12/10/2026
Visste du at Lydvandring Volda byrjar rett utanfor biblioteket vårt? Lydvandringa vil vere tilgjengeleg ut 2026 og er ei lydguida kulturoppleving i Volda sentrum, der ein brukar sin eigen mobiltelefon og øyreproppar/hovudtelefonar.
På www.lydvandring.no kjøper ein billett til ei avspeling der ein blir guida rundt med lyd på øyret. Med både lokale forteljarar, dramatisering, lyddesign og musikk. Ein blir tatt med på ei reise i tid, men også ei reise i seg sjølv.
Turen varer ein time og 20 minutt på 3,5 kilometer. Frå rådhuset, rundt om i sentrum, opp Elvadalen og avsluttast ved Høgskulen. Ein kan gå når ein sjølv vil, året rundt.
Noko av tematikken elles er Ivar Aasen og nynorsk, vikingtid og båtbygging, fyrbyggjarane, kyrkjebrannen, den gjerrige sunnmøringen og meir! Med er både lokale forteljarar, dramaelevar, Are Kalvø, «Kjell Kjellen Bigset», Ingvild Bryn og andre.
