22/10/2026
October 22, 2026 (Adlawng Huwebes) | PAGSAULOG SA INDIGENOUS PEOPLES MONTH 2026!🌿🥳🩷
Usa ka dakong kalipay ug kadungganan ang atong pagpakig-uban sa atong mga kaigsuonang Lumad sa pagsaulog sa Indigenous Peoples Month, usa ka espesyal nga okasyon nga naghatag og pag-ila, pagtahod, ug pagpasidungog sa ilang dato nga kultura, tradisyon, ug kabilin.
Malipayon kaayo kita isip usa sa mga sponsor sa balaodnon nga nagtumong sa paghimo sa Indigenous Peoples Month Celebration nga usa ka tinuig nga kasaulogan sa atong munisipyo. Kini usa ka mahinungdanong lakang aron masiguro nga ang atong mga tradisyon, kultura, ug kasaysayan padayong mapreserbar ug mapasidunggan sa matag henerasyon.
Ang maong kasaulogan gipangunahan sa atong Indigenous Peoples Mandatory Representative (IPMR), Datu Tinikdawan Freddie Sumonda, ubos sa pagpangulo sa atong Municipal Mayor, Hon. Gary D. Gary Casiño, uban sa panaghiusa ug aktibong partisipasyon sa atong mga kaigsuonang Lumad.
Nagtuo kita nga ang tinuod nga kalamboan dili lamang masukod sa mga proyekto ug imprastraktura, kondili usab sa atong pag-ila ug paghatag og bili sa kultura, katungod, ug dignidad sa matag lumulupyo.
Ang atong kultura mao ang atong identidad, ang atong tradisyon mao ang atong kabilin, ug ang atong panaghiusa mao ang pundasyon sa usa ka malambuong komunidad. 🌾🤝
Mabuhi ang atong mga kaigsuonang Lumad! Mabuhi ang atong mga tribu! Mabuhi ang Malitbog! ❤️
