12/11/2026
*Wallafawan Manuniya TV | Muryan Atiku | Hausa Version*
Rikicin cikin gida a Jam'iyyar APC a Jihar Bauchi ya ƙara barkewa, inda magoya baya da yaran manyan jagororin jam'iyyar s**a bayyana rashin goyon bayansu ga tsohon Gwamnan Jihar Bauchi kuma ɗan takarar Gwamna na APC, Mohammed Abdullahi Abubakar.
Rahotanni daga cikin jam'iyyar sun nuna cewa yaran Ministan Lafiya, Farfesa Ali Pate, da yaran Malam Nura Manu Soro, da yaran Dr. Bala Maijama'a Wunti, da kuma yaran tsohon Shugaban Majalisar Wakilai ta Ƙasa, Barr. Yakubu Dogara, duk sun nuna matsayi guda: *Ba su amince da jagorancin M.A. Abubakar ba.*
*1. ZARGIN RASHIN CANCANTA DA GIRMAN KAI*
Magoya bayan waɗannan shugabanni na cewa, a ra'ayinsu, tafiyar M.A. Abubakar tana da matsala ta girman kai da rashin mutunta kowa. A cewarsu, shugaba nagari shi ne wanda yake sauraron kowa, yake haɗa kan jama'a, yake girmama ƙarami da babba.
Suna cewa, idan har a cikin jam'iyya ɗaya mutum ba ya iya haɗa kan 'yan jam'iyya, ta yaya zai iya haɗa kan al'ummar Jihar Bauchi gaba ɗaya?
*2. TARIHIN BAYA YA ISA DARASI*
Masu s**ar sa na cewa, abin da ya faru a baya bai manta ba. A cewarsu, lokacin da M.A. Abubakar yake kan mulki, an samu rabuwar kai da yawa a cikin jam'iyya da kuma gwamnati, wanda hakan ya kai ga APC ta rasa Jihar Bauchi.
Saboda haka, a ra'ayinsu, idan har ya dawo kan mulki, abin da ya faru a baya zai iya ninkawa a nan gaba. Suna cewa: _"Wanda bai gyara baya ba, ba zai iya gyara gaba ba."_
*3. APC BAUCHI TA RABA GARI*
Yanzu dai, APC Bauchi ta zama gida biyu. Bangare ɗaya na goyon bayan M.A. Abubakar, ɗayan bangaren kuma na goyon bayan manyan jagorori da magoya bayansu.
Masu sharhi na siyasa na cewa, wannan rabuwar ba karamar matsala bace. Idan jam'iyya ta shiga zaɓe tana rabe, to nasara tana da wahala. Domin zaɓe ana cin shi da haɗin kai, ba da rabuwa ba.
*4. SAKO ZUWA GA AL'UMMAR BAUCHI*
Magoya bayan adawa na cewa, al'ummar Bauchi na bukatar shugaba mai tausayi, mai sauraro, mai haɗa kan kowa - ba shugaba mai nuna fifiko da girman kai ba.
Suna cewa, Jihar Bauchi tana da manyan hazikai kamar Farfesa Ali Pate, Nura Manu Soro, Bala Wunti da Yakubu Dogara - mutanen da a ra'ayinsu sun nuna kishin jihar da haɗin kai. Don haka, a cewarsu, dole ne APC ta zaɓi wanda zai iya haɗa su duka, ba wanda zai raba su ba.
*KARSHE:*
Rikicin nan ya nuna cewa a APC Bauchi, an gaji da tsohuwar hanya. Al'umma na son sabon salo, sabon jagoranci, da sabon shugaba wanda zai mutunta kowa, ya saurare kowa, ya ɗauki kowa a matsayin ɗan uwa.
*Tabbas, kamar yadda magoya baya s**a bayyana: Idan ba a gyara ba, kuma ba a haɗa kai ba, to 2027 zai fi kowane lokaci wahala ga APC a Bauchi.*
* *