09/11/2026
📢 LIBRENG OPERASYON SA J.R. BORJA GENERAL HOSPITAL!
Maayong balita, mga Kagay-anon! 💚
Ang J.R. Borja General Hospital, kauban ang Saarland e.V. Surgical Mission Team, magpahigayon og LIBRENG OPERASYON karong February 22, 2027 hangtod March 12, 2027.
Pinaagi sa pagtinabangay sa mga volunteer surgeons, anesthesiologists, nurses, ug uban pang healthcare professionals gikan sa Germany ug Pilipinas, tumong niini nga makatabang sa mga pasyenteng nanginahanglan og operasyon, ilabi na kadtong adunay kalisod sa pagpaopera tungod sa gasto.
🩺 UNSANG MGA SAKIT ANG POSIBLENG MAOPERAHAN?
✅ Goiter – Pagdako sa thyroid o bukol sa liog
✅ Hernia – Luslos sa singit, pusod, o tiyan
✅ Hydrocele – Pagtapok sa tubig nga hinungdan sa paghubag sa bayag
✅ Lipoma – Bukol nga tambok ilalom sa panit
✅ Sebaceous Cyst / Atheroma – Bukol o cyst sa panit
✅ Skin Tags – Mga sobrang unod o dili delikadong bukol sa panit
✅ Mga sakit sa tiyan – Nga posibleng kinahanglan og operasyon
✅ Uban pang sakit – Nga mahimong operahan human sa pagsusi sa doktor
📋 UNSAON PAGPAREHISTRO?
STEP 1: Adto sa OPD-Surgery sa J.R. Borja General Hospital aron magpakonsulta sa surgeon ug masusi kung kwalipikado ka sa libreng operasyon.
STEP 2: Kung mahimong operahan, kinahanglan moagi og pre-operation medical evaluation aron masiguro nga luwas ka alang sa operasyon. Kung makapasar sa medical evaluation, hatagan ka og schedule sa imong operasyon.
📣 SCREENING CUT-OFF: JANUARY 15, 2027
Hinumdumi: Ang tanan nga gustong magpaopera kinahanglan una nga masusi sa doktor. Ang pagparehistro dili awtomatikong nagpasabot nga maoperahan dayon.
Ayaw palabya kini nga oportunidad! Kung ikaw o adunay imong kaila nga nanginahanglan og operasyon, duol na sa atong OPD-Surgery alang sa konsultasyon.
I-share kini nga impormasyon aron mas daghan pa kitang matabangan! 💚
