Pahayagang Kampilan

📣✨ ENROLLMENT NA! SY 2026–2027 NA!✨📣

Handa ka na bang simulan ang panibagong taon ng pagkatuto, pag-unlad, at tagumpay? 🎓💡

Inaanyayahan namin ang lahat ng mag-aaral at magulang na makiisa sa Enrollment para sa School Year 2026–2027! Ito na ang pagkakataon para muling magbalik-eskwela, matuto ng bagong kaalaman, at abutin ang inyong mga pangarap. 🌟

📌 Bakit sa MBASHS-Unit I ka dapat mag-enroll?
✔️ De-kalidad na edukasyon
✔️ Ligtas at suportadong kapaligiran
✔️ Mga g**ong handang gumabay sa iyong paglalakbay
✔️ Mga programang huhubog sa iyong kakayahan at pagpapahalaga

Tignan ang larawan para sa mga schedules at requirements.
Oras ng enrollment: 9:00 ng umaga hanggang 2:00 ng hapon

🎉 Huwag palampasin ang pagkakataong maging bahagi ng isang komunidad na nagtataguyod ng kahusayan at malasakit!

𝐁𝐀𝐋𝐈𝐓𝐀𝐍𝐆 𝐈𝐒𝐏𝐎𝐑𝐓𝐒 | MBASHS Unit I Jaguars, nagpakita ng tapang at disiplina sa Division Meet ng Football Secondary Boys

Pasig City — Ipinamalas ng MBASHS Unit I Jaguars ang tibay ng loob, organisadong laro, at determinasyon sa ginanap na Secondary Boys Football sa Football Field ng Rizal High School, kung saan naging isa sila sa pinakamatatag na koponan sa torneo sa kabila ng matitinding laban laban sa iba’t ibang paaralan sa dibisyon.

Sa kanilang unang mga laban, agad nagpakita ng bangis ang Jaguars matapos iselyo ang 2–0 panalo kontra Bagong Barrio at sundan ito ng dominanteng 3–0 panalo laban sa SPCC. Pinatunayan ng mga panalong ito ang husay ng koponan sa opensa at ang disiplina nila sa depensa.

Ang First Eleven ng MBASHS Unit I Jaguars ay binubuo nina Ace Villanueva, Lee Carlo Umali (Team Captain), Wise Vien Tayao, Justine Kurt Balisi, Nathan Balisi, Jesh Carl Bognot, Ace Gabriel Paras, Michael Borromeo, Mark Bien Angelo Quiapo, Ian Verano, at Roy Jones De Guzman. Sa pamumuno ni Umali, nanatiling organisado at kalmado ang koponan sa bawat laban, anuman ang sitwasyon sa loob ng field.

Sa kanilang paghaharap laban sa Caloocan High School (CHS), naging dikdikan ang laban at nagtapos sa 1–0 panalo pabor sa CHS. Bagama’t nasungkit ng CHS ang puntos, kapansin-pansin pa rin ang matatag na depensa at hindi pagsuko ng Jaguars hanggang sa huling minuto ng laro.

Sa kabuuan ng torneo, ipinakita ng MBASHS Unit I Jaguars FC na ang tunay na lakas ng isang koponan ay nasusukat hindi lamang sa panalo, kundi sa kung paano nila hinaharap ang bawat hamon. Sa disiplina at malinaw na sistema ng laro, pinatunayan ng Jaguars na isa silang koponang dapat kilalanin at igalang sa loob ng football field.

✍️ Isinulat ni : Rhian Joy Rosaceña
📸 Kuhang larawan nina : Princess Kyla Pericano | Ma. Fiona Magbata
🖥️ Lay-out ng Larawan: Angelique Fhilo Bartolome

𝐁𝐀𝐋𝐈𝐓𝐀𝐍𝐆 𝐈𝐒𝐏𝐎𝐑𝐓𝐒 | Jaguars FC, hindi nagpatalo at muling sinungkit ang kampeonato sa Division Meet Futsal Secondary Girls

Caloocan City — Jaguars FC ng MBASHS Unit I, hindi nagpaawat at muling inuwi ang kampeonato sa ginanap na Division Meet ng Futsal Secondary Girls noong Disyembre 1–2 sa Caloocan High School matapos tangayin ang kanilang mga katunggali sa sunod-sunod na opensa at matibay na depensa.

Sa pangunguna ng kanilang MVP na si Seljane Lara Baltazar, pinaulan ng Jaguars FC ang kanilang mga kalaban ng goals. Sa bawat dominasyon ng bola, ramdam ang bilis, tiyaga, at determinasyon ng koponan. Bukod sa husay ni Baltazar sa opensa, naging sandigan din ng panalo ang matino at organisadong teamwork ng buong koponan—patunay sa kanilang disiplina at matinding paghahanda.

Hindi rin matatawaran ang galing ng kanilang goalkeeper na si Ma. Fiona Magbata, na ginawaran bilang “Best Goalkeeper” matapos magpakita ng matibay at halos hindi mapasukang depensa sa buong torneo. Sa ilalim ng matatag na pamumuno ng Team Captain na si Jewelbeam Mariño, nanatiling kontrolado at buo ang laro ng Jaguars FC mula umpisa hanggang dulo.

Sa unang araw ng kompetisyon, nagtala ang Jaguars FC ng 9–1 panalo laban sa Tandang Sora, habang winalis naman ng MLQ ang kaparehong paaralan sa iskor na 10–0. Nanaig din ang Caloocan High School kontra Bagumbong, 11–1, na lalo pang nagpaigting sa kompetisyon. Ngunit sa ikalawang araw, tuluyan nang ipinakita ng Jaguars FC ang kanilang pananaig matapos magtala ng sunod-sunod na goals laban sa Caloocan High School at Bagumbong.

Sa kabuuan, nagtapos ang MBASHS Unit I na may 23 goals scored at 2 goals conceded — pinakamataas sa lahat ng koponan, na sinundan ng MLQ (+17) at CHS (+8) sa goal difference.

Binubuo ang First Five ng Jaguars FC nina:
Jewelbeam Mariño, Seljane Lara Baltazar, Ma. Fiona Magbata, Ashley Althea Vargas, at Princess Nhiecole Mangali.

Sa pamamagitan ng kanilang pagkapanalo, muling pinatunayan ng Jaguars FC na sa kombinasyon ng indibidwal na husay, solidong teamwork, at walang humpay na determinasyon, walang imposible sa loob ng court.

✍️ Isinulat ni : Rhian Joy Rosaceña
📸 Kuhang larawan nina : Rhian Joy Rosaceña | Princess Kyla Pericano
📌 Ibang larawan mula sa : Jaguars FC (FB/Page)
🖥️ Lay-out ng Larawan: Angelique Fhilo Bartolome

𝐁𝐀𝐋𝐈𝐓𝐀 | MBASHS-1, Inilunsad ang Opisyal na Website ng paaralan

Matagumpay na isinagawa ang “Launching of School’s Website” noong Disyembre 11, 2025 sa ALS Conference Hall. Layunin ng programa na ipakilala ang opisyal na website bilang bagong plataporma para sa impormasyon, anunsiyo, at iba pang mahahalagang detalye tungkol sa paaralan.

Nagsimula ang programa sa panalangin na pinangunahan ni Gng. Imelda F. Torres, na sinundan ng pagsusuri ng attendance nina Bb. Akhira May F. Licarte at Bb. Ma. Lealyn R. Salayog. Nagkaroon din ng masiglang energizer na pinangunahan nina G. Jommel Limbaga at Bb. Cherilou Borjal upang pasiglahin ang mga g**o na nasa programa.

Nagbigay ng pampasiglang mensahe si G. Benjamin Molina II, punong g**o ng paaralan, at ipinaliwanag naman ni Dr. Minalin S. Valeda, punong g**o I sa TLE, ang layunin ng website. Sinundan ito ng website walkthrough sa pangunguna ni Gng. Herminigilda E. Pabillo upang maipakita ang iba't ibang bahagi at nilalaman ng website. Tinapos ang programa sa pangwakas na pananalita ni Gng. Aurora G. Jimenez, punong g**o III sa TLE/TVL.

Pinangunahan nina G. Diosdado DC. Concepcion Jr. at Bb. Diana Rose D. Hermosura ang programa bilang mga emcee. Inaasahang makatutulong ang bagong inilunsad na website bilang pangunahing daluyan ng mga anunsiyo, balita, at mahahalagang impormasyon ng paaralan.

✍️ Isinulat ni : Akeisha Cyril Aguarri
📸 Kuhang larawan ni : Gng. Lovely Barette
🖥️ Lay-out ng Larawan : Angelique Fhilo Bartolome

𝐁𝐀𝐋𝐈𝐓𝐀 | Matagumpay na Finals ng Jingle Making ng Grade 9, Isinagawa sa Lakambini Hall

Bilang bahagi ng pagdiriwang para sa Buwan ng Values Education, matagumpay na isinagawa ngayong umaga ang pinal na kompetisyon sa paglikha ng jingle ng mga mag-aaral sa Baitang 9.

Bago pormal na simulan ang paligsahan, ipinakilala muna ang mga hurado na pinangunahan ni Ginang Eliza Bacani. Pagkatapos nito, itinalaga ang pagkakasunod-sunod ng pagtatanghal ng bawat pangkat.

Unang nagpakitang-gilas ang pangkat Malvar, sinundan ng Aguinaldo, pagkatapos ay Silang, at huling nagtanghal ang pangkat Mabini. Ipinamalas ng bawat pangkat mula sa baitang 9 ang kani-kanilang husay at talento, na umani ng masigabong palakpakan at paghanga mula sa mga hurado at manonood.

Matapos ang lahat ng pagtatanghal, inihayag ni Ginang Rosemary Juan ang mga nagwagi. Itinanghal na kampeon ang pangkat Malvar, sinundan ng pangalawang puwesto (1st runner-up) na Mabini, pangatlong puwesto (2nd runner-up) ang Aguinaldo, at pang-apat na puwesto (3rd runner-up) ang Silang.

Sa kabila ng pagiging abala sa iba’t ibang gawain sa paaralan, naging sulit at matagumpay ang pagsusumikap at walang-sawang pag-eensayo ng bawat pangkat. Patunay ito ng kanilang dedikasyon at pagnanais na maipamalas ang kanilang talento sa musika at malikhaing paglikha.

✍️ Isinulat ni : Alyssa Aguaviva
📝 Pagwawasto ng Sipi : Cheska Zen Cajes
🖥️ Lay-out ng Larawan : Rhian Joy Rosaceña
📌 Larawan mula sa mga mag-aaral ng 9-Malvar

𝐁𝐀𝐋𝐈𝐓𝐀 | Cosplay, Bumida sa Makulay na Pagtatapos ng Buwan ng Ingles sa MBASHS Unit-1

Idinaos ang isa sa pinakaaabangang gawain para sa Buwan ng Ingles—ang Pagpapanggap-Bilang-Karakter (Cosplay)—bilang pangwakas na selebrasyon kahapon, Nobyembre 27, sa MBASHS Unit-1. Layunin nitong maipakita ang talento at husay ng mga mag-aaral sa malikhaing pagganap at pag-arte bilang iba’t ibang karakter.

Pormal na sinimulan ang programa sa pamamagitan ng pambungad na awit at doksolohiya na pinangunahan ni Klyde Francis Villarin, pangulo ng Kapisanan sa Ingles. Sinundan ito ng pambungad na pananalita mula kay Annaliza Ngo, pinuno ng Kagawaran sa Ingles, at isang inspirasyonal na mensahe mula sa punong-g**o na si Ginoong Benjamin Molina.

Bago ang opisyal na pagrampa ng mga kalahok, ipinakilala muna ang mga hurado, kasunod ng pagpapaliwanag sa mga pamantayan sa paghusga na pinangunahan ni Ginang Melanie Marcos, g**o sa Ingles ng ika-10 baitang. Matapos nito ay rumampa ang mga g**ong kalahok mula sa iba’t ibang departamento, na umani ng sigla at palakpakan mula sa mga manonood.

Sumunod namang itinampok ang pagrampa ng mga kalahok sa indibidwal na kategorya, kung saan ipinamalas nila ang kanilang kahusayan sa pagganap at pagpoportray ng kani-kanilang karakter. Lubos nilang napahanga ang mga manonood na hindi napigilang humiyaw at pumalakpak.

Pagkatapos ng pagtatanghal, iginawad ang mga sertipiko bilang pagkilala sa mga lumahok mula sa Junior High School at Senior High School. Sinundan ito ng pagganap ng mga grupo sa pangkatang kategorya, na agad ding binigyan ng parangal at sertipiko matapos magpakitang-gilas.

Nagtapos ang buong kaganapan sa pagpaparangal sa mga nagwaging kalahok, kasunod ng isang intermisyon at pagtatanghal ng kampeon mula sa patimpalak na Musicalympics—isang makulay at masiglang pagtatapos sa selebrasyon ng Buwan ng Ingles sa paaralan.

✍️ Isinulat ni : Alyssa Aguaviva
🖥️ Lay-out ng Larawan: Angelique Fhilo Bartolome

🅾🅿🅸🆂🆈🅰🅻 🅽🅰 🆆🅴🅱🆂🅰🆈🆃 🅽🅶
M. B. ASISTIO SR. HIGH SCHOOL-Unit 1

https://www.facebook.com/share/p/1BuTbHRF3Q/?mibextid=wwXIfr

𝐁𝐀𝐋𝐈𝐓𝐀 | Matagumpay na Pagbubukas ng Festival of Talents ’25, Idinaos sa MBASHS UNIT-1

Idinaos ngayong Nobyembre 20, 2025, ganap na ika-8 ng umaga, ang Festival of Talents na may temang “Reading is a bridge to a future full of hope” na may layong ipamalas ang galing at pagkamalikhain ng mga mag-aaral mula sa iba’t ibang paaralan sa paggawa ng kanilang bidyokasiya.

Pormal na sinimulan ang programa sa pamamagitan ng pambungad na awit at panalangin na pinangunahan ni Bb. Cristina Gregorio, na sinundan ng pambungad na pananalita ni Dr. Sheila Molina at mensahe ni Dr. Allan Salum, Education Program Supervisor.

Sumunod dito ay ang pagpapakilala sa mga kalahok sa pamumuno ng kinatawan ni Jovy P. Bautista, at sinundan ng kahanga-hangang pagtatanghal ng mga mananayaw ng Teatro Filipino at Koro Filipino Singers sa kanilang awit, na parehong nagpakita ng natatanging husay. Pagkatapos nito ay ipinaliwanag naman ni Gng. Liza S. Aijon, punong-g**o VI ng MBASHS Main, ang mga panuntunan ng paligsahan.

Pagkatapos nito ay sinimulan nina Bb. Pamela Amor R. Villanueva, g**o sa Bagong Silang HS at Bb. Lea Gracia S. Morales, g**o sa Caloocan HS, ang kanilang talakayan kung saan nagbahagi sila ng mga payo, dapat na nilalaman ng bidyo, at iba pa.

Kasunod nito ay ang pagpasok ng mga kalahok sa silid para sa pagkalap ng mga impormasyon tungkol sa bidyokasiyang kanilang isasagawa. Pagkalipas ng mahigit 30 minuto, sila ay nagtungo sa iba't ibang lugar sa loob ng paaralan upang isagawa ang kanilang bidyokasiya.

Nagtapos ang kompetisyon sa pamamagitan ng pagpaparangal sa mga nagwagi at nag-uwi ng medalya na siyang nagpamukod-tangi sa kaganapan.

✍️ Isinulat ni : Akeisha Cyrile L. Aguarri
📝 Pagwawasto ng Sipi : Rhian Joy Rosaceña
📸 Kuhang larawan ni : Alyssa Aguaviva
🖥️ Lay-out ng Larawan: Angelique Fhilo Bartolome

𝐁𝐀𝐋𝐈𝐓𝐀 | Panunumpa ng Mga Opisyal, Pormal na Idinaos sa MBASHS UNIT-1

Isinagawa ang panunumpa ganap na alas-nuebe ng umaga sa covered court ng MBASHS UNIT-1 na dinaluhan ng mga pinuno mula sa iba’t ibang organisasyon.

Bago pormal na sinimulan ang programa, nagsagawa si Ginoong Jervin Sta. Monica ng panayam sa bawat baitang mula sa iba’t ibang organisasyon upang alamin ang kanilang opinyon tungkol sa isyu ng korapsyon.

Sinundan ito ng isang taimtim na panalangin na pinangunahan ni Charice Lourraine Tala-oc ng 10–Descartes, at ng makabayang awit na “Pilipinas Kong Mahal,” pinamunuan ito ni Maria Cristina Estinopo ng 11–ABM. Matapos nito ay binigkas ni Ginang Nancy Curutan ang pambungad na mensahe sa pamamagitan ng pagbati at pag-abot ng paghanga sa lahat ng mga pinunong dumalo. Sinundan ang mensahe ni Ginang Muniks Sevilla.

Pagkatapos ay tinawag sa entablado si Ginoong Benjamin Molina, punong-g**o ng paaralan, upang magbigay ng maikling mensahe bago isagawa ang panunumpa. Sunod na ipinatawag ang mga pangulo ng iba't ibang organisasyon upang pamunuan ang panunumpa sa kanilang tungkulin.

Nagtapos ang programa sa muling panunumpa na pinangunahan ng mga opisyal ng SSLG, na nagsisilbing pangunahing lider ng lahat ng mag-aaral sa paaralan.

✍️ Isinulat ni : Alyssa Aguaviva
📝 Pagwawasto ng Sipi : Rhian Joy Rosaceña
📸 Kuhang larawan ni : Gng. Lovely Barette
🖥️ Lay-out ng Larawan: Angelique Fhilo Bartolome

𝐁𝐀𝐋𝐈𝐓𝐀 | 𝐌𝐁𝐀𝐒𝐇𝐒 𝐔𝐧𝐢𝐭-𝟏: 𝐄𝐧𝐠𝐥𝐢𝐬𝐡 𝐅𝐚𝐢𝐫 𝟐𝟎𝟐𝟓, 𝐁𝐢𝐧𝐮𝐤𝐬𝐚𝐧!

Sinimulan kaninang umaga, 𝐍𝐨𝐛𝐲𝐞𝐦𝐛𝐫𝐞 𝟏𝟖, 𝟐𝟎𝟐𝟓, ng 𝐊𝐚𝐠𝐚𝐰𝐚𝐫𝐚𝐧 𝐧𝐠 𝐈𝐧𝐠𝐥𝐞𝐬 ang kanilang kapana-panabik na kaganapang 𝐄𝐧𝐠𝐥𝐢𝐬𝐡 𝐅𝐚𝐢𝐫, na pinilahan ng mga estudyante mula sa iba’t ibang baitang ng paaralan.

Inilunsad ng nasabing kagawaran ang isa sa mga pinaka-inaabangang aktibidad ngayong English Month, tampok ang iba’t ibang kubo na nag-alok ng mga makabuluhang palaraong may aral, aktibidad, at libro.

Isa sa mga booth na labis na nagpasaya sa mga estudyante ay ang larong 𝐖𝐢𝐜𝐤𝐞𝐝 𝐓𝐰𝐢𝐬𝐭, kung saan nasusubok ang kanilang 𝐩𝐚𝐠𝐢𝐠𝐢𝐧𝐠 𝐥𝐢𝐬𝐭𝐨 𝐬𝐚 𝐩𝐚𝐠-𝐢𝐢𝐬𝐢𝐩. Nariyan din ang 𝐅𝐢𝐱 𝐌𝐲 𝐒𝐞𝐧𝐭𝐞𝐧𝐜𝐞 na may twist, na sinusubok naman ang galing ng mga estudyante sa gramatika at wikang Ingles.

Tinangkilik din ng mga mag-aaral ang samo’t saring pagkain at palaro, kasama pa riyan ang pa-stamp na talaga namang pinagkaguluhan ng mga mag-aaral. Para naman sa mga mahilig magbasa, tampok sa kubo ng “Wicked Treats & Trinklet,” kung saan mabibili ang aklat na Alpas na awtomatikong kang masasama sa kanilang palabunutan na may katumbas na papremyo.

Nagtapos ang unang ataw ng English Fair nang matagumpay, matapos maghandog ng iba’t ibang makabuluhang aktibidad na nagpasigla sa lahat ng mga mag-aaral na nakisangkot. Dahil dito, naging makulay, masaya, at makabuluhan ang pagdiriwang ng English Month ngayong taon sa MBASHS Unit-1

✍️ Isinulat ni : Alyssa Aguaviva
📸 Kuhang larawan ni : Jheramie Baustista
🖥️ Lay-out ng Larawan: Angelique Fhilo Bartolome