Ministry of Digital Transformation

28/10/2026

m.Uslugi достапна за Andorid и Apple!

26/10/2026

Андоновски: Приватниот сектор ја има поддршката и можностите за дигитална трансформација

МДТ и Стопанската комора договорија заедничка работна група за дигитализација и унапредување на услугите за компаниите
Министерството за дигитална трансформација и Стопанската комора договорија формирање заедничка работна група која на оперативно ниво ќе работи на решавање на предизвиците со кои се соочуваат компаниите во делот на дигитализацијата.
Целта е унапредување на електронските услуги кои ги нудат институциите и зајакнување на поддршката за дигитална трансформација на бизнисите.

Договорот беше постигнат на денешната средба на министерот за дигитална трансформација, Стефан Андоновски, со претседателот на Стопанската комора, Бранко Азески и претставници на управниот одбор на Комората. На покана на претседателот на Комората, Андоновски пред претставниците на бизнис-заедницата ги претстави услугите достапни преку Националниот портал за електронски услуги – uslugi.gov.mk и ги слушна предизвиците со кои компаниите се соочуваат во секојдневното работење.

„Компаниите треба да се посветат на развој и инвестиции, а не да мораат да го трошат времето на чекање пред шалтери“, порача Андоновски.

Преку заедничката работна група, МДТ и Стопанската комора ќе работат на конкретни решенија што произлегуваат од потребите на компаниите, со фокус на подобрување на електронските услуги и олеснување на пристапот до нив.

Во рамките на денешните активности посветени на дигитализацијата на приватниот сектор, Андоновски се обрати и на настан на ИННОФЕИТ ЕДИХ. Тој ги истакна можностите компаниите да користат бесплатни обуки, менторство, анализи и тестирање пред инвестирање, како поддршка за посигурно вложување во нови технологии.

„Дигиталната трансформација ја градиме заедно со бизнис-заедницата, со конкретни услуги и решенија што го олеснуваат секојдневното работење“, истакна Андоновски.

25/10/2026

Преостануваат уште само 100 билети за промотивниот настан на мобилната апликација „м.Услуги“!

Бројот на места е ограничен. Побрзајте со пријавувањето и обезбедете го вашето присуство на официјалната промоција.

🔗 https://events.mdt.gov.mk/

📅 28 октомври 2026 година
🕛 12:00 часот
📍 Македонска филхармонија, Скопје

Ве очекуваме!

23/10/2026

Честит 23 Октомври – Ден на македонската револуционерна борба!

20/10/2026

18/10/2026

📱 Ве поканувам на промоцијата на m.Uslugi!

На 28 октомври го правиме следниот чекор кон држава поблиска до граѓаните — со електронските верзии на личната карта и возачката дозвола и пристап до првите услуги директно од мобилниот телефон.

За сите нас во Министерството ова е посебен момент и сакаме да го споделиме заедно. Дојдете да ја запознаете m.Uslugi и можностите што ги носи во нашето секојдневие.

🗓 Среда, 28 октомври 2026
⏰ 12:00 часот
📍 Македонска филхармонија

Билетот е бесплатен, но задолжително пријавете го вашето присуство на:
🔗 https://events.mdt.gov.mk/

Државата на дланка! 🇲🇰

15/10/2026

Министерството за дигитална трансформација и Комисијата за надзор на пазарот на капитал потпишаа Меморандум за соработка во областа на дигиталната трансформација, сајбер безбедноста и развојот на дигиталните капацитети.

Преку заеднички проекти, обуки и размена на експертиза, двете институции ќе работат на примена на современи дигитални решенија, поефикасно институционално работење и поголема заштита на податоците.

Соработката предвидува и развој на едукативни содржини за унапредување на финансиската и дигиталната писменост на граѓаните, како и користење на можностите што ги нудат европските програми и фондови.

Со ова партнерство, МДТ продолжува да ја зајакнува меѓуинституционалната соработка како основа за посигурно дигитално опкружување и модернизација на финансискиот сектор.

15/10/2026

По повод Меѓународниот ден на белиот стап, министерот за дигитална трансформација, Стефан Андоновски, учествуваше на дискусија во Собранието посветена на независното живеење и дигиталната пристапност на слепите лица и лицата со оштетен вид.

Во фокусот беше значењето на пристапните дигитални решенија, кои овозможуваат самостојно користење на информациите и електронските услуги, со зачувување на приватноста и поголема независност во секојдневието.

Законот за пристапност на веб-страниците и мобилните апликации, донесен на предлог на Министерството за дигитална трансформација и Владата, утврдува јасни обврски за институциите да ги направат своите дигитални содржини и услуги подеднакво достапни за сите.

МДТ продолжува соработката со здруженијата на лицата со попреченост, со цел нивните потреби да бидат соодветно вклучени во процесот на дигитализација и во создавањето услуги што секој граѓанин ќе може самостојно да ги користи.

15/10/2026

ПОВИК за учество во анкетно истражување во рамките на проектот ПАДРИОН

Почитувани,
Во рамки на ЕУ проектот ПАДРИОН, (Public Administrations facing Digital transformation as a community in the ADRION area), Центарот за развој на Скопскиот плански регион (ЦРСПР), спроведува анкетно истражување за дигиталниот пристап, дигиталните вештини и користењето на дигитални услуги на локално ниво.

Министерството за дигитална трансформација како учесник во проектот го поддржува и учествува во дистрибуцијата на прашалникот, којшто се наоѓа на следниот линк:

https://forms.gle/qsiJazKg7ZjXHkCy8

Целта на ова истражување е да се добие реална слика за:

• степенот на пристап до интернет и дигитални технологии;

• користењето на општински и државни е-услуги;

• потребите за дигитални вештини и обуки.

Посебен фокус во рамките на истражувањето е ставен на жените во процесите на дигиталната трансформација.

За таа цел, ги охрабруваме сите жени, особено оние кои живеат во руралните населени места, да се вклучат и да го споделат своето искуство и мислење.

Вашиот придонес е важен за креирање на идни локални активности, обуки и политики поврзани со дигиталната трансформација на локално и централно ниво.

Анкетата е целосно анонимна и за нејзино пополнување се потребни околу 5 минути.

Ви благодариме на соработката!

13/10/2026

🌐 Со склучувањето на Меморандумот за соработка меѓу Министерството за дигитална трансформација и Oracle, Македонија станува дел од светска иницијатива за бесплатни дигитални обуки и меѓународно признати сертификати!

Денес, Министерството за дигитална трансформација, во соработка со компанијата Oracle, одржа промотивен настан посветен на можностите за бесплатно стекнување дигитални знаења, професионални вештини и Oracle сертификати преку платформата Oracle MyLearn.

На настанот се обратија државната секретарка во Министерството за дигитална трансформација, Гордана Клинчарова, како и претставниците на Oracle, Бојан Садиковиќ и Љиљана Кркиќ, кои ги претставија придобивките од оваа иницијатива и нејзиното значење за развојот на дигиталните компетенции.

Во рамки на настанот беше реализирана и демонстрација во живо на платформата Oracle MyLearn, преку која присутните имаа можност да се запознаат со процесот на регистрација, достапните обуки и начинот на стекнување сертификати.

✅ Преку специјализираниот портал, граѓаните добиваат можност за:

* Бесплатни обуки од областа на вештачката интелигенција, Cloud технологиите, програмирањето, податоците и современите деловни процеси.
* Стекнување меѓународно признати Oracle сертификати и дигитални беџови, без надомест во рамки на достапните програми.
* Самостојно и флексибилно учење, достапно 24/7.

Иницијативата е дел од реализацијата на Националната ИКТ стратегија SMART/MK 2030, со цел зајакнување на дигиталните капацитети и создавање нови можности за личен и професионален развој.

🎯 Нашата цел е во наредните три години преку програмата да се вклучат 10.000 нови корисници, придонесувајќи кон поконкурентна работна сила и посилна дигитална економија.

📲 Искористете ја можноста и започнете со учење уште денес!

Скенирајте го QR-кодот на објавата или пристапете директно преку линкот:

🔗 https://mylearn.oracle.com/ou/landing-page/mdt-smartmk