Partit Nazzjonalista

Fl-elezzjoni ġenerali ta' nhar is-Sibt li għadda, imsejħa sena qabel żmienha u wara biss ftit xhur ta' Alex Borg bħala Kap tal-Partit Nazzjonalista, il-PN tejjeb il-pożizzjoni tiegħu u naqqas id-distakk għal 21,721 vot jew 7.1% fuq l-aħħar elezzjoni ġenerali.

Ir-riżultat uffiċjali tal-elezzjoni ġenerali 2026 juri li l-Partit Laburista qed imexxi l-gvern b'maġġoranza ta' ftit aktar minn 10,000 vot fuq il-partiti l-oħra.

𝐏𝐍 𝟏𝟑𝟔,𝟕𝟐𝟑 𝐯𝐨𝐭 (𝟒𝟒.𝟕%)
𝐏𝐋 𝟏𝟓𝟖,𝟒𝟒𝟒 𝐯𝐨𝐭 (𝟓𝟏.𝟖%)
𝐀𝐃𝐏𝐃 𝟑,𝟗𝟗𝟔 𝐯𝐨𝐭 (𝟏.𝟑%)
𝐌𝐨𝐦𝐞𝐧𝐭𝐮𝐦 𝟒,𝟕𝟎𝟎 𝐯𝐨𝐭 (𝟏.𝟓%)
𝐀ħ𝐰𝐚 𝐌𝐚𝐥𝐭𝐢𝐧 𝟏,𝟖𝟒𝟓 𝐯𝐨𝐭 (𝟎.𝟔%)
𝐈𝐦𝐩𝐞𝐫𝐢𝐮𝐦 𝐄𝐮𝐫𝐨𝐩𝐚 𝟏𝟔𝟕 𝐯𝐨𝐭 (𝟎.𝟏%)
𝐈𝐧𝐝𝐢𝐩𝐞𝐧𝐝𝐞𝐧𝐭𝐢 𝟏𝟔𝟏 𝐯𝐨𝐭 (𝟎.𝟏%)

Ir-riżultat tas-Sibt juri li l-PN żied l-appoġġ fid-distretti kollha, waqt li l-Labour naqqas f'kull distrett. B'diversi swings favur il-Partit Nazzjonalista - l-akbar waħda f'Għawdex - ir-riżultat juri ċaqliq favur il-Partit Nazzjonalista u tnaqqis għall-Partit Laburista kullimkien.

B'kollox il-PN żied il-voti bi 13,490 (2.9%) waqt li l-Labour naqqas b'4,263 (3.3%) li jfisser swing ta' aktar minn 17,700 vot (6.2%) favur il-Partit Nazzjonalista.

Distrett 1 PN ⬆️+4.4%, PL 🔻-4.8%
Distrett 2 PN ⬆️+3.4%, PL 🔻-4.0%
Distrett 3 PN ⬆️+2.9%, PL 🔻-3.5%
Distrett 4 PN ⬆️+3.0%, PL 🔻-3.2%
Distrett 5 PN ⬆️+3.7%, PL 🔻-4.3%
Distrett 6 PN ⬆️+3.0%, PL 🔻-4.0%
Distrett 7 PN ⬆️+2.1%, PL 🔻-2.3%
Distrett 8 PN ⬆️+1.7%, PL 🔻-2.3%
Distrett 9 PN ⬆️+0.1%, PL 🔻-1.1%
Distrett 10 PN ⬆️+2.2%, PL 🔻-2.7%
Distrett 11 PN ⬆️+2.1%, PL 🔻-1.8%
Distrett 12 PN ⬆️+3.1%, PL 🔻-3.9%
Distrett 13 PN ⬆️+5.4%, PL 🔻-4.7%

Il-Kap tal-Partit Nazzjonalista Alex Borg huwa l-kandidat li ġab l-akbar ammont ta' voti minn fost il-kandidati kollha li kkontestaw l-elezzjoni ġenerali tal-bieraħ.

Alex Borg ġab total ta' 2️⃣1️⃣,8️⃣2️⃣5️⃣ vot:

Distrett 12 👉 9,614
Distrett 13 👉 12,211

Il-Partit Nazzjonalista se jkompli jaħdem fl-interess nazzjonali kif ukoll biex jissaħħaħ bħala gvern alternattiv.

Il-Kap tal-PN Alex Borg żar iċ-Ċentru tal-Għadd tal-Voti fin-Naxxar ftit sigħat wara li tħabbar ir-riżultat elettorali.

Alex Borg qal li f’din l-elezzjoni deher biċ-ċar li l-poplu Malti u Għawdxi għandu tama hekk kif il-PN żied il-voti fid-distretti kollha. Huwa spjega li tidher evidenti li qed jiżdiedu n-nies li jixtiequ l-bidla f’pajjiżna.

Fl-elezzjoni ġenerali li qed issir illum sas-2pm kienu vvutaw 43.6% ta' dawk bid-dritt tal-vot. Dan ifisser żieda ta' 3.1 punti perċentwali fuq l-aħħar elezzjoni ġenerali tal-2022.

Wara li l-Kap tal-PN Alex Borg ivvota kmieni filgħodu f'Għawdex, fost dawk li marru jixħtu l-vot tagħhom aktar t**d kien hemm is-sieħba tal-Kap tal-Partit Nazzjonalista Sarah Bajada, il-Viċi Kap tal-PN Alex Perici Calascione u s-Segretarju Ġenerali tal-PN Charles Bonello. Sarah u l-Viċi Kap tal-PN ivvutaw f'Ħal Lija waqt li s-Segretarju Ġenerali tal-PN ivvota fil-Fgura.

F'Tas-Sliema, ftit wara 12pm, marret tivvota wkoll il-President tal-Parlament Ewropew u MEP tal-PN Roberta Metsola.

Il-Kap tal-Oppożizzjoni u tal-Partit Nazzjonalista Alex Borg dalgħodu tefa’ l-vot tiegħu fl-elezzjoni ġenerali li qed issir illum.

Alex Borg mar jivvota fid-9am fil-lokalità tal-Munxar, Għawdex. Huwa vvota fil-post tal-votazzjoni li jinsab fis-Sala Parrokkjali, fi Triq il-Madonna tal-Karmnu, il-Munxar. Hu ntlaqa’ fil-post minn numru ta’ persuni li nġabru biex jagħtuh merħba, kif ukoll mill-President tal-Parlament Ewropew u MEP tal-PN Roberta Metsola.

Il-Kap tal-PN kien akkumpanjat fil-post tal-votazzjoni mill-Kummissjonarju Elettorali Salvu Sant.

F’kumment qasir li ta lill-ġurnalisti wara li vvota, huwa appella lil kulħadd biex jeżerċita d-dritt tiegħu u joħroġ jivvota biex nagħtu nifs ġdid lil pajjiżna.

Il-votazzjoni fl-elezzjoni ġenerali li se ssir għada tkun miftuħa mis-7am sal-10pm bla waqfien. Ara li tmur tivvota fil-post tal-votazzjoni indikat fuq id-dokument tal-vot tiegħek.

Infakkru li min se jsiefer għada stess, ikun jista’ jaqbeż il-kju jekk juri prova dokumentata tas-safar fil-post tal-votazzjoni.

L-użu ta’ mobile phones, cameras, jew apparat tal-fotografija huwa projbit fil-postijiet tal-votazzjoni.

B'kollox għall-elezzjoni ta' għada hemm 341,351 persuna li ġabru d-dokument tal-vot tagħhom u għalhekk huma eliġibbli biex jivvutaw. Sa xħin għalaq it-tqassim tad-dokumenti tal-vot mill-Kummissjoni Elettorali f'nofsillejl li għadda baqgħu ma nġabrux 15,312-il dokument tal-vot, jew 4.3% ta' dawk bid-dritt tal-vot skont l-aħħar reġistru elettorali.

Minn dawn 22,335 diġà vvutaw fit-tlett ijiem li matulhom saret il-votazzjoni bikrija għal dawk li applikaw biex jivvutaw kmieni, fil-Faċilità Korrettiv ta' Kordin, fid-djar tal-anzjani u fl-isptarijiet. Dan in-numru jinkludi wkoll l-istaff elettorali u l-pulizija li se jkunu xogħol għada b'rabta mal-proċess elettorali.

Il-vot dritt tiegħek. Titilfux.

Qumu għal pajjiżkom.
Qumu għal uliedkom.
Qumu għall-Malta li temmnu fiha.
Intom il-bidla.
Intom il-kuraġġ.
Intom il-futur ta' Malta.