Jeff "Rebel" De Vera

30/10/2026

Maraming salamat sa AGAP Guardian sa imbitasyong maging hurado sa inyong Trick or Treat Event! 🎃👻

Congratulations sa lahat ng mga nanalo at sa kanilang mga magulang na nagpakita ng kahanga-hangang pagkamalikhain at pagsisikap sa paghahanda ng mga kasuotan ng kanilang mga anak. Tunay na mas naging masaya at makulay ang okasyon dahil sa inyong pakikilahok!

Salamat sa pagkakataong maging bahagi ng masayang pagdiriwang na ito. 🧡

27/10/2026

Isang uri ng ibon ang natagpuan at naipagkatiwala sa pangangalaga ng Department of Environment and Natural Resources (DENR) sa pamamagitan ni Sitio Coordinator Arnil Navarte ng Sitio San Joseph.

Patuloy nating pangalagaan ang ating mga likas na yaman at mga hayop na bahagi ng ating kapaligiran. 🌿🦅

26/10/2026

Isinagawa ang Oath-Taking Ceremony ng mga bagong halal na opisyal sa Old Boso-Boso Elementary School

Binabati ko ang mga bagong halal na opisyal! Nawa’y maging gabay ang inyong panunumpa sa tapat at responsableng paglilingkod.

25/10/2026

KABISIG CARES 🦅💙

Patuloy ang pagbibigay ng malasakit at serbisyo ng Antipolo Eagles Kabisig, sa pangunguna ni Kuya Pres. Rojo, sa pamamagitan ng Kabisig Cares Feeding Program Caravan in partnership with 404th Maneuver Company sa Sitio Calumpang, katuwang si Sitio Coordinator Jess Malazarte.

Ang simpleng programang ito ay nagpapakita ng diwa ng pagkakaisa, pagtutulungan, at malasakit sa ating mga kababayan. Maraming salamat sa lahat ng mga naki-isa at naglaan ng oras upang maihatid ang tulong at saya sa ating komunidad.

03/10/2026

Maraming maraming salamat po 💙

Maligayang Kaarawan, Jeffrey De Vera 🥳

Mula sa buong Barangay San Jose, hangad namin sa’yo ang mabuting kalusugan, masayang buhay, at patuloy na tagumpay. Maraming salamat sa iyong serbisyo at dedikasyon sa ating barangay.

Enjoy your special day! Happy Birthday! 😁

02/10/2026

Sa pagdiriwang ng World Teachers’ Day sa Tanza Elementary School, taos-puso po kaming nagpapasalamat sa lahat ng mga g**o para sa kanilang walang sawang dedikasyon, sipag, at pagmamahal sa pagtuturo. Ang inyong passion at sakripisyo ang tunay na humuhubog sa kinabukasan ng bawat mag-aaral.

Binabati rin namin ang mga estudyante para sa kanilang ipinakitang husay at performance sa pagdiriwang na ito.

Maraming salamat din sa pamunuan ng paaralan para sa inyong regalo!

Isang malaking pagpupugay sa lahat ng mga g**o sa ating barangay —para sa inyo ang araw na ito! 🎉📚

18/09/2026

Tayo ay dumalo sa General Assembly at Card Distribution ng Rizza National High School.

Isang mahalagang pagkakataon ito upang maibahagi ang mga updates ng paaralan at maipakita ang progreso ng ating mga mag-aaral.

Binabati ko ang lahat ng estudyante sa kanilang pagsisikap at patuloy na pag-unlad—ipagpatuloy ang sipag at determinasyon sa pag-aaral 💙✨

18/09/2026

Isinagawa ng Office of the City Agriculturist ng Pamahalaang Lungsod ng Antipolo ang isang Information Awareness Caravan para sa mga Magsasaka hinggil sa Registration of Agricultural and Fisheries Machinery and Equipment System.

Layunin ng aktibidad na ito na mabigyan ng sapat na kaalaman ang ating mga magsasaka at may-ari ng makinarya ukol sa tamang proseso, requirements, at benepisyo ng pagpaparehistro ng kanilang kagamitan.

Isang mahalagang hakbang ito upang mapalakas ang sektor ng agrikultura at masig**o ang maayos at organisadong paggamit ng mga makinarya sa ating komunidad 💙🧑‍🌾

14/09/2026

Good morning 'ho sa lahat! 😁

May mga allotted days po ako na talagang pumupunta dito sa ating Barangay San Jose Annex, Lower sa Sitio Pulang Panyo, para personal ko ring makausap at ma-address ang mga concerns at pangangailangan ng ating mga ka-barangay.

Malaki po ang ating barangay pagdating sa lawak ng ating nasasakupan. Mula sa isang area papunta sa isa pa, umaabot po ng isa hanggang isang oras at kalahati ang biyahe. Kaya alam ko po na hindi rin madali para sa ating mga taga-Lower na bumiyahe pa hanggang Main Barangay Hall para lamang magtanong, mag-follow up, o humingi ng assistance.

Kaya patuloy po tayong naghahanap ng mga paraan para mas mailapit ang serbisyo sa ating mga ka-barangay, lalo na sa mga nasa pinakamalayong bahagi ng ating barangay.

Para po sa ating mga taga-Lower na may concerns, inquiries, o kailangan asikasuhin sa barangay, maaari na po kayong pumunta dito sa ating Barangay Annex (Sitio Pulang Panyo) para hindi na kailangan pang dumayo sa Main Barangay Hall.

Hindi man po laging posible na nasa lahat ng lugar ako, sisiguraduhin ko pong may paraan para maramdaman ninyo na nandito ang barangay para sa inyo.

Maraming salamat po sa inyong patuloy na tiwala at pakikiisa. Mag-iingat po tayong lahat.

09/09/2026

Isang pasasalamat sa paanyayang makadalo sa School Governance Council (SGC) Election ng Rizza National High School. Maraming salamat sa paanyaya School Head Dr. Josephine Sibal and SGC Focal Person Sarah Tumanda

Isang mahalagang hakbang ito sa pagpapatibay ng partisipasyon at pagkakaisa ng mga student leaders at ng paaralan para sa mas maayos na pamamahala at kapakanan ng mga mag-aaral.

Binabati ang mga nahalal na kinatawan—nawa’y magsilbi kayong katuwang sa patuloy na pag-unlad ng inyong paaralan.