗙𝗜𝗔𝗥𝗔𝗛𝗔-𝗠𝗜𝗔𝗦𝗔 𝗘𝗢 𝗔𝗠𝗜𝗡’𝗡𝗬 𝗖𝗙𝗣 𝗙𝗢𝗨𝗟𝗣𝗢𝗜𝗡𝗧𝗘 𝗦𝗬 𝗡𝗬 𝗛Ô𝗧𝗘𝗟 𝗧𝗛𝗘 𝗦𝗔𝗡𝗖𝗧𝗨𝗔𝗥𝗬

Mba hanamafisana ny traikefa arak’asa ananan’ireo mpiofana eo amin’ny sehatry ny Hôtellerie et restauration ao amin’ny CFP Foulpointe, dia nisy ny fiaraha-miasa teo amin’ity ivon-toeram-panofanana ity sy ny Hôtel The Sanctuary, izay natomboka tamin’izao taom-piofanana 2026-2027 izao. Tafiditra ao anatin’izany ny fampiharana mivantana ny fahaiza-manao eny anivon’ny toeram-piasana.

Mpiofana miisa 11, avy amin’ny kilasy faharoa (02) sy fahatelo (03), no misitraka izany fampiharana izany, eo ambany fanaraha-mason’ireo tompon’andraikitra ao amin’ny Hôtel The Sanctuary. Manampy azy ireo hampifandray ny fahalalana azo nandritra ny fiofanana sy ny tontolon’ny asa izany, sady manomana azy ireo hiatrika ny filàn’ny sehatry ny fandraisam-bahiny sy ny fikarakarana sakafo.

Ity fiaraha-miasa ity dia mikendry ny hampifanaraka ny fiofanana atolotry ny CFP Foulpointe amin’ny filàn’ireo orinasa, mba hanamafisana ny fahaiza-manaon’ireo mpiofana sy hanamorana ny fidiran’izy ireo eo amin’ny tsenan’ny asa.

Mankasitraka sy maneho fisaorana feno ny Hôtel The Sanctuary ny CFP Foulpointe noho ny fandraisana ireo mpiofana sy ny fahatokisana apetrany amin’ity ivon-toeram-panofanana ity.

.

30/10/2026

𝗜𝗡𝗦𝗧𝗜𝗧𝗨𝗧 𝗗𝗘 𝗖𝗢𝗠𝗠𝗘𝗥𝗖𝗘 𝗘𝗧 𝗗𝗘 𝗚𝗘𝗦𝗧𝗜𝗢𝗡 𝗧𝗢𝗔𝗠𝗔𝗦𝗜𝗡𝗔 (𝗜𝗖G) : 𝗙𝗔𝗠𝗢𝗔𝗛𝗔𝗡𝗔 𝗡𝗬 𝗔𝗡𝗗𝗜𝗔𝗡𝗬 « 𝗥𝗔𝗜𝗧𝗥𝗔 »

Notanterahina androany, tao amin’ny Arena Toamasina, ny lanonana ofisialy namoahana ny andiany « RAITRA » avy ao amin’ny Institut de Commerce et de Gestion (IGC) Toamasina.

Nanotrona izany lanonana izany Andriamatoa ANDRIANANTOANDRO Joelson Richard, Talem-paritry ny Fampianarana Teknika sy ny Fanofanana Arak’Asa Atsinanana.

Mpiadina miisa 60, niofana manokana momba ny sehatry ny Transit sy Douane, no nahazo mari-pahaizana tamin’ity andiany ity, ka 50 nahazo ny mari-pahaizana Brevet de Technicien Supérieur (BTS – Bac+2) ; ary
10 nahazo ny mari-pahaizana Licence (Bac+3).

30/10/2026

𝗙𝗔𝗡𝗔𝗗𝗜𝗡𝗔𝗡𝗔 𝗙𝗔𝗠𝗔𝗥𝗔𝗡𝗔𝗡𝗔 𝗡𝗬 𝗙𝗜𝗢𝗙𝗔𝗡𝗔𝗡𝗔 « 𝗖𝗢𝗨𝗣𝗘 𝗘𝗧 𝗖𝗢𝗨𝗧𝗨𝗥𝗘 » – 𝗔𝗡𝗗𝗜𝗔𝗡𝗬 𝗙𝗔𝗛𝗔𝗥𝗢𝗔

Nanomboka tamin’ny fanadinana ara-teôrika, ny 28 Oktobra 2026, ny fanadinana famaranana ny fiofanana Coupe et Couture, andiany faharoa, tao amin’ny CFP Toamasina.

Mpiofana miisa 20, avy amin’ireo ivon-toeram-panofanana tsy miankina amin’ny fanjakana, dia ny CLTP ONJA S&N, ny CFP ECCOVA ary ny CFP Ts’Art Zaitra, no nandray anjara tamin’izany.

Nitohy tamin’ny fanadinana ara-pratika ny fanombanana, izay nahafahan’ireo mpiadina naneho ny fahaiza-manao sy ny traikefa azony nandritra ny fiofanana. Nifarana ny 29 Oktobra 2026 izany.

30/10/2026

𝗕𝗜𝗔𝗡𝗖𝗢 : 𝗥𝗘𝗦𝗘𝗔𝗨 𝗗’𝗔𝗚𝗘𝗡𝗧𝗦 𝗣𝗨𝗕𝗟𝗜𝗖𝗦 𝗜𝗡𝗧𝗘𝗚𝗥𝗘𝗦 (𝗥𝗔𝗣𝗜)

Tontosa androany 30 Oktobra 2026 teto amin’ny Hotel de finance Toamasina ny fivoriana niarahana tamin’ny BIANCO. Fivoriana izay niompana tamin’ny fanamafisana ny ady amin’ny kolikoly sy fampiroboroboana ny fitantanan-draharaham-panjakana madio, mangarahara ary mahomby.

Ity tetikasa ity dia tafiditra ao anatin’ny fampiharana ny paikadim-pirenena iadiana amin’ny kolikoly 2025–2030, ary tanjona amin’izany ny fametrahana tambazotran’ny mpiasam-bahoaka mitandro ny fahitsiana na « Réseau d’Agents Publics Intègres » (RAPI).

Anisany nanatrika izany niaraka tamin’ireo solontenam-panjakana isan-tsokajiny teto an-toerana ny solontena avy amin’ny fitaleavam-paritra ny Fampianarana Teknika sy Fanofanana arak’Asa Atsinanana.

.