28/10/2026
🚒 NY BRANNBIL 🚒
Endeleg er den nye brannbilen vår på plass! 🤩
Dette blir hovudverktøyet i beredskapen vår og skal nyttast til alle dei lovpålagde oppgåvene brann- og redningstenesta har – frå brannar og trafikkulykker til redningsoppdrag og andre akutte hendingar.
At bilen kjem på plass i Totalberedskapsåret 2026, og akkurat til Eigenberedskapsveka, er både symbolsk og svært aktuelt.
Brann- og redningstenesta er ein viktig del av totalberedskapen i samfunnet. Me skal kunne levere tenestene våre også under større kriser og i krig. Det stiller store krav til både kompetanse, utstyr og evna til å oppretthalde ein robust beredskap – også under krevjande forhold.
Den nye bilen er eit viktig løft for den operative beredskapen, men også for helse, miljø og tryggleik (HMS) for mannskapa våre. Moderne løysingar og betre tilrettelegging skal bidra til tryggare og meir effektive arbeidsforhold for dei som rykkjer ut når andre treng hjelp.
Dette er ei svært viktig investering frå Fitjar kommune, som kjem alle innbyggjarar og andre som oppheld seg i kommunen, til gode.
God beredskap handlar ikkje berre om å handtere det som skjer i kvardagen, men også om å vere førebudd på det me håpar aldri skal skje.
Meir informasjon om den nye bilen kjem etter kvart, men allereie i morgon kan du sjå han på nært hald under beredskapsdagen i Fitjar sentrum mellom kl. 16.00 og 18.00! 🚒
📸 Foto: Egenes Brannteknikk
